គិតត្រឹមខែកញ្ញា ឆ្នាំ២០២៤នេះ កម្ពុជាសម្រេចបានការនាំចេញកៅស៊ូចំនួន ២៤៨ ៥៣៥តោន កើនឡើងចំនួន ១ ៣១៦តោន ស្មើនឹង ៣,៥១ភាគរយ បើធៀបនឹងរយៈពេលដូចគ្នាកាលពីឆ្នាំមុន។នេះបើតាមការឱ្យដឹងរបស់កញ្ញា អ៊ឹម រចនា អនុរដ្ឋលេខាធិការនិងជាអ្នកនាំពាក្យក្រសួងកសិកម្ម រុក្ខាបរមាញ់ និងនេសាទ កាលពីថ្ងៃទី៧ ខែវិច្ឆិកា ។

អ្នកនាំពាក្យក្រសួងកសិកម្ម បានឱ្យដឹងទៀតថា៖ក្រៅពីកំណើននៃការលក់ជ័រកៅស៊ូ តម្លៃជ័រកៅស៊ូក៏បានកើនឡើងគួរឱ្យកត់សម្គាល់ផងដែរ។ តម្លៃលក់ជ័រកៅស៊ូជាមធ្យមនៅក្នុងរយៈពេល ៩ខែ ឆ្នាំ២០២៤នេះ ថ្លៃ ១ ៥៨៦ដុល្លារ/តោន កើនឡើង ២១៥ដុល្លារ/តោន ស្មើនឹង ១៥,៧២ភាគរយ បើធៀបនឹងឆ្នាំមុន។

ទីផ្សារនាំចេញកៅស៊ូសំខាន់ៗរបស់កម្ពុជា រួមមាន៖ វៀតណាម ចិន ម៉ាឡេស៊ី សិង្ហបុរី ឥណ្ឌា និងសហភាពអឺរ៉ុប។ ប្រទេសកម្ពុជា រកចំណូលបាន ៩១៩លានដុល្លារអាម៉េរិក ពីការនាំចេញកៅស៊ូ និងកៅស៊ូផលិតផលធ្វើអំពីកៅស៊ូ នៅឆ្នាំ ២០២៣។

បើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា ប្រទេសកម្ពុជា រកចំណូលបានពីការនាំចេញជ័រកៅស៊ូ និងផលិតផលធ្វើអំពីកៅស៊ូ មានតម្លៃទឹកប្រាក់សរុបចំនួន ៤០២លានដុល្លារអាម៉េរិក ក្នុងរយៈពេល ៤ខែដំបូង ឆ្នាំ ២០២៤ កើនឡើង ៩៤,៧ភាគរយ ធៀបនឹងរយៈពេលដូចគ្នាកាលពីឆ្នាំ ២០២៣។

លោក ឃុន កក្កដា អគ្គនាយករង នៃអគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងកាលពីពេលថ្មីៗនេះថាកម្ពុជាបានក្លាយជាប្រទេសដែលមានចំនួនដើមកៅស៊ូវ័យចំណាស់ នៅរស់រានមានជីវិតច្រើនជាងគេបំផុតលើពិភពលោក គឺមានរហូតដល់ ៤៤៨ដើម លើផ្ទៃដីប្រមាណ១៤ហិកតា នៃផ្ទៃដីដំាដុះកៅស៊ូសរុបជាង ៤៤ម៉ឺនហិកតា នៅទូទាំងប្រទេស៕

The post ៩ខែ ឆ្នាំ២០២៤ កម្ពុជាសម្រេចបានការនាំចេញកៅស៊ូចំនួន ជិត២៥ម៉ឺនតោន កើនឡើងចំនួន ១ ៣១៦តោន appeared first on .

ក្រសួងកសិកម្មបានបញ្ជាក់ឱ្យដឹងថា ដំណាំកៅស៊ូ ចាប់ផ្ដើមមានវត្តមាននៅកម្ពុជា ចាប់តាំងពីឆ្នាំ១៩១០ ដែលកាលណោះ ជនជាតិបារាំងម្នាក់ឈ្មោះលោក Boulliard បាននាំដំណាំកៅស៊ូនេះ មកដាំដុះសាកល្បងក្នុងភូមិសាស្ត្រស្រុកព្រៃនប់ ខេត្តកំពត (បច្ចុប្បន្ន ខេត្តព្រះសីហនុ)។ ដោយសារសណ្ឋានដីពុំអំណោយផល ជំនាញការបារាំងបានស្វែងរកដីដែលមានក្សេតបរិស្ថានសមស្របសម្រាប់ដំណាំកៅស៊ូ ហើយចាប់ផ្ដើមដាំដុះជាលក្ខណៈទ្រង់ទ្រាយធំ នៅក្នុងខេត្តចំនួន ៥ ដែលមានដីក្រហមបាសាល់ ។

​ក្រសួងកសិកម្មបានបន្ដថា ចម្ការកៅស៊ូមានលក្ខណៈ​ឧស្សាហកម្ម​​ទ្រង់​​ទ្រាយធំបានបង្កើត​​​ឡើងដោយ​ក្រុមហ៊ុន​វិនិយោគ​របស់​បារាំង​​​ធំៗចំនួន៥ នៅលើខេត្តដែលមានដី​ក្រហម​​​បាសាល់ រួមមាន ខេត្ត​កំពង់ចាម ខេត្ត​ក្រចេះ និង​ខេត្ត​រតនគិរី។ ជាង ១០០ឆ្នាំកន្លងមកនេះ ដំណាំកៅស៊ូ និងឧស្សាហកម្មកៅស៊ូ បាននៅជាប់ជាមួយប្រទេសកម្ពុជាជានិច្ច បើទោះបីជាកម្ពុជាបានផ្លាស់ប្ដូររបបដឹកនាំជាច្រើនលើកច្រើនសារក៏ដោយ។

សូមជម្រាបជូនថា ចម្ការកៅស៊ូដែលមានវ័យចាស់ជាងគេបង្អស់នៅកម្ពុជា ស្ថិតនៅក្នុងភូមិសាស្ត្រឃុំជប់ ស្រុកត្បូងឃ្មុំ ខេត្តត្បូងឃ្មុំ។ ចម្ការកៅស៊ូនេះ មានចំនួនដើមកៅស៊ូចាស់ នៅរស់ច្រើនជាងគេបំផុតនៅក្នុងពិភពលោក រហូតដល់ ៤៤៨ដើម លើផ្ទៃដីប្រមាណ១៤ហិកតា និងកំពុងដើរតួយ៉ាងសំខាន់ក្នុងការស្រាវជ្រាវរកពូជកៅស៊ូ ដែលមានលក្ខខណ្ឌដុះលូតលាស់ និងផ្ដល់ផលជ័រខ្ពស់ ស្របតាមក្សេតបរិស្ថានរបស់កម្ពុជា៕

The post កម្ពុជា ​មានដើមកៅស៊ូចាស់ជាងគេនៅលើពិភពលោកជាង៤០០ដើម ដាំដុះលើផ្ទៃដី១៤ហិកតា appeared first on .

លោក ម៉េង ហ៊ាង ដែលជាឈ្មួញទិញជ័រកៅស៊ូពីស្រុកតំបែរ ខេត្តត្បូងឃ្មុំ និងខេត្តក្រចេះ នាំចេញទៅកាន់ប្រទេសវៀតណាម បានឱ្យដឹងថា ទីផ្សារជ័រកៅស៊ូបង្កកឆ្នាំ២០២៣នេះ មានភាពល្អប្រសើរបន្តិចបន្តួចជាងឆ្នាំ២០២២ ប៉ុន្តែតម្លៃក៏វាអាស្រ័យទៅតាមប្រភេទជ័រនីមួយៗ ហើយតាមតំបន់ផងដែរ វាមិនអាចដូចគ្នានោះទេ។តួយ៉ាងចំពោះ ជ័របង្កកក៏មានតម្លៃផ្សេងគ្នាដែរ ពោលបើជ័រដែលបង្កកបានល្អ ហើយបង្កកក្នុងមួយយប់ មានតម្លៃចន្លោះពី ២០៥០រៀល ទៅ២១០០រៀល នៅក្នុងមួយគីឡូក្រាម។ចំណែកឯជ័រដែលបង្កកមិនសូវបានល្អ រួមផ្សំនឹងពូជកៅស៊ូរាងទាប តម្លៃអាចបានត្រឹមតែ២០០០រៀល ក្នុងមួយគីឡូក្រាមប៉ុណ្ណោះ។

លោក បន្តថា ជាប្រចាំថ្ងៃ លោកអាចនាំចេញទៅកាន់ប្រទេសវៀតណាម បានចន្លោះពី២០ ទៅ២៥តោនឯណោះ ដែលបរិមាណនេះបើធៀបនឹងឆ្នាំ២០២២ គឺមានការកើនឡើង ដោយសារទីផ្សារវៀតណាមគឺទទួលទិញរហូត មិនមានបញ្ហាទីផ្សារឡើយ។លោក បានបន្តទៀតថា បើធៀបនឹងឆ្នាំមុន តម្លៃជ័រកៅស៊ូបង្កកឆ្នាំនេះ ប្រសើរជាងឆ្នាំមុន អាចលើសតិចតួច ដោយសារកត្តា ផ្អែកលើទីផ្សារអន្តរជាតិ។កាលណាតម្លៃនៅក្រៅប្រទេសឡើង ក៏ធ្វើឱ្យតម្លៃក្នុងស្រុកក៏ឡើងតាមហ្នឹងដែរ ដោយឡែកបើតម្លៃក្រៅស្រុកធ្លាក់ចុះ នោះក្នុងស្រុកក៏ធ្លាក់ចុះដែរ។

បើតាមឈ្មួញនាំចេញជ័រកៅស៊ូរូបនេះ ទោះបីជាឆ្នាំនេះតម្លៃជ័រកៅស៊ូមានភាពល្អប្រសើរបន្តិចបន្តួចយ៉ាងណាក៏ដោយ ប៉ុន្តែក៏មានបញ្ហាអាកាសធាតុផងដែរ ពោលឆ្នាំនេះនៅមានភ្លៀងធ្លាក់ញឹកញាប់នៅឡើយ ដែលបណ្តាលឱ្យទឹកភ្លៀងលាយជាមួយជ័រច្រើន ដូច្នេះភាគរយនៃការបាត់គីឡូក៏ច្រើនផងដែរ។

សូមជម្រាបជូនផងដែរថា នៅក្នុងរយៈពេល៩ខែ ឆ្នាំ២០២៣នេះ កម្ពុជាទទួលបានចំណូលជាង ៣២១លានដុល្លារ ពីការនាំចេញជ័រកៅស៊ូ និងឈើកៅស៊ូ។ក្នុងនោះ ចំណូលពីការនាំចេញជ័រកៅស៊ូ មានចំនួន៣២០ ៦១៩ ៣៤៦ដុល្លារ ចំណែកការនាំចេញឈើកៅស៊ូមានចំនួន១ ៣០៥ ៩៨១ដុល្លារ។រយៈពេល៩ខែឆ្នាំនេះដែរ ជ័រកៅស៊ូមានតម្លៃ ១ ៣២៣ដុល្លារ ក្នុង១តោន ថយចុះ១៩៦ដុល្លារ ក្នុងមួយតោន ស្មើនឹង១៣ភាគរយ បើធៀបនឹងរយៈពេលដូចគ្នា ក្នុងឆ្នាំ២០២២។

គិតមកដល់បច្ចុប្បន្ន កម្ពុជាមានផ្ទៃដីកៅស៊ូសរុបមានចំនួន ៤០៤ ៥៧៨ហិកតា ក្នុងនោះ ផ្ទៃដីចៀរជ័រមានចំនួន ៣១៥ ៣៣២ហិកតា ស្មើនឹង៧៨% និងផ្ទៃដីថែទាំមានចំនួន ៨៩,២៤៦ហិកតា ស្មើនឹង២២%។ដោយឡែក ចំពោះទីផ្សារសំខាន់ៗ ក្នុងការនាំចេញកៅស៊ូរបស់កម្ពុជា មានដូចជា៖ ប្រទេសម៉ាឡេស៊ី វៀតណាម ចិន ឥណ្ឌូណេស៊ី និងសហគមអឺរ៉ុប ជាដើម៕

The post តម្លៃជ័រកៅស៊ូឆ្នាំនេះ មានភាពល្អប្រសើរបន្តិចបន្តួច ខណៈបរិមាណនាំចេញទៅកាន់ប្រទេសវៀតណាមមានការកើនឡើងជាងឆ្នាំមុន appeared first on .

លោកអភិបាលខេត្ត បានបន្តថា រយៈពេល៥ឆ្នាំ ខេត្តត្បូងឃ្មុំ មានផ្ទៃដីដាំដុះ កៅស៊ូជាង៨ពាន់ហិកតា និងផលិតបានកៅស៊ូជាង៨ម៉ឺនតោន។ ដោយឡែក ក្រុមហ៊ុនចំការកៅស៊ូ មាន៥កន្លែង និងផ្តល់ការងារដល់កម្មករ ៨ពាន់នាក់ ។

គួរបញ្ជាក់ថា គិតចាប់ពីឆ្នាំ២០១៨ដល់ឆ្នាំ២០២១ ខេត្តត្បូងឃ្មុំ ទំហំពាណិជ្ជកម្មមានចំនួន ១,៦៩៤លានដុល្លារ កើន១,៤១៨លានដុល្លារ។ ក្នុងនោះឆ្នាំ២០១៨ ស្មើនឹង ២៧៦លានដុល្លារ , ឆ្នាំ២០១៩ ស្មើនឹង ៣៧៣លានដុល្លារ , ឆ្នាំ២០២០ ស្មើនឹង ៤៥៥លានដុល្លារ , ឆ្នាំ២០២១ ស្មើនឹង ៥៩០លានដុល្លារ ចំណូលមនុស្សម្នាក់ៗ មានប្រមាណ ១,៤៥២ដុល្លារ ៕

The post រយៈពេល៥ឆ្នាំ ខេត្តត្បូងឃ្មុំ អាចរកចំណូលបានជាង១២០លានដុល្លារ ពីដំណាំកៅស៊ូ appeared first on .