សម្តេចតេជោ ហ៊ុន សែន ប្រកាសកុំឱ្យមានការភាន់ច្រលំលើការបង្កើតដេប៉ាតឺម៉ង់ ភាសាវៀតណាម នៅសាកលវិទ្យាល័យភូមិន្ទភ្នំពេញ ព្រោះនៅសាកលវិទ្យាល័យនេះ មានដេប៉ាតឺម៉ង់ ភាសាបរទេសច្រើនណាស់ មានទាំង អង់គ្លេស បារាំង ជប៉ុន ចិន កូរ៉េ….[…] ដែលសកម្មភាពទាំងនេះ មានប្រយោជន៍ ចំពោះនិស្សិតកម្ពុជា និងការផ្លាស់ប្តូរកម្មវិធីសិក្សា ព្រមទាំងធុរកិច្ច។

សម្តេចតេជោ ហ៊ុន សែន នៅព្រឹកថ្ងៃអង្គារនេះ ក្នុងពិធីប្រគល់សញ្ញាបត្រ ដល់និស្សិតសាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់ បានគូសបញ្ជាក់ថា ការបើកដេប៉ាដឺម៉ង់ភាសាវៀតណាមនៅសាកលវិទ្យាល័យភូមិន្ទភ្នំពេញ គឺមិនមែនយកជនជាតិវៀតណាមមកបង្រៀនភាសាវៀតណាមនៅក្នុងប្រទេសកម្ពុជាទេ ប៉ុន្តែផលចំណេញ គឺទៅលើនិស្សិតរបស់កម្ពុជា ព្រោះនៅពេលបានបណ្តុះបណ្តាលរួចហើយ បញ្ជូនទៅសិក្សាទៅប្រទេសវៀតណាម មានភាពងាយស្រួល។

សម្តេចតេជោ បានសង្កត់ធ្ងន់ថា៖ “ការចង់រកស៊ីជាមួយវៀតណាមវិញ ក៏មានភាពងាយស្រួលផងដែរ បើសិនចេះភាសាវៀតណាមនោះ”។

ក្រសួងអប់រំ យុវជន និងកីឡា កាលពីពេលថ្មីៗនេះ បាន ឯកភាព នឹង សំណើរបស់វៀតណាម ក្នុងការបង្កើតដេប៉ាតឺម៉ង់សិក្សាវៀតណាម ដែលដាក់ក្រោមវិទ្យាស្ថានសិក្សាអន្តរជាតិ និងគោលនយោបាយសាធារណៈ នៃសាកលវិទ្យាល័យភូមិន្ទភ្នំពេញ។ លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់ថា ការបង្កើតដេប៉ាតឺម៉ង់សិក្សាវៀតណាម គឺមានសារៈសំខាន់សម្រាប់និស្សិតកម្ពុជា ចេះស្វែងយល់ពីបញ្ហាផ្សេងៗប្រទេសជិតខាង រួមទាំងប្រទេសទាំងអស់ក្នុងតំបន់អាស៊ាន។

បើតាមលោក ហង់ជួន ណារ៉ុន ដេប៉ាតឺម៉ង់សិក្សាវៀតណាមនេះ គឺបង្កើតឡើងសម្រាប់អ្នកដែលចង់ស្វែងយល់ និងធ្វើការក្នុងក្រុមហ៊ុនវៀតណាម មិនមែនជាការបង្ខំឲ្យនិស្សិតទាំងអស់រៀននោះទេ៕

The post សម្តេចតេជោ ហ៊ុន សែន អះអាងពីកម្ពុជាទទួលផលចំណេញ ពីការបង្កើតដេប៉ាតឺម៉ងភាសាវៀតណាម appeared first on .

លោករដ្ឋមន្ត្រី បានបញ្ជាក់ទៀតថា ការបង្កើតដេប៉ាតឺម៉ង់សិក្សាវៀតណាម សម្រាប់បណ្តុះបណ្តាលលើមុខជំនាញសិក្សាវៀតណាម មុខជំនាញ​ការបក​ប្រែភាសាវៀតណាម និងមុខជំនាញភាសាវៀតណាម សម្រាប់ទំនាក់ទំនងធុរកិច្ច នឹងជួយដល់ការបង្កើតការងារធ្វើសម្រាប់ប្រជាជនកម្ពុជា ដែលរស់នៅតាមខេត្តជាប់ព្រំដែន តាមរយៈការបង្កើនទំហំពាណិជ្ជកម្មជាមួយវៀតណាម និងវិនិយោគពីប្រទេសវៀតណាមនៅកម្ពុជា។

ជាមួយគ្នានេះ លោករដ្ឋមន្ត្រី បន្តថាដេប៉ាតឺម៉ង់សិក្សាវៀតណាមនឹងជួយបណ្ដុះបណ្ដាលភាសាវៀតណាមរយៈពេល ១ ឆ្នាំ ដល់និស្សិតកម្ពុជា ដែលបាន​ទទួលអាហារូបករណ៏ទៅរៀននៅសាធារណរដ្ឋសង្គមនិយមវៀតណាមជាង ១០០ នាក់ ចាប់ពី ថ្នាក់បរិញ្ញាបត្ររហូតដល់ថ្នាក់បណ្ឌិតក្នុងមួយឆ្នាំ។ នាពេលកន្លងទៅ និស្សិតកម្ពុជាមានការលំបាកក្នុងការ សិក្សា ដោយសារពួកគេទៅរៀនដោយមិនបានរៀនភាសាវៀតណាមជាមុន។

គួរបញ្ជាក់ថា ដេប៉ាតឺម៉ង់សិក្សាវៀតណាម បង្កើតឡើងដោយដាក់ក្រោម វិទ្យាស្ថានសិក្សាអន្តរជាតិ និងគោលនយោ​បាយ សាធារណៈ​នៃសាកលវិទ្យាល័យភូមិន្ទភ្នំពេញ ដើម្បីពង្រឹងការបណ្ដុះបណ្តាលធនធានមនុស្ស ក្នុងវិស័យកិច្ចការអន្តរជាតិ និងវិភាគគោលនយោបាយ។

វិទ្យាស្ថាននេះ មានតួនាទី និងភារកិច្ចដូចជា៖ ស្រាវជ្រាវ ផ្សព្វផ្សាយ និងបណ្តុះបណ្តាលកម្រិតបរិញ្ញាបត្រ និងក្រោយបរិញ្ញាបត្រលើជំនាញ ទំនាក់ទំនងអន្តរជាតិ សេដ្ឋកិច្ច វិទ្យាសាស្ត្រនយោបាយ និងគោលនយោបាយសាធារណៈ ស្រាវជ្រាវលើបញ្ហាក្នុងប្រទេសតំបន់ និងពិភពលោក សហការជាមួយស្ថាប័នជាតិ អន្តរជាតិ និងដៃគូអភិវឌ្ឍ បង្កើតវេទិកាចែករំលែកចំណេះដឹងនិងរៀបចំព្រឹត្តិការណ៍ជាតិនិងអន្តរជាតិ ព្រមទាំងគោលនយោបាយ សំខាន់ៗ ផ្សព្វផ្សាយលទ្ធផលនៃការសិក្សា ការស្រាវជ្រាវ និងបម្រើជាវេទិកា និងមជ្ឈមណ្ឌលសម្រាប់បញ្ញវន្ត និងអ្នកស្រាវជ្រាវកម្ពុជា និងបរទេស ដើម្បីធ្វើការសិក្សាអំពីបញ្ហាសំខាន់ៗដែលប្រទេសកម្ពុជា តំបន់និងពិភពលោកកំពុងប្រឈម ៕

The post លោក ហង់ជួន ណារ៉ុន៖​​ ការបង្កើតដេប៉ាតឺម៉ង់សិក្សា​វៀត​ណា​ម គឺធ្វើតាមតម្រូវការរបស់កម្ពុជា មិនមែនធ្វើតាមបង្គាប់បញ្ជារបស់វៀតណាមនោះទេ appeared first on .