ភាពជាអ្នកដឹកនាំរបស់លោកជំទាវអ្នកឧកញ៉ា ទាំងក្នុងវិស័យជំនួញ និងសិល្បៈ នឹងមានសារៈសំខាន់ ក្នុងការជួយលើក ស្ទួយសហគមន៍សិល្បៈខ្មែរឱ្យកាន់តែរីកចម្រើន និងលើកកម្ពស់វប្បធម៌ខ្មែរ។ ជាមួយនឹងការបន្តដឹកនាំរបស់លោកជំទាវ យើងទាំងអស់គ្នារំពឹងថា នឹងមានការរីកចម្រើន និងការច្នៃប្រតិដ្ឋបន្ថែមទៀតនៅក្នុងវិស័យសិល្បៈខ្មែរ។

ឆ្លៀតក្នុងឱកាសនេះ ខ្ញុំបាទសូមចូលរួមអបអរសាទរ និងសូមជូនពរ លោកជំទាវអ្នកឧកញ៉ា ម៉ៅ ចំណាន សូមប្រកបដោយសិរីមង្គល វិបុលសុខ និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា យឹម តាស្រង់ ផ្ញើសារអបអរសាទរ អ្នកឧកញ៉ា ម៉ៅ ចំណាន ជាប់ជាប្រធានសមាគមសិល្បករខ្មែរ អាណត្ដិទី៦ appeared first on .

ជាក់ស្តែង បើក្រឡេកមកមើលទំព័រហ្វេសប៊ុកផ្លូវការរបស់ អ្នកឧកញ៉ា គិត ម៉េង នៅថ្ងៃទី២១ ខែកុម្ភៈ ឆ្នាំ២០២៣ នេះ​បានសរសេរប្រយោគយ៉ាងផ្អែមល្ហែម និងចាក់ដោតជូនចំពោះលោកជំទាវ ម៉ៅ ចំណាន ក្នុងឱកាសខួបកំណើតនេះ។

ដោយអ្នកឧកញ៉ា គិត ម៉េង បានរៀបរាប់ថា៖«​ មនុស្សខ្លះអានសៀវភៅ និងរឿងដើម្បីស្វែងរកអត្ថន័យនៃពាក្យ “សេចក្តីស្រឡាញ់”។ សម្រាប់បង អត្ថន័យនៃស្នេហា គឺការសម្លឹងមើលកែវភ្នែកដ៏ស្រទន់របស់អូន។ រីករាយថ្ងៃខួបកំណើតអូន ចំណាន ភរិយាសម្លាញ់របស់បង»។

អ្នកឧកញ៉ា គិត ម៉េង បានពោលប្រយោគបន្តថា៖« បងពុំចាំបាច់ឱ្យហ្វេសប៊ុក ឬកម្មវិធី Google ប្រតិទិន រំឭកបងពីថ្ងៃកំណើតរបស់អូនទេ។ ថ្ងៃដ៏ពិសេសនេះ ត្រូវបានសរសេរ និងស្ថិតក្នុងក្រអៅបេះដូងបង ដូចជាក្តីស្នេហ៍ដែលបងមានចំពោះអូននោះដែរ។ បងពិតជាមិនគួរឱ្យជឿជាមួយនឹងថ្ងៃខួបកំណើតកន្លងមក អូននៅតែឆោមយុង រក្សាបានភាពក្មេង ដូចថ្ងៃដែលយើងប្រតិព័ទ្ធគ្នាគ្រាដំបូង។ ស្របពេលដែលអូនធ្វើពិធីខួបកំណើតនេះ បងចង់ឱ្យអូនចងចាំជានិច្ចថាបងពិតជាទទួលបានពរជ័យដ៏ប្រពៃដែលមានអូនជាភរិយា»។

ជាងនេះទៀត អ្នកឧកញ៉ា គិត ម៉េង អ្នកជំនួញដ៏ល្បីឈ្មោះរូបនេះ បានសរសេរបន្ថែមថា៖« អូនគឺជាភរិយា ជាម្តាយដ៏អស្ចារ្យរបស់កូនៗយើង ជាអ្នកដឹកនាំដែលមានចក្ខុវិស័យវែងឆ្ងាយ ជាស្ត្រីដែលមានសប្បុរសធម៌ថ្លៃថ្លា និងជាម្ចាស់បេះដូងរបស់បង។ បងស្រទ្បាញ់អូនដូចថ្ងៃនៃការចាប់ផ្តើមក្តីស្នេហ៍ដំបូងរបស់យើង។ អូនមិនដែលបោះបង់ទាល់តែសោះនូវការខិតខំរបស់អូន ដើម្បីកូនៗយើង និងរូបបង»។

យ៉ាងណាមិញ អ្នកឧកញ៉ា គិត ម៉េង ក៏បានពោលប្រយោគជូនពរដល់លោកជំទាវ ម៉ៅ ចំណាន ឧត្តមភរិយាបណ្តូលចិត្តដូច្នេះថា៖« ក្នុងឱកាសខួបកំណើតរបស់អូន យើងទាំងអស់គ្នាសូមប្រសិទ្ធពរជ័យ មហាប្រសើរជូនចំពោះអូន។ រីករាយថ្ងៃខួបកំណើតដល់នារីពិសេសដែលតែងតែស្នេហ៍បងជាស្វាមី និងស្រទ្បាញ់គ្រួសារយើងដោយគ្មានលក្ខខណ្ឌ។ ប្រយោគជូនពរតែប៉ុន្មានឃ្លារបស់បងចំពោះអូន គឺមិនអស់ពីទំហំចិត្តរបស់បងទេ។

ដូចឆ្នាំមុនដែរ បងសូមបួងសួងឱ្យអូនមានភាពសប្បាយរីករាយ និងគ្មានកង្វល់។ សូមឱ្យថ្ងៃខួបកំណើតរបស់អូន ពោរពេញទៅដោយភាពរីករាយដ៏ភ្ញាក់ផ្អើល។ សូមឱ្យអ្វីៗដែលអូនពេញចិត្តធ្វើ ផ្តល់កម្លាំងចិត្តឱ្យអូនជារៀងរាល់ថ្ងៃ»។

ជាចុងបញ្ចប់ អ្នកឧកញ៉ា គិត ម៉េង ក៏បានសរសេរបង្ហាញអត្ថន័យដែរថា ជាមួយនឹងក្តីស្រទ្បាញ់ដ៏លើសលប់របស់បងចំពោះអូន បងសូមជូនពរឲ្យអូនប្រារព្ធពិធីខួបកំណើតរបស់អូន ពោរពេញដោយសោមនស្សផងដែរ៕ អត្ថបទ៖ ពិសី

The post អ្នកឧកញ៉ា គិត ម៉េង ស្រឡាញ់ឧត្តមភរិយាខ្លាំង រហូតពោលប្រយោគយ៉ាងចាក់ដោតក្នុងថ្ងៃខួបកំណើតលោកជំទាវ ម៉ៅ ចំណាន appeared first on .

ក្នុងឱកាសនេះ ថ្នាក់ដឹកនាំ និងបុគ្គលិកនៃក្រុមហ៊ុនរ៉ូយ៉ាល់គ្រុប បានផ្ញើសារអបអរសាទរ និងគូសបញ្ជាក់បង្ហាញពីឥរិយាបថភាពជាដឹកនាំធុរកិច្ចដ៏ឆ្នើមនៅក្នុងក្រុមហ៊ុន រ៉ូយ៉ាល់ គ្រុប ឆ្ពោះទៅកាន់វឌ្ឍនភាពជាច្រើនទៀត របស់លោកជំទាវឧកញ៉ា ម៉ៅ ចំណាន។

នាព្រឹកថ្ងៃអង្គារនេះ លើទំព័រហ្វេសប៊ុកផ្លូវការក្រុមហ៊ុន Royal Group of Campanies សរសេរសារយ៉ាងដូច្នេះថា លោកជំទាវ ដែលតែងតែប្រកបដោយឆន្ទៈចំពោះស្ត្រី និងភាពចម្រុះយេនឌ័រនៅកន្លែងធ្វើការ ហើយបានចូលរួមការងារជាច្រើនដើម្បីកសាងវប្បធម៌សាជីវកម្មដើម្បីលើកកម្ពស់ សមភាព និងការគោរពជាច្រើន។

លោកជំទាវ ម៉ៅ ចំណាន កើតនៅខេត្តស្វាយរៀង មានឪពុកឈ្មោះ ម៉ៅ នី ជាមន្ត្រីកងយោធពលខេមរភូមិន្ទ និងម្តាយឈ្មោះ គង់ សោម៉ា ជាស្រ្តីមេផ្ទះ។

នៅអំឡុងឆ្នាំ១៩៩៨ អ្នកនាងបានចូលធ្វើការតាមភោជនីយដ្ឋាន គឺជាអ្នកចម្រៀង។ ក្រោយមកដោយមានទេពកោសល្យរួមជាមួយក្តីស្រឡាញ់សិល្បៈ ព្រមទាំងមានសម្រស់ស្រស់ស្អាត ហើយគួបជួនពេលវេលានឹងឱកាសហុចឲ្យផងនោះ អ្នកនាងក៏បោះជំហានចូលប្រឡូកក្នុងការសម្តែងខារ៉ាអូខេនៅផលិតកម្មធំៗជាច្រើន រួមមាន៖ ផលិតកម្មរស្មីហង្សមាស ផលិតកម្មយូធូ និងផលិតកម្មស្ទឹងសង្កែ។

ក្រោយចូលសម្តែងបានមួយរយៈ អ្នកនាងស្រីតូច ចំណាន ទទួលបាននូវការគាំទ្រជាមួយនឹងភាពល្បីល្បាញត្រឹមរយៈពេលខ្លី រហូតប្រែក្លាយជាពិធីការិនីដែលមានសំឡេងផ្អែមស្រទន់ ប្រចាំស្ថានីយទូរទស្សន៍ ប៉ុស្តិ៍លេខ ៥ ដ៏ល្បីមួយក្នុងជំនាន់នោះ។

ការកាន់យកអាជីពសិល្បៈរបស់អ្នកនាងហាក់មានភាពរីកចម្រើន និងធ្វើឲ្យទស្សនិកជនស្គាល់នាងកាន់ តែច្រើនឡើងៗ។ នៅក្នុងអំឡុងឆ្នាំ២០០៣ អ្នកនាងបានផ្តាច់ខ្លួនចេញពីវិថីសិល្បៈ រហូតមកដល់ពេលបច្ចុប្បន្ន។

បាត់មុខមួយរយៈធំពីវិថីសិល្បៈ ក្រោយមក លេចឮព័ត៌មានថា នាងបានសាងស្នេហ៍យ៉ាងផ្អែមត្រជាក់ ជាមួយមហាសេដ្ឋីប្រាក់លានម្នាក់ គឺអ្នកឧកញ៉ា គិត ម៉េង ហើយអ្នកទាំងពីរបានរួមរស់សាងគ្រួសាររហូតមានកូនជាមួយគ្នាទៀតផង។ នៅថ្ងៃទី២០ ខែមីនា ឆ្នាំ២០១៥ អ្នកនាងបានដឹកដៃស្វាមី សម្បូរទ្រព្យអ្នកឧកញ៉ា គិត ម៉េង ចូលរោងការសំពះផ្ទឹម តាមប្រពៃណីខ្មែរ បច្ចុប្បន្នមានបុត្រាបុត្រីចំនួន ៤នាក់។

ក្រោយរៀបការជាផ្លូវការ អ្នកឧកញ៉ា គិត ម៉េង ត្រូវប្រភពមួយចំនួនទម្លាយថា អ្នកឧកញ៉ាបានប្រគល់តួនាទីធំៗក្នុងសម្ព័ន្ធក្រុមហ៊ុន រ៉ូយ៉ាល់ គ្រុប ដូចជា នាយិការប្រតិបត្តិការ ធនាគារ វីង នាយិការប្រតិបត្តិការក្រុមហ៊ុន រ៉ូយ៉ាល់ គ្រុប ហើយក៏មានក្នុងវិស័យសណ្ឋាគារ និងកាស៊ីណូផងដែរ៕

The post Royal Group៖ លោកស្រីឧកញ៉ា ម៉ៅ ចំណាន តែងតែប្រកបដោយឆន្ទៈចំពោះស្ត្រី និងភាពចម្រុះយេនឌ័រនៅកន្លែងធ្វើការ appeared first on .

ក្រុមហ៊ុនដែលទទួលបានពានរង្វាន់ធុរកិច្ចអាស៊ាន ឆ្នាំ ២០២២ នៅក្នុងតំបន់អាស៊ាន មានចំនួន ៣៩ក្រុមហ៊ុន ដែលក្នុងនោះមានក្រុមហ៊ុនរបស់កម្ពុជាចំនួន ៨ ដែលរួមមាន៖ ធនាគារវីង (ខេមបូឌា), ក្រុមហ៊ុនអភិវឌ្ឍន៍តំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ, ក្រុមហ៊ុន Ezecom, ក្រុមហ៊ុន Goodhill Enterprise, ក្រុមហ៊ុន Confirel Co., Ltd, ធនាគារ អេស៊ីលីដា ភីអិលស៊ី, ក្រុមហ៊ុន Aplus Consulting និងធនាគារជាតិនៃកម្ពុជា (NBC)។

នៅក្នុងឱកាសនោះ អ្នកឧកញ៉ាបានដឹកដៃលោកជំទាវឧកញ៉ា ម៉ៅ ចំណាន អញ្ជើញទទួលពានរង្វាន់ដំណាងឲ្យក្រុមហ៊ុន រ៉ូយ៉ាល់ គ្រុប ដូចជា ធនាគារ វីង តំបន់សេដ្ឋកិច្ចពិសេសភ្នំពេញ ក្រុមហ៊ុន Ezecom។

ថ្លែងក្នុងឱកាសនេះ អ្នកឧកញ៉ា គិត ម៉េង បានបង្ហាញការសប្បាយរីករាយ និងស្វាគមន៍យ៉ាងកក់ក្តៅចំពោះវត្តមានរបស់ធុរជនជាតិ និងអន្តរជាតិ ក៏ដូចជា ក្នុងបន់ទាំងអស់ ដែលបានចូលរួមក្នុងកម្មវិធីពានរង្វាន់ធុរកិច្ចអាស៊ានឆ្នាំ ២០២២ និងកម្មវិធីកិច្ចប្រជុំកំពូលធុរកិច្ច និងវិនិយោគអាស៊ាន ដោយសង្ឈឹមថា ពួកគេនឹងយកពេលវេលានេះ ដើម្បីស្វែងរកឱកាសសម្រាប់អាជីវកម្មថ្មីៗ។

អ្នកឧកញ៉ាបានបញ្ជាក់ថា ពានរង្វាន់ធុរកិច្ចអាស៊ាន គឺជាការរំលឹកដ៏សំខាន់មួយ ដើម្បីទទួលស្គាល់ និងរំលេចនូវរឿងជោគជ័យរបស់អាស៊ីអាគ្នេយ៍។ ពានរង្វាន់នេះ ទទួលស្គាល់លទ្ធផលការងារឆ្នើម ក្នុងចំណោមវិស័យសមាហរណកម្មសហគមន៍សេដ្ឋកិច្ចអាស៊ាន ដែលមានអាទិភាព ដូចជា ទេសចរណ៍ ភស្តុភារ អចលនទ្រព្យ វាយនភ័ណ្ឌ ថែទាំងសុខភាព សិប្បកម្ម បច្ចេកវិទ្យា Fintech និងផលិតផលកសិកម្ម។ ហើយយើងក៏មាន SME Excellence ជា ៤ប្រភេទផងដែរ គឺប្រភេទកំណើន, ប្រភេទការងារ, ប្រភេទនៃការច្នៃប្រឌិត និងប្រភេទ CSR។

សូមជម្រាបថា ពានរង្វាន់ធុរកិច្ចអាស៊ានត្រូវបានផ្តួចផ្តើមដោយ ASEAN-BAC ក្នុងឆ្នាំ ២០០៧ ហើយជារៀងរាល់ឆ្នាំ ពួកគេទទួលស្គាល់សហគ្រាសសង្គមឆ្នើមដែលមានលក្ខណៈច្នៃប្រឌិត និងបានចូលរួមវិភាគទានយ៉ាងសំខាន់ដល់អ្នកខ្សត់ខ្សោយនៅក្នុងសហគមន៍នានារបស់ពួកគេ៕

The post អ្នកឧកញ៉ា គិត ម៉េង ដឹកដៃជំទាវឧកញ៉ា ម៉ៅ ចំណាន ទៅទទួលពានរង្វាន់ធុរកិច្ចអាស៊ាន appeared first on .