ធនាគារអភិវឌ្ឍន៍អាស៊ី ADB គឺជាប្រភពផ្តល់ជំនួយអភិវឌ្ឍន៍ដ៏ធំមួយ របស់ប្រទេសកម្ពុជា ជាមួយការផ្តល់ប្រាក់កម្ចីប្រចាំឆ្នាំ ជាមធ្យមចំនួន ៣២៩,៨ លានដុល្លារក្នុងមួយឆ្នាំ នៅចន្លោះឆ្នាំ២០១៦ ដល់២០២១។ មកទល់ពេលនេះ ADB បានផ្តល់ប្រាក់កម្ចី ជំនួយឥតសំណង និងជំនួយផ្នែកបច្ចេកទេសក្នុងវិស័យសាធារណៈ ចំនួន៣១៩គម្រោង ដែលមានទំហំទឹកប្រាក់សរុបចំនួន ៤,២ ពាន់លានដុល្លារដល់កម្ពុជា។

ច្រើនជាងមួយភាគបួននៃគម្រោង ដែលបានផ្តល់ហិរញ្ញប្បទាន នឹងត្រូវបានវិនិយោគលើការអប់រំ និងការអភិវឌ្ឍន៍ជំនាញគម្រោង។ ខណៈប្រមាណ២២ភាគរយ នៃហិរញ្ញប្បទាន បានជួយដល់រដ្ឋាភិបាល ក្នុងការអភិវឌ្ឍខ្សែច្រវាក់តម្លៃជលផលប្រកបដោយនិរន្តរភាព (sustainable fisheries value chains )ដូចជា តំបន់ឆ្នេរសមុទ្រ ប្រព័ន្ធអេកូឡូស៊ីសមុទ្រ និងប្រព័ន្ធធារាសាស្រ្ត។

ជាមួយគ្នានេះ ADB បានផ្តល់ហិរញ្ញប្បទានដល់គម្រោងកម្មវិធី ដើម្បីបង្កើនសេដ្ឋកិច្ចចម្រុះ ជាមួយបង្កើតការប្រកួតប្រជែង និងសម្រួលបរិយាកាសអាជីវកម្ម ព្រមទាំងការផ្តល់ហិរញ្ញប្បទានសមរម្យ ទៅសហគ្រាសធុនតូច និងមធ្យម (SMEs)។ ទន្ទឹមការជំរុញហេដ្ឋារចនាសម្ព័ន្ធទីក្រុង ប្រកបដោយនិរន្តរភាព និងបៃតងក៏ត្រូវបាន ADB យកចិត្តទុកដាក់ផ្តល់ជំនួយជាហិរញ្ញប្បទាន នូវការសាងសង់ ជួសជុលផ្លូវ ប្រសិទ្ធភាពនៃការផ្គត់ផ្គង់ថាមពល និងបរិស្ថានរស់នៅក្នុងទីក្រុង ។

ក្រៅពីនេះ ADB បានជួយរដ្ឋាភិបាលកម្ពុជា ក្នុងការឆ្លើយតបជាបន្ទាន់របស់ខ្លួន ចំពោះជំងឺរាតត្បាតកូវីដ-១៩ តាមរយៈកម្មវិធីពង្រឹងប្រព័ន្ធថែទាំសុខភាព (Health Care System) ក្នុងការបង្កើនជំនួយសង្គមដល់ជនក្រីក្រ និងជនងាយរងគ្រោះ។

សូមជម្រាបជូនថា នៅក្នុងឆ្នាំ២០២១ ADB ផ្តល់ប្រាក់កម្ចីចំនួន ៣២៧,១ លានដុល្លារ គាំទ្រដល់កិច្ចខិតខំប្រឹងប្រែងរបស់រដ្ឋាភិបាល ក្នុងការឆ្លើយតបទៅនឹងការរាតត្បាតនៃជំងឺរាតត្បាតកូវីដ១៩ ដើម្បីបង្កើននូវសមត្ថភាពប្រព័ន្ធសុខភាពស្នូល ដើម្បីឆ្លើយតបទៅនឹងការគំរាមកំហែងផ្នែកសុខភាពសាធារណៈ។

នៅក្រោមទិសដៅចក្ខុវិស័យរបស់ ADB សម្រាប់ឆ្នាំ ២០២២-២០២៤ ធនាគារនេះ នឹងជួយរដ្ឋាភិបាលទៅលើការអភិវឌ្ឍធនធានមនុស្ស ប្រកបដោយគុណភាពខ្ពស់ ជាមួយធនធានដែលមានសមត្ថភាពជំនាញកម្រិតខ្ពស់ លើវិស័យបច្ចេកវិទ្យា ជាពិសេសពង្រឹងការចូលរួម របស់វិស័យឯកជន៕ អត្ថបទ៖រង្សី

The post ឆ្នាំ២០២១ ADB ផ្តល់ជំនួយឥតសំណងដល់កម្ពុជាក្នុងទំហំទឹកប្រាក់ ៤,២ពាន់លានដុល្លារ appeared first on .

បើតាមលោកឧបនាយករដ្ឋមន្ត្រី នៅពេលដែលបន្ទាប់ពីការ​ជួបជាមួយនិងសម្ដេច យើងចុះហត្ថលេខា ជាមួយលោក វ៉ាង យី ទៅលើឯកសារមួយចំនួន ដែលក្នុងនោះមាន ជំនួយឧបត្ថម្ភឥតសំណង ​២៧០ លានដុល្លារអាមេរិក សម្រាប់ការអនុវត្តនូវគម្រោងផ្សេងៗរបស់កម្ពុជា។

The post ទឹកប្រាក់ ២៧០ លានដុល្លារ ភាគីចិនផ្តល់មកឲ្យកម្ពុជាសម្រាប់ការអនុវត្តនូវគម្រោងផ្សេងៗ appeared first on .

ស្ថានទូតចិនប្រចាំកម្ពុជា នៅថ្ងៃទី ១៣ ខែមេសា ឆ្នាំ ២០២១នេះ បានឱ្យដឹងថា វ៉ាក់សាំងទាំងនេះនឹងដឹកជញ្ជូនមកដល់ប្រទេសកម្ពុជានាចុងខែមេសាខាងមុខនេះតាមរយៈជើងហោះហើរពាណិជ្ជកម្ម។ ជាជំនួយវ៉ាក់សាំងបន្ថែមដើម្បីគាំទ្ររាជរដ្ឋាភិបាលកម្ពុជាក្នុងកិច្ចប្រយុទ្ធប្រឆាំងជំងឺវីរុសកូវីដ-១៩។

សូមជម្រាបជូនឡើងវិញផងដែរថា សាធារណរដ្ឋប្រជាមានិតចិន បានផ្តល់ជំនួយជាវ៉ាក់សាំង ស៊ីណូហ្វាម ២ ដំណាក់កាលមកហើយ ចំនួន ១,៣ លានដូសដល់រាជរដ្ឋាភិបាលកម្ពុជា ដើម្បីប្រយុទ្ធប្រឆាំងវិរុសកូវីដ១៩៕

The post មិត្តចិនផ្តល់ជំនួយឥតសំណងជាវ៉ាក់សាំងកូវីដ១៩ស៊ីណូហ្វាម ចំនួន ៤០ ម៉ឺនដូសបន្ថែមទៀត appeared first on .