គ្រឹះស្ថានអង្គរ បានឱ្យដឹងថា មានភ្ញៀវទេសចរអន្ដរជាតិ ចំនួនជិត ៧០ ម៉ឺននាក់ បានទិញសំបុត្រចូលទស្សនាអង្គរ ក្នុងរយៈពេល១១ខែឆ្នាំ២០២៣មកនេះ កើនឡើងជាង ២១០ ភាគរយ និងទទួលថវិកាពីការលក់សំបុត្រជាងជាង ៣២ លានដុល្លារ ​កើនឡើងជាង ២៦១ ភាគរយ បើធៀបនឹងឆ្នាំ២០២២កន្លងមក។

របាយការណ៍ដដែលបន្តថា ចាប់ពីថ្ងៃទី០១ដល់ថ្ងៃទី៣០ខែធ្នូឆ្នាំ២០២៣នេះ មានភ្ញៀវទេសចរអន្ដរជាតិ៩ម៉ឺន៧៤២៦នាក់ បានទិញសំបុត្រចូលទស្សនាអង្គរ និងទទួលបានចំណូល៤លាន ៦៦ម៉ឺន៤៤១២ដុល្លារ។

របាយការណ៍ដដែល​ ក៏បានគូសបញ្ជាក់ថា​ សម្រាប់រយៈពេល១១ខែឆ្នាំ២០២៣នេះ មានអ្នកទេសចរចំនួន៦៩៩ ៩៩៦នាក់ បានទិញសំបុត្រចូលទស្សនារមណីយដ្ឋានអង្គរ ដែលចំនួននេះ បានកើនឡើងជាង២១០ភាគរយ ដោយទទួលចំណូលថវិកា៣២លាន៥៤៦,៨៤៧ដុល្លា កើនឡើងជាង២៦១ភាគរយ បើធៀបនឹងឆ្នាំ២០២២កន្លងមក។

គួរបញ្ជាក់ដែរថា គ្រឹះស្ថាន​អង្គរ គឺជា​គ្រឹះស្ថានសាធារណៈរដ្ឋបាល​ដែល​បង្កើតឡើង​ កាលពី​ឆ្នាំ ២០១៦ ដោយ​ស្ថិតនៅក្រោម​អាណាព្យាបាល​បច្ចេកទេស​នៃ​ក្រសួង​ទេសចរ​ណ៍ និង​ស្ថិតក្រោម​អាណា​ព្យា​បាល​ហិរញ្ញវត្ថុ នៃ​ក្រសួង​សេដ្ឋ​កិច្ច និង​ហិរញ្ញវត្ថុ​។ ការប្រមូល​ចំណូល​របស់​គ្រឹះស្ថាន​អង្គរ គឺ​រួមមាន នៅ​រមណីយដ្ឋាន​អង្គរ​, ប្រាសាទ​កោះ​កេរ​, និង​សំបុត្រ​ទូក​នៅក្នុង​កំពង់ផែ​ចុង​ឃ្នៀ​ស​។ សម្រាប់​តម្លៃ​សំបុត្រ​ចូល​ទស្ស​នា​រមណីយដ្ឋាន​អង្គរ ត្រូវបាន​ចែកចេញជា ៣ ​ប្រភេទ គឺ​សំបុ​ត្រ​ចូល​ទស្សនា ១ ​ថ្ងៃ​មានតម្លៃ ៣៧​ ដុល្លារ​, រយៈពេល ៣ ​ថ្ងៃ​តម្លៃ ៦២​ ដុល្លារ និង ៧​ ថ្ងៃ តម្លៃ ៧២​ ដុល្លារ​៕ អត្ថបទ៖ រង្សី

The post ១១ខែឆ្នាំនេះ៖ កម្ពុជារកចំណូលបានជាង៣២ លានដុល្លារ ពីការលក់សំបុត្រចូលទស្សនាអង្គរ appeared first on .

បើតាមគ្រឹះស្ថានអង្គរ បានឱ្យដឹងថា រយៈពេល៨ខែ ឆ្នាំ២០២៣នេះ ភ្ញៀវទេសចរបរទេសទិញបណ្ណចូលទស្សនាតំបន់អង្គរមានចំនួន ៤៩៨,៥១៣នាក់ ដែលអាចរកចំណូលបាន ២៣,០៩១,៩៣១លានដុល្លារអាមេរ៉ិក។

ដោយឡែកក្នុងខែសីហា គ្រឹះស្ថានអង្គររកចំណូលបាន ២៧៧៤,៥៨៦លានដុល្លារ និងមានភ្ញៀវបរទេសទិញបណ្ណទស្សនាប្រមាណ៥៩,១៤៨នាក់។

ពាក់ព័ន្ធនឹងចំនួនភ្ញៀវទេសចរទិញបណ្ណចូលទស្សនាតំបន់អង្គរនេះដែរ បើតាមលោក វង្ស សាវុធ មគ្គុទេសក៍ទេសចរណ៍ផ្នែកភាសាបារាំងខេត្តសៀមរាប បានឱ្យដឹងថា បើនិយាយពីភ្ញៀវទេសចរក្នុងស្រុកសម្រាប់ខេត្តសៀមរាបហាក់បីដូចជាមានការថយចុះ ដោយសារមានកន្លែងកម្សាន្តផ្សេងៗច្រើន ភាគច្រើនភ្ញៀវក្នុងស្រុកទៅទស្សនាតំបន់ដែលថ្មីៗ។សម្រាប់ភ្ញៀវបរទេស បើប្រៀបធៀបរវាងខែ៨ ឆ្នាំ២០២២ និងខែ៨ នៃឆ្នាំ២០២៣នេះ ក៏មិនសូវមានការកើនឡើងច្រើនប៉ុន្មាននោះទេសម្រាប់ខេត្តសៀមរាប បើមានការកើនឡើងភាគច្រើនជាភ្ញៀវទេសចរអឺរ៉ុប ដែលមានអេស្បាញ និងបារាំងជាដើម ដែលមកទស្សនានៅតំបន់អង្គរ៕

The post រយៈពេល៨ខែ កម្ពុជារកចំណូលបានជាង២៣លានដុល្លារ ពីការលក់បណ្ណចូលទស្សនាតំបន់អង្គរ ដល់ភ្ញៀវបរទេស appeared first on .