ក្នុងនោះ លោក បានលើកឡើងថា គោលដៅនៃជីវិតមួយល្អបំផុតត្រូវមានកត្តាបីយ៉ាង ១.ហិរញ្ញវត្ថុសមរម្យ ២. សុខភាពល្អ និង ៣.អារម្មណ៍ល្អ។ កត្តាទាំងបីយ៉ាងនេះ ដែលមិនអាចចាប់ផ្តើមពីវ័យណាមួយឡើយ ពោល បើល្អបំផុត កាន់តែឆាប់ កាន់តែល្អ។

លើសពីនោះ លោកអគ្គនាយក បានបញ្ជាក់ថា កត្តាដែលធ្វើឱ្យយុវជនមួយចំនួនមិនទាន់មានការរៀបចំ សរសេរគោលដៅនៃជីវិតអាចមកពីកត្តាកន្លែងមជ្ឍដ្ឋានរស់នៅរួមមាន ការរៀនសូត្រ មិត្តដែលសេពគប់ជាមួយ។ ក្នុងន័យនេះ គឺព័ត៌មានដែលនាំឱ្យជាសម្ពាធពីអ្នកជុំវិញ។ អ្វីដែលជាដំណោះស្រាយនោះគឺ ការលើកទឹកចិត្តឱ្យមានការព្យាយាមចូលក្នុងវេទិកាសាធារណៈ ការអានសៀវភៅច្រើន។ លោក បញ្ជាក់ថា ការអានសៀវភៅច្រើន ធ្វើឱ្យយើងមានការយល់ឃើញ មានគំនិត ធ្វើឱ្យយើងមានការចង់បានអ្វីម្យ៉ាង។

ជាមួយគ្នានោះ អគ្គនាយកក្រុមហ៊ុន FWD Cambodia បានបន្ថែមថា ដើម្បីឲ្យយុវជនចេះសរសេរ រៀបចំនៃគោលដៅជីវិតឡើងវិញ មានពីរកត្តាធំៗ រួមមាន កត្តាខាងក្នុង និងខាងក្រៅ។ កត្តាខាងក្នុងនោះគឺ ខ្លួនឯង ត្រូវអានសៀវភៅ និងចូលរួមក្នុងវេទិកាសាធារណៈ ព្យាយាមស្គាល់មនុស្សជុំវិញ ជាកត្តាមួយធ្វើឱ្យពួកគាត់មានចិត្តគិតទៅដល់គោលដៅ។ ចំណែកផ្នែកទីពីរ គឺតួអង្គនៅក្នុងសង្គម ស្ថាប័ន ដែលមានការយល់ដឹង ត្រូវធ្វើការរំលឹកអំពីអ្នកដែលនៅជុំវិញឱ្យយល់អំពីសារសំខាន់នៃការបង្កើតគោលដៅ បង្ហាញពីដំណើរជីវិតពិតនាំឱ្យមានភាពជោគជ័យរបស់គាត់។

ទន្ទឹមនឹងនោះ លោកអគ្គនាយក បានសំណូមពរឱ្យសង្គម គ្រួសារ កន្លែងធ្វើការ សង្គមទូទៅ សហគមន៍ជុំវិញ គួរតែលើកទឹកចិត្តឱ្យមនុស្សម្នាក់ៗឆាប់មើលឃើញគោលដៅ ឆាប់គិតពីគោលដៅខ្លួនឯងពីក្មេងក៏ដោយ ដែលជារឿងសំខាន់។

សូមជម្រាបថា កម្មវិធីសិក្ខាសាលា ស្តីពី”របៀបសរសេរគោលដៅនៃជីវិត (អធិដ្ឋានចិត្ត)” នេះជាការសហការគ្នារវាង ក្រុមហ៊ុន VIPASSA រួមជាមួយនិង មូលនិធិធម្មឱសថ និង ហាងលក់គ្រឿងអលង្ការ CBVH ។ ដែលមានវត្តមាន វាគ្មិន ពូកែៗ ខាង អប់រំផ្លូវចិត្ត ដូចជា ភិក្ខុ វជិរប្បញ្ញោ គូ សុភាព សាស្ត្រាចារ្យនៃសាកលវិទ្យាល័យបញ្ញាសាស្ត្រកម្ពុជា ភិក្ខុ កស្យប ហ៊ុន ខេមរា ទីប្រឹក្សា ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា លោកស្រី អ៊ឹម វណ្ណឌី អគ្គនាយិកានៃហាងអលង្ការ CBVH លោក ចាន់ រដ្ឋា អគ្គនាយកក្រុមហ៊ុន FWD Cambodia និង លោក នឹម ឈុន្នី ស្ថាបនិក ក្រុមហ៊ុន VIPASSA៕

The post លោក ចាន់ រដ្ឋា÷ ការរៀបចំគោលដៅជីវិតមិនស្ថិតលើវ័យទេ រៀបចំឱ្យលឿនពេលណា ល្អពេលហ្នឹង appeared first on .

ព្រះវាគ្មិន និងវាគ្មិនដែលនិមន្ត និងអញ្ជើញផ្តល់កិត្តិយស រួមមាន៖ ភិក្ខុ វជិរប្បញ្ញោ គូ សុភាព សាស្ត្រាចារ្យនៃសាកលវិទ្យាល័យបញ្ញាសាស្ត្រកម្ពុជា, ភិក្ខុ កស្យប ហ៊ុន ខេមរា ទីប្រឹក្សាពុទ្ធមណ្ឌលវិបស្សនាធុរៈនៃកម្ពុជា,លោក នឹម ឈុន្នី ស្ថាបនិក ក្រុមហ៊ុន VIPASSA, លោក ចាន់ រដ្ឋា អគ្គនាយកក្រុមហ៊ុន FWD Cambodia និងលោកស្រី អ៊ឹម វណ្ណឌី អគ្គនាយិកានៃហាងអលង្ការ CBVH ។

នៅក្នុងកម្មវិធីរយៈពេល ៥ម៉ោងនោះ ព្រះវាគ្មិន និងវាគ្មិនកិត្តិយស បានចែករំលែកពីបទពិសោធន៍ជីវិត និងគន្លឹះល្អនៅក្នុងការរៀបចំសរសេរគោលដៅជីវិត ការអនុវត្ត ព្រមទាំងកត្តាដែលជំរុញលើគោលដៅជីវិតផងដែរ។

នៅក្នុងអង្គសិក្ខាសាលានោះលោក ចាន់ រដ្ឋា អគ្គនាយកក្រុមហ៊ុន FWD Cambodia បានចែកករំលែងហេតុផល បីយ៉ាងក្នុងការសម្រេចគោលដៅ គឺទី១) ហិរញ្ញវត្ថុសមរម្យ ទី២) សុខភាពល្អ និងទី៣) អារម្មណ៍ល្អ។ ពាក់ព័ន្ធ នឹងកត្តាទាំងបីយ៉ាងនេះ លោកថា យើងអាចចាប់ផ្ដើមក្នុងវ័យណាក៏បាន ប៉ុន្តែបើបានកាន់តែឆាប់កាន់តែល្អ ព្រោះថា ការគិតត្រូវ ធ្វើត្រូវនឹងដើរលើគោលដៅចំ និងឆាប់បានទទួលជោគជ័យ។

ជាមួយគ្នានេះដែរ លោកស្រី អ៊ឹម វណ្ណឌី អគ្គនាយិកានៃហាងអលង្ការ CBVH បានចែករំលែកពីរបៀបសរសេរគោលដៅជីវិតឲ្យបានត្រឹមត្រូវ និងការអនុវត្តដោយស្មារតីទទួលខុសត្រូវខ្ពស់ដែលជាកត្តាលីករជម្រុញឱ្យទទួលបានជោគជ័យ។ បើតាមលោកស្រី ការអនុវត្តផែនការឱ្យទទួលបានជោគជ័យត្រូវមានសកម្មភាពផ្ដោតទៅលើគោលដៅ ដូចជា កម្លាំងចិត្តកម្លាំងកាយ, ថាមពល, អារម្មណ៍ និងពេលវេលា។ យ៉ាងណាបើតាមបទពិសោធន៍នេះ លោកស្រីថា ដើម្បីទទួលបានលទ្ធផលល្អយើងត្រូវធ្វើសមាធិចិត្ត និងត្រូវសិក្សារៀនសូត្របន្ថែមទៀត។

កញ្ញា ហ៊ុយ ជីងម៉ា ដែលជាអ្នកចូលរួមសិក្ខាសាលាប្រចាំឆ្នាំ ក្រោមប្រធានបទ «របៀបសរសេរគោលដៅជីវិត (អធិដ្ឋានចិត្ត)» និងជាប្រធានផ្នែកលក់ក្នុងក្រុមហ៊ុនដឹងជញ្ជូនមួយនៅភ្នំពេញ ក៏បានលើកឡើងបង្ហាញពីគោលបំណងនៃការចូលរួមកម្មវិធីនេះថា ក៏ព្រោះតែកញ្ញាចង់ដឹងពីការកំណត់គោលដៅ ការធ្វើសមាធិចិត្ត និងការអនុវត្តដើម្បីទទួលលទ្ធផលល្អ។

កញ្ញាបញ្ជាក់ថា ជាលទ្ធផល ក្រោយពីចប់សិក្ខាសិលា កញ្ញាជីងម៉ា ទទួលបានមេរៀនជាច្រើន នឹងមានការតាំងចិត្តខ្ពស់ក្នុងការអនុវត្តគោលដៅរបស់ខ្លួនថែមទៀត។

សូមជម្រាបជូនថា សិក្ខាសាលាប្រចាំឆ្នាំ ក្រោមប្រធានបទ «របៀបសរសេរគោលដៅជីវិត (អធិដ្ឋានចិត្ត)» ត្រូវបានរៀបចំដោយ មូលនិធិធម្មឪសថ, ក្រុមហ៊ុន VIPASSA, ជាង ប៉ាក វណ្ណហុង ចូលរួមឧបត្ថម្ភដោយក្រុមហ៊ុន FWD Insurance ព្រមទាំងសហការផ្សព្វផ្សាយព័ត៌មានដោយស្ថាប័នអនឡាញល្បីឈ្មោះចំនួន ២ គឺគេហទំព័រឧកញ៉ាញូស៍ និងសារព័ត៌មាន AMS ៕

The post ស្ថាបនិកក្រុមហ៊ុន VIPASSA និងវាគ្មិនល្បីៗ ចែករំលែកពុទ្ធិដល់អ្នកមិនទាន់ចេះកំណត់គោលដៅជីវិត រយៈពេល ៥ម៉ោង appeared first on .