កិច្ចប្រជុំនេះ ដឹកនាំដោយលោក ជា ជុន អនុរដ្ឋលេខាធិការ និងជានាយករងគម្រោង ជាមួយ លោក Thomas Herrero Project Team Leader នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) កាលថ្ងៃទី១០ ខែមិថុនា ឆ្នាំ២០២៦។

កិច្ចប្រជុំនេះដែរ ក៏មានការអញ្ជើញចូលរួមពីអគ្គនាយកសាធារណការ និងជាប្រធានគ្រប់គ្រងគម្រោង តំណាងក្រសួងការបរទេស និងសហប្រតិបត្តិការអន្ដរជាតិ តំណាងក្រសួងមហាផ្ទៃ និងសមាជិក-សមាជិកានៃគម្រោង។

កិច្ចប្រជុំនេះធ្វើឡើងក្នុងគោលបំណងដើម្បីពិនិត្យ និងពិភាក្សាអំពីសារៈសំខាន់នៃច្រកអន្ដរជាតិម៉ឺនជ័យ-តឹនណាម ដែលជាច្រកព្រំដែនសន្ដិភាព និងមានសារៈសំខាន់សម្រាប់ការតភ្ជាប់សេដ្ឋកិច្ចរវាងព្រះរាជាណាចក្រកម្ពុជា និងសាធារណរដ្ឋប្រជាមានិតវៀតណាម ដែលជាកត្ដាបង្ហាញឱ្យឃើញច្បាស់ពីតម្រូវការក្នុងការអនុវត្តគម្រោងសាងសង់កំណាត់ផ្លូវជាតិលេខ៨ នេះ ក្នុងគោលបំណងលើកកម្ពស់ការតភ្ជាប់ហេដ្ឋារចនាសម្ព័ន្ធដឹកជញ្ជូនឆ្លងកាត់ព្រំដែន។

សូមជម្រាបដែរថា គម្រោងតភ្ជាប់រវាងច្រកព្រំដែនអន្ដរជាតិម៉ឺនជ័យ-តឹនណាម គឺស្ថិតក្រោមគម្រោងសាងសង់ផ្លូវជាតិលេ៨ ពីស្ពានព្រែកតាមាក់-ពញាក្រែក (ប្រសព្វផ្លូវជាតិលេខ៧) និងផ្លូវខ្នែងលេខ៨៨ ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)៕អត្ថបទ៖ហ្សាលីន  

The post កម្ពុជា-ធនាគារវិនិយោគហេដ្ឋារចនាសម្ព័ន្ធអាស៊ី ជំរុញការតភ្ជាប់ច្រកព្រំដែនអន្ដរជាតិម៉ឺនជ័យ-តឹនណាម appeared first on .

ទាក់ទងនិងច្រកទ្វារព្រំដែនខាងលើនេះ លោក ផាម មិញ ជិញ បានស្នើរដល់ក្រសួង ស្ថាប័ន និងអាជ្ញាធរពាក់ព័ន្ធទាំងពីរប្រទេសត្រូវធ្វើកិច្ចសហការឱ្យបានល្អជាមួយគ្នា និងផ្តល់ការយកចិត្តទុកដាក់លើកិច្ចការងារចំនួន៥៖ទី១) ពង្រឹងកិច្ចសហប្រតិបត្តិការទៅវិញទៅមកឱ្យបានខ្លាំងក្លាបន្ថែមទៀតលើការគ្រប់គ្រងព្រំដែន,ទី២) លើកកម្ពស់សមត្ថភាពក្នុងការគ្រប់គ្រង ត្រួតពិនិត្យនិងការចរចារលើមុខទំនិញប្រកបដោយតម្លាភាព និងប្រសិទ្ធភាព, ទី៣)បង្កើនការតភ្ជាប់ហេដ្ឋារចនាសម្ព័ន្ធនិងលំហូរសេដ្ឋកិច្ច ពាណិជ្ជកម្មតាមច្រកព្រំដែន និងបញ្ចប់ឱ្យបានឆាប់ៗនៃការរៀបចំផែនការអភិវឌ្ឍហេដ្ឋារចនាសម្ព័ន្ធទូរគមនាគមន៍ ឌីជីថល និងអគ្គិសនីដើម្បីតភ្ជាប់ជាមួយនិងច្រកទ្វារព្រំដែន, ទី៤)ពង្រឹងការតភ្ជាប់តំបន់និងកិច្ចសហប្រតិបត្តិការនៅតាមមូលដ្ឋាន ពិសេសរវាងខេត្តតៃនិញ ជាមួយនិងខេត្តព្រៃវែងក្នុងការកសាងផែនការអភិវឌ្ឍសេដ្ឋកិច្ច សង្គម តាមរយៈការផ្សារភ្ជាប់ជាមួយច្រកទ្វារព្រំដែន និងទី៥)ពង្រឹងតួនាទីរបស់ក្រុមហ៊ុន ពាណិជ្ជករ សមាគមធុរកិច្ចនៃប្រទេសទាំងពីរដើម្បីស្វែងរកឱកាសធ្វើកិច្ចសហការទ្វេភាគីឱ្យកាន់តែមានភាពទូលំទូលាយនៅពេលខាងមុខ។

លោក សួន សុម៉ាលីន អភិបាល នៃគណៈអភិបាលខេត្តព្រៃវែងមានប្រសាសន៍ថា សំណង់ហេដ្ឋារចនាសម្ព័ន្ធ ច្រកទ្វារព្រំដែនអន្តរជាតិម៉ឺនជ័យបានសាងសង់នៅលើផ្ទៃដីសរុបជា ៨៩ពាន់ម៉ែត្រការ៉េ បានដោះស្រាយផលប៉ះពាល់ជូនដល់អ្នកពាក់ព័ន្ធរួចរាល់នៅឆ្នាំ២០២០ រួមមានអគារបំពេញបែបបទចេញ-ចូលចំនួន២ខ្នង អគាររដ្ឋបាលកំម្ពស់២ជាន់ចំនួន១ខ្នង អគារស្នាក់កំម្ពស់១ជាន់ចំនួន២ខ្នង អាហាររដ្ឋានចំនួន២ខ្នង អាងចម្រោះទឹកស្អាតចំនួន១ខ្នង ផ្ទៃចាក់បេតុងសរុប ៣៥ពាន់ម៉ែត្រការ៉េ របងបេតុង ប្រព័ន្ធបង្ហូរទឹក និងអំពូលសូឡា និងអំពូលសូឡាភ្លោះចំនួន៧៦ដើម។

លោកគូសបញ្ជាក់ថា “គិតត្រឹមខែវិច្ឆិកា ឆ្នាំ២០២៥នេះ ចំនួនមនុស្សដែលធ្វើដំណើចេញមានចំនួនសរុប៣ ៦៨៦នាក់ និងចំនួនមនុស្សឆ្លងកាត់ចូលមានចំនួន២ ១៥១នាក់ ។ចំណែកការដោះដូរពាណិជ្ជកម្មឆ្លងកាត់ច្រកទ្វារព្រំដែន ភាគីទាំងពីរបានបង្កលក្ខណៈងាយស្រួលដល់អាជីវករ ពាណិជ្ជករ ការដឹកជញ្ជូន និងការដោះដូរកសិផល រួមនិងទំនិញផ្សេងៗរួមាន ដំឡូងមី អំពៅ ស្វាយ បន្លែផ្លែឈើ គ្រឿងឧបភោគបរិភោគ និងគ្រឿងសំណង់ជាដើម”៕

The post នាយករដ្ឋមន្ត្រីវៀតណាមស្នើរដល់ភាគីពាក់ព័ន្ធនៅច្រកទ្វារព្រំដែនអន្តរជាតិម៉ឺនជ័យនិងតឹនណាមយកចិត្តទុកដាក់លើកិច្ចការចំនួន៥ appeared first on .

នេះបើយោងតាមកិច្ចប្រជុំកាលពីទី២៥ ខែវិច្ឆិកា ឆ្នាំ២០២៥ របស់គណៈកម្មការរៀបចំពិធីសម្ពោធដាក់ឱ្យដំណើរការជាផ្លូវការច្រកទ្វារព្រំដែនអន្តរជាតិម៉ឺនជ័យ(ខេត្តព្រៃវែង)-តិនណាម(ខេត្តតៃនិញ) ដឹកនាំដោយ លោក ម៉ៅ ច័ន្ទតារា រដ្ឋលេខាធិការប្រចាំការក្រសួងមហាផ្ទៃ និងលោក យូ ស៊ុនឡុង រដ្ឋមន្ត្រី ប្រតិភូអមនាយករដ្ឋមន្ត្រី និងមានការអញ្ជើញចូលរួមពី ថ្នាក់ដឹកនាំក្រសួងមហាផ្ទៃ រដ្ឋបាលខេត្ត កម្លាំងប្រដាប់អាវុធទាំងបី និងភាគីពាក់ព័ន្ធវៀតណាមផងដែរ។

ក្រសួងមហាផ្ទៃ បានឱ្យដឹងថា កិច្ចប្រជុំខាងលើនេះ គឺដើម្បីពិភាក្សាគ្នាជាមួយភាគីវៀតណាម លើការងារបច្ចេកទេសក្នុងការរៀបចំពិធីសម្ពោធដាក់ឱ្យដំណើរការជាផ្លូវការនូវច្រកទ្វារព្រំដែនអន្តរជាតិម៉ឺនជ័យ នាព្រំប្រទល់ខេត្តព្រៃវែង និងខេត្តតៃនិញ។

ក្រសួងមហាផ្ទៃបន្តថា ពិធីសម្ពោធដាក់ឱ្យដំណើរការជាផ្លូវការនូវច្រកទ្វារព្រំដែនអន្តរជាតិម៉ឺន(ខេត្តព្រៃវែង)-តិនណាម(ខេត្តតៃនិញ) នឹងប្រព្រឹត្តទៅនៅថ្ងៃទី៥ ខែធ្នូ ឆ្នាំ២០២៥ ខាងមុខនេះ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងនាយករដ្ឋមន្ត្រី នៃសាធារណរដ្ឋសង្គមនិយមវៀតណាម។

ស្ថាប័នពាក់ព័ន្ធ ធ្លាប់បានបញ្ជាក់ថា ច្រកអន្តរជាតិថ្មីនេះ ត្រូវបានរំពឹងថា នឹងសម្រួលដល់ការផ្លាស់ប្ដូរទំនិញ រវាងប្រទេសទាំងពីរ ជាពិសេសរវាងប្រជាពលរដ្ឋខេត្តព្រៃវែង និងប្រជាពលរដ្ឋខេត្តតៃនិញកាន់តែល្អប្រសើរ ក៏ដូចជាចូលរួមបង្កើនទំហំពាណិជ្ជកម្មរបៀបប្រទេសទាំងពីរផងដែរ៕ អត្ថបទ៖ហ្សាលីន

The post នាយករដ្ឋមន្ត្រីកម្ពុជា-វៀតណាម នឹងសម្ពោធច្រកទ្វារព្រំដែនអន្តរជាតិម៉ឺន-តិនណាម នាថ្ងៃ៥ធ្នូ ខាងមុខនេះ appeared first on .