នៅក្នុងកិច្ចប្រជុំនេះ អង្គប្រជុំបានពិនិត្យ និងពិភាក្សាយ៉ាងលម្អិតលើគម្រោងរំដោះទឹក និងពង្វាងទឹកអូរខៃដន និងបឹងកន្សែង ដែលជាផ្នែកសំខាន់មួយនៃ «គម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ខេត្តបន្ទាយមានជ័យ» ក្រោមហិរញ្ញប្បទានសម្បទានពីរដ្ឋាភិបាលនៃសាធារណរដ្ឋកូរ៉េ។ ទន្ទឹមនឹងនេះ កិច្ចប្រជុំក៏បានលើកយកផែនការជំហានទី២ មកជជែកពិភាក្សាផងដែរ សំដៅពង្រីកសក្តានុពលនៃការរំដោះទឹកចេញពីខេត្តបន្ទាយមានជ័យ ដោយចាប់ពីតំបន់ស្ទឹងបត់ អូរបីជាន់ និងបណ្ដាតំបន់រណបនានា រហូតធ្លាក់ចូលទៅក្នុងបឹងទន្លេសាប។

សូមជម្រាបជូនថា គម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ខេត្តបន្ទាយមានជ័យ ត្រូវបានបង្កើតឡើងក្នុងគោលបំណងបង្កើនផលិតភាពកសិកម្ម កាត់បន្ថយផលប៉ះពាល់ពីគ្រោះមហន្តរាយធម្មជាតិ និងបង្កើនប្រសិទ្ធភាពនៃការគ្រប់គ្រងធនធានទឹក។ ការកែលម្អប្រព័ន្ធនេះ នឹងធានាដល់ការផ្គត់ផ្គង់ទឹកបានគ្រប់គ្រាន់សម្រាប់ការបង្កបង្កើនផលស្រូវ ដំណាំកសិកម្មគ្រប់ប្រភេទ ក៏ដូចជាការប្រើប្រាស់ប្រចាំថ្ងៃរបស់ប្រជាពលរដ្ឋ ព្រមទាំងកាត់បន្ថយហានិភ័យពីគ្រោះទឹកជំនន់ និងគ្រោះរាំងស្ងួត។

វិសាលភាពនៃគម្រោងនេះ គ្របដណ្ដប់លើឃុំ-សង្កាត់ចំនួន ១៧ ស្ថិតក្នុងក្រុងប៉ោយប៉ែត ស្រុកម៉ាឡៃ ស្រុកអូរជ្រៅ និងក្រុងសិរីសោភ័ណ ខេត្តបន្ទាយមានជ័យ ដោយបានចាប់ផ្ដើមអនុវត្តតាំងពីឆ្នាំ២០២១ ហើយគ្រោងនឹងបញ្ចប់ជាស្ថាពរនៅក្នុងឆ្នាំ២០២៦ នេះ៕

The post រដ្ឋមន្ត្រីក្រសួងធនធានទឹក ដឹកនាំកិច្ចប្រជុំពិនិត្យយុទ្ធសាស្ត្រពង្វាងទឹកជំនន់ពីប្រទេសថៃ ឆ្ពោះទៅបឹងទន្លេសាប appeared first on .

ផ្លូវដែលរងការខូចខាតទាំង ៣ ខ្សែនេះ សុទ្ធសឹងជាប្រភេទផ្លូវក្រាលកៅស៊ូពីរជាន់ (DBST) រួមមាន៖ ផ្លូវបោះពោធិ៍-សំរោងកោងទួលល្វៀង, ផ្លូវដំបូកខ្ពស់-វត្តកណ្ដាល និងផ្លូវរ៉ា-ស្ពាន ដោយរងផលប៉ះពាល់ពីទឹកហូរច្រោះជើងទេរ និងហូរកាត់តួផ្លូវជាច្រើនកន្លែង។

ដើម្បីដោះស្រាយការលំបាកចំពោះមុខរបស់ប្រជាពលរដ្ឋ, លោករដ្ឋមន្ត្រី បានណែនាំឱ្យមន្ត្រីជំនាញសហការជាមួយអាជ្ញាធរមូលដ្ឋាន រៀបចំផ្លូវវាង ឬសង់ស្ពានឈើបណ្ដោះអាសន្នជាបន្ទាន់។ ទន្ទឹមនឹងនេះ លោក ឆាយ ឫទ្ធិសែនក៏បានបញ្ជាឱ្យក្រុមការងារចុះស្រង់ទិន្នន័យ និងត្រៀមផែនការបច្ចេកទេស ដើម្បីជួសជុលស្ដារគុណភាពផ្លូវទាំងនេះឡើងវិញភ្លាមៗនៅពេលទឹកស្រក សំដៅធានាសុវត្ថិភាពក្នុងការធ្វើដំណើរ និងបង្ការហានិភ័យទៅថ្ងៃអនាគត៕

The post ក្រសួងអភិវឌ្ឍន៍ជនបទ ត្រៀមស្ដារផ្លូវ ៣ ខ្សែនៅបាត់ដំបងឡើងវិញ ក្រោយរងការខូចខាតដោយទឹកជំនន់ appeared first on .

លោក Swarnim Wagle រដ្ឋមន្ត្រីក្រសួងហិរញ្ញវត្ថុរបស់ប្រទេសនេប៉ាល់ បានមានប្រសាសន៍នៅថ្ងៃទី៣១ ខែសីហាថា “ការប៉ាន់ស្មានដំបូងគឺប្រហែល ៤-៥ពាន់លានដុល្លារ” ដោយសំដៅទៅលើចំនួនទឹកប្រាក់ដែលត្រូវការដើម្បីដោះស្រាយផលវិបាកនៃគ្រោះទឹកជំនន់ភ្លាមៗដូចរលកយក្សស៊ូណាមិដែលបានកើតឡើងនៅថ្ងៃទី២៦ ខែសីហា។

ទន្ទឹមនឹងនេះ​ បើយោងតាមតួលេខរបស់ធនាគារពិភពលោក បានបង្ហាញថាផលិតផលក្នុងស្រុកសរុបរបស់ប្រទេសនេប៉ាល់ នៅឆ្នាំ២០២៥ នឹងមានចំនួនជាង ៤៥ពាន់លានដុល្លារ ដែលនេះមានន័យថាតួលេខនៃការខាតបង់នោះ គឺស្មើនឹង ១០% នៃផលិតផលក្នុងស្រុកសរុបរបស់ប្រទេស។

ប៉ុន្តែទោះជាយ៉ាងណាក៏ដោយ លោក Wagle បានបន្ថែមថាប្រទេសរបស់ខ្លួន នៅតែត្រូវការទឹកប្រាក់តិចជាង បើធៀបទៅនឹងការចំណាយដើម្បីដោះស្រាយផលវិបាកនៃគ្រោះរញ្ជួយដីដ៏ធ្ងន់ធ្ងរបំផុត ដែលបានកើតឡើងនៅឆ្នាំ២០១៥ ខណៈមន្ត្រីកំពុងវាយតម្លៃការខូចខាតបន្ថែមទៀត។

គួរជម្រាបជូនផងដែរថា គ្រោះទឹកជំនន់ភ្លាមៗបានកើតឡើងនៅថ្ងៃទី២៦ ខែសីហា បន្ទាប់ពីផ្ទាំងទឹកកកនៅលើកំពូលភ្នំបានបាក់រលំ បង្កើតជាចរន្តទឹកដ៏ធំមួយដែលហូរចុះមកក្នុងតំបន់ខាងក្រោម។ ទឹកជំនន់បានហូរចុះតាមជ្រលងភ្នំចោតក្នុងល្បឿនលើសពី ១៦០ គីឡូម៉ែត្រក្នុងមួយម៉ោង ជាមួយនឹងការនាំមកនូវក្រួស ថ្ម និងដើមឈើធំៗ បង្កើតជារលកទឹកជំនន់កម្ពស់រហូតដល់ ២១ ម៉ែត្រ។ ទឹកជំនន់ភ្លាមៗ នេះបានបំផ្លាញទីក្រុងជាច្រើននៅតាមតំបន់ព្រំដែន ហូរកាត់ស្ពាន ផ្លូវថ្នល់ និងបំផ្លាញរោងចក្រថាមពលវារីអគ្គិសនីសំខាន់ៗ ក៏ដូចជាធ្វើឲ្យមនុស្សស្លាប់ និងបាត់ខ្លួនរាប់រយរាប់ពាន់នាក់ផងដែរ៕​

The post នេប៉ាល់ អាចខាតបង់ដល់ ៤-៥ពាន់លានដុល្លារ ដោយសារគ្រោះទឹកជំនន់ភ្លាមៗ ដ៏កាចសាហាវ appeared first on .

ក្នុងឱកាសអញ្ជើញជាធិបតីភាពសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧៣ កំណាត់ផ្លូវខេត្តលេខ៣៧៧ និងផ្លូវខេត្តលេខ៣៧៧A នៅថ្ងៃទី២៥ ខែសីហា ឆ្នាំ២០២៦ សម្តេចធិបតី ហ៊ុន ម៉ាណែត មានប្រសាសន៍ថា «សូមឱ្យពិនិត្យមើលនៅក្នុងត្រៀមអន្ដរាគមន៍។ អាទិភាពជីវិតរបស់ប្រជាជន សុវត្ថិភាពរបស់ប្រជាជន គឺសំខាន់ កងកម្លាំងប្រដាប់អាវុធគ្រប់ប្រភេទ ត្រៀមលក្ខណៈដើម្បីជួយគ្រប់កន្លែង»។
 
សម្ដេចធិបតីនាយករដ្ឋមន្ដ្រី បានបន្ថែមថា «យើងមិនអាចទប់គ្រោះធម្មជាតិ បាន១០០% ទេ ហើយក៏គ្មានប្រទេសណា អាចទប់បានដែរ ដូច្នេះ អាជ្ញាធរត្រូវត្រៀមអន្ដរាគមន៍គ្រប់ពេលវេលា»។

សូមជម្រាបជូនថា ក្នុងពេលដែលកម្ពុជាប្រឈមនឹងគ្រោះទឹកជំនន់នេះ ក្រសួងសុខាភិបាលក៏បានចេញសេចក្តីណែនាំជាបន្ទាន់ដល់ប្រជាពលរដ្ឋទាំងអស់ ឱ្យចូលរួមអនុវត្តវិធានការការពារសុខភាព និងសុវត្ថិភាពដើម្បីកាត់បន្ថយគ្រោះថ្នាក់ជាអតិបរមា ដោយត្រូវតាមដានព័ត៌មានអាកាសធាតុជាប្រចាំ ត្រៀមលក្ខណៈរៀបចំទីទួលសុវត្ថិភាព បម្រុងទុកស្បៀងអាហារ និងឱសថសម្រាប់សង្គ្រោះបន្ទាន់៕

The post សម្តេចធិបតី ហ៊ុន ម៉ាណែត ណែនាំឱ្យអាជ្ញាធរគ្រប់លំដាប់ថ្នាក់ ត្រៀមអន្តរាគមន៍ជួយប្រជាពលរដ្ឋ ខណៈទឹកជំនន់ទន្លេមេគង្គហក់ឡើងខ្ពស់ appeared first on .

យោងតាមសេចក្ដីប្រកាសព័ត៌មាន ចុះថ្ងៃទី២៥ ខែសីហា ឆ្នាំ២០២៦នេះ ក្រសួងសុខាភិបាល បានបញ្ជាក់ថា មុនពេលទឹកជំនន់មកដល់ ប្រជាពលរដ្ឋត្រូវតាមដានព័ត៌មានអាកាសធាតុជាប្រចាំ ដោយត្រៀមលក្ខណៈរៀបចំទីទួលសុវត្ថិភាព បម្រុងទុកស្បៀងអាហារ និងឱសថសង្គ្រោះបន្ទាន់។ បន្ថែមពីនេះ ត្រូវធ្វើរបងព័ទ្ធ ឬបោះបង្គោលចំណាំនៅកន្លែងទឹកជ្រៅ ព្រមទាំងថែរក្សាបរិស្ថានជុំវិញផ្ទះ និងសាងសង់បង្គន់ឱ្យបានខ្ពស់ផុតពីទឹក។

ក្រសួងសុខាភិបាល បន្ថែមថា អំឡុងពេលមានទឹកជំនន់ សុវត្ថិភាពស្នាក់នៅ និងការប្រើប្រាស់អគ្គិសនីជាចំណុចសំខាន់ ដោយមិនត្រូវចូលក្នុងផ្ទះទ្រុឌទ្រោម ឬប៉ះពាល់ឧបករណ៍អគ្គិសនីពេលដៃសើម និងកំពុងឈរក្នុងទឹកឡើយ។ ដើម្បីបង្ការជំងឺឆ្លង និងជំងឺសើស្បែក ត្រូវសម្រាន្តក្នុងមុងជាប្រចាំ និងងូតទឹកដុសសាប៊ូឱ្យបានស្អាត។ ចំពោះស្ត្រីមានផ្ទៃពោះជិតដល់ពេលសម្រាល ត្រូវទៅស្នាក់នៅជិតមណ្ឌលសុខភាព ហើយត្រូវនាំកុមារទៅចាក់ថ្នាំបង្ការតាមកាលកំណត់។ ចំពោះការហូបចុក ត្រូវពិសាតែទឹកស្អាត ឬទឹកដាំពុះ និងប្រើប្រាស់ថ្នាំក្លរីនឱ្យបានត្រឹមត្រូវ រួមជាមួយការបរិភោគអាហារឆ្អិនល្អ និងលាងដៃនឹងសាប៊ូជាប្រចាំ។ លើសពីនេះ ការធ្វើដំណើរតាមទូកត្រូវពាក់អាវពោងសុវត្ថិភាពជានិច្ច ហើយត្រូវប្រុងប្រយ័ត្នសត្វអសិរពិស ដូចជាពស់ចឹក ដោយត្រូវស្លៀកខោជើងវែង និងពាក់ស្បែកជើងកវែងពេលធ្វើដំណើរយប់។

ក្រោយពេលទឹកជំនន់ស្រកទៅវិញ ប្រជាពលរដ្ឋត្រូវបន្តរក្សាអនាម័យខ្លួនប្រាណ និងការហូបចុកឱ្យបានល្អដដែល។ មុននឹងប្រើប្រាស់ប្រភពទឹកឡើងវិញ ត្រូវធ្វើការស្តារ និងសម្អាតអណ្ដូងទឹក ព្រមទាំងជួសជុលបង្គន់ឱ្យបានត្រឹមត្រូវ។ ជាមួយគ្នានេះ ត្រូវពិនិត្យមើលភាពរឹងមាំនៃផ្ទះសម្បែង និងធ្វើអនាម័យលុបបំបាត់ទឹកដក់ជុំវិញផ្ទះ ដើម្បីកម្ទេចជម្រកមូសខ្លា និងមូសដែកគោល។

ក្រសួងសុខាភិបាល សង្កត់ធ្ងន់ថា ក្នុងករណីមានបញ្ហាសុខភាព ឬត្រូវសត្វអសិរពិសទិចឬខាំ សូមប្រញាប់ទៅស្វែងរកការពិគ្រោះ និងព្យាបាលជាបន្ទាន់នៅប៉ុស្តិ៍សុខភាពក្បែរទីទួលសុវត្ថិភាព មណ្ឌលសុខភាព ឬមន្ទីរពេទ្យដែលនៅជិតបំផុត៕

The post ក្រសួងសុខាភិបាលអំពាវនាវ និងណែនាំ៣ចំណុចឱ្យប្រជាពលរដ្ឋប្រុងប្រយ័ត្ន និងថែរក្សាសុខភាពក្នុងរដូវទឹកជំនន់ appeared first on .

ដើម្បីអាចទប់ទល់ទៅនឹងគ្រោះធម្មជាតិដូច្នេះ ទីក្រុងឌូបៃបានបង្កើតនូវគម្រោងមួយមានឈ្មោះថា Tasreef ដែលគ្រោងបញ្ចប់នៅឆ្នាំ២០៣៣ ។  នេះជាការពង្រឹងសមត្ថភាពប្រព័ន្ធលូបង្ហូរទឹកភ្លៀងរបស់ទីក្រុងបានដល់ទៅចំនួន៧០០% និងអាចរំដោះទឹកចេញបានដល់ទៅជាង ២០លានម៉ែត្រគូបក្នុងមួយថ្ងៃ ហើយម្យ៉ាងវិញទៀតវាក៏នឹងក្លាយជាគម្រោងរំដោះទឹកភ្លៀងដ៏ធំបំផុតមួយនៅក្នុងតំបន់ផងដែរ។

សូមជម្រាបដែរថា ទីក្រុងឌូបៃដែលត្រូវបានចាត់ទុកថា ជាមជ្ឈមណ្ឌលទេសចរណ៍ និងធុរកិច្ចរបស់ប្រទេសអារ៉ាប់រួម កាលពីខែមេសាកន្លងទៅ ត្រូវបានរំខានដោយសារភ្លៀងធ្លាក់យ៉ាងសម្បើម ខណៈដែលវាបានបង្កឲ្យមានការបំផ្លិចបំផ្លាញផ្លូវថ្នល់ ហាង ព្រមទាំងផ្ទះសម្បែងរបស់ប្រជាពលរដ្ឋ លើសពីនោះវាក៏បានបង្ខំឲ្យអាកាសយានដ្ឋានឌូបៃ ផ្អាកជើងហោះហើរមួយរយៈពេលទៀតផង៕

The post ទីក្រុងឌូបៃចាយប្រាក់ជាង ៨ពាន់លានដុល្លារបង្កើនសមត្ថភាពប្រព័ន្ធលូ ដើម្បីការពារពីទឹកជំនន់ appeared first on .

ភ្លៀងធ្លាក់យ៉ាងគំហុកអស់រយ:ពេលជាច្រើនម៉ោងជាប់គ្នា បានធ្វើឲ្យអាកាសយានដ្ឋានដ៏មមាញឹកមួយត្រូវបង្ខំចិត្តផ្អាកជើងហោះហើរជាបណ្តោះអាសន្ន ស្របពេលផ្លូវថ្នល់នានាបានជាប់គាំង រួមទាំងផ្ទះសម្បែង និងហាងអាជីវកម្មត្រូវជន់លិចដោយទឹក។

ហើយឥឡូវនេះ បើតាមសារព័ត៌មាន Insurance Insider បានរាយការណ៍ពីការព្យាករទុករបស់ខ្លួនថា ទំហំនៃការខូតខាតដែល​បង្ក​ឡើងដោយគ្រោះទឹកជំនន់ដ៏ធ្ងន់ធ្ងរបំផុតមិនធ្លាប់មានអស់រយ:ពេល ៧៥ឆ្នាំកន្លងមកនេះ អាចនឹងមានចំនួនរហូតដល់ទៅ ១ពាន់លានដុល្លារ។

មិនតែប៉ុណ្ណោះ ប្រភពដដែលនេះ បានសង្កត់ធ្ងន់ទៀតថា តួលេខដ៏ច្រើនបែបនេះ គឺយកទៅគិតលើការខូចខាតផ្នែកពាណិជ្ជកម្ម សម្រាប់អាជីវកម្ម និងការងារជួសជុលទៅលើផ្ទះសម្បែង រថយន្ត និងហាងនានាដែលត្រូវជន់លិចដោយទឹក។

ជម្រាបជូនផងដែរថា ប្រធានាធិបតីអារ៉ាប់រួម ព្រះអង្គម្ចាស់ Sheikh Mohammed bin Nahyan បានចេញសេចក្តីប្រកាសជាសាធារណៈ ដោយអំពាវនាវឲ្យអាជ្ញាធរធ្វើការយ៉ាងឆាប់រហ័សតាមដែលអាចធ្វើបានទៅលើការសិក្សាអំពីស្ថានភាពហេដ្ឋារចនាសម្ព័ន្ធ នៅទូទាំងទីក្រុងឌុយបៃ និងធ្វើការកំណត់ទំហំនៃការខូចខាតដែលបង្កឡើងដោយគ្រោះទឹកជំនន់ដ៏កម្រនេះ៕

The post គ្រោះទឹកជំនន់ធ្ងន់ធ្ងរនៅទីក្រុងឌុយបៃ អាចបណ្តាលឲ្យរងការខូចខាតដែលមានតម្លៃដល់ទៅ ១ពាន់លានដុល្លារ appeared first on .

យោងតាមការចុះផ្សាយពីគេហទំព័រ MSN បានបង្ហាញថា ទឹកប្រាក់ទាំងនោះគឺសម្រាប់ផ្គត់ផ្គង់ ដល់ប្រជាពលរដ្ឋដែលស្ថិតក្នុងតំបន់រងគ្រោះទឹកជំនន់ធ្ងន់ធ្ងរ និងបង្កើនសង្វាក់ផលិតកម្មឲ្យប្រសើរឡើងវិញ ឲ្យរហ័សបំផុតតាមដែលអាចធ្វើទៅបាន។

សូមជម្រាបបន្ថែមថា មួយរយៈកាលចុងក្រោយនេះ ប្រទេសចិនកំពុងជួបបញ្ហាគ្រោះទឹកជំនន់​ ដែលបណ្ដាលឲ្យមានមនុស្សរាប់រយនាក់បាត់បង់ជីវិត ខណៈកំណើនសេដ្ឋកិច្ចក្នុងប្រទេស​ក៏​ប្រឈមហានិភ័យផងដែរ៕

The post រដ្ឋាភិបាលចិនបញ្ចេញកញ្ចប់ថវិកា ៥០០លានយ៉ន់ ជួយប្រជាជនជួបគ្រោះមហន្តរាយ appeared first on .

ដោយឡែក លោក Rachada Dhnadirek អ្នកនាំពាក្យរដ្ឋាភិបាល​ក៏​បានទម្លាយ​ដែរថា នាយករដ្ឋមន្ត្រី ប្រាយុទ្ធ ចាន់អូចា​ បាន​បញ្ជា​ឲ្យ​មន្ត្រី​ទាំងអស់ ព្យាយាម​ពន្លឿន​ការងារ​ដែល​ទាក់ទង​នឹង​ករណី​គ្រោះ​ទឹកជំនន់​ទូទាំង​ប្រទេស។

“​រដ្ឋាភិបាល​បាន​រៀបចំ​ថវិកា​សម្រាប់​ដោះស្រាយ​បញ្ហាគ្រោះទឹកជំនន់ ដែល​មាន​យ៉ាងតិច ២៣ ពាន់​លាន​បាត ដែល​នឹង​ត្រូវដកចេញ​ពី​កញ្ចប់​ចំណាយ​សម្រាប់​ឆ្នាំ ២០២៣។ រដ្ឋាភិបាល​ក៏​បាន​ត្រៀម​រួចរាល់ បើសិនជា​ត្រូវការ​ថវិកា​បន្ថែម​ពី​ប្រភពផ្សេងទៀត”។ នេះ​បើតាម​សម្ដី​របស់​លោក ប្រាយុទ្ធ បាន​លើកឡើង​កាលពី​ពេលកន្លងទៅ។

សូមជម្រាបដែរថា គម្រោងចំណាយ​សម្រាប់​ប្រទេសថៃ​នៅ​ឆ្នាំ ២០២៣ គឺមាន​ប្រមាណ ៩២,៤ ពាន់​លាន​បាត ហើយ​មួយ​ចំណែក​នៃ​ចំនួន​នោះ​ នឹងត្រូវ​ប្រើប្រាស់​ក្នុង​ករណី​ចាំបាច់​ណាមួយ៕

The post រដ្ឋាភិបាលថៃគ្រោងចាយលុយប្រហែល ៦ ពាន់លានដុល្លារ ជួយប្រជាជនជួបគ្រោះទឹកជំនន់ appeared first on .

សេចក្ដី​ប្រកាស​មួយ​នេះ​បាន​ធ្វើ​ឡើង​ ក្រោយ​ជំនួប​រវាង​នាយក​ប្រចាំ​តំបន់ Yong Ye និង​មន្ត្រី​ហិរញ្ញវត្ថុ Ishaq Dar ខណៈ​គ្រោះ​ទឹកជំនន់​មួយ​នេះ​បាន​បង្ក​ផលប៉ះពាល់​យ៉ាងខ្លាំង​ដល់​ប៉ាគីស្ថាន។

យោងតាម​ការ​ចុះផ្សាយពី CNA បាន​ឲ្យ​ដឹងថា មាន​មនុស្ស​ជិត ១ ៧០០ នាក់​បាន​បាត់បង់ជីវិត​ក្នុង​គ្រោះ​ទុរភិក្ស​មួយ​នេះ ហើយ​ភាគច្រើន​នៃ​ជនរងគ្រោះ​គឺ​ជា​កុមារ និង​ស្ត្រី។

ក្រៅពី ADB នៅមាន​អង្គការ​សប្បុរសធម៌ជាច្រើន​ទៀត​ដែល​កំពុង​ព្យាយាម​ជួយ​ដល់​ប៉ាគីស្ថាន ដូចជា​អង្គការសហប្រជាជាតិ​ដែល​បាន​រៃអង្គាសប្រាក់​ពី ១៦០ ដល់ជាង ៨០០ លាន​ដុល្លារ ដើម្បី​ជួយ​ជា​ស្បៀងអាហារ​ដល់​ក្រុមគ្រួសារ​ជួប​ប្រទះ​ផលវិបាក​ដោយសារ​គ្រោះ​ទឹកជំនន់​នេះ៕

The post ADB ផ្ដល់ជំនួយដល់ប៉ាគីស្ថាន ២,៥ ពាន់លានដុល្លារ ដោះស្រាយវិបត្តិគ្រោះទឹកជំនន់ appeared first on .