តាមសេចក្ដីជូនដំណឹងរបស់រដ្ឋបាលរាជធានីភ្នំពេញ ចុះថ្ងៃទី១ ខែមេសា បានឱ្យដឹងថា ព្រឹត្តិការណ៍ «នគរសង្ក្រាន្ត» មានការរៀបចំកម្មវិធីប្រពៃណីសាសនា និងកម្មវិធីមួយចំនួន ដូចជា ពិធីទទួលទេវតាឆ្នាំថ្មី ដង្ហែក្បួននគរសង្ក្រាន្ត ដង្ហែព្រះពុទ្ធរូប ពូនភ្នំខ្សាច់ ស្រង់ព្រះ សម្ដែងទស្សនីយភាពសិល្បៈវប្បធម៌ជាច្រើនទម្រង់ លេងល្បែងប្រជាប្រិយជាតិ និងការតាំងពិព័រណ៍ផលិតផលក្នុងស្រុក។

ជាមួយគ្នានេះ រដ្ឋបាលរាជធានីភ្នំពេញ នឹងបើកដំណើរការផ្លូវថ្មើរជើងចតុមុខរាជធានីភ្នំពេញ (Walk Street) រយៈពេល៦ថ្ងៃ ចាប់ពីថ្ងៃទី១៤ ខែមេសា ដល់ថ្ងៃទី១៩ ខែមេសា ឆ្នាំ២០២៦ ផងដែរ៕

The post ត្រៀមខ្លួនហើយឬនៅ? រាជធានីភ្នំពេញនឹងរៀបចំព្រឹត្តិការណ៍ «នគរសង្ក្រាន្ត» រយៈពេល៦ថ្ងៃ appeared first on .

សម្រាប់ត្រៀមព្រឹត្តិការណ៍សង្ក្រាន្តចូលឆ្នាំថ្មីប្រពៃណីជាតិខ្មែរ ថ្ងៃទី ១៤-១៥-១៦ ខែមេសាឆ្នាំ ២០២៥ ខាងមុខនេះ នៅឯខេត្តកំពង់ធំ ក៏មិនខុសពីនៅតាមបណ្ដាខេត្តនានាប៉ុន្មានទេ ឥឡូវនះសាលាខេត្តកំពង់ធំ កំពុងតែមមាញឹកលើការងាររៀបចំសណ្ដាប់ធ្នាប់និងទីធ្លាកន្លែងកម្សាន្តផ្សេងៗ ដែលរួមមាន «តំបន់ត្រជាក់» ដោយមានការដាក់តាំងពាងទឹកធំៗជាច្រើនតម្រៀបជាហូរហែរនិងបានលាបពណ៌គូសគំនូរផ្កាលើវាឲ្យស្អាតទាក់ទាញបន្ថែមទៀត។

ខេត្តកំពង់ធំ បានត្រៀមរួចរាល់ហើយ ចុះខេត្តបងប្អូនវិញត្រៀមហើយឬនៅ ? សូមត្រៀមបោយទឹក កាំភ្លើងបាញ់ទឹក និងផ្តិលទឹកផង!​ ថ្ងៃចូលឆ្នាំនៅសល់តែកន្លះខែទៀតដល់ហើយ!!!

The post ខេត្តកំពង់ធំ តម្រៀបពាងទឹកធំៗត្រៀមចាំរួចស្រេច អបអរសង្ក្រាន្តចូលឆ្នាំថ្មីប្រពៃណីជាតិខ្មែរ appeared first on .

ផ្អែកតាមការកត់សម្គាល់ និងការសាកសួរក្រុមអ្នកលក់ដូរនៅតាមវត្តពោធិអំពិល ស្ថិតនៅឃុំសំបួរ ស្រុកទ្រាំង ខេត្តតាកែវ នៅថ្ងៃឆ្លងឆ្នំាចុងក្រោយនេះ បើទោះបីមិនសូវមានប្រជពលរដ្ឋនៅក្នុងតំបន់មកលេងកម្សាន្តក្នុងបរវេណវត្តច្រើនដូចទៅនិងកាលពីមុនក្តី តែនៅឆ្នំា២០២៣នេះពួកគាត់អាចលក់ម្សៅកំប៉ុង ទឹកសុទ្ធ រួមនិងកំាភ្លើងបាញ់ទឹកបានច្រើនជាងសម្ភារៈផ្សេងទៀត។

ពាក់ព័ន្ធនឹងការថមថយនៃចំនួនប្រជាពលរដ្ឋនៅក្នុងតំបន់ មិនបានទៅលេងកម្សាន្តនៅតាមវត្តអារាម អាចមកពីអាជ្ញាធរឬគណៈកម្មកាវត្តមិនបានសហការគ្ នារៀបចំបង្កើតឱ្យមានល្បែងលេងកម្សាន្តច្រើនប្រភេទដែលមានការទាក់ទាញប្រជាពលរដ្ឋ ក្រៅតែពីល្បែងវាយក្អម,ឡើងសរសរខ្លាញ់ រំាធុងបាស់ ទាញព្រ័ត លេងប៉ាតម្សៅ និងលេងបាញ់ទឹកដាក់គ្នា។លើសពីនេះអាចមកពីប្រជាពលរដ្ឋឬយុវវ័យពួកគាត់បានចូលរួមលេងកម្សាន្តក្នុងកម្មវិធីប្រគុំតន្ត្រីដែលរៀបចំឡើងដោយថ្នាក់ខេត្តកាលពីយប់ចុងក្រោយនៃថ្ងៃចូលឆ្នំាខ្មែរ។

យោងតាមស្ថិតិអ្នកទេសចរផ្ទៃក្នុងនាឱកាសបុណ្យចូលឆ្នំាប្រពៃណីខ្មែរបង្ហាញថា ខេត្តតាកែវទទួលបានទេសចរជាង១១ម៉ឺននាក់។

ទាក់ទងនិងពិធីបុណ្យចូលឆ្នំាខ្មែរ ឆ្នំា២០២៣នេះ បើយោងតាមលោកបណ្ឌិត គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាយល់ឃើញថា ការចាយវាយរបស់ប្រជាពលរដ្ឋក្នុងរដូវបុណ្យចូលឆ្នំាខ្មែរមានឥទ្ធិពលមកលើសេដ្ឋកិច្ចមានច្រើនគួរសម ដែលប្រជាពលរដ្ឋភាគច្រើនបានចំណាយទៅលើការទិញជាម្សៅ កាំភ្លើងបាញ់ទឹកដែលមានថ្លៃខ្ពស់ ហើយចំណូលបានមកពីការលក់ម្សៅ និងកំាភ្លើងបាច់ទឹកនេះបាន៥០%បានមកដៃជាអ្នកលក់រាយនិង៥០%ផ្សេងទៀតបានហូរចេញទៅក្រៅប្រទេស ដោយសារទំនិញខ្លះនាំចូលមកពីខាងក្រៅប្រទេស៕

អត្ថបទ៖សារេត

The post ម្សៅ ទឹកសុទ្ធ និងកំាភ្លើងបាញ់ទឹក កា្លយជាប្រដាប់លេងកម្សាន្តលក់ដាច់បានច្រើន នៅថ្ងៃចូលឆ្នំាខ្មែរ appeared first on .

មានប្រសាសន៍ក្នុងពិធីសម្ពោធដាក់ឲ្យប្រើប្រាស់ជាផ្លូវការកំណាត់ផ្លូវជាតិលេខ ៧ នៅចំណុចរង្វង់មូលខ្លាស្ទុះ ក្រុងក្រចេះ នៅព្រឹកថ្ងៃចន្ទ ទី០៧ កុម្ភៈនេះ សម្ដេច ហ៊ុន សែន បានលើកឡើងថា៖ “ពិធីបុណ្យចូលឆ្នាំថ្មីប្រពៃណីជាតិខ្មែរ ត្រូវបានផ្អាករយៈពេល ២ឆ្នាំមកហើយដោយសារជំងឺកូវីដ-១៩ តែឆ្នាំនេះ គឺត្រូវធ្វើយ៉ាងណារៀបចំឲ្យបាន”។

ជាមួយគ្នានេះ សម្ដេចបានអំពាវនាវ ឲ្យប្រជាពលរដ្ឋប្រឹងប្រែងដើម្បីធ្វើយ៉ាងម៉េច កុំឲ្យដើរថយក្រោយខានចូលឆ្នាំ ហើយនាំគ្នារាំលេងសប្បាយ តែត្រូវរាំឲ្យឃ្លាតគ្នាបន្តិច។

 ជាថ្មីម្តងទៀត សម្តេចក៏បានអំពាវនាវឲ្យប្រជាពលរដ្ឋទាំងអស់ គោរពច្បាប់ចរាចរណ៍ ដោយពាក់មួកសុវត្ថិភាព ក៏ដូចជា កុំនិយាយ ឬប្រើប្រាស់ទូរស័ព្ទពេលកំពុងធ្វើដំណើរជាដើម៕

The post រដ្ឋាភិបាល ប្រកាសរៀបចំបុណ្យចូលឆ្នាំថ្មីប្រពៃណីខ្មែរឡើងវិញ ហើយនាំគ្នារាំលេងសប្បាយឲ្យណាណី តែត្រូវរាំឲ្យឃ្លាតគ្នាបន្តិច appeared first on .