លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជាបានឱ្យដឹងថា ការកុម្ម៉ង់ជ្រូកខ្វៃសម្រាប់ថ្ងៃសែនចូលឆ្នាំចិន វៀតណាមឆ្នាំនេះមានសភាពស្ងប់ស្ងាត់ មិនគគ្រឹកគគ្រេងខ្លាំងដូចឆ្នាំមុនៗនោះទេ ហើយការស្ងប់ស្ងាត់នេះមិនមែនដោយសារសេដ្ឋកិច្ចគ្រួសារនោះទេ គឺពលរដ្ឋចាប់ផ្តើមយល់មិនខ្ជះខ្ជាយ និងការរៀបចំមិនមានលក្ខណៈទ្រង់ទ្រាយធំដូចឆ្នាំកន្លងទៅ។

បើតាមប្រធានក្រុមប្រឹក្សាសមាគមអ្នកចិញ្ចឹមសត្វកម្ពុជាខាងលើ, ក្រៅពីបានមើលឃើញការកុម្ម៉ងជ្រូកខ្វៃរបស់ប្រជាពលរដ្ឋខ្មែរ ជាប់សែស្រឡាយចិន ហាក់មានសភាពស្ងប់ស្ងាត់ តម្លៃជ្រូកសម្រាប់ខ្វៃនៅលើទីផ្សារនៅឆ្នាំនេះមានការកើនឡើងតិចតួចប៉ុណ្ណោះ បើប្រៀបធៀបទៅនិងតម្លៃជ្រូករស់នៅថ្ងៃធម្មតា។ តួយ៉ាងជ្រូករស់មុនថ្ងៃសែនចូលឆ្នាំ មួយសប្តាហ៍មានតម្លៃ៨៨០០រៀលក្នុងមួយគីឡូក្រាម តែមកដល់ពេលនេះមានតម្លៃ៩២០០ទៅ៩៣០០រៀលប៉ុណ្ណោះក្នុងមួយគីឡូក្រាម។

ទាក់ទងតម្លៃជ្រូកនេះតើក្រោយពិធីបុណ្យចូលឆ្នាំចិន-វៀតណាមចប់ផុតទៅ អាចនឹងធ្លាក់ថ្លៃវិញដែរទេ? លោក លី ឡាវីល មានប្រសាសន៍ថា “បើតាមខ្ញុំនៅក្នុងវិស័យចិញ្ចឹមសត្វ ជាទូទៅចាប់ពីខែចូលឆ្នាំចិន វៀតណាមចប់ផុតទៅ តម្លៃជ្រូករស់អាចនឹងចាប់ផ្តើមឡើងថ្លៃជាសន្សឹមៗចាប់ពីខែកុម្ភៈរហូតដល់ខែមេសា ហើយបើតម្លៃធ្លាក់មកវិញ លើកលែងតែមានការនាំចូលពីក្រៅប្រទេសយកមកផ្គត់ផ្គង់លើសពីតម្រូវការ តែបើសិនមិនមានការនាំចូលទេ នោះតម្លៃជ្រូកវានឹងកើនឡើងក្នុងមួយខែបន្តិចម្តងៗពីរង្វង់៥ភាគរយទៅ១០ភាគរយ ផ្អែកទៅលើតម្រូវការជាក់ស្តែង”៕SL

The post អ្នកជំនាញ៖ ការកុម៉្មង់ជ្រូកខ្វៃសម្រាប់ថ្ងៃសែនចូលឆ្នាំចិន-វៀតណាមមិនគគ្រឹកគគ្រេងដូចឆ្នាំមុនៗ appeared first on .

លោក ទឹង ងួនហួត ម្ចាស់សិប្បកម្មជ្រូកខ្វៃមួយកន្លែងនៅផ្សារដើមគរ បានឱ្យដឹងថាតម្រូវការជ្រូកខ្វៃរបស់អតិថិជនក្នុងពិធីបុណ្យចូលឆ្នាំចិនឆ្នាំ១០២៤នេះ មានភាពប្រហាក់ប្រហែលគ្នាទៅនឹងឆ្នាំ២០២៣ដែរ ដោយគិតមកដល់ថ្ងៃទី០៧ លោកទទួលការកម្មង់បានប្រមាណជាង២០០ក្បាល។ហើយការកម្មង់របស់ភ្ញៀវចាប់តាំងពី៥ទៅ៦ថ្ងៃមុនមកម្ល៉េះ។

លោកបន្តថា ចំពោះតម្លៃជ្រូកខ្វៃនៅឆ្នាំនេះវិញមានតម្លៃធូថ្លៃជាងឆ្នាំមុន ដោយសារឆ្នាំនេះជ្រូកទិញមកធូរថ្លៃ ដូច្នេះយើងលក់វិញក៏ធូថ្លៃដែរ។កាលពីចូលឆ្នាំចិន២០២៣ ជ្រូកទម្ងន់១០គីឡូ តម្លៃ៨០ម៉ឺនរៀល ប៉ុន្តែឆ្នាំនេះមានតម្លៃត្រឹមតែ៧០ម៉ឺនរៀលប៉ុណ្ណោះ។ចំណែកជ្រូកតូចទម្ងន់៤គីឡូក្រាម មានតម្លៃ១០០ដុល្លារក្នុងមួយក្បាល និងទម្ងន់២០គីឡូមានតម្លៃ២៥០ដុល្លារ។

ចំណែកលោក ឡាវ ឈុននាង ម្ចាស់សិប្បកម្មជ្រូកខ្វៃឡុងបុផាភ្នំពេញ បានឱ្យដឹងផងដែរថា ចូលឆ្នាំចិនឆ្នាំនេះអតិថិជនកម្មង់មានការថយចុះបន្តិចជាងឆ្នាំមុន ដោយកាលពីឆ្នាំមុនមានការកម្មង់ចាប់ពី២០០ទៅ៣០០ ក្បាល តែសម្រាប់ឆ្នាំនេះបើគិតមកដល់ថ្ងៃទី០៧ បានត្រឹមតែជិត២០០ក្បាលប៉ុណ្ណោះ។

បើតាមលោក ឈុននាង បញ្ហាថយចុះភ្ញៀវនេះ លោកគិតថាដោយសារអ្នកលក់ជ្រូកខ្វៃមានការកើនឡើងច្រើន អីចឹងទៅការកម្មង់មានការបែងចែកទៅតាមគេខ្លះ ខាងយើងខ្លះ។

ម្ចាស់សិប្បកម្មរូបនេះបន្តថា ចំពោះតម្លៃជ្រូកឆ្នាំ២០២៤នេះរាងធូរជាងឆ្នាំ២០២៣ ធ្វើឱ្យខាងសិប្បកម្មខ្វៃជ្រូកក៏ធូរថ្លែតាមហ្នឹងដែរ។ដោយខាងសិប្បកម្មលោកផ្ទាល់សម្រាប់ថ្ងៃធម្មតាជ្រូកខ្វៃទម្ងន់៦គីឡូ តម្លៃ៤៥ម៉ឺនរៀល, ទម្ងន់៨គីឡូ តម្លៃ៥០ម៉ឺនរៀល, ទម្ងន់១២គីឡូ តម្លៃ៦០ម៉ឺនរៀល តែសម្រាប់ថ្ងៃបុណ្យឆ្នាំចិនជ្រូកដែលទិញមកក៏ឡើងដែរតែក៏នៅធូថ្លៃ អាចលក់បានតម្លៃ៦០ម៉ឺនរៀល សម្រាប់ជ្រូកទម្ងន់៦គីឡូ, តម្លៃ៧០ម៉ឺនរៀល សម្រាប់ជ្រូកទម្ងន់៨គីឡូ និងជ្រូក១២គីឡូ តម្លៃ៧៥ម៉ឺនរៀល។តម្លៃនេះបើធៀបនឹងឆ្នាំ២០២៤ ថយចុះប្រហែល៥ម៉ឺនរៀល នៅក្នុងមួយក្បាល៕

The post ជ្រូកខ្វៃក្នុងពិធីបុណ្យចូលឆ្នាំចិនឆ្នាំនេះ មានតម្លៃធូរថ្លៃជាងឆ្នាំមុន appeared first on .

ប្រធានសមាគមអ្នកចិញ្ចឹមសត្វកម្ពុជា លោក ស្រ៊ុន ពៅ បានឱ្យដឹងថា ផ្អែកទៅតាមការសង្កេតនៅលើផ្សារក្នុងឆ្នាំ២០២៣នេះតម្រូវការជ្រូកខ្វៃឱ្យមានលើសជាងឆ្នាំមុនគឺមិនអាចនោះទេ។ នៅឆ្នាំនេះតម្រូវការជ្រូកខ្វៃអាចនិងមានការធ្លាក់ចុះខ្លះ ប៉ុន្តែតម្លៃជ្រូកខ្វៃគឺនៅដដែល ពោលជ្រូកខ្វៃមួយក្បាលដែលមានទម្ងន់១០គីឡូក្រាមមានតម្លៃប្រមាណ១លានរៀល។

លោកបញ្ជាក់ថា«តម្រូវការជ្រូកខ្វៃនៅទូទាំងប្រទេសយើងមិនអាចធ្វើការប៉ាន់ប្រមាណថាមានចំនួនសរុបប៉ុន្មាននោះទេ ព្រោះមួយឆ្នាំមានតែម្តង។តែយើងអាចធ្វើការប៉ាន់ប្រមាណនៅក្រុងភ្នំពេញថានៅក្នុងមួយរដូវសែនឆេងម៉េងឆ្នាំ២០២៣នេះមានប្រហែលជិត២ពាន់ក្បាល ពោលតិចជាងឆ្នាំមុនមានជាង២ពាន់ក្បាល»។

ប្រធានសមាគមអ្នកចិញ្ចឹមសត្វកម្ពុជា លើកឡើងថា ក្នុងរដូវសែនឆេងម៉េងរបស់ប្រជាពលរដ្ឋជាប់ខ្សែស្រឡាយចិននេះតម្រូវការជ្រូកខ្វៃវាមិនពាក់ព័ន្ធនិងពូជជ្រូកយកមកចិញ្ចឹមនោះទេដោយសារជ្រូកពូជស្បែករបស់វាស្តើងហើយមិនស្រួយ តែនៅលើទីផ្សារគេនិយមច្រើនទៅលើប្រភេទជ្រូកស្រែដែលចិញ្ចឹមនៅតាមផ្ទះរបស់ប្រជាកសិករនៅតាមតំបន់នានានៅក្នុងប្រទេសកម្ពុជា៕ អត្ថបទ៖សារេត

The post តម្រូវការជ្រូកខ្វៃក្នុងរដូវកាលសែនឆេងនៅក្រុងភ្នំពេញមានប្រហែល២ពាន់ក្បាល appeared first on .

អ្នកដំណាងហាងយីហោ ជ្រូកខ្វៃ ទាខ្វៃ ឆ្ងាញ់ ស្រីធំច្បារអំពៅ បានប្រាប់ឧកញ៉ាញូស៍នៅរសៀលនេះថា ឆ្នាំនេះហាងលោកស្រីលក់បានច្រើនជាងមុនៗដោយសារតែស្ថានភាពសេដ្ឋកិច្ច និងការបន្ធូរបន្ថយវិបត្តិកូវីដ១៩ធូរស្រាលជាងឆ្នាំ២០២១កន្លងទៅ។

សម្រាប់តម្លៃលក់ចេញវិញ លោកស្រីបញ្ជាក់ថា គឺមានតម្លៃប្រហាក់ប្រហែលនឹងឆ្នាំ២០២១ដែរ យ៉ាងណាឆ្នាំនេះលោកស្រីលក់ដាច់ក៏ព្រោះតែមានអ្នកសែនច្រើន ដូច្នេះការលក់គឺលក់ស្រួល។

សូមស្តាប់ការលើកឡើងរបស់លោកស្រីម្ចាស់ហាង ជ្រូកខ្វៃ ទាខ្វៃ ឆ្ងាញ់ ស្រីធំច្បារអំពៅ៖

The post អ្នកលក់ជ្រូកខ្វៃឆ្នាំនេះ រាស្រីឡើងខ្ពស់កាក់កបខ្លាំង ខណៈហាងមួយនេះលក់បានជាង ២០០ក្បាល appeared first on .