ក្រសួងពាណិជ្ជកម្មចិន បានកំណត់គោលដៅទៅលើក្រុមហ៊ុន General Atomics Aeronautical Systems, General Dynamics Land Systems និង Boeing Defense, Space & Security ដោយដាក់បញ្ចូលពួកគេទៅក្នុងបញ្ជីក្រុមហ៊ុនដែលមិនគួរឲ្យទុកចិត្ត ពាក់ព័ន្ធជាមួយនឹងការលក់អាវុធឲ្យកោះតៃវ៉ាន់។

ទន្ទឹមនឹងនេះ សេចក្តីប្រកាសរបស់ក្រសួង បានបង្ហាញឲ្យដឹងទៀតថា នាយកប្រតិបត្តិជាន់ខ្ពស់របស់ក្រុមហ៊ុនទាំងបីនោះ នឹងត្រូវបានហាមឃាត់មិនឲ្យចូលទឹកដីប្រទេសចិនឡើយ ស្របពេលលិខិតអនុញ្ញាតការងាររបស់ពួកគេក៏នឹងត្រូវដកហូត ផងដែរ។

ជម្រាបជូនថា បើតាមរបាយការណ៍ពីទីភ្នាក់ងារសារព័ត៌មានរដ្ឋ Xinhua បាននិយាយថា វិធានការបែបនេះ កំពុងត្រូវបានអនុវត្តដើម្បីការពារអធិបតេយ្យភាពជាតិ សន្តិសុខ និងផលប្រយោជន៍អភិវឌ្ឍរបស់ប្រទេសចិន៕

The post ចិន ប្រកាសហាមឃាត់ក្រុមហ៊ុនអាមេរិកធំៗមួយចំនួន ពីការធ្វើជំនួញនៅក្នុងប្រទេសខ្លួន appeared first on .

នៅថ្ងៃអង្គារសប្តាហ៍នេះ លោក ថាក់ស៊ីន ត្រូវបានព័ត៌មានក្នុងស្រុកចុះផ្សាយថា លោកនឹងត្រូវទទួលបានការលើកលែងទោសមុនកាលកំណត់។ ការចុះផ្សាយពីសារព័ត៌មាន Reuters តាមច្បាប់របស់ប្រទេសថៃ លោក ថាក់ស៊ីន អាចនឹងត្រូវដោះលែងពីពន្ធនាគារនៅថ្ងៃទី១៨ ខែកុម្ភ:ខាងមុខ បន្ទាប់ពីបានជាប់ទោសអស់រយ:ពេល ៦ខែកន្លងមកនេះ។

មកនិយាយអំពីរឿងជំនួញវិញ លោកទទួលបាននូវភាពជោគជ័យផ្នែកហិរញ្ញវត្ថុ គឺកើតចេញពីសមិទ្ធិផលរបស់លោកក្នុងនាមជាអ្នកជំនួញ ក៏ដូចជាម្ចាស់នៃទ្រព្យសកម្ម និងការវិនិយោគ លើអាជីវកម្មធំៗជាច្រើន។ តាមប្រភពជាច្រើន បានប៉ាន់ប្រមាណថា ទ្រព្យសម្បត្តិសរុបរបស់លោក ថាក់ស៊ីន មានចំនួនប្រហែល ២ពាន់លានដុល្លារអាមេរិកឯណោះ។

នៅទសវត្សរ៍ឆ្នាំ១៩៩០ ក្រុមហ៊ុន Shin Corp របស់លោកថាក់ស៊ីន គឺជាក្រុមហ៊ុនក្នុងស្រុកមួយដែលជោគជ័យ ក្នុងការប្រតិបត្តិការសេវាកម្មទូរស័ព្ទចល័ត ទូរទស្សន៍ខ្សែកាបដែលតម្រូវឱ្យបង់ប្រាក់ និងប្រព័ន្ធផ្កាយរណប។

តាមសេចក្តីរាយការណ៍ជាច្រើនឲ្យដឹងថា បន្ទាប់ពីមុខជំនួញដំបូងរបស់ខ្លួនជោគជ័យគួរជាទីមោទនៈ លោក ថាក់ស៊ីន បានបង្កើតក្រុមហ៊ុនថ្មីមួយទៀត គឺក្រុមហ៊ុន ស៊ីណាវ៉ាត្រា កុំព្យុទ័រ ចំកាត់ ព្រមទាំងពង្រីកសេវាបន្ថែមទៀត មានជាអាថ៍៖ ម៉ាស៊ីនដាក់តាមខ្លួនសម្រាប់ទទួលសារ ទូរសព្ទចល័ត សេវាផ្កាយរណប និងក្រុមហ៊ុនផ្គត់ផ្គង់អ៉ិនធើណេត រហូតប្រែក្លាយជាបណ្តាញធុរកិច្ចពេញលេញផ្នែកទំនាក់ទំនងដ៏សម្បូរបែបនៅក្នុងប្រទេសថៃ។

លុះមកដល់ឆ្នាំ១៩៩០ លោក ថាក់ស៊ីន បានចុះបញ្ជីក្រុមហ៊ុនរបស់លោកក្នុងទីផ្សារភាគហ៊ុន រហូតបានក្លាយជាក្រុមហ៊ុនធំមួយនៅប្រទេសថៃ មានឈ្មោះថា ស៊ីនខបភើរេស៉ិន ខណៈក្រុមហ៊ុនយក្សមួយនេះក៏បានហក់មកប្រឡូកក្នុងពិភពជំនួញនៅប្រទេសកម្ពុជា ជាមួយនឹងពាណិជ្ជសញ្ញាថ្មីមួយទៀតគឺ ក្រុមហ៊ុនទូរសព្ទចល័ត ស៊ីនណាវ៉ាត្រា ០១១ ហើយត្រូវបានប្តូរឈ្មោះវិញ ដោយដាក់ថា ខែមឈីន ធ្វើឡើងបន្ទាប់មានបាតុកម្មនៅភ្នំពេញ នាឆ្នាំ២០០២។

លោកថាក់ស៊ីន បានផ្ទេរភាគហ៊ុនទាំងអស់ឲ្យទៅភរិយា គឺលោកស្រី ភុតចៈម៉ាន និងកូនទាំងបីគឺ លោក ផានថងឆៃ នាង ភិនថងថា និងនាង ភែថងថាន ជាអ្នកកាន់កាប់ភាគហ៊ុនជំនួសវិញ។

ជុំវិញភាពជោគជ័យរបស់ លោកថាក់ស៊ីន ក្នុងវិស័យទូរគមនាគមន៍នេះ បាននាំឲ្យលោកបង្កើតសាជីវកម្មថ្មីមួយផ្សេងទៀត ឈ្មោះថា Shin Corporation ដែលជាក្រុមហ៊ុនបច្ចេកវិទ្យា និងទូរគមនាគមន៍។ ការប្តេជ្ញាចិត្ត និងមានមហិច្ឆតាដ៏ធំនេះ បានពង្រឹងជំហរ របស់លោកថាក់ស៊ីនឲ្យក្លាយជាបុគ្គលមួយក្នុង ចំណោមបុគ្គលមានឥទ្ធិពលបំផុតក្នុងប្រទេសថៃនិងថែមទាំងបង្កើនទ្រព្យសម្បត្តិរបស់លោកយ៉ាងច្រើនសន្ធឹកសន្ធាប់ផងដែរ។

លើសពីនេះ លោកថាក់ស៊ីន ក៏បានបោះទុនរាប់រយពាន់លានដុល្លារចូលទៅក្នុងវិស័យអចលនទ្រព្យផងដែរ ជាមួយនឹងការកាន់កាប់ និងគ្រប់គ្រងអគារផ្ទះល្វែង សម្រាប់ទីផ្សារដែលកំពុងមានភាពរីកចម្រើនខ្លាំង នៅក្នុងប្រទេស។

នៅឆ្នាំ ២០០៧ លោកថាក់ស៊ីន បានទិញក្លឹប Premier League Manchester City ក្នុងតម្លៃ ៨១,៦ លានផោន (£81.6 million)។ ក្រោយមកលោកក៏បានលក់ក្លឹបទៅអោយក្រុមហ៊ុន Abu Dhabi United Group នៅខែកញ្ញា ២០០៨ ក្នុងតម្លៃ ២០០លានដុល្លារអាមេរិក។

សូមជម្រាបជូន ជារឿងដ៏គួរឲ្យភ្ញាក់ផ្អើល កាលពីខែសីហា ឆ្នាំ២០២៣ ពោលគឺក្រោយពេល ១៥ឆ្នាំ ដែលលោកបាននិរទេសខ្លួនដោយខ្លួនឯង ក្រោយរដ្ឋប្រហារឆ្នាំ២០០៦ ដើម្បីគេចចេញពីការជាប់ពន្ធនាគារ លោក ថាក់ស៊ីន បានវិលត្រលប់មកកាន់ប្រទេសកំណើតវិញ។ ក្នុងអំឡុងពេលស្នាក់នៅក្រៅប្រទេសនោះ លោក ថាក់ស៊ីន ត្រូវបានតុលាការប្រទេសថៃ កាត់ទោសក្នុងសំណុំរឿងធំៗចំនួន ៣ ពាក់ពន្ធទៅនឹងការរំលោភបំពានអំណាច ជម្លោះផលប្រយោជន៍ និងការប្រព្រឹត្តខុសទាក់ទងទៅនឹងអំពើពុករលួយផងដែរ៕

The post មកដឹងពីមុខជំនួញធំៗ ធ្វើឲ្យលោក ថាក់ស៊ីន ក្លាយជាមហាសេដ្ឋីកាន់លុយពាន់លានដុល្លារ ព្រមទាំង ជាត្រកូលដែលពិភពលោកបំភ្លេចមិនបានទាំងក្នុងជំនួញ និងឆាកនយោបាយ appeared first on .

ក្នុងកម្មវិធីចែករំលែកបទពិសោធន៍ ពីអ្នកជំនាញ ជាមួយអ្នកនិយមភ្លក់រសជាតិស្រាក្រហម ស្រាទំពាំងបាយជូរម៉ាកល្បីៗលំដាប់ពិភពលោក  បានផ្ដល់ឱ្យកាសឱ្យអ្នកចូលរួមបានភ្លក់ស្រាធ្វើពីទំពាំង បាយ ជូរ បួន ប្រភេទផ្សេងៗគ្នាដែលរួមមាន៖ ម៉ាក Riesling, Chardonnay, Pinot Noir និង Cabernet Sauvignon ។  

លោក Jean-Baptiste បានពន្យល់ថា៖“ប្រភេទស្រាផ្សេងគ្នា គឺពិតជាមានលក្ខណៈពិសេស និងរសជាតិ ផ្សេងគ្នាដែរ ហើយទំហំ និង រូបរាងរបស់កែវដែលលោកអ្នកប្រើ មិនថាវាជាកែវ RIEDEL ឬកែវផ្លាស្ទិចទេ នឹងផ្លាស់ប្តូររបៀបដែលអារម្មណ៍របស់អ្នកទទួលបានពីស្រា”។

បន្ថែមពីលើរសជាតិ ស្រាទាំងបួនប្រភេទនោះ លោក Jean-Baptiste Cherriere ក៏បានធ្វើបទបង្ហាញភ្ជាប់ នឹងការជ្រើសរើសប្រភេទកែវស្រាម៉ាក RIEDEL Veritas Grape-Varietal Specific® ដែលជាប្រភេទកែវស្រាទំពាំងបាយជូរផលិតដោយផ្ទាល់ពីក្រុមហ៊ុន RIEDEL និងកំពុងទទួលការគាំពីអ្នកនិយមចូលចិត្តពិសារស្រាក្រហមជុំវិញពិភពលោក ស្របតាមលក្ខណៈបច្ចេកទេស។ 

តាមរយៈការពន្យល់យ៉ាងក្បោះក្បាយ ប្រកបដោយលក្ខណៈបច្ចេកទេសខ្ពស់ ពីអ្នកជំនាញ  ភ្ញៀវចូលរួម ពិតជាទទួលនូវការភ្ញាក់ផ្អើលពីទំនាក់ទំនងរវាងការជ្រើសរើសប្រភេទកែវស្រា ឱ្យស័ក្តិសមបំផុតនឹងប្រភេទស្រា ដើម្បីទទួលបាននូវរសជាតិដ៏ល្អឥតខ្ចោះចេញពីគ្រប់ប្រភេទស្រាទំពាំងបាយជូរ។ តាមរយៈបទពិសោធន៍ នៃការអនុវត្តស្ដែងៗ ជាមួយអ្នកជំនាញជ្រើសរើសប្រភេទកែវស្រា ខាងលើនេះ អ្នកចូលរួម ក៏បានភ្លក់ឱជារសស្រា និងប្រៀបធៀបដោយខ្លួនឯង ថាតើការទទួលទានស្រាតែមួយក្នុងកែវផ្សេងគ្នា អាចបង្កើតភាពខុសគ្នានៃរសជាតិ ក្លិន និងបទពិសោធន៍ទូទៅបែបណាខ្លះ?

អំពីក្រុមហ៊ុនផលិតកែវស្រា  RIEDEL 

RIEDEL គឺជាក្រុមហ៊ុនដំបូងគេ ដែលណែនាំកែវមានជើង សម្រាប់ប្រភេទស្រាទំពាំងបាយជូរជាក់លាក់ចាប់តាំងពីឆ្នាំ ១៩៥៨។ ក្រុមហ៊ុននេះ បានស្រាវជ្រាវយ៉ាងទូលំទូលាយអំពីឥទ្ធិពលនៃទំហំ និងរូបរាងរបស់កែវស្រាទៅតាមប្រភេទ ទំពាំងបាយជូដ៏ពេញនិយមទាំងអស់ ដែលនាំឱ្យមានការសន្និដ្ឋានមួយ ដែលមានការយល់ស្របដោយអ្នកជំនាញស្រារបស់ពិភពលោកថា៖ ក្លិន រសជាតិ វាយនភាព រសជាតិជាប់មាត់ និងការរីករាយជា មួយនឹងស្រា ត្រូវបានបង្កើនឡើងដោយការប្រើប្រាស់ “ឧបករណ៍ស្រា” ដែលត្រឹមត្រូវ។

លោកស្រី Line Ros-Van Daalen នាយកគ្រប់គ្រងទូទៅនៃហាងស្រា Red Apron Fine Wine Boutique បានបញ្ជាក់ថា៖ “យើងតែងតែប្រាប់អតិថិជនថា អ្នកមិនគួរបន្ធូរបន្ថយនូវអ្វីដែលអ្នកចូលចិត្តនោះទេ ហើយរបស់នោះរួមមានស្រាដែលអ្នកចូលចិត្តផងដែរ។ នោះហើយជាមូលហេតុដែលយើងណែនាំពួកគេឱ្យវិនិយោគលើកែវ RIEDEL ដែលត្រឹមត្រូវសម្រាប់ប្រភេទស្រាដែលពួកគេចូលចិត្ត”។

ចាប់ផ្តើមការប្រមូលកែវស្រា ទុកនៅផ្ទះរបស់អ្នកជាមួយកែវស្រា Riedel

ហាងស្រា Red Apron Wine Boutique គឺជា ក្រុមហ៊ុនចែកចាយផ្តាច់មុខនៃផលិតផល RIEDEL នៅកម្ពុជា ដោយមានកែវស្រាគ្រីស្តាល់ និង ថូ ចាក់ស្រា គ្រប់ប្រភេទទៅតាមតម្លៃខុសៗគ្នា។

ឈុតកែវស្រាប្រភេទ Riedel Veritas Tasting Set គឺជាឈុតកែវដ៏ល្អឥតខ្ចោះសម្រាប់ការចាប់ផ្តើម ដែលមានកែវសម្រាប់ស្រា ធ្វើ ពី ទំពាំងបាយជូរប្រភេទ Riesling, Oaked Chardonnay, Old World Pinot Noir និង Old World Cabernet/Merlot។ ក្នុងតម្លៃ ១៥០ ដុល្លារ កែវស្រាឈុតនេះ នឹងអញ្ជើញអ្នកដែលចូលចិត្តទទួលទានស្រាឱ្យនាំយកនូវបទពិសោធន៍នែការញាំស្រានេះទៅកាន់គេហដ្ឋានរបស់ពួកគេ។

ដើម្បីស្វែងយល់បន្ថែម៖ 

ស្វែងយល់ពីផលិតផលដ៏ប្រណិតរបស់ RIEDEL ដោយទំនាក់ទំនងហាងស្រា Red Apron Wine Boutique តាមរយៈ www.facebook.com/RedApronCambodia ឬទៅកាន់ ហាងផ្ទាល់ ដែលមានអាស័យដ្ឋានស្ថិតនៅផ្ទះលេខ ១៩ ផ្លូវ ២៤០ រាជធានីភ្នំពេញ ៕ 

The post អ្នកជំនាញ ក្រុមហ៊ុន Riedel Group ជិះយន្តហោះឆ្លងទ្វីបចែករំលែកបទពិសោធន៍អំពីកែវស្រា និងស្រាទំពាំងបាយជូរ appeared first on .

អំពើឆបោក គឺជាបទល្មើសមួយដែលត្រូវបានកំណត់ក្នុងច្បាប់ព្រហ្មទណ្ឌ មាត្រា៣៧៧ ហើយអំពើឆបោកនេះត្រូវបានបង្កឡើង តាមរយះផ្ទាល់ ឬប្រយោល ( Online ) ហើយបានធ្វើអោយខូចប្រយោជន៍បុគ្គល។

ថ្ងៃនេះ Okhna News និងធ្វើការបង្ហាញអំពី មាត្រា ៣៧៧-នៃច្បាប់ព្រហ្មទណ្ឌ ដែលទាក់ទងទៅនិងបទល្មើសនៃការឆបោកៈ

មាត្រា ៣៧៧-នៃក្រមព្រហ្មទណ្ឌ

     ជាអំពើបន្លំចំពោះរូបវន្តបុគ្គល ឬនីតិបុគ្គលណាមួយដោយប្រើឈ្មោះក្លែងទៅលើឋានៈក្លែង ដោយរំលោភលើឋានៈពិតប្រាកដ ឬដោយប្រើឧបាយកលទុច្ចរិតហើយដូច្នេះបានទទួលពីបុគ្គលនេះ ដែលនាំឱ្យខូចប្រយោជន៍របស់បុគ្គលនេះ ឬរបស់តតិយជន។

បទល្មើសឆបោកមានធាតុ៤សំខាន់គឺ

១. ការបន្លំ

    ជនល្មើសប្រើប្រាស់ឧបាយកលទុច្ចរិតមាចជា ក្លែងលិខិត ប្រើសំដី ឬរូបភាពផ្សេងៗទៀតធ្វើអោយម្ចាស់ទ្រព្យច្រឡំ ឬជឿទុកចិត្ត ដើម្បីឱ្យប្រគល់ទ្រព្យខ្លួន។

២. ការទទួលបាននូវកម្មវត្ថុដែលទទួលបានពីការបន្លំ

    ប្រយោជន៍ដែលជាកម្មវត្ថុនៃអំពើឆបោករួមមានៈ

         ក. ការប្រគល់មូលនិធិ តម្លៃ ឬទ្រព្យសម្បតិ្តអ្វីមួយ។

         ខ. ការផ្គត់ផ្គង់សេវា។

         គ. ការធ្វើលិខិតដែលមានតម្លៃជាកាតព្វកិច្ច ឬជាការឱ្យរួចកាពីតព្វកិច្ច។

៣. ធ្វើអោយខូចប្រយោជន៍

   វាត្រូវតែស្ដែងឱ្យឃើញពីការបាត់ប្រយោជន៍ ឬខាតបង់ធនលាភរបស់ម្ចាស់ទ្រព្យជាដាច់ខាត។

៤. មធ្យោបាយ

    ប្រើប្រាស់ឈ្មោះក្លែង អះអាងលើឋានៈក្លែង រំលោភលើឋានៈពិតប្រាកដ ឬប្រើឧបាយកលទុច្ចរិត។

មាត្រា ៣៧៧-នៃក្រមព្រហ្មទណ្ឌ ចែងថា អំពើឆបោក ត្រូវផ្ដន្ទាទោសដាក់ពន្ធនាគារពី ៦ខែ ទៅ៣ឆ្នាំ និងពិន័យជាប្រាក់ពី ១.០០០.០០០ រៀល ទៅ ៦.០០០.០០០ រៀល។

The post ដឹងច្បាស់ពីច្បាប់នៃ”អំពើឆបោក” មាត្រា៣៧៧ នេះ មិនងាយអ្នកណាអូសកាឡាបានទេ appeared first on .

មកស្គាល់ម្ចាស់បុរី ថៃ ឈុនគ្រី ដែលទទួលបានជោគជ័យ និងបន្តគម្រោងឥតឈប់ឈរ

មហាសេដ្ឋី គិត ម៉េង ផ្តាំថា កុំខ្ជះខ្ជាយពេលវេលាលង់លក់ក្នុងក្តីស្រមៃ ត្រូវចាប់ផ្តើមច្នៃប្រឌិតអនាគតដែលអ្នកចង់បានពីថ្ងៃនេះតទៅ

ឧកញ៉ាញូស៍ ណែនាំឲ្យស្គាល់សហគ្រិនស្រ្តីវ័យក្មេងម្នាក់ជា CEO បុរី ប៉េង ហួត

ហេតុអ្វី ជីបម៉ុង រឹងមាំ និងឈរជើងបានយូក្នុងពិភពជំនួញកម្ពុជា?

សេដ្ឋី​មាន​ដាច់គេលើលោក របូត​តំណែង​បាត់​ហើយ ឥលូវ​ធ្លាក់លើ​សេដ្ឋី​បារាំង​វិញ​ម្តង

តើម្ចាស់អគារវឌ្ឍនៈកាពីតាល់ មានមុខជំនួញប៉ុន្មានក្នុងដៃ?

ឧកញ៉ា គួច ម៉េងលី មានខ្សែជីវិតបែបណា មុនវិលត្រឡប់​មកធ្វើជំនួញនៅស្រុកកំណើត?

ធ្វើ​ជា​អ្នក​កួកជេ​ម៉ូតូ ឡាន កួកជេ​ដី តស៊ូរហូតមានក្រុមហ៊ុនមិនក្រោម ១០នៅក្នុងដៃ

ឧកញ៉ា អ៊ឹង ប៊ុន​ហ៊ូវ នៅពីក្រោយគម្រោងមជ្ឈមណ្ឌលពាណិជ្ជកម្មទំនើប “ទីក្រុងនាគ“

លោក សួរ វីរៈ ផ្លាស់ប្តូរជីវិតពីក្មេងដើរលក់ការ៉េម ក្លាយជាអ្នករកស៊ីដ៏ជោគជ័យ

តើមហាសេដ្ឋីប្រាក់លាន ទ្រី ភាព ក្តោបជំនួញប៉ុន្មានក្នុងដៃ?

អ្នកជំនួញម្នាក់នៅពីក្រោយភាពជោគជ័យរបស់ក្រុមហ៊ុន អិល.វ៉ាយ.ភី គ្រុប

អ្នកឧកញ៉ា ឡេង ណាវ៉ាត្រា៖ អាជីវកម្ម បរាជ័យវាជាកំហុសរបស់ថៅកែ មិនអាចបន្ទោសបុគ្គលិកជាដាច់ខាត

អ្នកឧកញ៉ា ហេង សិទ្ធី គ្រប់គ្រងអាណាចក្រជំនួញប្រាក់លាន ប៉ុន្មាននៅក្នុងដៃ

បុគ្គលល្បីៗមកពីខេត្តព្រៃវែង ៥រូប

លោកជំទាវ ស្រីតូច ចំណាន ពីអតីតពិធីការិនីល្បីឈ្មោះប្រែក្លាយមកជា CEO ធនាគារ វីង

មិនធម្មតា​ទេ ប្រវត្តិសិក្សា និង​បទពិសោធន៍ការងារ CEO ធនាគារ​ ABA

ស្ត្រីវ័យក្មេង ៤រូប កំពុងធ្វើឲ្យកក្រើកក្នុងពិភពជំនួញអនឡាញ

លោក នួន រិទ្ធី ធ្លាប់​ធ្វើជា​កម្មករ​សំ​​ណង់ និងលក់​កាសែត មុន​ក្លាយជា​ឧ​ក​ញ៉ា

កំពូលស្រ្តីអ្នកជំនួញពីររូប កំពុងក្តោបក្តាប់សម្ព័ន្ធនូវក្រុមហ៊ុនជាច្រើននៅកម្ពុជា

តើមហាសេដ្ឋីប្រាក់លាន លី យ៉ុងផាត់ ក្តោបមុខជំនួញប៉ុន្មាននៅក្នុងដៃ?

អ្នកជំនួញបរទេសម្នាក់ នាំនូវភាពជោគជ័យដ៍អស្ចារ្យមកឲ្យ HONDA នៅស្រុកខ្មែរ

ទម្រាំមានភាពជោគជ័យ ល្បីល្បាញ ក្នុងពិភពជំនួញមកដល់សព្វថ្ងៃ អ្នកឧកញ៉ា លី ហួរ

ជីបម៉ុង​ប្រើ​យុទ្ធសាស្រ្ត​ពីរ​ ហ៊ានវិនិយោគ​លុយ​រយ​លាន​​ដុល្លារ​បើក​ផ្សារទំនើប​

បុរសម្នាក់នេះជ្រុំជ្រែងនាំភាពជោគជ័យមកឲ្យធនាគារ កាណាឌីយ៉ា

មហាសេដ្ឋី គិត ម៉េង ធ្លាប់ជាអ្នកលាងចាន កម្មករនៅផ្សារបន្លែ និងកាត់ស្មៅឲ្យគេ

The post កម្មវិធី “មហាសេដ្ឋី និងមុខជំនួញ” ឧបត្ថម្ភផ្តាច់មុខដោយ បុរី ឡេង​ ណាវ៉ាត្រា appeared first on .

ក្រុមហ៊ុន ទ្រី ភាព គ្រុប ត្រូវបានបង្កើតឡើង ដោយឧកញ៉ា ទ្រី ភាព នៅឆ្នាំ២០០៣។ ក្រុមហ៊ុននេះបានវិនិយោគលើការអភិវឌ្ឍ ដីសម្បទានសេដ្ឋកិច្ច និងដីកម្មសិទ្ធិរបស់ក្រុមហ៊ុន ក្រោមរូបភាពជា ចម្ការដាំកសិ-ឧស្សាហកម្ម កៅស៊ូ ម្រេច តំបន់រមណីយដ្ឋាន សំណង់ និង ផែស្ងួត។

យោងតាមវិបសាយផ្លូវការ របស់ក្រុមហ៊ុន អាជីវកម្មរបស់ ក្រុមហ៊ុន ទ្រី ភាព គ្រុប មានដូចខាងក្រោម៖

ផ្នែកដំណាំកសិ-ឧស្សាហកម្ម៖
* ចម្ការ កៅស៊ូ ១៨៦០ហិចតា និង ចម្ការ ម្រេច ៥០ហិចតា នៅស្រុក វាលវែង ខេត្តពោធិ៍សាត់។
* ចម្ការ កៅស៊ូ ៣៣៧៦ហិចតា និង ចម្ការ ម្រេច ៥០ហិចតា នៅស្រុករវៀង ខេត្តព្រះវិហារ។

ផ្នែកទេសចរណ៍ និងសណ្ឋាគារ
* ខុនដូ កម្ពស់ ១២ជាន់ នៅសង្កាត់បឹងកេងកង ទី១ ខណ្ឌចំការមន រាជធានីភ្នំពេញ លើ ផទៃដី ១៨៦២ម៉ែត្រការ៉េ
* សណ្ឋាគារ និង កាស៊ីណូ មិត្តភាព នៅស្រុក អូរយ៉ាដាវ ខេត្តរតនគិរី គ្របដណ្ដប់លើផ្ទៃដី ២ហិចតា ឆ្នាំ ២០១៥
* វិមាន ទ្រី ផាលែស រីស្សត និងស្ប៉ា ជា ប្រភេទ ផ្ទះខ្មែរបុរាណ ធ្វើពីឈើប្រណិត គ្របដណ្ដប់ លើផ្ទៃដីប្រមាណ ២ហិចតា នៅខេត្តកែប។
* សណ្ឋាគារ និង កាស៊ីណូ ថ្មដា នៅស្រុកវាលវែង ខេត្តពោធិ៍សាត់ គ្របដណ្ដប់លើផ្ទៃដី ១០ហិចតា។
* សណ្ឋាគារ និង កាស៊ីណូ អានសេះ ស្ថិតនៅស្រុកជាំក្សាន្ត ខេត្តព្រះវិហារ លើផ្ទៃដីប្រមាណ ៥ហិចតា។

ផ្នែកសិប្បកម្ម
* ក្រុមហ៊ុន ទ្រីភាព គ្រុប មានរោងសប្បកម្ម ២កន្លែងធំៗ នៅស្រុកអង្គស្នួល ខេត្តកណ្ដាល គ្របដណ្ដប់លើផ្ទៃដីប្រមាណ ៤៥,១៤៧ហិចតា និងនៅស្រុក ភ្នំក្រវ៉ាញ ខេត្តពោធិ៍សាត់ គ្របដណ្ដប់ លើផ្ទៃដីប្រមាណ ១,៥ហិចតា។

ផ្នែកផែស្ងួត
* ផែស្ងួត នៅតំបន់សេដ្ឋកិច្ចពិសេស អូរយ៉ាដាវ ខេត្តរតនគិរី
* ផែស្ងួត នៅស្រុកឧត្តុង្គ ខេត្តកំពង់ស្ពឺ គ្របដណ្ដប់លើផ្ទៃដី ៣០ហិចតា

ផ្នែកតំបន់សេដ្ឋកិច្ចពិសេស
* តំបន់សេដ្ឋកិច្ចពិសេស ទ្រី ភាព អូរយ៉ាដាវ ខេត្តរតនគិរី (ផ្ទៃដី ១៣៦ហិចតា)
* តំបន់សេដ្ឋកិច្ចពិសេស អិម ឌី អេស ថ្មដា ខេត្តពោធិ៍សាត់ គ្របដណ្ដប់លើផ្ទៃដីប្រមាណ ២២៦៥ហិចតា ក្នុងនោះ ៥៩៤ហិចតា ជាតំបន់អភិវឌ្ឍន៍ទេសចរណ៍ ពាណិជ្ជកម្ម និងផ្សារទំនើប និង ១៦៧១ហិចតា ជាតំបន់ ដំណាំកសិ-ឧស្សាហកម្ម។

ផ្នែកប្រេង
* ក្រុមហ៊ុន ប៉ាប៉ា ប៉េត្រូលៀម នាំប្រេងចែកចាយ ទូទាំងប្រទេស មានស្ថានីយ៍ ផ្ទាល់ខ្លួននៅខេត្តព្រះវិហារ រតនគិរី កំពង់ស្ពឺ និងរាជធានីភ្នំពេញ។

សូមជម្រាបថា ក្រុមហ៊ុន ទ្រី ភាព គ្រុប របស់ឧកញ៉ា ទ្រី ភាព មានក្រុមហ៊ុន បុត្រសម្ព័ន្ធជាច្រើនផ្សេងទៀត ដូចជា ក្រុមហ៊ុន ទ្រី ភាព ហ្រ្គេន រ៉ូយ៉ាល់ ដែលមានរោងចក្រដំឡើងម៉ូតូជាច្រើន ប្រភេទ ដោយក្នុងមួយថ្ងៃ អាចដំឡើងបានពី ៤០០ ទៅ ៥០០គ្រឿង៕

The post តើមហាសេដ្ឋីប្រាក់លាន ទ្រី ភាព ក្តោបជំនួញប៉ុន្មានក្នុងដៃ? appeared first on .

ការនាំចេញផលិតផលកសិកម្មសរុបនៅឆ្នាំ ២០១៩ មានប្រមាណជិត ៥លានតោន ក្នុងនោះ ការនាំចេញអង្ករជាផ្លូវការមានប្រមាណ ៦២ម៉ឺនតោន ធ្លាក់ចុះ ០,៩% បើធៀបនឹងឆ្នាំ ២០១៨។ នេះបើតាមការបញ្ជាក់របស់ឯកឧត្តម ស្រី វុឌ្ឍី អ្នកនាំពាក្យ​ក្រសួងកសិកម្ម រុក្ខាប្រមាញ់ និងនេសាទ នៅក្នុងសន្និសីទស្តីអំ​ពី«បច្ចុប្បន្នភាព និងវឌ្ឍនភាពរបស់ក្រសួងកសិកម្ម នៅទីស្តីការគណៈរដ្ឋមន្រ្តី។ ឯកឧត្តមបន្តថា អង្ករកម្ពុជា បាននាំចេញទៅកាន់ប្រទេសចំនួន ៥៩ ក្នុងនោះប្រទេសចិន មានប្រមាន ៤០,៧៣% អឺរ៉ុប ៣២,០១% អាស៊ាន ១៣,៤១% និងប្រទេសផ្សេងៗទៀត ១៣,៨៤% តាមរយៈក្រុមហ៊ុននាំចេញ ចំនួន ៨៩ក្រុមហ៊ុន។ ចំណែកស្រូវនាំចេញក្រៅ​ផ្លូវការទៅ​កាន់ប្រទេសវៀតណាម មានចំនួន ២,១៥លានតោន។

តាមរបាយការណ៍របស់ក្រសួងកសិកម្ម បានបង្ហាញអំពីបញ្ហាប្រឈម​មួយចំនួននៅ​កម្ពុជា មានដូចជា កសិកម្មពឹងផ្អែកខ្លាំងលើកត្តាអាកាសធាតុ(ទឹកជំនន់ រាំងស្ងួត ព្រមទាំងការបំផ្លាញដោយជំងឺ និងសត្វល្អិត)។ កសិករនៅជួបបញ្ហាផលិតភាព គុណភាពទាប និងពិបាកក្នុងការប្រកួតប្រជែងជាមួយផលិតផលកសិកម្មពីបរទេស។ កត្តាបច្ចេកទេសមិនទាន់គ្រប់គ្រាន់ ថ្លៃដើមផលិតខ្ពស់រួមកង្វះពលកម្មកសិ​កម្មនៅ​មូលដ្ឋានផលិត។ ខ្វះខាតដើមទុន ផលិតជាទ្រង់ទ្រាយធំ ឬកសិដ្ឋានធំ។

អ្នកនាំពាក្យក្រសួងកសិកម្ម បានឲ្យដឹងថា គោលដៅយុទ្ធសាស្រ្តរបស់ក្រសួងកសិកម្ម គឺជំរុញកំណើនផលិផលកសិកម្មក្នុងរង្វង់៥%/ឆ្នាំ ត្រូវកើនពី ២៧លានតោន ឆ្នាំ២០១៧ ដល់ ៣៦លានតោន នៅឆ្នាំ​ ២០២៣។ ចំពោះការនាំចេញផលិតផលកសិកម្មត្រូវជំរុញ ឲ្យកើនដល់ ៧%ក្នុង១ឆ្នាំ ពោលគឺកើនពី ៥,៨លានតោន នៅឆ្នាំ ២០១៩ ដល់ ៧,៧លានតោន នៅឆ្នាំ ២០២៣។

ជាមួយគ្នានេះ ក្រសួងកសិកម្ម រុក្ខាប្រមាញ់ និងនេសាទ មានគោលដៅបន្តគ្រប់​គ្រងព្រៃ​ឈើ និងសត្វព្រៃប្រកបដោយចីរភាព ចូលរួមថែរក្សាគម្របព្រៃឈើឲ្យបានល្អប្រសើរ និងបង្កើនចំណូលរបស់សហគមន៍ព្រៃឈើឲ្យកើន ២០% ក្នុងមួយឆ្នាំ ពិសេសជំ​រុញការស្តាព្រៃឈើឡើងវិញ ដោយអនុវត្តនូវវិធានការចាំបាច់នានា ដើម្បចូល​រួមចំណែកធ្វើឲ្យប្រព័ន្ធអេកូឡូស៊ីមានចីរភាព៕

The post កម្ពុជា នាំចេញ​អង្ករ​ជាង ៦២ម៉ឺន​តោ​ន ទៅ​កាន់ ៥៩​ប្រទេ​ស​ឆ្នាំ ២០១៩ appeared first on .