ថ្លែងបែបនេះកាលរសៀលថ្ងៃទី០៥ ខែមេសា ឆ្នាំ២០២៦ នាឱកាសលោក អញ្ជើញក្នុងកិច្ចប្រជុំបូកសរុបលទ្ធផលការងារឆ្នាំ២០២៥ និងលើកទិសដៅបន្តឆ្នាំ២០២៦ និងសំណេះសំណាលជាមួយ មន្ត្រីរាជការ មន្ត្រីកិច្ចសន្យា និវត្តជន និងកម្មករ នៃមន្ទីរសាធារណការ និងដឹកជញ្ជូនខេត្តកំពង់ចាម។

លោក អ៊ុន ចាន់ដា បានថ្លែងថា ដើម្បីធានាបាននូវសុវត្ថិភាព និងភាពសប្បាយរីករាយក្នុងគ្រួសារ លោកអភិបាលខេត្តបានសង្កត់ធ្ងន់លើចំណុចសំខាន់ៗមួយចំនួនដូចខាងក្រោម៖ ១. ដាច់ខាតមិនត្រូវបើកបរក្នុងស្ថានភាពស្រវឹង ដែលជាមូលហេតុចម្បងនៃគ្រោះថ្នាក់ចរាចរណ៍។ ២.បើកបរក្នុងល្បឿនដែលច្បាប់កំណត់ និងយោគយល់អធ្យាស្រ័យគ្នាទៅវិញទៅមកក្នុងពេលធ្វើដំណើរ។ ៣. មុននឹងធ្វើដំណើរឆ្ងាយ ត្រូវពិនិត្យហ្វ្រាំង សំបកកង់ និងភ្លើងសញ្ញាឱ្យបានត្រឹមត្រូវ។ ៤.ត្រូវពាក់មួកសុវត្ថិភាព (ទាំងអ្នកបើកបរ និងអ្នករួមដំណើរតាមម៉ូតូ) និងពាក់ខ្សែក្រវាត់សុវត្ថិភាពសម្រាប់រថយន្ត។

ជាមួយគ្នានេះលោកអភិបាលខេត្ត ក៏បានបញ្ជាឱ្យកងកម្លាំងសមត្ថកិច្ចគ្រប់លំដាប់ថ្នាក់ ក្នុងខេត្តកំពង់ចាម ត្រៀមលក្ខណៈជួយសម្រួលចរាចរណ៍ និងពង្រឹងសន្តិសុខសណ្តាប់ធ្នាប់តាមដងផ្លូវ និងតាមរមណីយដ្ឋាននានា ដើម្បីបង្កលក្ខណៈងាយស្រួលដល់បងប្អូនប្រជាពលរដ្ឋមកកម្សាន្តក្នុងខេត្តកំពង់ចាមឱ្យបានសប្បាយរីករាយបំផុត៕ អត្ថបទ៖ហ្សាលីន

The post ខេត្តកំពង់ចាម ប្រាប់ឱ្យពលរដ្ឋប្រុងប្រយ័ត្ន និងគោរពច្បាប់ចរាចរណ៍ក្នុងឱកាសបុណ្យចូលឆ្នាំថ្មី appeared first on .

ថ្លែងក្នុងពិធីជួបសំណេះសំណាលជាមួយប្រជាការពារ ក្នុងក្រុងកំពង់ចាម ដែលធ្វើឡើងកាលថ្ងៃទី៥ ខែមេសា ឆ្នាំ២០២៦ នៅសាលាខេត្តកំពង់ចាម លោក អ៊ុន ចាន់ដា បានបញ្ជាក់ថា ក្នុងនាមប្រជាការពារ កិច្ចការដែលត្រូវធ្វើនោះ គឺមានតួនាទីជាសេនាធិការឲ្យអាជ្ញាធរមានសមត្ថកិច្ច ពោលគឺធ្វើសេនាធិការឲ្យប៉ុស្តិ៍រដ្ឋបាលឃុំ ធ្វើសេនាធិការឱ្យមេឃុំ ចៅសង្កាត់ ធ្វើសេមាធិការឲ្យរដ្ឋបាលក្រុងកំពង់ចាមជាដើម។

លោកអភិបាលខេត្តបានបន្តថា ភារកិច្ចជាសេនាធិកានោះ គឺការចូលរួមជាមួយសមត្ថកិច្ចកងកម្លាំងរបស់យើង ក្នុងការរក្សានូវសណ្ដាប់ធ្នាប់ ចូលរួមនៅក្នុងការរៀបចំសណ្តាប់ធ្នាប់សាធារណៈ ឲ្យបានល្អប្រសើរ ដូចជាការសម្រួលចរាចរ បញ្ជៀសការកកស្ទះជាដើម។

លោកអភិបាលខេត្ត ក៏បានយកឱកាសនោះថ្លែងកោតសរសើរដល់កម្លាំងប្រជាការពារទាំងអស់ ថ្វីត្បិតតែគ្មានប្រាក់បៀវត្ស ប៉ុន្តែកន្លងមកបានខិតខំប្រឹងប្រែងធ្វើការងារដើម្បីរក្សាសណ្ដាប់ធ្នាប់សាធារណៈបានល្អប្រសើរ។ ជាមួយនឹងការកោតសរសើរនេះ ថ្នាក់ដឹកនាំក្រុមការងារចុះជួយក្រុងកំពង់ចាម បានផ្ដល់នូវសម្ភារៈមធ្យោបាយ ជាការលើកទឹកចិត្តដល់បងប្អូនយកទៅបម្រើការងារ សម្រាប់កំណប់សម្គាល់កម្លាំងប្រជាការពារនៅក្នុងមូលដ្ឋានរបស់ខ្លួន។

លោកអភិបាលខេត្ត បានលើកឡើងផងដែរថា បច្ចុប្បន្នក្រសួងមហាផ្ទៃកំពុងបានគិតគូរ ដើម្បីឲ្យរៀបចំឯកសណ្ឋានឱ្យមានលក្ខណៈផ្លូវការមួយដល់ប្រជាការពាររបស់យើង បូករួមទាំងស្លាកសញ្ញាសំគាល់ប្រជាការពារ ដូចអ្វីដែលនគរបាលមាននោះដែរ ដើម្បីកំណត់សម្គាល់កម្លាំងប្រជាការពារទូទាំងប្រទេសតែម្ដង៕ អត្ថបទ៖ហ្សាលីន

The post អភិបាលខេត្តកំពង់ចាម ណែនាំឲ្យកម្លាំងប្រជាការពារ ជួយថែរក្សាសន្តិសុខគ្រប់មូលដ្ឋានក្នុងឱកាសបុណ្យចូលឆ្នាំ appeared first on .

លោក ផន រឹម បានឱ្យដឹងថា កំពង់ផែទេសចរណ៍ដែកបណ្តែតទឹកក្រុងកំពង់ចាម ស្ថិតនៅទីតាំងទីលានចំណតកំពង់ចម្លងចាស់ ដែលមានវានាដឹកជញ្ជូនភ្ញៀវទេសចរអន្តរជាតិពីប្រទសវៀតណាម ចូលចតទៅតាមកាលវិភាគដែលបានគ្រោងទុក។

លោកបន្តថា ការដាក់ដំណើរប្រតិបត្តិការកំពង់ផែនេះនៅពេលអនាគត ពិតជាផ្តល់ឱកាសដ៏វិសេស ដើម្បីអភិវឌ្ឍតំបន់ក្រុងកំពង់ចាម ឲ្យមានការរីកចម្រើនបានយ៉ាងឆាប់រហ័ស។ម្យ៉ាងវិញទៀត ស្ថិតនៅក្នុងទីតាំងភូមិសាស្ត្រជាប់នឹងគម្រោងពង្រីកផ្លូវនាវាចរណ៍ពីភ្នំពេញមកកំពង់ចាម និងផ្លូវនាវាចរណ៍ព្រែកជីកហ្វូណនតេជោ កំពង់ផែទេសចរណ៍នេះ នឹងបន្តទទួលភ្ញៀវទេសចរកាន់តែច្រើនថែមទៀតនៅពេលអនាគត។

នៅពេលសាងសង់ចប់រួចរាល់ កំពង់ផែទេសចរណ៍ដែកបណ្តែតទឹកក្រុងកំពង់ចាម នឹងត្រូវប្រគល់ជូនរដ្ឋបាលខេត្តកំពង់ចាមជាអ្នកគ្រប់គ្រង និងប្រតិបត្តិការ។ 

បើតាមលោក ផន រឹម ផ្អែកតាមផែនការនៃការអនុវត្តគម្រោង ការសាងសង់សំណង់កំពង់ផែទេសចរណ៍ដែកបណ្តែតទឹកសម្រាប់ដំណាក់កាលទី១នេះ នឹងប្រើប្រាស់រយៈពេល ២៤ ខែ។ ជាមួយគ្នានេះផងដែរ ការសាងសង់ហេដ្ឋារចនាសម្ព័ន្ធដំណាក់កាលទី២ ដែលរួមមាន អគាររដ្ឋបាល និងកន្លែងរង់ចាំសម្រាប់ភ្ញៀវទេសចរ នឹងចាប់ផ្តើមនៅឆ្នាំ២០២៦។

ទន្ទឹមនឹងនោះ ក្រសួងសាធារណការ និងដឹកជញ្ជូន បានប្តេជ្ញាខិតខំបញ្ចប់ការសាសង់គម្រោងដ៏សំខាន់នេះឲ្យរួចរាល់តាមការគ្រោងទុក៕

The post រាជរដ្ឋាភិបាល នឹងសាងសង់កំពង់ផែបណ្តែតទឹក នៅខេត្តកំពង់ចាម appeared first on .

យ៉ាងណាមិញ ដើម្បីស្រាយចម្ងល់បងប្អូនមួយចំនួនដែលមិនទាន់ដឹងអត្ថន័យពីព្រឹត្តិការណ៍នេះ រដ្ឋបាលខេត្តកំពង់ចាម នៅថ្ងៃទី៨ ខែមេសានេះ បានបកស្រាយពីអត្ថន័យព្រឹត្តិការណ៍ លៀសហាលកំពង់ចាម ១,០០០ម៉ែត្រ ដូចខាងក្រោម៖

១- ការរៀបចំលៀសហាល ១,០០០ម៉ែត្រ ព្រោះលេខ ១,០០០ មកពីភាសាសំស្ក្រឹត «សហស្ស” តំណាងឱ្យចំនួនដ៏ច្រើន ដូចជាគេប្រើថា «ឧសថសហស្សគុណ» ឱសថព្យាបាលជំងឺមួយ ពាន់មុខ ឬឱសថអាចព្យាបាលជំងឺច្រើនអនេក «សហស្សនេត្រ» ភ្នែកមួយពាន់ ឬភ្នែក អាចមើលឃើញទីអាថ៌កំបាំងបានយ៉ាងច្រើនភ្លាមៗ «សហស្សរង្សី» ពន្លឺព្រះអាទិត្យច្រើន អនេក “គាថាពាន់» គាថាជាភាសាបាលីសុទ្ធ មួយពាន់គាថា ក្នុងរឿងព្រះវេសន្តរ” ។ល។ ដូច្នេះ លៀសហាលកំពង់ចាម ១,០០០ម៉ែត្រ មានន័យថាខេត្តកំពង់ចាម ជាខេត្តមួយ ដែលមានវត្តមាន លៀសហាល ដ៏ច្រើនលើសលប់ ល្បីល្បាញទូទាំងប្រទេស។

២- លៀសហាល គឺជាមុខអាហារមួយប្រភេទ ដែលត្រូវបានផ្សារភ្ជាប់ជាមួយនឹងជីវភាពរស់នៅ ប្រចាំថ្ងៃរបស់ប្រជាជនខ្មែរ រយៈកាលរាប់ពាន់ឆ្នាំមកហើយ។ មិនត្រឹមតែជាមុខអាហារដ៏ មានឱជារសប៉ុណ្ណោះទេ លៀសហាល បានជួយលើកកម្ពស់ជីវភាពរស់នៅរបស់ប្រជាជន ខ្មែរថែមទៀតផង។

៣- លៀសហាល ១,០០០ម៉ែត្រ ជាចំនួនដ៏ច្រើន គឺវាបង្ហាញអំពីឆន្ទៈនៃការដឹកនាំ និងសាមគ្គីភាព ក្រោមម្លប់សន្តិភាព ដែលជាមូលដ្ឋានក្នុងការរៀបចំ ពោលគឺបើគ្មានសន្តិភាព គ្មានការ ដឹកនាំ និងសាមគ្គីភាព ព្រឹត្តិការណ៍លៀសហាល ១,០០០ម៉ែត្រ នឹងមិនអាចរៀបចំបានឡើយ។ មិនតែប៉ុណ្ណោះ វាជាសារជូនទៅដល់ប្រជាពលរដ្ឋថា ខ្មែរធ្វើបាន ឱ្យតែរក្សាបាននូវសន្តិភាព នូវថ្នាក់ដឹកនាំដ៏ល្អរបស់យើង និងសាមគ្គីភាពរបស់ប្រជាជន។

សូមបញ្ជាក់ថា លៀសហាលកំពង់ចាម ១,០០០ម៉ែត្រ រៀបចំតែមួយថ្ងៃ គឺថ្ងៃទី១៥ ខែមេសា ឆ្នាំ២០២៥ ចាប់ពីវេលាថ្ងៃត្រង់តទៅ។ ចំពោះទីតាំង គឺចាប់ពីមុខសាលាខេត្តកំពង់ចាម រហូតដល់រង្វង់មូលផ្លូវភ្លោះព្រះមុនីវង្ស និងបត់តាមផ្លូវភ្លោះ ឆ្ពោះទៅវេទិកាអុំទូក ក្រុងកំពង់ចាម។ លៀសហាលកំពង់ចាម ១,០០០ម៉ែត្រ ជូនបងប្អូនប្រជាពលរដ្ឋដែលអញ្ជើញមកលេងកំសាន្តនៅសង្ក្រាន្តកំពង់ចាម ពិសាដោយឥតគិតថ្លៃ។

ទន្ទឹមនឹងនេះ រដ្ឋបាលខេត្តកំពង់ចាមក៏បានអំពាវដល់ប្រជាពលរដ្ឋ ភ្ញៀវទេសចរណ៍ជាតិ-អន្តរជាតិ អញ្ជើញមកលេងកម្សាន្តសប្បាយក្នុងព្រឹត្តិការណ៍ សង្ក្រាន្តកំពង់ចាម និងភ្លក្សរសជាតិ លៀសហាលកំពង់ចាម ១,០០០ម៉ែត្រ ដោយសប្បាយរីករាយផងដែរ៕

The post មកដឹងពីអត្ថន័យ ព្រឹត្តិការណ៍ លៀសហាលកំពង់ចាម ១,០០០ម៉ែត្រ ក្នុងកម្មវិធីសង្រ្កាន្តខេត្តកំពង់ចាម appeared first on .

នាឱកាសនោះ លោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម​  បានឱ្យដឹងទៀតថា ក្រោមការដឹកនាំរបស់សម្តេច ហ៊ុន ម៉ាណែត នាយករដ្ឋមន្ត្រី បានបន្តរក្សាបាន នូវស្ថេរភាពនយោបាយ សេដ្ឋកិច្ច សង្គមមានការអភិវឌ្ឍន៍លើគ្រប់វិស័យ​ ក្នុងនោះខេត្តកំពង់ចាម ទទួលបានការអភិវឌ្ឍន៍ និងរីកចម្រើនគួរឱ្យកត់សំគាល់ ដែលធ្វើឱ្យប្រជាជនមានជីវភាពធូរធារ​។

លោកអះអាងទៀតថា សមិទ្ធផលខេត្តកំពង់ចាមដែលសម្រេចបាននេះ គឺបានពីកត្តាសន្តិសុខ និងសន្តិភាព ក្នុងប្រទេស ហេតុនេះយើងទាំងអស់គ្នា ត្រូវរួមគ្នាបន្តថែរក្សាសន្តិភាព ដើម្បីបន្តការអភិវឌ្ឍរីកចម្រើនរបស់សង្គមជាតិ ជាពិសេសគឺបន្តអភិវឌ្ឍន៍ខេត្តកំពង់ចាមរបស់យើងឱ្យកាន់តែមានការរីកចម្រើនជាងនេះបន្តទៀត​ផងដែរ​។

បើតាមលោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម បញ្ជាក់ថា នៅឆ្នាំ២០២៤ ទំហំសេដ្ឋកិច្ចរបស់ខេត្តកំពង់ចាម មានកំណើន ៨,៦% ស្មើនឹង ២.៦៥៧លានដុល្លារ ក្នុងនោះ វិស័យ កសិកម្មមានទំហំ ១.០៣៤ លានដុល្លា, វិស័យឧស្សាហកម្ម មានទំហំ ៨៥៧ លានដុល្លា និងវិស័យ សេវាកម្មមានទំហំ ៧៦៦លានដុល្លា និងមាន GDP សម្រាប់មនុស្សម្នាក់ៗ ចំនួន ២.៣១១ដុល្លារ ក្នុងមួយឆ្នាំ។

អភិបាលខេត្តរូបនេះ ក៏បានអះអាងបន្ថែមថាតាមការរំពឹងទុកនៅឆ្នាំ២០២៥ ខេត្តកំពង់ចាម មានទំហំសេដ្ឋកិច្ចនឹងកើនដល់ ២.៨៦៧លានដុល្លា​ និងមានGDP មនុស្សម្នាក់ៗនឹងកើនដល់២.៤៧៨ដុល្លាក្នុងមួយឆ្នាំ៕ អត្ថបទ៖ ហ្សាលីន

The post ទំហំសេដ្ឋកិច្ចខេត្តកំពង់ចាម មានកំណើនជិត៩ % ឬស្មើ ២.៦៥៧លានដុល្លារ គិតត្រឹមឆ្នាំ២០២៤ appeared first on .

កម្មវិធីវគ្គបណ្តុះបណ្តាលនេះ ទទួលបានការគាំទ្រពីគម្រោង មូលនិធិអភិវឌ្ឍន៍ជំនាញ(SDF) និងរៀបចំ ដោយ FASMEC និង TEDPដោយមានគោលដៅ បណ្ដុះបណ្ដាលចំណេះជំនាញ ប្រសិទ្ធភាពនៃការគ្រប់គ្រងធនធានមនុស្ស​ សម្រាប់SME  ជូនដល់ម្ចាស់សហគ្រាស ដែលបានចូលរួមចំនួន ៣២នាក់។

សូមរម្លឹកផងដែរថា គម្រោងវគ្គបណ្ដុះបណ្ដាល ប្រសិទ្ធភាពនៃការគ្រប់គ្រងធនធានមនុស្ស SME បានសម្ពោធ កាលពីថ្ងៃទី២៤ ខែមិថុនា ឆ្នាំ២០២៤ ដែលអញ្ជើញចូលរួមសម្ពោធដោយ ឧកញ៉ា តែ តាំងប៉ ព្រមទាំងសមាជិកក្រុមប្រឹក្សាភិបាល។

គួរបញ្ជាក់ផងដែរថា កម្មវិធី សម្ពោធគម្រោងវគ្គបណ្ដុះបណ្ដាល ប្រសិទ្ធភាពនៃការគ្រប់គ្រងធនធានមនុស្ស SME មានគោលបំណងដើម្បីផ្សព្វផ្សាយ និងចែករំលែកដល់សហគ្រាសធុនតូច និងមធ្យមនៅទូទាំងប្រទេសកម្ពុជាបានដឹង និងត្រៀមខ្លួនក្នុងការចូលរួមវគ្គបណ្តុះបណ្តាល៕

The post ឧកញ៉ា សួង​ សារុន តំណាងឧកញ៉ា តែ តាំងប៉ អញ្ជើញជាអធិបតីកម្មវិធីបើកវគ្គបណ្តុះបណ្តាល«ប្រសិទ្ធភាពនៃការគ្រប់គ្រងធនធានមនុស្សសម្រាប់SME»ដល់ម្ចាស់សហគ្រាសខេត្តកំពង់ចាម appeared first on .

កម្មវិធីបើកវគ្គបណ្តុះបណ្តាលស្តីអំពី «ទីផ្សារឌីជីថល»នេះ ក៏មានម្ចាស់សហគ្រាស ចូលរួមចំនួន ៣៥នាក់ ផងដែរ។

វគ្គបណ្តុះបណ្តាលនេះ ទទួលបានការគាំទ្រពីគម្រោង មូលនិធិអភិវឌ្ឍន៍ជំនាញ(SDF) និងរៀបចំ ដោយ FASMEC និង Agile Development Group  ដោយមានគោលដៅ បណ្ដុះបណ្ដាលចំណេះជំនាញ ទីផ្សារឌីជីថលជូនដល់ម្ចាស់សហគ្រាសទាំង៣៥រូបនោះ។

សូមបញ្ជាក់ថា កម្មវិធីបើកវគ្គបណ្តុះបណ្តាលស្តីអំពី « ទីផ្សារឌីជីថល » ដល់សហគ្រាសធុនតូច និងមធ្យម គឺជាកម្មវិធីមួយក្នុងផែនការឆ្នាំ២០២៤ របស់ FASMEC ដែលគ្រោងរៀបចំវគ្គបណ្តុះបណ្តាល ការធ្វើទីផ្សារឌីជីថលនេះ ដល់សហគ្រាសធុនតូច និងមធ្យម ទូទាំង ២៥ រាជធានី/ខេត្ត៕

The post ឧកញ៉ា តែ តាំងប៉ អញ្ជើញជាអធិបតីកម្មវិធីបើកវគ្គបណ្តុះបណ្តាល « ទីផ្សារឌីជីថល » ដល់សហគ្រាសធុនតូច និងមធ្យម នៅខេត្តកំពង់ចាម appeared first on .

ការប្រគំតន្រ្តីនឹងចាប់ផ្ដើមនៅថ្ងៃទី ០៦ និង ០៧ ខែមេសា ឆ្នាំ២០២៤ នេះ ដែលមានទីតាំង ទល់មុខសួនកំពង់រង់ចាំ (កោះពេជ្យ) ក្រុងកំពង់ចាម ចាប់ពីម៉ោង ០៨:០០ យប់ ដល់ម៉ោង១១:៣០យប់ ។

កំពូល តារាចម្រៀងដែល នឹងចូលរួមច្រៀង មានដូចជា កំពូលតារាចម្រៀងប្រចាំប្រទេស លោក ព្រាប សុវត្ថិ, លោក ឧកញ៉ា ខេមរៈ សិរីមន្ត, លោក ខេម, កញ្ញា តន់ ចន្ទសីម៉ា និងតារាចម្រៀងជាច្រើនរូបទៀត រួមមាន លោក ខាន់ ជេមស៌, លោក គូម៉ា, លោក សុវត្ថិ មុនីវណ្ណ, អ្នកនាង ខាត់ សួស្តី, កញ្ញា ហ៊ិន លីដា, លោក Nak Fake, លោក រាជ ប្រាថ្នា និង លោក យឿន ពិសី។

ក្រៅ ពីការប្រគុំតន្ត្រី របស់តារាចម្រៀង ដែល បានរៀបរាប់ ខាងលើ ក៏ មានអមមកជាមួយការសម្ដែងshowពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេសSoundទំនើបចុងក្រោយ និងភ្លើងចម្រុះពណ៏ ដ៏អស្ចារ្យ ដែលមិនធ្លាប់មានពីមុន ។ ព្រឹត្តការណ៍ដ៏អស្ចារ្យនេះ បងប្អូនអាចចូលរួមដោយសេរី ៕

The post សប្បាយមុនចូលឆ្នាំ អ្នកខេត្តកំពង់ចាម ជាមួយ មហាព្រឹត្តការណ៍ប្រគំតន្រ្តីប្រចាំប្រទេស Exprez Tour Concert ប្រជុំដោយកំពូល តារាល្បីៗ appeared first on .

ឈ្មោះ ទន់ ឆៃអ៊ាង ដែលល្បីថាមានគោរមងារ«ឧកញ៉ា» បច្ចុប្បន្នកំពុងកាន់តួនាទីជាប្រធានក្រុមប្រឹក្សាភិបាលនៃក្រុមហ៊ុន ព្រីមៀរ៍ ផាក ឯ.ក (Premier Park) ​រកស៊ី​លើ​វិស័យ​អចលនទ្រព្យមាន​ដូចជា​ផ្ទះល្វែង បុរី និង​ដីឡូតិ៍។ ក្នុងក្រុមហ៊ុនអភិវឌ្ឍន៍អចលនទ្រព្យនេះ ភរិយារបស់លោក គឺលោកស្រី សួន ណាផា ក៏មានតួនាទីក្នុងសមាសភាពក្រុមប្រឹក្សាភិបាល និងជាអគ្គនាយិកាក្រុមហ៊ុន ព្រីមៀរ៍ ផាក។

ក្រុមហ៊ុន ព្រីមៀរ៍ ផាក ត្រូវបានទទួលស្គាល់ជាសមាជិកគាំទ្រសមាគមអ្នកអភិវឌ្ឍន៏លំនៅឋានកម្ពុជារបស់អ្នកឧកញ៉ា លី ហួរ ដែលតំណាងដោយលោកស្រី សួន ណាផា ក្នុងនាមក្រុមប្រឹក្សាភិបាល កាលពីថ្ងៃទី២៨ ខែតុលា ឆ្នាំ២០២២។ ក្រៅពីលោក ទន់ ឆៃអ៊ាង និងលោកស្រី សួន ណាផា ក្រុមហ៊ុននេះមានម្ចាស់ភាគហ៊ុននិងថ្នាក់ដឹកនាំមួយចំនួនទៀត ក្នុងនោះក៏មានលោក ជុំ វីរៈ និងលោក ឈួរ ឈុនហួរ ហើយកំពុងក្តាប់តំណែងអគ្គនាយករងដូចគ្នា ប៉ុន្តែទទួលផែនការផ្សេងគ្នា។ នេះបើតាមប្រភពបង្ហើបប្រាប់សារព័ត៌មានឧកញ៉ាញូស៍ (Oknha News)។

ក្រៅពីវិស័យអចលនទ្រព្យលោក ទន់ ឆៃអ៊ាង ក៏ជាម្ចាស់តំបន់កម្សាន្តថ្មីទើបអភិវឌ្ឍន៍ដែលអ្នកស្រុកហៅថា «រមណីយដ្ឋានកោះស្នេហ៍» ស្ថិតនៅភូមិត្នោតក្រោម ឃុំឫស្សីស្រុក ស្រុកស្រីសន្ធរ ខេត្តកំពង់ចាម។

«រមណីយដ្ឋានកោះស្នេហ៍» ក៏ត្រូវបានលោក ទន់ ឆៃអ៊ាង ធ្វើការចាក់ខ្សាច់រាប់រយទូកដើម្បីលុបពង្រីកជាតំបន់កោះទម្រាំបានចេញជាកន្លែងទេសចរណ៍ដែលអ្នកស្រុកស្រីសន្ធរកំពុងចាប់អារម្មណ៍ ហើយទីតាំងនេះក៏ធ្លាប់រៀបចំកន្លែងប្រណាំងទូកងលក្ខណៈមិត្តភាពសម្រាប់អ្នកស្រឡាញ់វិស័យកីឡាទូកង ពីមកពីស្រុកស្រីសន្ធរ និងស្រុកកងមាសនៃខេត្តកំពង់ចាម ដែលលោក ទន់ ឆៃអ៊ាង និងសប្បុរសជនផ្សេងទៀតតែងចេញមុខក្នុងការឧបត្ថម្ភរៀបចំព្រឹត្តិការណ៍អុំទូកនាពេលកន្លងមក។

តាមសារព័ត៌មានក្នុងស្រុកមួយចំនួនបាននិយាយថា «លោក ឆៃអ៊ាង ​ក៏​ជា​ឈ្មួញ​រកស៊ី​លក់ឈើទៀតផង។ ក្រៅ​ពី​នេះលោកហាក់​មាន​ទំនាក់ទំនង​ជិតស្និទ្ធ​ជាមួយ​អាជ្ញាធរ​ខេត្ត​កំពង់ចាម​ ក្នុងនោះកាលពី​ឆ្នាំ​២០២១ ​លោកបាន​ជួយ​សាងសង់​អគារ​ថ្មី​មួយ​កន្លែងឱ្យ​ប៉ុស្តិ៍​នគរបាល​រដ្ឋបាល​ឃុំ​កោះអណ្ដែត ស្រុក​ស្រីសន្ធរ ដែល​ចំណាយ​ទឹកប្រាក់​ចំនួន​ជាង ១​ម៉ឺនដុល្លារ​(១៤.០០០)»៕

The post តើពាណិជ្ជករ ទន់ ឆៃអ៊ាង កំពុងរកស៊ីលើជំនួញអ្វីខ្លះ? appeared first on .

ថ្ងៃនេះឧកញ៉ាញូស៍ សូមណែនាំទូកងមួយទូកដែលត្រូវបានអ្នកឧកញ៉ា ហ៊ុន តូ ឧបត្ថម្ភមកពីខេត្តកំពង់ចាម។ ទូកង «ចៅពេជ្រកុមារបុប្ផាជ្រោយថ្ម» ចំណុះចំនួន ៧៥នាក់ នៅវត្តសុទស្សនារាមជ្រោយថ្ម ស្ថិតនៅសង្កាត់កំពង់ចាម ក្រុងកំពង់ចាម ខេត្តកំពង់ចាម។

ទូកង «ចៅពេជ្រកុមារបុប្ផាជ្រោយថ្ម» សម្រាប់ឆ្នាំ២០២៣នេះ ត្រូវបានឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ ព្រមទាំងលោកជំទាវ។

ក្នុងព្រះរាជពិធីបុណ្យអ៊ុំទូក បណ្ដែតប្រទីប នៅរាជធានីភ្នំពេញ កាលថ្ងៃទី១ម្សិលមិញ «ចៅពេជ្រកុមារបុប្ផាជ្រោយថ្ម» ជាប់ចំណាត់ថ្នាក់លេខ ៦ នៅទូទាំងប្រទេស។ ទូកងជាការផ្តួចផ្តើម និងឧបត្ថម្ភដោយសម្តេចឧត្តមទេពញាណ ហ៊ុន ណេង អតីតអភិបាលខេត្តកំពង់ចាម ជាបងប្រុសសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ៕

The post មកស្គាល់ «ទូកង» ល្បីឈ្មោះខ្នាតអន្តរជាតិ ឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ appeared first on .