របាយការណ៍ធនាគារជាតិនៃកម្ពុជា បានឱ្យដឹងថា ឥណទានជាប្រភពទុនដ៏សំខាន់សម្រាប់អ្នកប្រើប្រាស់ និងក្រុមហ៊ុនសហគ្រាសក្នុងការពង្រីកអាជីវកម្ម និងដើរតួនាទីយ៉ាងសំខាន់ក្នុងការគាំទ្រដល់សកម្មភាពសេដ្ឋកិច្ច បង្កើតឱកាសការងារ និងបង្កើនផលិតភាព។

បើគិតត្រឹមខែតុលា ឆ្នាំ២០២៤ ឥណទានផ្តល់ដោយគ្រឹះស្ថានធនាគារ និងហិរញ្ញវត្ថុទៅក្នុងវិស័យសេដ្ឋកិច្ចមានចំនួន ២៤៧.៦៣១ ប៊ីលានរៀល (ស្មើនឹង ៦០,៩ ប៊ីលានដុល្លារអាមេរិក) កើន ២,២% ធៀបនឹងឆ្នាំមុន។

បើតាមធនាគារជាតិ បានគូសបញ្ជាក់ថា ការកើនឡើងនេះរួមចំណែកចម្បងដោយកំណើនឥណទានទៅកាន់វិស័យជួញដូរដុំ និងរាយ សំណង់ អចលនទ្រព្យ កម្មន្តសាល និងវិស័យផ្សេងៗទៀត។

សូមបញ្ជាក់ថា ទំហំឥណទានតាមវិស័យសេដ្ឋកិច្ចគិតចាប់ពីខែមករា ដល់ខែតុលា ឆ្នាំ២០២៤ រួមមាន ការជួញដូរដុំ និងរាយ មាន៦០.៩២៥ប៊ីលានរៀល សំណង់ ២៧.១៩៩ប៊ីលានរៀល ការទិញផ្ទះជាកម្មសិទ្ធិផ្ទាល់ខ្លួន ២៧.៦៨៩ប៊ីលានរៀល អចលនទ្រព្យ ២៤.៨៦៣ប៊ីលានរៀល កសិកម្ម ២៣.៧៥៩ប៊ីលានរៀល សេវាកម្ម ១៩.៥៨៦ប៊ីលានរៀល កម្មន្តសាល ១០.៣៦៧ប៊ីលានរៀល អង្គភាពគ្រួសារ ២.៥៩១ប៊ីលានរៀល និងផ្សេងៗ ៤៨.៦៥៤ប៊ីលានរៀល៕

The post គ្រឹះស្ថានធនាគារ និងហិរញ្ញវត្ថុ ផ្តល់ឥណទានក្នុងវិស័យសេដ្ឋកិច្ចមានចំនួន ៦០,៩ ប៊ីលានដុល្លារអាមេរិក ក្នុងរយៈពេល១០ ខែឆ្នាំនេះ appeared first on .

បើតាម ធនាគារជាតិនៃកម្ពុជា បានឱ្យដឹងថា គ្រឹះស្ថានធនាគារ និងហិរញ្ញវត្ថុ បានផ្តល់ឥណាទានដល់វិស័យឯកជន ក្នុងឆ្នាំ២០២២ សរុប ២៣៣,៣ ទ្រីលានរៀល ឬប្រមាណ ៥៦,៦ ប៊ីលានដុល្លារអាមេរិក មានការកើនឡើង ១៨,៨% បើធៀបនឹងចុងត្រីមាសទី៤ នៃឆ្នាំ២០២១។

ជាមួយគ្នានោះ NBC បានបញ្ចាក់ថា ឥណទានជាប្រភពទុនយ៉ាងសំខាន់ក្នុងការគាំទ្រដល់សកម្មភាពសេដ្ឋកិច្ច និងបានបែងចែកទៅតាមប្រភេទជំនួញសំខាន់ៗក្នុងវិស័យសេដ្ឋកិច្ច។ក្នុងនោះ នៅចុងឆ្នាំ២០២២ ការផ្តល់ឥណទានតាមវិស័យសេដ្ឋកិច្ច រួមមាន វិស័យសំណង់ ៦៤ទ្រីលានរៀល កើនឡើង ២៧,៤% ធៀបនឹងឆ្នាំមុន។ ឥណទានប្រមាណ ៥៨,៦ ទ្រីលានរៀល គ្របដណ្តប់លើការជួញដូរដុំនិងរាយ កើនឡើង ២៥,១% ខណៈសេវាកម្ម មានទំហំ ២២,៥ ទ្រីលានរៀល កើនឡើង ៩,៦%។

ដោយឡែក សម្រាប់វិស័យកសិកម្មទទួលបានឥណទានពីគ្រឹះស្ថានធនាគារ និងហិរញ្ញវត្ថុ បានប្រមាណ ២២,៥ ទ្រីលានរៀល កើនឡើង ៩.៧% អង្គភាពគ្រួសារ ១២,៩ទ្រីលានរៀល កើនឡើង ៥,៥% និងកម្មន្តសាលកើនឡើង ៣,៥% ក្នុងទំហំទឹកប្រាក់ ៨,២ទ្រីលានរៀល រួមនិងផ្នែកផ្សេងៗប្រមាណ ៤៤,៥ទ្រីលានរៀល កើនឡើងប្រមាណ ១៩,២% ។

បើតាមការគូសបញ្ជាក់របស់ធនាគារជាតិនៃកម្ពុជា កន្លងទៅថា ប្រព័ន្ធធនាគារបានដើរតួនាទីយ៉ាងសកម្ម ដើម្បីបន្តគាំទ្រការងើបឡើងវិញនៃសេដ្ឋកិច្ច តាមរយៈការបន្តផ្តល់សេវាហិរញ្ញវត្ថុសមស្រប ដើម្បីឆ្លើយតបនឹងតម្រូវការសេដ្ឋកិច្ច៕

អត្ថបទ៖ ស៊ីណាត

The post ការផ្តល់កម្ចីរបស់គ្រឹះស្ថានធនាគារ និងហិរញ្ញវត្ថុ នៅកម្ពុជា មានការកើនឡើងជាង ១៨ភាគរយ appeared first on .

លោក រ័ត្ន សោភ័ណ អនុប្រធាសមាគមធនាគារនៅកម្ពុជាប្រាប់ឱ្យដឹងនៅក្នុងសន្និសីទសារព័ត៌មានស្តីពី«ស្ថានភាពវិស័យធនាគារនិងហិរញ្ញវត្ថុនិងវិធានការបុរេសកម្មឆ្លើយតបទៅនិងការផ្តល់សេវាហិរញ្ញវត្ថុក្រៅផ្លូវការ» នៅថ្ងៃទី៧ ខែកុម្ភៈ ឆ្នំា២០២៣ នេះនៅក្នុងវិស័យធនាគារទំាងមូលដែលមានឥណទានសរុបមានចំនួន៤០ពាន់លានដុល្លារអាមេរិកនោះគឺមានឥណទានក្នុងវិស័យកសិកម្មគឺមាន៨% ស្មើប្រមាណ៣.៦៨០លានដុល្លាអាមេរិក។
ពាក់ព័ន្ធនិងការផ្តល់ឥណទាននៅក្នុងវិស័យកសិកម្មកន្លងមកនេះបើតាមលោក រ័ត្ន សោភណ្ឌ័ លើកឡើងថា តើយុទ្ធសាស្ត្ររបស់ធនាគារយ៉ាងណាសម្រាប់វិស័យកសិកម្មកន្លងមកនេះ? សម្រាប់វិស័យធនាគារទំាងមូលនូវតែបន្តការយកចិត្តទុកដាក់លើវិស័យកសិកម្មនេះដដែល ដោយសារវិស័យនេះនៅមានកំណើនគួរឱ្យកត់សម្គាល់។ ប៉ុន្តែស្ថាប័ននីមួយៗផ្តោតលើវិស័យកសិកម្មខ្លំាងជាងវិស័យពាណិជ្ជកម្មយ៉ាងម៉េចវាអាស្រ័យទៅលើយុទ្ធសាស្ត្រនិងកម្រិតហានិភ័យនីមួយៗរបស់ស្ថាប័នធនាគារ។
លោកគូសបញ្ជាក់ថា «បើយើងមើលទិន្នន័យទូទៅគឺឥណទាននៅក្នុងវិស័យកសិកម្មមានប្រមាណ៨%ឬស្មើប្រមាណ៣.៦៨០លានដុល្លារអាមេរិកនៃទំហំឥណទានសរុប»។

លោក សុខវឿន ប្រធានក្រុមប្រឹក្សាភិបាលសមាគមមមីក្រូហិរញ្ញវត្ថុកម្ពុជាមានប្រសាសន៍ថាគិតត្រឹមដំណាច់ឆ្នាំ២០២២ វិស័យមីក្រូហិរញ្ញវត្ថុមានអតិថិជនឥណទានសរុប ២លាននាក់ ដោយមានទំហំឥណទានជាង ៩ពាន់លានដុល្លាសហរដ្ឋអាមេរិក ដោយក្នុងនោះប្រមាណជិត ១៩%ឬស្មើប្រមាណ១.៧០០លានដុល្លារអាមេរិកជាឥណទានផ្តល់ជូនវិស័យកសិកម្ម។
លោកសុខវឿន ថាវិស័យកសិកម្មជាវិស័យអាទិភាព បើនៅឆ្នំាក្រោយនៅមានកម្រិតទាបយ៉ាងណាក៏ដោយ វិស័យមីក្រូហិរញ្ញវត្ថុនៅតែបន្តការគំាំទ្រ ព្រោះវាជាវិស័យស្នូលដែលប្រជាជនភាគច្រើនលើសលប់បានចូលរួមនៅក្នុងវិស័យមួយនេះ។
ទាក់ទងនិងវិស័យធនាគារនៅកម្ពុជា បើយោងតាមលោក រ័ត្នសោភ័ណថា នៅឆ្នាំ២០២២នេះ ប្រព័ន្ធធនាគារកម្ពុជាសម្រេចបានលទ្ធផលល្អ និងបានរួមចំណែកយ៉ាងសំខាន់ ក្នុងការរក្សាស្ថិរភាពម៉ាក្រូសេដ្ឋកិច្ចនិងគាំទ្រកំណើនសេដ្ឋកិច្ច ដែលត្រូវបានប៉ាន់ស្មានថាងើបឡើងវិញ ក្នុងអត្រា ៥,១%។

ប្រព័ន្ធធនាគារហិរញ្ញវត្ថុ បានផ្តល់ឥណទានទៅកាន់វិស័យសេដ្ឋកិច្ច ជាមួយកំណើន ២១% ប្រមាណជា ៥៦ ប៊ីលានដុល្លារអាមេរិក, ប្រាក់បញ្ញើអតិថិជនកើនជាង ១១% ឬប្រមាណជាង ៤៤ប៊ីលានដុល្លារអាមេរិក។ ចំនួនគណនីប្រាក់បញ្ញើអតិថិជនកើនពី ១២,៧លាន ដល់ ១៤,៣លានគណនី និងគណនីឥណទានអតិថិជនពី ៣,៤លាន ដល់ ៣,៧លានគណនី។

ប្រព័ន្ធធនាគារកម្ពុជាមានធនាគារពាណិជ្ជ ៦០ ធនាគារឯកទេស ៩ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ៥ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើ ៨២ គ្រឹះស្ថានឥណទានជនបទ ២២៤ គ្រឹះស្ថានភតិសន្យាហិរញ្ញវត្ថុ ១៦ អ្នកដំណើរការតតិយភាគី ៥ គ្រឹះស្ថានផ្តល់ សេវាទូទាត់សងប្រាក់ ៣៤ អ្នកផ្តល់សេវាប្រព័ន្ធចែករំលែកព័ត៌មានឥណទាន ១ ការិយាល័យតំណាងធនាគារបរទេស ៦ និងអាជីវកម្មប្ដូរប្រាក់ ២.៨៦៩៕
អត្ថបទ៖សារេត

The post គ្រឹះស្ថានធនាគារនិងហិរញ្ញវត្ថុផ្តល់ឥណទានទៅក្នុងវិស័យកសិកម្មមាន៥ពាន់លានដុល្លារ appeared first on .