ទស្សនិកជនធ្លាប់តែឃើញកំពូលតារាចម្រៀងស្រី តន់ ចន្ទសីម៉ា ឡើងឆាកប្រគំតន្រ្តីធំៗជុំវិញខេត្តក្រុង ដោយឡែកថ្មីនេះនាងត្រៀមនឹងមានវត្តមានច្រៀងនៅក្នុងផាប់ ដើម្បីផ្តល់នូវភាពរីករាយនិងជាកាដូសម្រាប់អ្នកគាំទ្រខ្លួននៅក្នុងឆ្នាំថ្មីនេះ ។

ជាច្រើនឆ្នាំនៅក្នុងសិល្បៈតារាចម្រៀង តន់ ចន្ទសីម៉ា មិនធ្លាប់ចេញច្រៀងឬសម្តែងនៅក្នុងផាប់ណាមួយឡើយ ភាគច្រើននាងទទួលតែការសម្តែងនៅក្នុងតាមការប្រគំតន្រ្តីធំៗ និងក្នុងកម្មវិធីធំៗប៉ុណ្ណោះ ។ ទន្ទឹមនិងកេរ្តិ៍ឈ្មោះកាន់តែល្បីសុះសាយពេញក្នុងនិងក្រៅប្រទេស កញ្ញា តន់ ចន្ទសីម៉ា ក៏បានរិះរកអ្វីដែលថ្មីៗដើម្បីចែកជូនជាកាដូដល់អ្នកគាំទ្ររបស់ខ្លូនផផងដែរ ជាពិសេសនៅប៉ុន្មានថ្ងៃខាងមុខនេះ នាងត្រៀមនឹងមានវត្តមាននៅក្នុងការសម្តែងនៅក្នុងផាប់មួយនៅក្នុងទីក្រុងភ្នំពេញផងដែរ ។

បើតាមគម្រោងកំពូលតារាចម្រៀង តន់ ចន្ទសីម៉ា នឹងច្រៀងនៅក្នុងផាប់មួយដែលមានឈ្មោះថា The Bay នៅបឹងកក់ ដែលនឹងរៀបចំឡើងនៅថ្ងៃទី ២០ ខែកុម្ភៈ ឆ្នាំ ២០២៦ ។

ជុំវិញនៃការចូលរួមច្រៀងនិងសម្តែងរបស់តារាចម្រៀង តន់ ចន្ទសីម៉ា ជាលើកដំបូងនៅក្នុងផាប់នេះ ត្រូវបានប្រភពព័ត៌មានស្និទ្ធជាមួយនាងបង្ហើបប្រាប់ថា កញ្ញា តន់ ចន្ទសីម៉ា ចង់ផ្តល់ភាពសប្បាយរីករាយ និងជាកាដូសម្រាប់អ្នកគាំទ្រនាងនៅក្នុងឆ្នាំថ្មីនេះ ដោយជួបជាមួយនាងផ្ទាល់ ព្រមទាំងអាចជជែកនិងថតរូបជុំគ្នា ។
ជាមួយនិងការត្រៀមបង្ហាញវត្តមាននៅក្នុងផាប់ជាលើកដំបូងនេះ កញ្ញា តន់ ចន្ទសីម៉ា ត្រៀមយកបទចម្រៀង មនោរសញ្ចេតនាល្បីៗរបស់នាងដែលចូលសិល្បៈដំបូង ដើម្បីច្រៀងនិងសម្តែងជូនបងប្អូនទស្សនានិងរាំលេងកម្សាន្តជុំមិត្តភក្តិនិងក្រុមគ្រួសារ ។  

កុំភ្លេចណាត់មិត្តភក្តិនិងដៃគូឱ្យហើយ ជួបជាមួយកំពូលតារាចម្រៀងនៅក្នុងដួងចិត្តរបស់បងប្អូន ដើម្បីទទួលបាននូវអារម្មណ៍ថ្មី ប្លែក និងផ្តល់នូវភាពរីករាយនៅចុងសប្តាហ៍នេះ ៕

The post ធ្លាប់តែច្រៀងលើឆាកតន្រ្តីធំៗ ពេលនេះកំពូលតារាចម្រៀង តន់ ចន្ទសីម៉ា ផ្តល់នូវភាពរីករាយជូនអ្នកគាំទ្រច្រៀងក្នុងផាប់ជាលើកដំបូង appeared first on .

គ្រាន់តែបទចម្រៀង «បើគេសួរអូន» ចេញជា Full Audio របស់កំពូលតារាចម្រៀង ព្រាប សុវត្ថិ និង Full MV កំពូលតារាចម្រៀង តន់ ចន្ទសីម៉ា ចេញភ្លាមមានអ្នកគាំទ្រជាច្រើនបានសរសើរ ថែមទាំងនិយាយថា បទចម្រៀងនេះ ពិរោះរណ្តំចិត្តនិងត្រូវសាច់រឿងរបស់ពួកគេណាស់។ អ្នកខ្លះទៀតបាននិយាយថា ពួកគេម្នាក់ៗស្តាប់បទចម្រៀងមួយបទនេះ មួយថ្ងៃមិនតិចជាង១០ដងឡើយ។

គួរបញ្ជាក់ផងដែរថា បទចម្រៀងទាំងពីរVersion(ប្រុសស្រី)គឺជាស្នាដៃនិពន្ធមេឡូឌីនិងបទចម្រៀងដោយ BM និងនិពន្ធទំនុកច្រៀងដោយលោក សេង តារា ។ បើយើងក្រឡេកមើលនៅលើ TikTok បទប្រុសមានចំនួនអ្នកលេងជាង 100kឯណោះ ចំណែកបទស្រីមានអ្នកលេងជាង 60K ។

តាមប្រភពព័ត៌មានពីអ្នកផលិតនៅក្នុងផលិតកម្ម ហ្គាឡាក់ស៊ី ណាវ៉ាត្រា បានបង្ហើបប្រាប់ថា Full MV « បើគេសួរអូន » របស់កំពូលតារាចម្រៀង ព្រាប សុវត្ថិ កំពុងថតមានចំណុចពិសេសជាច្រើនដែលទាក់ចិត្តអ្នកគាំទ្រ ដូច្នេះកុំភ្លេចរង់ចាំតាមដានទស្សនា Full MV ថ្មីទាំងអស់គ្នា៕

សូមស្ដាប់បទ “បើគេសួរបង” របស់ ឧកញ៉ា ព្រាប សុវត្ថិ

សូមស្តាប់បទ« បើគេសួរអូន » របស់កំពូលតារាច្រៀង កញ្ញា តន់ ចន្ទសីម៉ា

The post «បើគេសួរអូន»កំពូលតារាចម្រៀង ព្រាប សុវត្ថិ និង តន់ ចន្ទសីម៉ា កំពុងផ្ទុះខ្លាំងតាមបណ្តាញសង្គម TikTok appeared first on .

បទចម្រៀងរួមគ្នារបស់ ខេម និងតន់ ចន្ទសីម៉ា ទាំងពីរបទ មានចំណងជើងថា “ចង់ប្រាប់ថាដៃអូនទំនេរ” និងបទ”ឮថាដៃអូនទំនេរ”។

បទចម្រៀងទាំងពីរបទនេះកំពុងទទួលការគាំទ្រ និងចាប់អារម្មណ៍នៅលើបណ្ដាញសង្គម។ ក្នុងនេាះបណ្ដាអ្នកគាំទ្រ បានកោតសរសើរពីអត្តន័យបទចម្រៀង និងការចេញបកស្រាយរួមគ្នារបស់ តារាចម្រៀងល្បីឈ្មេាះទាំង២នេះ។

ក្រៅតែមានបទចម្រៀងកន្ទ្រឹមរួមគ្នានេះ ទាំងខេម និងតន់ ចន្ទសីម៉ា ក៏មានបទចម្រៀងផ្ទាល់ខ្លួន និងបទចាប់ដៃគូជាមួយតារាផ្សេងទៀតក្នុងផលិតកម្ម Galaxy Navatra ដែលកំពុងតែទទួលបានការគាំទ្រខ្លាំងពីមហាជន។

សូមបញ្ជាក់ថា ទាំងខេម និងតន់ ចន្ទសីម៉ា សុទ្ធសឹងតែជាតារាលំដាប់ជួរមុខរបស់ផលិតកម្ម Galaxy Navatra ហើយនេះ មិនមែនជាលើកទី១ទេ ដែលអ្នកទាំងពីរចាប់ដៃបកស្រាយបទចម្រៀងរួមគ្នា។ រាល់បទចម្រៀងរបស់ ពួកគេតែងតែទទួលការគាំទ្រនិងចាប់អារម្មណ៍ខ្លាំងក្នុងស្រទាប់មហាជន៕

The post ខេម និងតន់ ចន្ទសីម៉ា ចេញបទកន្ទ្រឹមរួមគ្នាមកអង្រួនអារម្មណ៍ហ្វេនៗត្រៀមចូលឆ្នាំថ្មី appeared first on .

ទន្ទឹមនឹងបទនេះផ្ទុះការគាំទ្រខ្លាំង កំពូលតារាចម្រៀងរូបនេះ ផ្ដើមចេញបទកន្ទ្រឹមថ្មីៗទៀត ដោយចាប់ដៃជាមួយតារាស្រីវ័យក្មេង និងពោរពេញដោយសមត្ថភាពកញ្ញា តន់ ចន្ទសីម៉ា។

បទចម្រៀង២បទដែលតារាល្បីទាំង២ដួងចេញរួមគ្នាសម្រាប់បងប្អូនរាំកម្សាន្តក្នុងឱកាសបុណ្យចូលឆ្នាំថ្មីមានដូចជាបទ”អូនលេងបងបាត់” និងបទ”ទៅឬមិនទៅ”។

បទ “អូនលេងបងបាត់” ជាបទកន្ទ្រឹមរាំសប្បាយ និងសម្រាប់អបអរពិធីបុណ្យចូលឆ្នាំថ្មីប្រពៃណីខ្មែរ ខណៈបទចម្រៀងទាំងពីរនេះកំពុងផ្ទុះការគាំទ្រពីមហាជន។

តាមរយៈបទចម្រៀងពីរបទខាងលើនេះ មានតមិជាច្រើនលើកឡើងនៅលើបណ្ដាញសង្គមដោយបានសរសើរទៅកាន់កំពូលតារាចម្រៀង ខេមរៈ សិរីមន្ដ និងកញ្ញា តន់ ចន្ទសីម៉ា ក៏ដូចជាផលតិកម្មថា ពីមួយឆ្នាំទៅមួយឆ្នាំតែងតែមានបទចម្រៀងពីរោះៗ និងប្លែកៗ ធ្វើឱ្យពិធីបុណ្យប្រពៃណីជាតិខ្មែរកាន់តែមានភាពសប្បាយរីករាយ ។

សូមបញ្ជាក់ថា មិនមែនលើកទី១ទេ ដែលឧកញ៉ា ខេមរៈ សិរីមន្ត និងកញ្ញា តន់ ចន្ទសីម៉ា ចេញបទចម្រៀងរួមគ្នាបែបនេះ។ រាល់បទចម្រៀងដែលពួកគេចេញរួមគ្នាសុទ្ធសឹងជាបទទទួលការគាទ្រពីទស្សនិកជន។ ជាក់ស្ដែងបទចម្រៀងត្រៀមរាំកម្សាន្តក្នុងឱកាសបុណ្យចូលឆ្នាំថ្មីនេះស្រាប់កំពុងទទួលការគាំទ្រពីមហាជន៕

The post ផ្ទុះបទចម្រៀងចូលឆ្នាំថ្មីម្នាក់ឯងមិនអស់ចិត្ត! ពេលនេះ ឧកញ៉ា ខេមរៈ សិរីមន្ដ ងាកមកចាប់ដៃជាមួយ តន់ ចន្ទសីម៉ា ចេញបទកន្ទ្រឹមរួមគ្នាកាន់តែធ្វើឱ្យហ្វេនៗចាប់អារម្មណ៍ appeared first on .

ស្រីស្អាត Komayoo.n បានយកបទ«រំលស់ប្រពន្ធ» របស់តន់ចន្ទសីម៉ា យកទៅរាំលេងលើTikTok របស់នាង អមដោយក្បាច់រាំបែបខ្មែរ មើលទៅពិតជាមានភាពទាក់ទាញ ហើយក្នុងវីដេអូ ១ឃ្លឹប ដែលនាងបានរាំនោះ ត្រូវបាន អ្នកចូលទស្សនាច្រើនលានដង ចំណែកបេះដូងវិញក៏ទទួលបានច្រើនរយខេដែរ។ អ្នកលេងបណ្ដាញសង្គម សង្កេតឃើញថា មិនមែនតែជនជាតិជប៉ុនម្នាក់នោះទេ គេឃើញមានជនជាតិជាច្រើនផ្សេងទៀត ក៏បានយកបទ ចម្រៀង«រំលស់ប្រពន្ធ» មករាំលេងតាម ជាបន្តបន្ទាប់ ទទួលបានគាំទ្រ ជាច្រើនផងដែរ។

ដូចដែលបានលើកឡើងខាងលើបទ«រំលស់ប្រពន្ធ» របស់តន់ចន្ទសីម៉ា គិតមកដល់ម៉ោងនេះ មិនទាន់មានបទចម្រៀងមួយណា មកដណ្ដើមតំណែង Treding លេខ១នេះបានឡើយទេ បទរបស់នាងបានឈរលើលំដាប់កំពូលលេង១នេះ ជាច្រើនសប្ដាហ៍ហើយ។

សូមបញ្ជាក់ផងដែរថា ការពេញនិយមនៅលើ YouTube សំដៅលើវីដេអូដែលពេញនិយមនាពេលបច្ចុប្បន្ន និងទទួលបានចំនួនអ្នក មើល ការចូលចិត្ត មតិយោបល់ និងការចែករំលែកយ៉ាងច្រើនក្នុងរយៈពេលខ្លី។ ផ្នែក “ការពេញនិយម” នៅលើ YouTube រំលេចវីដេអូដែលកំពុងទទួលបានការចាប់អារម្មណ៍យ៉ាងឆាប់រហ័ស នៅក្នុងតំបន់ជាក់លាក់មួយ ឬជាសកល ដោយបង្ហាញពីការលាយបញ្ចូលគ្នានៃវីដេអូតន្ត្រី ព័ត៌មាន មាតិកា និងទម្រង់កម្សាន្តផ្សេងៗទៀត។ ក្បួនដោះស្រាយរបស់ YouTube ពិចារណាលើកត្តាដូចជា ការចូលរួម ពេលវេលាមើល និងភាពស្រស់ស្រាយ ដើម្បីកំណត់អ្វីដែលបង្ហាញនៅក្នុងផ្នែកកំពុងពេញនិយម៕

@komayoo.n 新しいダンスチャレンジです #Japanesegirl #日本偶像 #fyp #運営さん大好き #idol #fypシ #中本こまり ♬ original sound – Ton Chan Seyma

The post កាន់តែផ្ទុះខ្លាំងបទ «រំលស់ប្រពន្ធ»តន់ ចន្ទសីមា តារា tik tok ជប៉ុន រាំក្បាច់រាំឡើងអែម មានអ្នកទស្សនារាប់លានដង appeared first on .

ផ្ដើមដោយឃ្លា “រំលស់ប្រពន្ធ បងបង់មុនហាសិបភាគរយ” អមដោយចង្វាក់ភ្លេងបុកបាស់យ៉ាងពីរោះ តន់ ចន្ទសីម៉ា ក៏បញ្ចេញក្បាច់រាំបានយ៉ាងល្អដែរ នៅក្នុងបទ “រំលស់ប្រពន្ធ”។ បទ «រំលស់ប្រពន្ធ» ទើបចេញ MV ជាផ្លូវការកាលពីថ្ងៃទី១៤ ខែកញ្ញា ឆ្នាំ២០២៤ ប៉ុណ្ណោះ ប៉ុន្តែធ្វើឱ្យអ្នកគាំទ្របទចម្រៀងរបស់នាង ច្រៀងតាម ស្ទើរគ្រប់ៗគ្នា។

ត្រឹមរយៈពេលដ៏ខ្លីប៉ុណ្ណោះ «បទរំលស់ប្រពន្ធ» របស់ នាងត្រូវបានអ្នកចូលទស្សនា ជាច្រើនលានដង គ្រប់បណ្ដាញសង្គមទាំងអស់ ពិសេស លើ TikTok ។ លើបណ្ដាញសង្គមTikTok វិញអូសចុះអូសឡើងឃើញតែអ្នកលេងត្រាប់តាមបទ «រំលស់ប្រពន្ធ»នេះ រហូតដល់ជាង 100K វីដេអូ ក្នុងពេលដ៏ខ្លី។

ដោយសារតែសន្ទុះនូវការគាំទ្របែបនេះ បានរុញបទចម្រៀង«រំលស់ប្រពន្ធ» របស់នាង ជាប់ Treding លេខ1 ដែលជាបទចម្រៀង ពេញនិយមជាគេនៅក្នុងសប្តាហ៍នេះ។

សូមបញ្ជាក់ផងដែរថា ការពេញនិយមនៅលើ YouTube សំដៅលើវីដេអូដែលពេញនិយមនាពេលបច្ចុប្បន្ន និងទទួលបានចំនួនអ្នក មើល ការចូលចិត្ត មតិយោបល់ និងការចែករំលែកយ៉ាងច្រើនក្នុងរយៈពេលខ្លី។ ផ្នែក “ការពេញនិយម” នៅលើ YouTube រំលេចវីដេអូដែលកំពុងទទួលបានការចាប់អារម្មណ៍យ៉ាងឆាប់រហ័ស នៅក្នុងតំបន់ជាក់លាក់មួយ ឬជាសកល ដោយបង្ហាញពីការលាយបញ្ចូលគ្នានៃវីដេអូតន្ត្រី ព័ត៌មាន មាតិកា និងទម្រង់កម្សាន្តផ្សេងៗទៀត។ ក្បួនដោះស្រាយរបស់ YouTube ពិចារណាលើកត្តាដូចជា ការចូលរួម ពេលវេលាមើល និងភាពស្រស់ស្រាយ ដើម្បីកំណត់អ្វីដែលបង្ហាញនៅក្នុងផ្នែកកំពុងពេញនិយម។

សូមស្ដាប់បទ«រំលស់ប្រពន្ធ»នេះម្ដងទៀតទាំងអស់គ្នា៕

The post បទ«រំលស់ប្រពន្ធ»របស់ តន់ ចន្ទសីម៉ា កំពុងផ្ទុះViral ខ្លាំងជាប់ Treding លេខ1 appeared first on .

មិនត្រឹមប្តូរស្ទីល៍តែងខ្លួនបែបយុវវ័យប៉ុណ្ណោះទេ សូម្បីរសជាតិនៃចម្រៀងក៏ត្រូវបាន update ថ្មី ដោយបន្ថែមអត្ថន័យ ខ្លឹមសារ ចង្វាក់ភ្លេង ជាពិសេសក្បាច់រាំដ៏រវើកជាបង្អែមនៃបទចម្រៀងថ្មីទាំងនោះ។

ជាក់ស្តែង «ALRIGHT» ជាបទចម្រៀងថ្មីមួយក្នុងចំណោមបទចម្រៀងថ្មីៗក្នុងអាល់ប៊ុម Black-Red របស់ តន់ ចន្ទសីម៉ា។ តារាចម្រៀងរូបស្រស់នេះ បានពាំនាំរសជាតិថ្មីប្លែកនៃចម្រៀង ដោយប្រិយមិត្តអ្នកគាំទ្រនឹងបានស្តាប់បទមនោសញ្ចេតនាបែបឈឺចាប់ជាមួយចង្វាក់ភ្លេងថ្មីបែប chill chill ស័ក្កសមសម្រាប់យុវវ័យអ្នកស្តាប់នាពេលបច្ចុប្បន្ន។

ថ្វីបើ «ALRIGHT» ជាចម្រៀងរៀបរាប់ពីភាពឈឺចាប់ តែចង្វាក់ភ្លេងសប្បាយៗ ជំរុញឱ្យបទថ្មីនេះកាន់តែពីរោះ គួបផ្សំទឹកដមសំនៀងដ៏ក្រអួនក្រអៅរបស់ តន់ ចន្ទសីម៉ា ធ្វើឱ្យបទនេះរឹតតែមានរសជាតិថែមមួយកម្រិតទៀត។

គ្រាន់តែទម្លាក់លើទីផ្សារភ្លាម បទ «ALRIGHT» របស់ តន់ ចន្ទសីម៉ា ផ្ទុះការគាំទ្រយ៉ាងខ្លាំងពីអ្នកប្រើប្រាស់បណ្តាញសង្គមហ្វេសប៊ុក ដោយមានអ្នកចុចស្តាប់ និងបញ្ចេញមតិយោបល់ផ្សេងៗគ្នាយ៉ាងច្រើនកុះករ។ ក្នុងនោះ ពួកគេក៏បានសរសើរពីការរៀបចំតុបតែងប្លង់ថត និងបច្ចេកទេសថតថ្មី មើលទៅគួរឱ្យចាប់អារម្មណ៍ខ្លាំងមុខទៅទៀត៕

The post រសជាតិថ្មី «ALRIGHT» បទថ្មីរបស់ តន់ ចន្ទសីម៉ា ក្នុងអាល់ប៊ុម Black-Red appeared first on .

បទ “KOV” ត្រូវបានបញ្ចេញនៅ Page ផ្លូវការរបស់ផលិតកម្ម និងPage របស់កញ្ញាផ្ទាល់ កាលពីថ្ងៃទី៣០ ខែឧសភា ឆ្នាំ២០២៤។ ក្នុងរយៈពេលដ៏ខ្លី ពោលគឺតែប៉ុន្មានថ្ងៃសោះក្រោយបង្ហោះបទនេះ គ្រាន់តែអ្នកComment ពេញចិត្ដ និងជជែកវែកញែកលើបទចម្រៀងននេះជាង10k ខមិន ព្រមទាំងមានចំនួនទស្សនាជិត2.5លានដងនៅលើឆាណែលយូធូបផ្ទាល់ខ្លួនកញ្ញា តន់ ចន្ទសីម៉ា ផងដែរ។

បទ “KOV” ជាចង្វាក់ញាក់បែបយុវវ័យ ដែលនិពន្ធទំនុកច្រៀង និងបទភ្លេងដោយ TEMPO TRIS។ ប៉ះចំតារាចម្រៀង តន់ ចន្ទសីម៉ា ស្រែករ៉េបម៉ាឆ្ងាញ់ ហើយរាំគ្រលែងមិនទុកស្អែកឡើយ។ គិតត្រឹមថ្ងៃទី៣ ខែមិថុនា ឆ្នាំ២០២៤ នេះ បទនេះនៅតែទទួលបានការចូលស្ដាប់ច្រើន ហើយយូរៗម្ដងគេក៏ឃើញម្ចាស់បទ គឺកញ្ញា តន់ ចន្ទសីម៉ា ចូលឆ្លើយតបComment ហើយអគុណដល់អ្នកដែលស្រឡាញ់គាំទ្របទថ្មីនេះដែរ។

បទច្រៀង MV ក្រោមចំណងជើងថា “KOV” ដែលផលិតឡើងក្នុងក្លឹបមានភ្លៀងពណ៌ចម្រុះនេះ គេឃើញ កញ្ញា តន់ ចន្ទសីម៉ា កាន់ក្បាលមេក្រូច្រៀង ហើយដងខ្លួនរាំគ្រលែងយ៉ាងរស់រវើកជាមួយចង្វាក់ភ្លេង អមដោយអ្នករាំស្រីយ៉ាងស្រស់ស្អាតជាច្រើនរូប។ កាយវិការរាំដ៏រស់រវើកជាមួយចង្វាក់ភ្លេងនៅលើឆាក បានធ្វើឱ្យអ្នករាំតាមនៅខាងមុខឆាករាប់រយនាក់ បានស្រែកហ៊ោកញ្ចៀវ ជាមួយនឹងការរាំដ៏ជក់ចិត្ដជាមួយតារាចម្រៀងស្រីរូបនេះដែរ៕

The post ចេញមកម្ដងណា ក៏មិនដែលឲ្យហ្វេនៗខកចិត្ដដែរ គ្រលែងស្ទើរដាច់ចង្កេះជាមួយ តន់ ចន្ទសីម៉ា បទ«KOV» appeared first on .

តាមរយៈគណនេយ្យ ហ្វេសប៊ុក របស់ កញ្ញា តន់ ចន្ទសីម៉ា ដែលបានបង្ហោះកាលពីប៉ុន្មានម៉ោងមុននេះ នាងបានរៀបរាប់ថា « នាងខ្ញុំសូមគោរពជម្រាបជូនពុកម៉ែបងប្អូនឱ្យបានជ្រាបថានាងខ្ញុំបានបញ្ចប់កុងត្រាការផ្សាយ Game online តាំងពីចុងឆ្នាំ 2022 មកម្ល៉េះ ហើយនាងខ្ញុំក៏មិនបានទទួលការងារផ្សព្វផ្សាយទៀតដែរតាំងពីពេលនោះមក។ សូមមេត្តាភាគីក្រុមហ៊ុនគោរពនូវកិច្ចសន្យានិងបញ្ឈប់ការផ្សព្វផ្សាយជារូបភាពនិង វីដេអូដែលធ្វើឱ្យពុកម៉ែបងប្អូនមានការយល់ច្រឡំ ។ ហើយក៏បញ្ជាក់ជូនពុកម៉ែបងប្អូនម្តងទៀតថានាងខ្ញុំមិនទទួលផ្សាយ Game online តាំងពីឆ្នាំ2022 មកម្ល៉េះ » ។

ជាមួយនឹង ការប្រកាស់ខាងលើ តន់ ចន្ទសីម៉ា សង្ឃឹមថា មហាជននឹងឈប់មានការយល់ច្រឡំចំពោះនាងតទៅទៀត ហើយក្រុមហ៊ុន ទាំងឡាយ សូមមេត្តានោះឈប់យករូបនាងទៅប្រកាស់ផ្សាយដោយគ្មានការអនុញ្ញាត តទៅទៀត ៕

The post ការពិតរឿងផ្សព្វផ្សាយ ហ្គេម អនឡាញនេះ កំពូលតារាចម្រៀង តន់ ចន្ទសីម៉ា បានបញ្ចប់កុងត្រាតាំងពីឆ្នាំ ២០២២ ដើម្បីកុំឱ្យមហាជនយល់ច្រឡំ ! appeared first on .

ព្រឹត្តិការណ៍ប្រគំតន្រ្តី ASIA CONCERT របស់ក្រុមហ៊ុន Heneiken Korea ដែលប្រមូលផ្តុំដោយកំពូលតារាចម្រៀងល្បីៗចំនួន ៣ប្រទេសកម្ពុជា ថៃ និងឥណ្ឌូនេស៊ី នឹងត្រូវចាប់ផ្ដើមនៅម៉ោង ៣រសៀនេះតទៅ រហូតដល់ម៉ោង ១២យប់នៅទី២៩ ខែកញ្ញានេះហើយ ស្ថិតនៅ Laviedor Resort លើដីប្រទេសកូរ៉េ។

ក្រុមការងាររៀបចំប្រគំតន្រ្តដ៏អស្ចារ្យលើទឹកដីកូរ៉េនេះ បានឲ្យដឹងថា មុនការប្រគំនន្ត្រីមកដល់ ក្រុមតារាចម្រៀងទាំងអស់បានជួបសំណេះសំណាលសួរសុខទុក្ខគ្នាទៅវិញទៅមកប្រកបដោយបរិយាកាសស្និទ្ធស្នាលបំផុុត។ បន្ថែមទៀតនោះ កំពូលតារាចម្រៀងទាំងអស់បាន មកជួបជុំគ្នាអស់ហើយ ព្រមទាំងសមបទចម្រៀងតាំងតែពីល្ងាចមិញនិងព្រឹកនេះហើយនៅរសៀលនេះពួកគាត់នឹងចាប់ផ្ដើមប្រគំតន្ត្រីយកតែម្ដង។

នៅក្នុងព្រឹត្តិការណ៍ Asia Concert Korea នេះនឹងមានវត្តមានពីកំពូលតារាចម្រៀង ព្រាប សុវត្ថិ, ខេមរៈ សិរីមន្ត, តន់ ចន្ទសីម៉ា, ខេម, Tempo Tris និងកំពូលតារាចម្រៀងមកពីថៃ លោក Tik Shiro, កញ្ញា Yinglee Srijumpol, លោកលុកធុង កូនកាត់ hyper ព្រមទាំងកំពូលតារាចម្រៀងជួរមុខមកពីប្រទេសឥណ្ឌូនេស៊ី កញ្ញា Siti Badriah  និង Ghea Youbi ជាដើម។

ការប្រគំតន្រ្តី ASIA CONCERT របស់ក្រុមហ៊ុន Heneiken Korea មានទីតាំងស្ថិតនៅ
라비돌 리조트
경기 화성시 정남면 세자로 286
(병점역 3번출구 버스있습니다) https://maps.app.goo.gl/HTUwmjFyaJtMiKHy8
Tel: 010-4340-2303

The post កំពូលតារាចម្រៀង ព្រាប សុវត្ថិ និង តន់ ចន្ទសីម៉ា ជួបសំណេះសំណាលជាមួយកំពូលតារាចម្រៀងឥណ្ឌូនេស៊ី Siti Badriah មុនពេលប្រគំតន្ត្រី appeared first on .