សេចក្តីប្រកាសព័ត៌មានរបស់មូលនិធិគន្ធបុប្ផាកម្ពុជា បានឱ្យដឹងថា ក្នុងរយៈពេល៦ខែ ដើមឆ្នាំ២០២២នេះ មន្ទីរពេទ្យ បានប្រើប្រាស់ថវិកាសរុបចំនួនប្រមាណ ១៥.៩៧ លានដុល្លារអាមេរិក (ដោយមិនរាប់បញ្ចូលចំណាយថវិកាជាតិ តាមរយៈក្រសួងសុខាភិបាល) ដើម្បីផ្តល់សេវាពិនិត្យ ពិគ្រោះ និងព្យាបាលទារក កុមារ និងស្ត្រីមានផ្ទៃពោះ ដោយឥតគិតថ្លៃ។

ក្នុងចំណោមថវិកាដែលចំណាយនេះ ក្នុងនោះថវិកាចំនួន ៦.៩២ លានដុល្លារអាមេរិក ទទួលបានពីប្រភពនៅក្នុងស្រុក រួមមាន៖ការបរិច្ចាគដោយផ្ទាល់នៅមន្ទីរពេទ្យចំនួន ៩១៦ ៦៥៧ ដុល្លារអាមេរិក, ការឧបត្ថម្ភរបស់មូលនិធិគន្ធបុប្ផាកម្ពុជាជាង៣ លានដុល្លារ និងការផ្ទេរថវិការបស់រាជរដ្ឋាភិបាលដោយផ្ទាល់ចំនួន ២.៩លានដុល្លារអាមេរិក។

ក្នុងរយៈពេល៦ខែឆ្នាំនេះ មន្ទីរពេទ្យគន្ធបុប្ផាបានពិនិត្យ និងព្យាបាលអ្នកជំងឺជិត៤០ម៉ឺននាក់។ ក្នុងនោះអ្នកជំងឺកុមារបានមកពិគ្រោះ និងព្យាបាលនៅក្នុងផ្នែកពិគ្រោះជំងឺក្រៅចំនួន ២៦៦ ៣៤២ នាក់ អ្នកជំងឺកុមារបានចូលមកសម្រាកព្យាបាលក្នុងមន្ទីរពេទ្យចំនួន ៤៧ ២៧០ នាក់, ស្រ្តីមានផ្ទៃពោះបានពិនិត្យ និងព្យាបាលនៅផ្នែកពិគ្រោះជំងឺក្រៅសម្ភព ៣៨ ៤២៦ នាក់ ,ស្រ្តីមានផ្ទៃព្រោះបានសម្រាក និងសម្រាលកូន ចំនួន៨ ៩១៨ នាក់, ព្យាលបាលជំងឺគ្រុនឈាមធ្ងន់ធ្ងរចំនួន ៩៤៩ នាក់ , និងវះកាត់សរុបបានចំនួន ១០ ៥៣៧ នាក់៕

The post ទឹកប្រាក់ប្រមាណ ១៥លានដុល្លារ មន្ទីរពេទ្យគន្ធបុប្ផាចំណាយលើការពិនិត្យនិងព្យាបាលជំងឺក្នុងឆមាសទី១ appeared first on .

ក្រសួងសាធារណការ និងដឹក ជញ្ជូនបានបើកឱ្យដំណើរការជាផ្លូវការនៃការលក់លេខចុះបញ្ជីពិសេសផ្ទាល់ខ្លួនសម្រាប់រថយន្តដែលមាន លក្ខណៈពិសេសអាចកម្មង់តាមការពេញចិត្ត ដើម្បីបំពេញតម្រូវការនិងផ្តល់ជម្រើសសម្បូណ៌បែបជូន ប្រជាពលរដ្ឋ ហើយស្លាកលេខប្រភេទនេះបង្ហាញពីអត្តសញ្ញាណកម្ពុជា លើឆាកអន្តរជាតិ អាចកៀរគរចំណូលបន្ថែមជូនរដ្ឋ និងអាចអនុញ្ញាតឱ្យម្ចាស់រថយន្តរក្សាលេខនោះទុកសម្រាប់ចុះបញ្ជីលើរថយន្ត ថ្មីរបស់ខ្លួនក្រោយៗទៀត។

ថ្ងៃនេះជាលើកទីពីរហើយ ដែលក្រសួងបានប្រគល់ថវិកាវិភាគទានសប្បុរសធម៌ ជូនមន្ទីរពេទ្យគន្ធបុប្ផា ថវិកាដែលបានប្រគល់ជូនលើកនេះមានទឹកប្រាក់ចំនួន ៨០០ ៤៨០ ០០០រៀល បានមកពីការដេញថ្លៃ លក់លេខពិសេសផ្ទាល់ខ្លួន “កម្ពុជា 5” កាលពីខែមីនា ឆ្នាំ២០២០ កន្លងទៅនេះ។ យោងតាមការសម្រេចដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រីបានអនុញ្ញាតឲ្យ ប្រគល់ថវិកានេះជូនមន្ទីរពេទ្យគន្ធបុប្ផា ក្នុងនាម រាជរដ្ឋាភិបាលកម្ពុជាដោយដាក់បញ្ចូលទៅក្នុងមូលនិធិគន្ធបុប្ផាកម្ពុជាដើម្បីចូលរួមចំណែកក្នុងការពិនិត្យនិងការព្យាបាលជំងឺកុមារនៅក្នុងមន្ទីរពេទ្យគន្ធបុប្ផា។

លោកទេសរដ្ឋមន្ត្រី បានគូសបញ្ជាក់ថា៖ ការលក់លេខពិសេសផ្ទាល់ខ្លួនដែលត្រូវបានដាក់ឲ្យអនុវត្ត កន្លងទៅនេះជាប្រភពចំណូលថ្មីមួយទៀត ដោយក្រសួងសេដ្ឋកិច្ច និងហិរញ្ញវត្ថុ និងក្រសួងសាធារណ ការ និងដឹកជញ្ជូនបានបង្កើតឲ្យមានការលក់ និងដេញថ្លៃលេខពិសេសផ្ទាល់ខ្លួនសម្រាប់រថយន្តដើម្បីជា គុណប្រយោជន៍ដល់ថវិកាជាតិ។ ចំណូលពីការលក់លេខពិសេសផ្ទាល់ខ្លួន “កម្ពុជា 5” ដែលទទួលបាន ទឹកប្រាក់ចំនួន៨០០ ៤៨០ ០០០រៀលគឺជាប្រវត្តិសាស្ត្រមួយដែលប្រភេទលេខពិសេសផ្ទាល់ខ្លួនមួយនេះ លក់បានក្នុងតម្លៃខ្ពស់គួរជាទីមោទនៈ។

ថ្លែងក្នុងពិធីនោះ លោកឧបនាយករដ្ឋមន្ត្រី បានវាយតម្លៃខ្ពស់ចំពោះគំនិតផ្ដួចផ្ដើម របស់ក្រសួងសាធារណការ និងដឹកជញ្ជូន ក្រោមការដឹកនាំរបស់ឯកឧត្តមទេសរដ្ឋមន្ត្រី ស៊ុន ចាន់ថុល ដែលបានធ្វើឱ្យសេវាសាធារណៈកាន់តែល្អប្រសើរសម្រាប់បងប្អូនប្រជាពលរដ្ឋ និងអាចបង្កើនប្រាក់ចំណូលជូនរដ្ឋផងដែរ៕

អត្ថបទ និងរូបភាព៖ ក្រសួងសាធារណការ និងដឹកជញ្ជូន

The post ចំណូលបានពីការលក់លេខពិសេសផ្ទាល់ខ្លួន “កម្ពុជា 5” ត្រូវបានប្រគល់ជូនមន្ទីរពេទ្យគន្ធបុប្ផា appeared first on .