តាមរយៈការបង្ហោះលើទំព័រហ្វែសប៊ុកផ្លូវការរបស់សហព័ន្ធកីឡាប្រដាល់គុនខ្មែរ កាលពីរសៀលថ្ងៃទី២៦ ខែតុលា ឆ្នាំ២០២៤ មានខ្លឹមសារយ៉ាងដូច្នេះថា៖ “ក្នុងនាមគណៈកម្មការប្រតិបត្តិ មន្ត្រីបច្ចេកទេស និងកីឡាករ កីឡាការិនីនៃសហព័ន្ធកីឡាប្រដាល់គុនខ្មែរ សូមគោរពថ្លែងអំណរគុណយ៉ាងជ្រាលជ្រៅ ជូនចំពោះ អ្នកឧកញ៉ា លាង ម៉េង និងលោកជំទាវ ដែលបានបរិច្ចាគថវិកា ២០០លានរៀល ដល់មូលនិធិគុនខ្មែរ”។

ជាមួយគ្នានោះ សហព័ន្ធកីឡាប្រដាល់គុនខ្មែរ ក៏បានគោរពជូនពរអ្នកឧកញ៉ា និងលោកជំទាវ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គួរឲ្យដឹងថា ការបោះមេជួយឧបត្ថម្ភជ្រោមជ្រែងនូវទឹកប្រាក់ច្រើនសន្ធឹកដល់មូលនិធិគុនខ្មែរបែបនេះ គឺកើតឡើយក្រោយអ្នកឧកញ៉ា លាងម៉េង ដឹងដំណឹងថាក្លឹបប្រដាល់គុនខ្មែរនៅតាមបណ្តាខេត្តផ្សេងៗ កំពុងជួបប្រទះនៅកង្វះខាតនៅកន្លែងរោងក្លឹបហ្វឹកហាត់ ក៏ដូចជាកង្វះខាតឧបករណ៍សម្ភារៈកីឡាមួយចំនួន។ នេះបើតាមការឲ្យដឹងពីអ្នកឧកញ៉ា លាង ម៉េង ។

អ្នកឧកញ៉ាបន្តថា ក្នុងនាមជាថ្នាក់ដឹកនាំកំពូលមួយរូបរបស់ក្រុមហ៊ុន ខ្មែរ ប៊ែវើរីជីស នឹងធ្វើជាចលករ ធ្វើជាអ្នកផ្សព្វផ្សាយ ដើម្បីឲ្យក្រុមហ៊ុនផ្សេងៗទៀត បានចូលរួមជួយនៅតាមបណ្តាខេត្តផ្សេងៗដែលកំពុងខ្វះខាត។ ខ្ញុំបានជួយឧបត្ថម្ភចំនួន ២០០លានរៀល ដើម្បីឲ្យក្លឹបកំពុងខ្វះខាត ទាំងនោះ ធ្វើយ៉ាងណាបណ្តុះបណ្តាថ្នាលយុវជនគុនខ្មែរ ឲ្យកាន់តែសម្បូរធនធាន ដើម្បីអាចឲ្យកីឡាករយើងឡើងទៅប្រកួតកាន់តែក្លាំងក្លាថែមទៀត។

សូមជម្រាបជូនថា ខ្មែរ ប៊ែវើរីជីស ជាក្រុមហ៊ុនដំបូងគេដែលចំណាយថវិកាខ្ទង់លានដុល្លារ បង្កើតសង្វៀនប្រដាល់គុនខ្មែរច្រើនជាងគេ, ឧបត្ថម្ភទាំងស្រុងបញ្ជូនកីឡាករច្រើនរូបទៅប្រកួតលើសង្វៀនអន្តរជាតិ និងរៀបចំមហាព្រឹតិ្តការណ៍ប្រដាល់គុនខ្មែរទេសចរណ៍ រួមជាមួយមហាព្រឹតិ្តការណ៍ប្រគំតន្ត្រីទេសចរណ៍ខ្នាតយក្សពាសពេញប្រទេសកម្ពុជាច្រើនជាងគេប្រចាំឆ្នាំ៕

The post សហព័ន្ធកីឡាប្រដាល់គុនខ្មែរ ថ្លែងអំណរគុណអ្នកឧកញ៉ា លាង ម៉េង ដែលបោះមេបរិច្ចាគទឹកប្រាក់ ២០០លានរៀន ជួយក្លឹបខ្វះខាតទូទាំងប្រទេសកម្ពុជា appeared first on .

ខ្មែរ ស្រលាញ់ ខ្មែរ ខ្មែរ ប៊ែវើរីជីស ដែលតែងតែចូលរួមសហការគ្រប់ព្រឹត្តិការណ៍កីឡាជាតិអន្តរជាតិ និងស្គាល់ថាជាក្រុមហ៊ុនឧបត្ថម្ភវិស័យកីឡាធំបង្អស់នៅកម្ពុជា ពិតជារីករាយក្នុងការបន្តចូលរួមអភិវឌ្ឍវិស័យកីឡាជាតិ ដើម្បីកេរ្តិ៍ឈ្មោះល្អរបស់កម្ពុជា និងផលប្រយោជន៍ដល់វិស័យទេសចរណ៏ និងសេដ្ឋកិច្ចជាតិផងដែរ។ ជាក់ស្ដែងការឧបត្ថម្ភការប្រកួតកីឡាជើងឯក ឃីកបុកស៊ីង ឆ្នាំ២០២៤នេះ ដែលកម្ពុជាធ្វើជាម្ចាស់ផ្ទះដំបូងបំផុត ក៏ទទួលបានការឧបត្ថម្ភទាំងស្រុងពី ខ្មែរ ប៊ែវើរីជីស ផងដែរ។

សូមរំលឹកថា  ព្រឹត្តិការណ៍ប្រកួតកីឡាជើងឯក ឃីកបុកស៊ីង អាស៊ី ឆ្នាំ២០២៤ នេះ ទទួលបានការឧបត្ថម្ភទាំងស្រុងពីក្រុមហ៊ុនពាណិជ្ជកម្មរបស់ ជីប ម៉ុង រួមាន៖ ខ្មែរ ប៊ែវើរីជីស, ធនាគារ ជីប ម៉ុង, ជីប ម៉ុង អ៊ីនដាស្ទ្រីយ៍ និងក្រុមហ៊ុន ជីប ម៉ុង លែន ព្រមទាំងទទួលបានការសហការឧបត្ថម្ភពីផលិតផលរបស់ ខ្មែរ ប៊ែវើរីជីស រួមមាន៖ ភេសជ្ជៈប៉ូវកម្លាំង ដាហ្ស, ភេសជ្ជៈប៉ូវកម្លាំង វាយឃីងស៍, ភេសជ្ជៈប៉ូវកម្លាំង វើក, ភេសជ្ជៈ អ៊ិចប្រេស រសជាតិស្រ្តប៊ែរី, ទឹកក្រូច អាយស៍ កូឡា និង ទឹកពិសាកម្ពុជា៕

The post ថវិកាសរុប ១០៤លានរៀលពី ខ្មែរ ប៊ែវើរីជីស ឧបត្ថម្ភលើកទឹកចិត្តដល់ កីឡាករ-កីឡាការិនី ជ័យលាភី បន្ថែមពីការឧបត្ថម្ភទាំងស្រុងការប្រកួតកីឡាជើងឯក ឃីកបុកស៊ីង អាស៊ី ២០២៤ appeared first on .

នៅថ្ងៃទី១៧ ខែសីហា ២០២៤នេះ ខ្មែរ ប៊ែវើរីជីស បានចុះហត្ថលេខាលើអនុស្សរណៈនៃការឧបត្ថម្ភ ស្ដីពីការរៀបចំប្រកួតកីឡាបាល់ទះកម្ពុជា SEA V LEAGUE 2024, ពានរង្វាន់សម្ដេចមហាបវរធិបតី ហ៊ុន ម៉ាណែត, ពានរង្វាន់សម្ដេចក្រឡាហោម ស ខេង និង WURKZ SPECIAL VOLLEYBALL CHALLENGE 2025 ។

សូមរំឮកថា កន្លងមក ខ្មែរ ប៊ែវើរីជីស ក៏បានឧបត្ថម្ភដល់សហព័ន្ធកីឡាបាល់ទះកម្ពុជា ក្នុងការរៀបចំព្រឹត្តិការណ៍៖ ការប្រកួតកីឡាបាល់ទះពានរង្វាន់សម្ដេចក្រឡាហោម ស​ ខេង ២០២៣, ព្រឹត្តិការណ៍ប្រកួតកីឡាបាល់ទះទូទាំងប្រទេស WURKZ Special Volleyball Cup 4×4 2024 និងឧបត្ថម្ភជូនសហប័ន្ធកីឡាបាល់ទះកម្ពុជានូវថវិកា ៥០ម៉ឺនដុល្លារ រយៈពេល៥ឆ្នាំ ដើម្បីទ្រទ្រង់ដល់ការបណ្ដុះបណ្ដាលលើផ្នែកបច្ចេកទេស និងចំណាយទៅលើសម្ភារៈផ្សេងៗ។

គួបញ្ជាក់ដែរថា ខ្មែរ ប៊ែវើរីជីស ដែលមានអ្នកឧកញ៉ាលាង ម៉េង ជាសហស្ថាបនិកនិងប្រធានក្រុមអគ្គនាយក បានប្រកាសសន្យារួចហើយថា ខ្មែរ ប៊ែវើរីជីស នឹងធ្វើមេដាយមាស ២គីឡូក្រាម ក្នុងលក្ខខណ្ឌដែលបាល់ទះកម្ពុជាឈ្នះមេដាយមាស ស៊ីហ្គេម នាពេលខាងមុខ។ ការប្ដេជ្ញាឧបត្ថម្ភ គាំទ្រពី ខ្មែរ ប៊ែវើរីជីស នេះ ធ្វើឱ្យសហព័ន្ធកីឡាបាល់ទះកាន់តែមានភាពកក់ក្ដៅ និងមិនព្រួយបារម្ភពីការខ្វះខាតក្នុងផែនការរៀបចំព្រឹត្តិការណ៍ធំៗទូទាំងប្រទេស និងបណ្ដុះធនធានកីឡាករជំនាន់ថ្មីឱ្យកាន់តែច្រើន ដើម្បីបន្តចូលរួមផ្សព្វផ្សាយកីឡាបាល់ទះកម្ពុជាឱ្យកាន់តែល្បីសុះសាយ។

សូមបញ្ជាក់ថា ខ្មែរ ប៊ែវើរីជីស ជាក្រុមហ៊ុនផលិតភេសជ្ជៈឯកជនក៏ពិតមែន ប៉ុន្តែក្នុងនាមជាសហគ្រិនខ្មែរ ដែលមានឆន្ទៈផ្ដល់ត្រលប់ទៅកាន់សង្គមវិញនោះ ខ្មែរ ប៊ែវើរីជីស តែងតែចូលខ្លួនឧបត្ថម្ភ និងគាំទ្រស្ទើរតែគ្រប់វិស័យនៅកម្ពុជា ដើម្បីចូលរួមជាមួយប្រមុខរាជរដ្ឋាភិបាលក្នុងការលើកស្ទួយ និងជំរុញឱ្យមានការអភិវឌ្ឍគ្រប់វិស័យនៅកម្ពុជា ដែលមានវិស័យកីឡាបាល់ទះនេះជាឧទាហរណ៍ស្រាប់។ ក្នុងនាមជាខ្មែរដែលគាំទ្រវិស័យកីឡាបាល់ទះកម្ពុជា យើងគួរតែនាំគ្នាចូលរួមគាំទ្រផលិតផលភេសជ្ជៈរបស់ ខ្មែរ ប៊ែវើរីជីស ដើម្បីជំរុញឱ្យក្រុមហ៊ុននៅតែអាចបន្តឧបត្ថម្ភដល់ព្រឹត្តិការណ៍បាល់ទះជាបន្តបន្ទាប់ទៀត៕

The post ខ្មែរ ប៊ែវើរីជីស លេងឈុតធំ ចុះហត្ថលេខាឧបត្ថម្ភកីឡាបាល់ទះម្ដង ៤ កម្មវិធី ៣ ពាន appeared first on .

ព្រឹត្តិការណ៍ប្រកួតបាល់ទាត់ ពានរង្វាន់ Soccer League លើកទី៧ ដែលទទួលបានការឧបត្ថម្ភធំពីក្រុមហ៊ុន ខ្មែរ ប៊ែវើរីជីស បានឈានមកដល់វគ្គបញ្ចប់ហើយ ដោយក្រុម Khmer United បានក្លាយទៅជាម្ចាស់ជើងឯក ផ្នែកបុរស បន្ទាប់ពីយកឈ្នះក្រុម Tofu Army FT នៅយប់ថ្ងៃទី០៩ ខែកក្កដា ឆ្នាំ២០២៤នេះ។ ដោយឡែក ចំពោះពានរង្វាន់ Soccer League លើកទី៧ ផ្នែកនារី បានទៅលើក្លិបបាល់ទាត់ភ្នំពេញក្រោន បន្ទាប់ពីយកឈ្នះក្រុម សុភីណា អេហ្វស៊ី កាលពីថ្ងៃទី០៥ ខែកក្កដា ឆ្នាំ២០២៤​ កន្លងទៅ។

ព្រឹត្តិការណ៍ប្រកួតបាល់ទាត់ពានរង្វាន់ Soccer League នេះបានបើកជាផ្លូវការកាលពីថ្ងៃទី០៩ ខែមិថុនា ឆ្នាំ២០២៤ ក្រោមមូលបទ «បេះដូងអ្នកកីឡា ដើម្បីកុមារកម្ពុជា»។ ខ្មែរ ប៊ែវើរីជីស ក្នុងស្មារតី «ខ្មែរជួយខ្មែរ» បានចុះហត្ថលេខាលើអនុស្សរណៈនៃការយោគយល់ ស្ដីពីកិច្ចសហការឧបត្ថម្ភគាំទ្រព្រឹត្តិការណ៍ប្រកួតកីឡាបាល់ទាត់ ពានរង្វាន់ Soccer League នេះ រយៈពេល៥ឆ្នាំ ចាប់ពីឆ្នាំ២០២៤–២០២៨។ លើសពីនេះ ខ្មែរ ប៊ែវើរីជីស ក៏បានឧបត្ថម្ភថវិកាបន្ថែមចំនួន ៥ម៉ឺនដុល្លារ ដល់កុមាកំព្រាកម្ពុជាផងដែរ។

គួបញ្ជាក់ផងដែរថា ក្រុមហ៊ុន ខ្មែរ ប៊ែវើរីជីស តែងតែចូលរួម និងគាំទ្រយ៉ាងពេញទំហឹងចំពោះស្មារតី «ខ្មែរ ជួយ ខ្មែរ» ព្រមទាំងជាអ្នកឧបត្ថម្ភលើវិស័យកីឡាកម្ពុជាធំបង្អស់មួយ ដែលហ៊ានចំណាយក្នុងមួយឆ្នាំៗខ្ទង់លានដុល្លារ លើការអភិវឌ្ឍវិស័យកីឡានៅកម្ពុជាស្ទើរតែគ្រប់កីឡារួមមាន ទាំងបាល់ទាត់ បាល់ទះ និងប្រដាល់គុនខ្មែរ ធ្វើយ៉ាងណាចូលរួមបង្កើតធនធានមនុស្សក្នុងវិស័យកីឡានៅកម្ពុជាឱ្យកាន់តែមានភាពរីកចម្រើន និងកាន់តែរឹងមាំ៕

The post ខ្មែរ ប៊ែវើរីជីស ប្រកាសផ្ដល់រង្វាន់ម៉ូតូ ៣គ្រឿង ក្នុងពិធីបិទព្រឹត្តិការណ៍បាល់ទាត់ពានរង្វាន់ Soccer League លើកទី៧ និងបន្តឧបត្ថម្ភរហូតដល់ឆ្នាំ ២០២៨ appeared first on .

ចក្ខុវិស័យនៃក្រុម ផ្ការីកគ្រប់រដូវ និងក្រុមហ៊ុន ខ្មែរ ប៊ែវើរីជីស គឺស្របគ្នាតែមួយ ដោយខ្មែរ ប៊ែវើរីជីស ក្នុងនាមជាក្រុមហ៊ុនផលិតភេសជ្ជៈ «Made in Cambodia» ដែលបង្កើតឡើងដោយសហគ្រិនខ្មែរ និងរីកលូតលាស់នៅកម្ពុជា តែងតែមានផ្នត់គំនិតជួយត្រលប់ទៅកាន់សង្គមវិញ​ តាមរយៈការឧបត្ថម្ភទៅលើវិស័យនានា រួមមានវិស័យអប់រំ វិស័យសុខាភិបាល វិស័យទេសចរណ៍ ហើយជាពិសេសនោះគឺវិស័យកីឡានៅកម្ពុជា។

ក្នុងស្មារតី «ខ្មែរ ជួយ ខ្មែរ» ខ្មែរ ប៊ែវើរីជីស កន្លងមកបានឧបត្ថម្ភដល់ការព្រឹត្តិការបាល់ទាត់សប្បុរសធម៌របស់ក្រុម ផ្ការីកគ្រប់រដូវ សរុប៩ដងហើយ ដែលក្នុងនោះរួមមាន ការប្រកួតស្វែងរកថវិកាជូនទៅកាន់មូលនិធិគន្ធបុប្ផាកម្ពុជា ស្វែងរកថវិកាជូនមណ្ឌលកុមារកំព្រាក្នុងខេត្តព្រៃវែង  ស្វែងរកថវិកាជួយព្យាបាលជំងឺអតីតកីឡាករបាល់ទាត់ជម្រើសជាតិកម្ពុជា លោក ហួត សុគន្ធា និងឧបត្ថម្ភភេសជ្ជៈក្នុងការប្រកួតមិត្តភាពជាច្រើនទៀត។ ថ្មីៗនេះ ខ្មែរ ប៊ែវើរីជីស ក៏បានឧបត្ថម្ភថវិកា ៧,៧៧៧ដុល្លារ ក្នុងការប្រកួតរបស់ ផ្ការីកគ្រប់រដូវ ជាមួយនឹងថ្នាក់ដឹកនាំខេត្តស្វាយរៀង ដើម្បីស្វែងរកមូលនិធិជួសជុល និងសាងសង់ហេដ្ឋារចនាសម្ព័ន្ធនៅសាលាបឋមសិក្សា ថ្នល់កែង និងឧបត្ថម្ភក្នុងការចែកជូន ទឹកពិសាកម្ពុជា ដោយឥតគិតថ្លៃដល់ក្រុមកីឡាករ និងអ្នកចូលរួមទស្សនាក្នុង ព្រឹត្តិការណ៍បាល់ទាត់មិត្តភាពដើម្បី អបអរសាទរទិវាអន្តរជាតិប្រយុទ្ធប្រឆាំងគ្រឿងញៀន របស់ ផ្ការីកគ្រប់រដូវ ជាមួយនឹងថ្នាក់ដឹកនាំខេត្តសៀមរាប។

កាយវិការនេះ បង្ហាញឱ្យឃើញថា ខ្មែរ ប៊ែវើរីជីស ជាក្រុមហ៊ុនគំរូ ធ្វើយ៉ាងណាលើកស្ទួយវិស័យកីឡានៅកម្ពុជា បង្វែរឱ្យយុវជនដែលជាទំពាងស្នងឬស្សីនៃជាតិ ងាកមកចូលរួមលេងកីឡា ដើម្បីសុខភាព ជៀសឆ្ងាយពីគ្រឿងញៀន និងអំពើអប្បាយមុខផ្សេងៗ ជាពិសេសគឺលើកស្ទួយ និងអភិវឌ្ឍវិស័យកីឡាកម្ពុជាឱ្យកាន់តែល្បីសុះសាយនៅលើឆាកអន្តរជាតិ៕

The post ដឹងទេថា អ្នកណាជាអ្នកនៅពីក្រោយព្រឹត្តិការណ៍បាត់ទាត់សប្បុរសធម៌របស់ក្រុម ផ្ការីកគ្រប់រដូវ? appeared first on .

វិស័យកីឡានៅកម្ពុជា គឺជាវិស័យដ៏ធំមួយដែល ខ្មែរ ប៊ែវើរីជីស តែងតែគិតគូរ ចូលរួមឧបត្ថម្ភគាំទ្រ និងលើកស្ទួយឱ្យវិស័យមួយនេះមានភាពល្បីល្បាញទាំងថ្នាក់ជាតិ និងនៅលើឆាកអន្តរជាតិ។ ខ្មែរ ប៊ែវើរីជីស ក្នុងនាមជាក្រុមហ៊ុនបង្កើតឡើង និងរីកលូតលាស់នៅក្នុងប្រទេសកម្ពុជា តែងតែមានស្មារតីជួយត្រលប់ទៅកាន់សង្គមកម្ពុជាវិញ។ ក្នុងន័យនេះ ក្រុមហ៊ុន ប្តេជ្ញាជម្រុញឱ្យប្រទេសកម្ពុជាមានការអភិវឌ្ឍកាន់តែឆាប់រហ័ស ប្រៀបដូចជាការខិតខំកសាងម៉ាកយីហោរបស់ ខ្មែរ ប៊ែវើរីជីស ឱ្យពិភពលោកបានស្គាល់ផលិតផល «Made in Cambodia» គុណភាពស្តង់ដារពិភពលោកដូចគ្នា។

គួរបញ្ជាក់ផងដែរថា ក្រុមហុន ខ្មែរ ប៊ែវើរីជីស ជារោងចក្រឈានមុខគេនៅកម្ពុជា វិនិយោគដោយសហគ្រិនខ្មែរ ១០០% ផលិតនូវផលិតផល «Made in Cambodia»​ ស្តង់ដារគុណភាពខ្ពស់កម្រិតពិភពលោក​។ រោងចក្រ ក្រុមហ៊ុន ខ្មែរ ប៊ែវើរីជីស ប្រើប្រាស់គ្រឿងចក្រទំនើបៗ បច្ចេកវិទ្យាចុងក្រោយបង្អស់ពីប្រទេសអាល្លឺម៉ង់ និងគ្រឿងផ្សំល្អបំផុតនាំចូលពីបណ្តាប្រទេសនៅសហគមន៍អឺរ៉ុប ដែលជំរុញឱ្យ ខ្មែរ ប៊ែវើរីជីស ទទួលបាននូវមេដាយមាស Monde Selection ៣៧គ្រឿង ច្រើនជាងគេបំផុតនៅកម្ពុជាពីស្ថាប័នអន្តរជាតិបញ្ជាក់ពីគុណភាពផលិតផល, វិញ្ញាបនបត្រ ISO 9001 បញ្ជាក់ពីប្រព័ន្ធគ្រប់គ្រងគុណភាព, វិញ្ញាបនបត្រ ISO 14001 បញ្ជាក់ពីប្រព័ន្ធគ្រប់គ្រងបរិស្ថាន ព្រមទាំងទទួលបានពានរង្វាន់គ្រប់គ្រងច្រវាក់ផលិតកម្មលំដាប់ពិភពលោក (World Class Operation Management)៕

The post ផ្នត់គំនិត ខ្មែរជួយខ្មែរ ខ្មែរ ប៊ែវើរីជីស បន្តឧបត្ថម្ភ ពានរង្វាន់ SOCCER LEAGUE appeared first on .

ក្រោយបានបង្ហាញពីសាវតាក្រុមហ៊ុន ជីប ម៉ុង និងក្រុមហ៊ុន ពហុពាណិជ្ជកម្មជាច្រើន ដែលកំពុងប្រតិបត្តិការក្នុងចរន្តអាជីវកម្មយ៉ាងរឹងមាំ នៅកម្ពុជា ជូនមន្ត្រីស្ថានទូតស្វីសប្រចាំនៅកម្ពុជា អ្នកឧកញ៉ា លាង ម៉េង ក៏បានរំលេចពីសមិទ្ធិផលលើការបញ្ជូនធនធានមនុស្សយុវជនខ្មែរ ដែលសុទ្ធសឹងតែជា វិស្វករជំនាញបច្ចេកទេស និងបញ្ជាគ្រឿងចក្រស្តង់ដារអន្តរជាតិ ហើយកំពុងតែបម្រើការងារនៅរោងចក្រ ខ្មែរ ប៊ែវើរីជីស ។

អ្នកឧកញ៉ា លាង ម៉េង មានប្រសាសន៍ថា៖ ទោះបីជា ក្រុមហ៊ុន ខ្មែរ ប៊ែវើរីជីស គឺជាក្រុមហ៊ុនឈានមុខគេនៅកម្ពុជា ប៉ុន្តែកត្តាធនធានមនុស្ស នៅតែមិនអាចកាត់ផ្ដាច់បានឡើយ។ ហេតុដូច្នេះហើយ ទើបថ្នាក់ដឹកនាំកំពូលក្រុមហ៊ុន ខ្មែរ ប៊ែវើរីជីស តែងតែចំណាយធនធាន បញ្ជូនបុគ្គលិកខ្មែរយើង ទៅរៀនសូត្រពីអ្នកជំនាញៗអន្តរជាតិ នៅតាមប្រទេសអភិវឌ្ឍន៍ជឿនលឿន ជាពិសេសនៅសហគមន៍អឺរ៉ុបតែម្ដង ក្នុងនោះ ក៏មានប្រទេសស្វីសមួយផងដែរ។

ក្នុងដំណើរទស្សនកិច្ចផ្លូវការនេះដែរ លោក Markus Buerli ឯកអគ្គរដ្ឋទូតស្វីសប្រចាំកម្ពុជា ក៏បានសម្ដែងនូវការកោតសរសើរពីច្រវាក់ផលិតកម្មក្រុមហ៊ុន ខ្មែរ ប៊ែវើរីជីស ទាំងស្តង់ដារការផលិត បច្ចេកវិទ្យា គ្រឿងចក្រទំនើបៗ ជាពិសេសធនធានវិស្វករជំនាញខ្មែរ ដែលពិតជាមានសមត្ថភាពពេញលេញ លើការគ្រប់គ្រងច្រវាក់ផលិតកម្មក្នុងរោងចក្រទាំងមូលបានយ៉ាងល្អប្រសើរ និងមានស្តង់ដារកម្រិតពិភពលោកពិតប្រាកដមែន។

ក្រុមហ៊ុន ខ្មែរ ប៊ែវើរីជីស គឺជាពាណិជ្ជកម្មដ៏លេចធ្លោរមួយ របស់ក្រុមហ៊ុន ជីប ម៉ុង វិនិយោគដោយសហគ្រិនខ្មែរ និងឈរជើងយ៉ាងរឹងមាំក្នុងប្រទេសកម្ពុជា អស់រយៈពេលជាង ៤០ឆ្នាំកន្លងមកហើយ។ តាមរយៈការនាំចូលវត្ថុធាតុដើម គ្រឿងចក្រទំនើបៗពីសហគមន៍អឺរ៉ុប រួមទាំងបច្ចេកវិទ្យាទំនើបចុងក្រោយរបស់ពិភពលោកជាដើម សុទ្ធសឹងតែជាកត្តាលីករជំរុញឱ្យគ្រប់ផលិតផលភេសជ្ជៈ និងស្រាបៀរ ដែលផលិតចេញពីរោងចក្រ ខ្មែរ ប៊ែវើរីជីស មានគុណភាពស្តង់ដារកម្រិតពិភពលោក វិនិយោគដោយសហគ្រិនខ្មែរ បញ្ជាច្រវាក់ផលិតកម្មទាំងមូលដោយវិស្វករជំនាញរបស់ខ្មែរ ផលិតភេសជ្ជៈម៉ាកយីហោ Made in Cambodia ទៅកាន់ទីផ្សារក្រៅប្រទេស ឱ្យអន្តរជាតិបានស្គាល់កាន់តែទូលំទូលាយ។

សូមគូសបញ្ជាក់ថា ក្រុមហ៊ុន ខ្មែរ ប៊ែវើរីជីស ជាក្រុមហ៊ុនផលិតភេសជ្ជក្នុងស្រុក Made in Cambodia ដែលទទួលស្គាល់គុណភាព និងមេដាយពីស្ថាប័នអន្តរជាតិច្រើនជាងគេនៅកម្ពុជា ដោយក្នុងនោះរួមមានទាំងវិញ្ញាបនបត្របញ្ជាក់ពីប្រព័ន្ធគ្រប់គ្រងបរិស្ថាន ISO 14001, វិញ្ញាបនបត្របញ្ជាក់ពីប្រព័ន្ធគ្រប់គ្រងគុណភាព ISO 9001, ពានរង្វាន់គ្រប់គ្រងចង្វាក់ផលិតកម្មលំដាប់ពិភពលោក World-class Operations Management, ព្រមទាំងមេដាយមាសបញ្ជាក់ពីគុណភាពផលិតផល Monde Selection ច្រើនដាច់គេផងដែរ៕

The post ថ្ងៃទស្សនៈកិច្ចផ្លូវការ ឯកអគ្គរដ្ឋទូតស្វីសប្រចាំកម្ពុជា មកកាន់ក្រុមហ៊ុន ខ្មែរ ប៊ែវើរីជីស អ្នកឧកញ៉ា លាង ម៉េង បង្ហាញវត្តមានវិស្វករជំនាញខ្មែរមួយក្រុម ដែលធ្លាប់ទៅក្រេបជញ្ជក់ចំណេះដឹងពីប្រទេសស្វីស appeared first on .

១.​ យុទ្ធនាការទឹកចិត្តកម្ពុជា ដើម្បីចូលរួមចំណែកក្នុងទឹកចិត្តក្លាហានរបស់វីរៈជនជួរមុខទប់ទល់ជំងឺកូវីដ-១៩ និងផ្តល់កម្លាំងចិត្តដល់ស្ថាប័នជាច្រើន ដោយបរិច្ចាគទឹកបរិសុទ្ធ កម្ពុជា ចំនួន​ ៨៣,៥៨៤កេស និងភេសជ្ជៈ ចំនួន ២,៣៩៦កេស ដល់បុស្តិ៍នគរបាលសម្រួលចរាចរណ៍ផ្លូវគោកទូទាំងប្រទេស​ មន្ទីរពេទ្យ និងមណ្ឌលសុខភាពនានា ក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) កងកម្លាំងប្រចាំការតាមទីតាំងបិទខ្ទប់ ព្រមទាំងរដ្ឋបាលខេត្ត និងស្រុកមួយចំនួន​។  ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

២. ដើម្បីរួមចំណែកក្នុងស្ថានភាពនៃកង្វះខាតឈាមអំឡុងពេលកូវីដ-១៩ កម្មវិធីស្ម័គ្រចិត្តបរិច្ចាគឈាមជួយសង្រ្គោះជីវិតរបស់ ខ្មែរ ប៊ែវើរីជីស ទទួលបានអ្នកចូលរួមសរុប ១៥០នាក់ មានដូចជាថ្នាក់ដឹកនាំ និងបុគ្គលិកពីគ្រប់ពាណិជ្ជកម្មទាំងអស់របស់ ជីប ម៉ុង ព្រមទាំងសាធារណជនផងដែរ។

៣. គម្រោងសហគមន៍ស្អាត បានបរិច្ចាគធុងសំរាមចំនួន ១០០០ធុង ដើម្បីជំរុញ​ការ​ចោល​សំរាម​ឲ្យ​មាន​របៀប​រៀបរយ និងលើកកម្ពស់សណ្ដាប់ធ្នាប់សាធារណៈ​ ក្នុងសហគមន៍ខណ្ឌដង្កោ និងតាមវិទ្យាល័យនៃរាជធានីភ្នំពេញ និងបណ្ដាខេត្តនានា។

៤. ការឧបត្ថម្ភបង់អង្គុយសរុបចំនួន ៣៣៩បង់ ដើម្បីលើកកម្ពស់សណ្ដាប់ធ្នាប់សាធារណៈនិងជួយសម្រួលឲ្យមានកន្លែងអង្គុយបន្ថែមសម្រាប់សាធារណជន ទៅដល់ស្ថាប័ននានា រួមមានសាលារៀន មន្ទីរពេទ្យ សាលាស្រុក បញ្ជាការដ្ឋាន ស្នងការដ្ឋាន សាលាក្រុង សាលាខេត្ត សាលាឃុំ និងបុស្តិ៍នគរបាលជាដើម។​

៥.​ គម្រោងចែកមួកសុវត្ថិភាព ដើម្បីបង្កើនស្មារតីប្រុងប្រយ័ត្នលើការបើកបរលើផ្លូវគោក និងស្រលាញ់សុវត្ថិភាពខ្លួនឯង បានផ្ដល់មួកសុវត្ថិភាព ចំនួន ៥៥៥មួក ដល់សហគមន៍ខណ្ឌដង្កោ។

៦. រថយន្តប្រចាំការពន្លត់អគ្គីភ័យ បានជួយពន្លត់ភ្លើងឆេះផ្ទះពលរដ្ឋ និងទីតាំងផ្សេងៗចំនួន ៣៩ករណី នៅរាជធានីភ្នំពេញ។

៧. រថយន្តសម្អាតផ្លូវសាធារណៈ​ ដើម្បីលើកកម្ពស់បរិស្ថានស្អាត និងអនាម័យជុំវិញទីក្រុង ចំនួន​ ១៤៥,៨៨គម^២ នៅទូទាំងប្រទេស។​​

​ក្រុមហ៊ុន ខ្មែរ​ ប៊ែវើរីជីស នឹងប្តេជ្ញាបន្តសកម្មភាពផ្ដល់ត្រឡប់ទៅសង្គមវិញ និងសហគមន៍ជុំវិញ តាមរយៈរូបភាពផ្សេងៗជាបន្តបន្ទាប់ទៀតសម្រាប់ឆ្នាំ២០២២៕

The post បុត្រសម្ព័ន្ធក្រុមហ៊ុនមេ Chip Mong Group លាតត្រដាងសមិទ្ធផលសង្គមធម៌ប្រចាំឆ្នាំ ​២០២១ appeared first on .

លោក​​បណ្ឌិត​ អ៊ឹម សុធារិទ្ធ ​នាយក​​​ទំនាក់​​ទំនង​​​សាធារណៈ​​ក្រុមហ៊ុន ខ្មែរ ប៊ែវើរីជីស ​មាន​​ប្រសាសន៍ថា៖ “បន្ថែមពីកិច្ចការសង្គមជាច្រើនរបស់ ខ្មែរ ប៊ែវើរីជីស រថយន្តសម្អាតផ្លូវ បានប្រតិបត្តិការជាប្រចាំលាងសម្អាតផ្លូវ ដែលជាផ្នែកមួយនៃការទទួលខុសត្រូវថែរក្សាបរិស្ថានស្អាត និងការពារផលប៉ះពាល់ចំពោះសុខភាពផ្លូវដង្ហើមរបស់សាធារណជនរាល់ពេលបើកបរតាមដងផ្លូវ។”

គួរបញ្ជាក់ផងដែរថា ក្នុងឆ្នាំ២០២២ រថយន្តសម្អាតផ្លូវ ខ្មែរ ប៊ែវើរីជីស ទាំង៤គ្រឿង នឹងនៅតែបន្តភារកិច្ចលើកកម្ពស់បរិស្ថានស្អាតយ៉ាងសកម្មនៅតាមទីសាធារណៈ និងដងវិថីសំខាន់ៗក្នុងរាជធានីភ្នំពេញ ក៏ដូចជាបណ្តាខេត្តមួយចំនួនផងដែរ។

The post ឆ្នាំ២០២១ រថយន្តសម្អាតផ្លូវ ខ្មែរ ប៊ែវើរីជីស សម្អាតផ្លូវបានជាង ១ម៉ឺន គីឡូម៉ែត្រ appeared first on .

លោក​​បណ្ឌិត​ អ៊ឹម សុធារិទ្ធ ​នាយក​​​ទំនាក់​​ទំនង​​​សាធារណៈ​​ក្រុមហ៊ុន ខ្មែរ ប៊ែវើរីជីស ​មាន​​ប្រសាសន៍ថា៖ “ខ្មែរ ប៊ែវើរីជីស តែងតែគិតគូរដល់ការផ្តល់ត្រលប់ទៅសង្គមវិញ ជាពិសេសខណ្ឌដង្កោ ដោយសារក្រុមហ៊ុនស្ថិតក្នុងទឹកដីនេះ ហើយមិនភ្លេចពីសហគមន៍នៅក្បែរខ្លួនឡើយ។ ក្រុមហ៊ុនមិនមែនត្រឹមតែធ្វើការឧបត្ថម្ភធុងសំរាមនោះទេ យើងនឹងបន្តគម្រោងជួយត្រលប់ទៅសង្គមវិញជាច្រើនទៀត “។

គួរបញ្ជាក់ផងដែរថា ធុងសំរាមទាំង ៣០០ ធុង ត្រូវបានរៀបចំចាត់ចែងជូនទៅដល់ពលរដ្ឋដែលរស់នៅលើដងផ្លូវនៅក្នុងខណ្ឌដង្កោចាប់ពីស្តុបស្ពានដែកចំការដូងរហូតដល់ក្រុមហ៊ុន ខ្មែរ ប៊ែវើរីជីស ជាការសម្រួលទៅដល់ការទុកដាក់សំរាមឲ្យបានត្រឹមត្រូវរបស់ពលរដ្ឋ ជាពិសេសលើកកម្ពស់អនាម័យនៅលើដងផ្លូវ។

The post ខ្មែរ ប៊ែវើរីជីស ឧបត្ថម្ភ​ធុងសំរាមចំនួន ៣០០ ដល់ពលរដ្ឋដែលរស់នៅតាមដងផ្លូវក្នុងខណ្ឌដង្កោ appeared first on .