លោក ត្រាំ បានសរសេរនៅលើប្រព័ន្ធផ្សព្វផ្សាយសង្គម Truth Social របស់ខ្លួននៅថ្ងៃទី១២ ខែសីហាថា ៖​”អ្នកនាំពាក្យសេតវិមាន លោកស្រី Karoline Leavitt ដែលជាជំនួយការម្នាក់ក្នុងចំណោមជំនួយការដែលខ្ញុំទុកចិត្តបំផុត នឹងចាកចេញពីតំណែងរបស់នាងនៅចុងខែនេះ ដើម្បីចំណាយពេលបន្ថែមទៀតជាមួយកូនតូចៗពីរនាក់ និងក្រុមគ្រួសាររបស់គាត់”។

ប្រធានាធីបតីអាមេរិករូបនេះ បាននិយាយបន្ថែមទៀតថា លោកស្រី Leavitt បានបង្ហាញពីភាពជាអ្នកដឹកនាំពិតប្រាកដនៅសេតវិមាន ហើយបានធ្វើការងារដ៏ល្អឥតខ្ចោះក្នុងការតស៊ូដើម្បីយុត្តិធម៌ និងសេរីភាពចាប់តាំងពីឆ្នាំ២០១៨ មក រួមទាំងយុទ្ធនាការបោះឆ្នោតឡើងវិញជាប្រវត្តិសាស្ត្រឆ្នាំ២០២៤ ផងដែរ។ លោក ត្រាំ ថែមទាំងបានហៅលោកស្រី Leavitt ថាជា “អ្នកនាំពាក្យសេតវិមានដ៏ល្អបំផុតម្នាក់ក្នុងប្រវត្តិសាស្ត្រ” អាមេរិក ផងដែរ។

​ជម្រាបជូនផងដែរថា លោកស្រី Leavitt បានធ្វើជាអ្នកនាំពាក្យសេតវិមានដំបូង នៅអាយុ ២៧ឆ្នាំ ដែលជាមនុស្សមានវ័យក្មេងជាងគេបំផុតដែលធ្លាប់កាន់តំណែងនេះ នៅក្នុងប្រវត្តិសាស្ត្រអាមេរិក។ នៅពេលប្រកាសពីការតែងតាំងលោកស្រី Leavitt ក្នុងខែវិច្ឆិកា ឆ្នាំ២០២៤ លោក ត្រាំ បានកោតសរសើរអ្នកនាងថាជា “មនុស្សឆ្លាតវៃ រឹងមាំ និងជាមនុស្សដែលនឹងលេចធ្លោនៅលើវេទិកា”៕​

The post អ្នកនាំពាក្យវ័យក្មេងរបស់សេតវិមាន លាលែងចេញពីតំណែង ដើម្បីចំណាយពេលជាមួយគ្រួសារ appeared first on .

ការលើកឡើងពីក្រុមអ្នកនាំពាក្យនាយកដ្ឋមន្រ្តីនាពេលនេះ ត្រូវបានធ្វើឡើងតាមរយៈសេចក្តីបំភ្លឺព័ត៌មាន ស្តីពីការគាំទ្រ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក កម្ពុជា នៅលើបដាផ្សព្វផ្សាយនៅតំបន់ Time Square នៅទីក្រុងញូវយ៉ក សហរដ្ឋអាមេរិក នៅថ្ងៃទី២៥ ខែកញ្ញា ឆ្នាំ២០២៣។

តាមរយៈសេចក្តីបំភ្លឺព័ត៌មានខាងលើ ក្រុមអ្នកនាំពាក្យរបស់នាយករដ្ឋមន្ត្រី បានជម្រាបជូនដល់សាធារណជនទាំងអស់ឱ្យបានជ្រាបថា នៅក្នុងអំឡុងពេល សម្តេច ហ៊ុន ម៉ាណែត អញ្ជើញចូលរួមក្នុង “កិច្ចពិភាក្សាទូទៅ នៃមហាសន្និបាតអង្គការសហប្រជាជាតិ លើកទី៧៨ នៅទីក្រុងញូវយ៉ក សហរដ្ឋអាមេរិក ចាប់ពីថ្ងៃទី២១-២៥ ខែកញ្ញា ឆ្នាំ ២០២៣ មានការចោទប្រកាន់ពីក្រុមដែលមាននិន្នាការនយោបាយប្រឆាំងនឹងរាជរដ្ឋាភិបាលអំពីការផ្សព្វផ្សាយតាមបដា គាំទ្រ សម្ដេចធិបតី នៅតំបន់ Tire Square ថា ជាការរៀបចំ និងការចំណាយថវិកាខ្ជះខ្ជាយរបស់រាជរដ្ឋាភិបាលកម្ពុជា។

ក្រុមអ្នកនាំពាក្យរបស់នាយករដ្ឋមន្ត្រី បានបង្ហាញសោកស្តាយយ៉ាងខ្លាំងចំពោះការចោទប្រកាន់ដោយគ្មានមូលដ្ឋាន និង គ្មានអំណះអំណាងច្បាស់លាស់ ដែលផ្ទុយពីការពិតទាំងស្រុង ក្នុងគោលបំណងបំភាន់សាធារណមតិជាតិ និងអន្តរជាតិ។

ក្នុងនោះ ពាក់ព័ន្ធនឹងការផ្សព្វផ្សាយគាំទ្រ សម្ដេចធិបតី តាមរយៈបដាខាងលើ ក្រុមអ្នកនាំពាក្យរបស់នាយករដ្ឋមន្ត្រី បានបញ្ជាក់ថា ការរៀបចំបដាផ្សព្វផ្សាយខាងលើពុំមែនជាការចាត់តាំងឱ្យរៀបចំដោយរាជរដ្ឋាភិបាលកម្ពុជា ហើយក៏មិនបានចំណាយថវិការបស់រាជរដ្ឋាភិបាលនោះដែរ។

ជាមួយគ្នានេះ ការរៀបចំបដាផ្សព្វផ្សាយខាងលើ គឺផ្តើមចេញពីមនោសញ្ចេតនា ទឹកចិត្តស្រលាញ់ និងការគាំទ្រ របស់បងប្អូន ប្រជាពលរដ្ឋខ្មែរ ដែលកំពុងរស់នៅសហរដ្ឋអាមេរិក និងកាណាដា ចំពោះ សម្តេច ក្នុងនាមជានាយករដ្ឋមន្ត្រីថ្មី ក្នុងដំណើរអញ្ជើញចូលរួមជាលើកទី១ ក្នុង“កិច្ចពិភាក្សាទូទៅ នៃមហាសន្និបាតអង្គការសហប្រជា ជាតិ លើកទី៧៨ នៅទីក្រុងញូវយ៉ក សហរដ្ឋអាមេរិក ចាប់ពីថ្ងៃទី២១-២៥ ខែកញ្ញា ឆ្នាំ២០២៣។

យ៉ាងណាមិញ ក្រុមអ្នកនាំពាក្យនាយករដ្ឋមន្រ្តី ក៏បានប្រកាសឱ្យសាធារណជនទាំងអស់ជ្រាបជាព័ត៌មានជុំវិញរឿងនេះផងដែរ៕

អត្ថបទ៖ ពិសី

The post ក្រុមអ្នកនាំពាក្យ៖ រដ្ឋ មិនបានចំណាយថវិកាលើបដាផ្សព្វផ្សាយនៅតំបន់ Time Square នាទីក្រុងញូវយ៉កនោះឡើយ appeared first on .