ក្រសួងព័ត៌មាន បានឱ្យដឹងថា លោក កែវ រតនៈ រដ្ឋមន្រ្តីក្រសួងរ៉ែនិងថាមពល និងលោក Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា បានអញ្ជើញបញ្ចុះបឋមសិលាបើកការដ្ឋានសាងសង់ «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» ដែលគ្រោងបញ្ចប់ការសាងសង់របស់ខ្លួននៅឆ្នាំ២០២៩ខាងមុខ។

លោក កែវ រតនៈ បានបង្ហាញពីលក្ខណៈពិសេសនៃដំណើរការផលិតនិងស្តុកថាមពលអគ្គិសនី ដែលដំណើរការដោយទំនប់វារីអគ្គិសនីបូមទឹកស្តុកទុកស្ទឹងតាតៃលើ ដែលប្រៀបដូចជាអាគុយធម្មជាតិដំបូងគេនៅកម្ពុជា។

លោករដ្ឋមន្រ្តីបានឲ្យដឹងថា គម្រោងវារីអគ្គិសនីបូមទឹកស្តុកទុកស្ទឹងតាតៃលើនេះ គឺជាគម្រោងទី១ ជាប្រវត្តិសាស្រ្ត និងជាផ្នែកនៃទិសដៅអភិវឌ្ឍថាមពលបៃតងរបស់កម្ពុជា ដែលនឹងចូលរួមចំណែកក្នុងការអភិវឌ្ឍសេដ្ឋកិច្ចនិងសង្គម ពិសេសការធានាបាននូវសន្តិសុខថាមពលជាតិ។ ដោយបច្ចុប្បន្នកម្ពុជា មានប្រភពថាមពលបៃតងចំនួន៦៣.២% នៃថាមពលជាតិសរុប ហើយប្រភពថាមពលចម្បងគឺ វារីអគ្គិសនី ថាមពលពន្លឺព្រះអាទិត្យ និងជីវម៉ាស។

ជាការកត់សម្គាល់គម្រោងវារីអគ្គិសនីបូមទឹកស្តុកទុកស្ទឹងតាតៃលើ មានអនុភាព ១,០០០មេហ្គាវ៉ាត់ បានបោះទុនវិនិយោគដោយក្រុមហ៊ុន China National Heavy Machinery Corporation មានតម្លៃ១ពាន់លានដុល្លារ បានក្លាយជាគម្រោងប្រវត្តិសាស្រ្តដំបូងគេនៅកម្ពុជា។ បច្ចុប្បន្នមានប្រទេសចំនួន៣ ក្នុងចំណោមសមាជិកអាស៊ានដែលកំពុងសាងសង់ក្នុងអំឡុងពេលតំណាលគ្នា ដោយវៀតណាម និងកម្ពុជា គ្រោងបញ្ចប់ការសាងសង់នៅក្នុងឆ្នាំ២០២៩ដូចគ្នា និងប្រទេសហ្វីលីពីនគ្រោងបញ្ចប់ការសាងសង់នៅក្នុងឆ្នាំ២០៣០ខាងមុខ។

ស្ថានីយអគ្គិសនីបូមទឹកស្តុកទុកស្ទឹងតាតៃលើ និងគម្រោងព្រែកជីកហ្វូណនតេជោ គឺជាគម្រោងយុទ្ធសាស្ត្រសំខាន់ៗចំនួនពីរ ដែលទទួលបានការគាំទ្រ និងជំរុញការវិនិយោគផ្ទាល់ពីលោក ស៊ី ជីនពីង (Xi Jinping) ប្រធានាធិបតីចិន ក្នុងឱកាសបំពេញទស្សនកិច្ចផ្លូវរដ្ឋនៅកម្ពុជា កាលពីថ្ងៃទី១៧-១៨ ខែមេសា ឆ្នាំ២០២៥កន្លងទៅ ហើយការវិនិយោគលើ «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» នេះ ក៏ជាការដាក់ទុនវិនិយោគផ្នែកថាមពលដ៏ធំបំផុតនៅក្រៅប្រទេសដំបូងគេរបស់ក្រុមហ៊ុនចិនផងដែរ៕ អត្ថបទ៖ហ្សាលីន

The post «គម្រោងវារីអគ្គិសនីបូមទឹកស្តុកទុកស្ទឹងតាតៃលើ» ជាគម្រោងដំបូងគេរបស់កម្ពុជា គ្រោងបញ្ចប់ការសាងសង់នៅឆ្នាំ២០២៩ខាងមុខ appeared first on .

កាលពីថ្ងៃទី១០ ខែមេសា ឯកឧត្តម កែវ រតន: រដ្ឋមន្រ្តីក្រសួងរ៉ែនិងថាមពល និង ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា ក៏បានអញ្ជើញបញ្ចុះបឋមសិលាបើកការដ្ឋានសាងសង់ “គម្រោងវារីអគ្គិសនីបូមទឹកស្តុកទុកស្ទឹងតាតៃលើ អានុភាព ១០០០ មេហ្កាវ៉ាត់” នៅខេត្តកោះកុង នេះផងដែរ។

ឯកឧត្តម កែវ រតនៈ បានឱ្យដឹងថា គម្រោងប្រវត្តិសាស្រ្តនេះមានតម្លៃជិត១ពាន់លានដុល្លារ ដែលជាគម្រោងប្រវត្តិសាស្ត្រ ហើយអាចបង្កើតពន្ធផ្ទាល់ដល់រដ្ឋរហូតដល់ជាង៦០០លានដុល្លារ។ គម្រោងវារីអគ្គិសនីបូមទឹកស្តុកទុកស្ទឹងតាតៃលើនេះ គឺជាគម្រោងទី១ ជាប្រវត្តិសាស្រ្ត និងជាផ្នែកនៃទិសដៅអភិវឌ្ឍថាមពលបៃតង របស់កម្ពុជា ដែលនឹងចូលរួមចំណែកក្នុងការអភិវឌ្ឍសេដ្ឋកិច្ចនិងសង្គម ពិសេសការធានាបាននូវសន្តិសុខថាមពល ជាតិ។

គម្រោងវារីអគ្គិសនីបូមទឹកស្តុកទុកស្ទឹងតាតៃលើ អានុភាព ១០០០ មេហ្កាវ៉ាត់ គឺជាសមិទ្ធផលជាប្រវត្តិសាស្រ្តថ្មីមួយទៀតដែលបានចាប់ផ្តើមការសាងសង់និងគ្រោងដាក់ឱ្យដំណើរការក្នុង ឆ្នាំ២០២៩ ខាងមុខ៕

The post គម្រោងវារីអគ្គិសនីបូមទឹកស្តុកទុកស្ទឹងតាតៃលើ អនុភាព ១០០០មេហ្គាវ៉ាត់ ក្លាយជាគម្រោងប្រវត្តិសាស្រ្ត ដែលមានតម្លៃជិត១ពាន់លានដុល្លារ appeared first on .