រាំលេងកម្សាន្តបានគ្រប់រដូវកាល ! MV ចម្រៀង « អ៊ុតហាងឆេងមាស » របស់ ធីតា ដាវីកា កំពុងផ្ទុះពេញបណ្តាញសង្គម

រ៉េត សុកធា — Mon, 23 Feb 2026 10:25:04 +0000

ស្របពេលដែលហាងឆេងមាសកំពុងឡើងថ្លៃគួរឱ្យកត់សម្ពាល់ ស្រាប់តែតារាចម្រៀង ធីតា ដាវីកា បានចេញបទចម្រៀងថ្មីដ៏ទាក់ទាញដែលមានចំណងជើងថា « អ៊ុតហាងឆេងមាស » ដែលបទចម្រៀងនេះអាចរាំលេងកម្សាន្តបានគ្រប់រដូវកាល ជាពិសេសក្នុងឱកាសបុណ្យចូលឆ្នាំថ្មីប្រពៃណីខ្មែរ ។

MV ចម្រៀង « អ៊ុតហាងឆេងមាស » របស់តារាចម្រៀង ធីតា ដាវីកា បានចេញនៅក្នុងផលិតកម្ម ហ្គាឡាក់ស៊ី ណាវ៉ាត្រា កាលពីប៉ុន្មានថ្ងៃមុន ដោយបទចម្រៀងមួយបទនេះកំពុងតែទទួលបានការចាប់អារម្មណ៍ខ្លាំងពីសំណាក់អ្នកគាំទ្រ ទាំងចង្វាក់ភ្លេង និងបទចម្រៀង ជាពិសេសបទចម្រៀងនេះកំពុងល្បីល្បាញខ្លាំងនៅក្នុងបណ្តាញសង្គម TikTok ដែលមានអ្នកលេងរហូតដល់ទៅជាង ២០K ក្នុងរយៈពេលប៉ុន្មានថ្ងៃប៉ុណ្ណោះ ។

បទចម្រៀង« អ៊ុតហាងឆេងមាស » គឺជាបទចម្រៀងថ្មីដែលនិពន្ធឡើងទំនុកច្រៀងដោយកញ្ញា យ៉ង់ ចន្ទីនីតា និង លោក សុន រដ្ឋា និងនិពន្ធបទចម្រៀងដោយលោក ថេន វាសនា ។ បទមច្រៀងនេះអាចរាំលេងកម្សាន្តបានគ្រប់រដូវកាល ជាពិសេសក្នុងឱកាសបុណ្យចូលឆ្នាំថ្មីប្រពៃណីខ្មែរ ដែលនឹងឈានចូលមកដល់នាពេលឆាប់ៗខាងមុខ ។
កញ្ញា ធីតា ដាវីកា បាននិយាយថា « សួស្តីពុកម៉ែបងប្អូនទាំងអស់គ្នា នេះជាបទចម្រៀងថ្មីរបស់នាងខ្ញុំ សង្ឃឹមថាបងប្អូនទាំងអស់គ្នាពេញចិត្ត និងរីករាយសណ្តាប់ទាំងអស់គ្នា » ។

ស្របពេលដែលបទចម្រៀង « អ៊ុតហាងឆេងមាស » របស់កញ្ញា ធីតា ដាវីកា កំពុងវាយលុកទីផ្សារខ្លាំង កញ្ញា ធីតា ដាវីកា ក៏ត្រៀមនឹងចេញបទចម្រៀងថ្មីៗជាច្រើនទៀត ដើម្បីទុកជាកាដូសម្រាប់អ្នកគាំទ្រក្នុងឱកាសបុណ្យចូលឆ្នាំថ្មីប្រពៃណី ខ្មែរ ។ កុំភ្លេចចូលរួមនិងគាំទ្រតាមដានបទចម្រៀងថ្មីៗរបស់កញ្ញា ធីតា ដាវីកា ទាំងអស់គ្នា ដើម្បីជាកម្លាំងចិត្តដល់រូបនាងពីចម្ងាយ ៕

The post រាំលេងកម្សាន្តបានគ្រប់រដូវកាល ! MV ចម្រៀង « អ៊ុតហាងឆេងមាស » របស់ ធីតា ដាវីកា កំពុងផ្ទុះពេញបណ្តាញសង្គម appeared first on .

ខ្លាំងមិនធម្មតា«យើងត្រូវគ្នាវិញបានទេ? » Version Remix របស់តារាចម្រៀង ធីតា ដាវីកា មានអ្នកលេងតាមនៅលើTikTok ចំនួន100K

រ៉េត សុកធា — Mon, 23 Sep 2024 04:57:32 +0000

បទចម្រៀង« យើងត្រូវគ្នាវិញបានទេ? » Version Remix របស់តារាចម្រៀងពន្លកថ្មីផលិតកម្ម Galaxy Navatra គឺកញ្ញា ធីតា ដាវីកា ពិតជាខ្លាំងមិនធម្មតាមែនចេញផ្សាយត្រឹមជាងមួយខែមកនេះមានអ្នកគាំទ្រនិងលេងតាមនៅលើបណ្តាញសង្គមTikTok ចំនួន100K គួរឱ្យភ្ញាក់ផ្អើល។

ការពិតបទចម្រៀងខាងលើជាប្រភេទបទមនោសញ្ចេតនាស្នេហាយុវវ័យដែលនិពន្ធដោយកញ្ញា យ៉ង់ ចន្ទនីតា និងនិពន្ធបទភ្លេងដោយលោក ប្រុសម៉ៅ សុទ្ធសឹងតែជាធនធានមនុស្សខ្លាំងនៅក្នុងផលិតកម្មយក្ស Galaxy Navatra ទើបធ្វើឱ្យចម្រៀងមួយបទនេះមានភាពលេចធ្លោ បូករួមជាមួយសំឡេងបែប Unique ផ្ទាល់ខ្លួនកញ្ញា ធីតា ដាវីកា ធ្វើឱ្យបទចម្រៀង យើងត្រូវគ្នាវិញបានទេ? ទទួលបានការចាប់អារម្មណ៍និងគាំទ្រយ៉ាងច្រើនពីយុវវ័យរហូតមានទស្សនាផ្ទាល់លើYouTube ជាង300K។

យើងត្រូវគ្នាវិញបានទេ? Version Remix រឹតតែបន្ថែមរសជាតិថ្មីសម្រាប់យុវវ័យគឺទទួលបានអារម្មណ៍មួយប្លែកគឺSad តែសប្បាយតាមចង្វាក់Remix។ រដូវកាលភ្ជុំបិណ្ឌនេះកញ្ញា ធីតា ដាវីកា បានទម្លាក់MVមួយបទទៀតក្រោមចំណងជើង ចង់មានសង្សារដែរ? ក៏បានធ្វើឱ្យមានការចាប់សារជាថ្មី។

ជាការកត់សម្គាល់កញ្ញារូបស្រស់ ធីតា ដាវីកា ប្រាកដជាមានអនាគតស្រស់បំព្រងលើវិថីសិល្បៈក្នុងពេលដ៏ខ្លីខាងមុខ៕

The post ខ្លាំងមិនធម្មតា«យើងត្រូវគ្នាវិញបានទេ? » Version Remix របស់តារាចម្រៀង ធីតា ដាវីកា មានអ្នកលេងតាមនៅលើTikTok ចំនួន100K appeared first on .