គួរឲ្យដឹងថា សភា​របស់ប្រទេសថៃ នៅថ្ងៃ​សុក្រ​ ទី១៦ ខែសីហានេះ បានសម្រេច​បោះឆ្នោត​ជ្រើសរើសយក​លោកស្រី Paetongtarn ឲ្យឡើងធ្វើជានាយករដ្ឋមន្ត្រីថ្មី បន្ទាប់​ពី​តុលាការធម្មនុញ្ញប្រកាស​ដក​តំណែងលោក Srettha Thavisin។

ទន្ទឹមនឹងនេះ យោងតាមប្រភពនៅក្នុងស្រុកមួយ បាននិយាយថា អតីតនាយករដ្ឋមន្ត្រីថៃ លោក ថាក់ស៊ីន បានប្រាប់កូនស្រីរបស់លោក ដែលជាមេដឹកនាំគណបក្សកាន់អំណាចភឿថៃ គឺលោកស្រី Paetongtarn ឲ្យលុបផែនការចែកលុយឌីជីថលដ៏ចម្រោងចម្រាសនេះចោលវិញ។

ប្រភពដដែលនេះ បានរាយការណ៍ទៀតថា លោក ថាក់ស៊ីន បាន​ពន្យល់​ប្រាប់ទៅកាន់កូនស្រីរបស់លោកថា​គម្រោង​នេះ​គួរ​តែ​ត្រូវ​បាន​បញ្ឈប់ ​ស្រប​ពេលដែល​សេដ្ឋកិច្ច​របស់ថៃនៅ​មានភាពទន់ខ្សោយខ្លាំងនៅឡើយ ខណ:កន្លងមកក៏មានការខ្វែងគំនិតគ្នាជាច្រើន រួមទាំងជាមួយធនាគារកណ្តាល និងសមាជិកសភាមួយចំនួន ជុំវិញការផ្តល់មូលនិធិ ក៏ដូចជាផលប៉ះពាល់លើអតិផរណា ផងដែរ។

ជម្រាបជូនថា ពលរដ្ឋថៃជិត ៣០ លាននាក់បានចុះឈ្មោះរួចហើយដើម្បីទទួលបានការផ្តល់ជូនជាសាច់ប្រាក់ចំនួន ១ម៉ឺនបាត ក្នុងម្នាក់ដែលមានវ័យចាប់ពី ១៦ឆ្នាំឡើងទៅ មុនពេលផែនការនេះ ត្រូវចាប់ផ្តើមអនុវត្តជាផ្លូវការនៅក្នុងខែវិច្ឆិកា ខាងមុខ។ ហើយប្រសិនបើផែនការនេះ ត្រូវលុបចោលវិញ នោះរដ្ឋាភិបាលថ្មី ប្រហែលជានឹងដាក់ចេញនូវវិធានការជំរុញសេដ្ឋកិច្ចដោយផ្ទាល់ផ្សេងទៀតដើម្បីជំនួសវិញ៕

The post ថៃ ទំនងលុបចោលផែនការចែកលុយឌីជីថលតម្លៃ ១៤ពាន់លានដុល្លារវិញ ក្រោមនាយករដ្ឋមន្ត្រីថ្មី appeared first on .

រដ្ឋមន្ត្រីក្រសួងហិរញ្ញវត្ថុ លោក Pichai Chunhavajira បានប្រាប់សន្និសីទសារព័ត៌មានមួយថា ផែនការផ្តល់ប្រាក់ចំនួន ១ម៉ឺនបាត (២៧៨ដុល្លារ) ក្នុងមួយនាក់ សម្រាប់ប្រជាជនថៃសរុប ៥០ លាននាក់ តាមរយ:កាបូបឌីជីថលនេះ គឺជាវិធានការជំរុញរយៈពេលខ្លីដ៏សំខាន់មួយ ក្នុងគោលបំណងធ្វើឲ្យមានសន្ទុះវឌ្ឍនភាពសេដ្ឋកិច្ចរបស់ថៃ។

គួរឲ្យដឹងថា ផែនការចែកលុយឌីជីថលនេះ ត្រូវបានធ្វើឡើងតាមការសន្យារបស់របស់គណបក្សភឿថៃដែលកំពុងកាន់ដំណាច និងជាគោលនយោបាយដ៏លេចធ្លោបំផុតមួយអំឡុងពេលបោះឆ្នោតកាលពីឆ្នាំ២០២៣ កន្លងទៅ។

ទន្ទឹមនឹងនេះ បើតាមលោក Pichai បានបង្ហាញឲ្យដឹងទៀតថា ផែនការនេះអាចនឹងត្រូវចំណាយអស់ប្រហែល ៤៥០ពាន់លានបាត (១២,៥ពាន់លានដុល្លារ) ដោយនឹងចាប់ផ្តើមចែកជូនពលរដ្ឋជាផ្លូវការ នៅក្នុងខែសីហាខាងមុខ ជាមួយនឹងការទាញយកចេញពីថិវិកាជាតិដែលគ្រោងទុកសម្រាប់ត្រីមាសទី៤ ឆ្នាំ២០២៤ នេះ៕

The post រដ្ឋាភិបាលថៃ​ បញ្ចេញកញ្ចប់ជំនួយតម្លៃជាង ១២ពាន់លានដុល្លារ តាមការសន្យាដើម្បីជំរុញសេដ្ឋកិច្ច appeared first on .

យោងតាមការបង្ហោះសារមួយនៅលើបណ្តាញសង្គម X លោក Srettha បាននិយាយថា ការចុះឈ្មោះនឹងចាប់ផ្តើមនៅថ្ងៃទី១ ខែសីហាខាងមុខ បន្ទាប់ពីផែនការដែលមានឈ្មោះថា ​Digital Wallet នេះ ត្រូវបានប្រកាសតាំងពីខែមេសាមក ដើម្បីផ្តល់លុយម្នាក់ ១ម៉ឺនបាត ដល់ប្រជាពលរដ្ឋចំនួន ៥០លាននាក់ ដើម្បីចាយវាយនៅក្នុងស្រុក។

គួរឲ្យដឹងថាផែនការចែកលុយឌីជីថលនេះ គឺជាគោលនយោបាយដ៏សំខាន់មួយរបស់គណបក្សភឿថៃដែលកំពុងកាន់អំណាច នៅមុនការបោះឆ្នោតសកលកាលពីឆ្នាំមុន។ រដ្ឋាភិបាលរំពឹងថាផែនការនេះ អាចជួយជំរុញដល់សេដ្ឋកិច្ចដែលទន់ខ្សោយរបស់ខ្លួន ជាពិសេសកំណើនផលិតផលក្នុងស្រុកសរុប អាចកើនឡើងចន្លោះពី ១,២% ទៅ ១,៦%។

ទន្ទឹមនឹងនេះ ក្រសួងហិរញ្ញវត្ថុថៃ បានប៉ាន់ប្រមាណថា យ៉ាងហោចណាស់ ៩០% នៃអ្នកមានសិទ្ធិចំនួន ៥០ លាននាក់ នឹងមកចុះឈ្មោះសម្រាប់កម្មវិធីនេះ ខណ:ការចំណាយសរុបនៃផែនការអាចនឹងមានចំនួនប្រហែល ៤៥០ពាន់លានបាត (១២,៧ពាន់លានដុល្លារ)។ កញ្ចប់ទឹកប្រាក់សម្រាប់គម្រោងនេះ នឹងត្រូវទាញចេញពីថវិកាជាតិសម្រាប់ឆ្នាំ២០២៤ និងឆ្នាំ២០២៥។

ប៉ុន្តែទោះជាយ៉ាងណាក៏ដោយ ក្រុមអ្នកជំនាញសេដ្ឋកិច្ច បានធ្វើការរិះគន់យ៉ាងខ្លាំងទៅលើកម្មវិធីនេះ ដោយហៅវាថាជាមធ្យោបាយគ្មានប្រសិទ្ធភាពក្នុងការរួមចំណែកដល់កំណើនសេដ្ឋកិច្ចប្រកបដោយនិរន្តរភាព បើប្រៀបធៀបទៅនឹងវិធានការផ្សេងទៀត៕

The post រដ្ឋាភិបាលថៃ ប្រកាសបើកចុះឈ្មោះផ្តល់លុយឌីជីថលជូនពលរដ្ឋ ចាប់ពីខែសីហា appeared first on .

លោក Julapun បានប្រាប់អ្នកសារព័ត៌មានថា ការផ្តល់មូលនិធិតាមរយ:ការយក​ចេញពីថវិកា​ឆ្នាំ​២០២៤ និង​ឆ្នាំ​២០២៥ នេះ នឹងត្រូវអនុម័តតាមរយ:កិច្ចប្រជុំគណៈកម្មាធិការដែលដឹកនាំដោយនាយករដ្ឋមន្ត្រី។

ទន្ទឹមនឹងនេះ លោក Julapun បានបន្ថែមទៀតថា ផែនការផ្តល់មូលនិធិនេះ ត្រូវបានគេរំពឹងថានឹងដាក់ជូនគណៈរដ្ឋមន្ត្រី នៅសប្តាហ៍ក្រោយ មុនពេលសេចក្តីប្រកាសព័ត៌មានលំអិតទាំងស្រុង នឹងត្រូវធ្វើឡើងនៅថ្ងៃទី២៤ ខែកក្កដាខាងមុខ។

គួរឲ្យដឹងថា គម្រោងចែកលុយឌីជីថលនេះ នឹងឃើញប្រជាជនថៃប្រហែល ៥០ លាននាក់ ទទួលបាន ១ម៉ឺនបាតក្នុងម្នាក់ៗ ដើម្បីចាយវាយក្នុងស្រុក រយៈពេលប្រាំមួយខែ ដោយផែនការនេះ គ្រោងនឹងចាប់ផ្តើមតាំងពីត្រីមាសទី៤ មកម្លេះ ប៉ុន្តែត្រូវបាន​ពន្យារ​ពេលបន្តបន្ទាប់ ដោយសាររដ្ឋាភិបាលជួបការលំបាកក្នុងការស្វែងរកប្រភពមូលនិធិ៕

The post រដ្ឋាភិបាលថៃ នឹងបែងចែកថវិកាឆ្នាំ២០២៤ និង ២០២៥ សម្រាប់គម្រោងចែកលុយឌីជីថល ៥០០ពាន់លានបាត របស់ខ្លួន appeared first on .

ផែនការចែកលុយឌីជីថលនេះ នឹងផ្តល់ប្រាក់ចំនួន ១០ ០០០បាត ដល់ប្រជាជនថៃពេញវ័យ ក្នុងចំនួន ៥០ លាននាក់ ដើម្បីយកទៅប្រើប្រាស់ចាយវាយនៅក្នុងសហគមន៍មូលដ្ឋានរបស់ពួកគេ នៅក្នុងរយ:ពេល ៦ខែ ខណ:រដ្ឋាភិបាលថៃ បានបញ្ជាក់ថាគោលបំណងធំនៃផែនការនេះ គឺចង់រក្សាកំណើនសេដ្ឋកិច្ចរបស់ប្រទេស ដែលកំពុងប្រឈមមុខជាមួយនឹងការកើនឡើងនៃបំណុលគ្រួសារធ្ងន់ធ្ងរ។

គួរឲ្យដឹងផងដែរថា ផែនការចែកចាយលុយឌីជីថល ដែលជាគោលនយោបាយដ៏សំខាន់របស់គណបក្សភឿថៃ ក្នុងការបោះឆ្នោតឆ្នាំ២០២៣ កន្លងទៅ ត្រូវបានពន្យារពេលជាបន្តបន្ទាប់រហូតមកដល់ត្រីមាសទី៤ ដោយសារតែកង្វះខាតថវិកា ខណ:រដ្ឋាភិបាលក៏កំពុងរងការរិះគន់ខ្លាំងផងដែរ​ ដើម្បីស្វែងរកវិធីផ្តល់ហិរញ្ញប្បទានដល់គម្រោងនេះ។

ប៉ុន្តែទោជាយ៉ាងណា ឥឡូវនេះ រដ្ឋាភិបាលថៃ បានប្រកាសថាខ្លួននឹងទាញយកថវិកាសារពើពន្ធឆ្នាំ២០២៤ និង ឆ្នាំ២០២៥ រួមទាំងថវិកាពីធនាគារដ្ឋសម្រាប់ប្រើក្នុងវិស័យកសិកម្ម និងសហករណ៍កសិកម្ម ដើម្បីផ្តល់ហិរញ្ញប្បទានលើផែនការចែកលុយឌីជីថលនេះ។

ទន្ទឹមនឹងនេះ អនុរដ្ឋមន្ត្រីក្រសួងហិរញ្ញវត្ថុ លោក Julapun Amornvivat បាននិយាយថា កាលបរិច្ឆេទនៃការដាក់ដំណើរការផែនការនេះ នឹងត្រូវបញ្ជាក់សារជាថ្មីនៅពេលក្រោយ ដោយរងចាំអ្នកជំនាញពិគ្រោះពិភាក្សាគ្នាលើភាពស្របច្បាប់នៃផែនការនេះជាមុនសិន៕

The post គណ:រដ្ឋមន្ត្រីថៃ យល់ព្រមអនុម័តទៅលើផែនការចែកលុយឌីជីថលតម្លៃជាង ១៣ពាន់លានដុល្លារ appeared first on .

សេចក្ដីប្រកាសមួយនេះធ្វើឡើង បន្ទាប់ពីការិយាល័យក្រុមប្រឹក្សារដ្ឋ រកមិនឃើញហេតុផលណាមួយក្នុងការហាមប្រាម មិនឲ្យគណៈរដ្ឋមន្ត្រីរបស់លោក Srettha ខ្ចីប្រាក់ពីរដ្ឋ ដើម្បីបន្តអនុវត្តផែនការចែកលុយឌីជីថលនោះឡើយ។

រំលឹកបន្តិចថា ផែនការមួយនេះ នឹងផ្ដល់ប្រាក់ ១០ ០០០បាត ឬប្រហែល ២៨៥ដុល្លារសម្រាប់មនុស្សម្នាក់ ទៅកាន់ប្រជាជនប្រហែល ៥០លាននាក់ ដើម្បីចំណាយនៅក្នុងសហគមន៍រៀងៗខ្លួន ខណៈផែនការនេះផងដែរ ក៏ជាចំណុចលេចធ្លោរមួយដែលជួយឲ្យលោក Srettha ក្លាយជានាយករដ្ឋមន្ត្រីថៃ ដ្បិតគណបក្សភឿថៃបានប្រើប្រាស់ផែនការនេះ ក្នុងការឃោសនារកសន្លឹកឆ្នោតកាលពីពេលកន្លងទៅ។

នាយករដ្ឋមន្ត្រី និងជារដ្ឋមន្ត្រីហិរញ្ញវត្ថុរូបនេះ បានបង្ហាញថា ផែនការចែកលុយឌីជីថល នឹងអាចជួយបង្កើនកំណើនសេដ្ឋកិច្ចរបស់ថៃ ឲ្យឡើងដល់ចំណុច៥% យ៉ាងតិចក្នុងមួយឆ្នាំ ប៉ុន្តែសេដ្ឋកិច្ចវិទូ និងអតីតទេសាភិបាលធនាគារកណ្ដាលមួយចំនួន បានចេញមុខប្រតិកម្មជាមួយផែនការមួយនេះ ដោយអះអាងថា វានឹងជំរុញឲ្យអត្រាអតិផរណាកាន់តែកើនឡើងជាងពេលបច្ចុប្បន្ន៕

The post នាយករដ្ឋមន្ត្រីថៃ៖ គម្រោងចែកលុយឌីជីថល ១៤ពាន់លានដុល្លារ នឹងអនុវត្តពីខែឧសភាតទៅ appeared first on .

លោក Srettha បាននិយាយថា ផែនការក្នុងការចែកលុយឌីជីថលនេះ គឺនឹងត្រូវផ្តល់ជូនប្រជាជនថៃ ដែលមានអាយុចាប់ពី ១៦ ឆ្នាំឡើងទៅ ក្នុងម្នាក់ៗចំនួន ១០ ០០០បាត និងត្រូវតែជាអ្នកដែលអាចរកប្រាក់ចំណូលបានតិចជាង ៧០ ០០០បាត ឬជិត ២ ០០០ដុល្លារ ក្នុងមួយខែ ហើយនិងមានប្រាក់បញ្ញើនៅធនាគារក្រោម ៥សែនបាត។

លោកនាយករដ្ឋមន្ត្រី បានបន្ថែមទៀតថា សេដ្ឋកិច្ចថៃ នាពេលបច្ចុប្បន្នត្រូវការការជំរុញដ៏សំខាន់មួយ ដោយសារតែផលិតផលក្នុងស្រុកសរុប (GDP) របស់ប្រទេស បានកើនឡើងជាមធ្យមត្រឹមតែ ១,៩% ក្នុងមួយឆ្នាំ អស់រយ:ពេលមួយទសវត្សរ៍កន្លងមកនេះ ហើយចំណែកឯបំណុលគ្រួសារវិញ បានកើនឡើងពី ៧៦% ក្នុងឆ្នាំ ២០១២ ដល់ ៩១,៦% នៅឆ្នាំនេះ។

ជុំវិញបញ្ហានេះហើយ ទើបរដ្ឋាភិបាលថៃ មានបំណងក្នុងការចាក់បញ្ចូលទឹកប្រាក់ចំនួន ៥០០ពាន់លានបាត ចូលទៅក្នុងចរន្តសេដ្ឋកិច្ចរួម ក៏ដូចជាទឹកប្រាក់ប្រមាណ ៥០០ពាន់លានបាត ផ្សេងទៀត តាមរយ:គម្រោងចែកលុយឌីជីថល ដើម្បីបង្កើនសក្កានុពលសេដ្ឋកិច្ចរបស់ប្រទេស។

ជម្រាបជូនផងដែរថា ចំពោះគោលនយោបាយចែកលុយឌីជីថលនេះ គឺមានគោលបំណងសំខាន់ ក្នុងការចាក់បញ្ចូលលំហូរសាច់ប្រាក់ ទៅក្នុងប្រព័ន្ធសេដ្ឋកិច្ច ដើម្បីជំរុញដល់ការចំណាយ អំឡុងពេលផែនការនេះដាក់ឱ្យដំណើរការ នៅក្នុងខែឧសភា ឆ្នាំ ២០២៤ ខាងមុខ៕

The post រដ្ឋាភិបាលថៃ គ្រោងខ្ចីបំណុល ១៥ពាន់លានដុល្លារ ដើម្បីផ្តល់ហិរញ្ញប្បទានដល់ផែនការចែកលុយឌីជីថល appeared first on .