តំបន់ទេសចរណ៍

ភ្ញៀវអន្តរជាតិមកលេងកម្ពុជាមានជាង ២លាននាក់ត្រឹមឆមាសទី១ឆ្នាំ២០២៣

ឧកញ៉ាកោះក្របី — Fri, 07 Jul 2023 01:09:10 +0000

ក្រសួងទេសចរណ៍បានឱ្យដឹងថា នៅក្នុងឆមាសទី១ ឆ្នាំ២០២៣ ចាប់ពីខែមករាដល់ឆ្នាំមិថុនា កម្ពុជាទទួលបានភ្ញៀវទេសចរអន្តរជាតិប្រមាណ ២.៥៧លាននាក់ ក្នុងចំណោមភ្ញៀងទេសចរសរុបសរុបចំនួន១១.១លាននាក់។

លោក ថោង ខុន រដ្ឋមន្ត្រីក្រសួងទេសចរណ៍ បានលើកឡើងថា ទេសចរអន្តរជាតិចូលមកទស្សនាកម្ពុជាមានប្រមាណ ២.៥៧លាននាក់ កើនឡើង ៤០៩% ធៀបនឹងរយៈពេលដូចគ្នាឆ្នាំ២០២២។ ក្នុងនោះផ្លូវអាកាសមានចំនួន ៩១ម៉ឺននាក់ កើនឡើង ២៧៩% ផ្លូវគោកមានចំនួន ១.៦៣លាននាក់ កើនឡើង ៥២៦% និងផ្លូវទឹកមានចំនួន ៣ម៉ឺននាក់ កើនឡើង ៥៨៦%។

បើតាមលោករដ្ឋមន្រ្តីប្រភពទីផ្សារសំខាន់ៗពីប្រទេសថៃ វៀតណាម ចិន ឡាវ សហរដ្ឋអាមេរិក កូរ៉េខាងត្បូង ឥណ្ឌូណេស៊ី បារាំង ចក្រភពអង់គ្លេស ម៉ាឡេស៊ី និងអូស្រ្ដាលី។

ទន្ទឹមនឹងនោះដែរ បើយោងតាមការព្យាករណ៍ចុងក្រោយនៅឆ្នាំ២០២៣នេះ កម្ពុជាអាចទទួលបានទេសចរអន្តរជាតិប្រមាណ៥លាននាក់ កើនឡើង ១២០% ធៀបនឹងឆ្នាំ២០២២៕

The post ភ្ញៀវអន្តរជាតិមកលេងកម្ពុជាមានជាង ២លាននាក់ត្រឹមឆមាសទី១ឆ្នាំ២០២៣ appeared first on .

តំបន់សំខាន់ចំនួន៤ នៅរាជធានីភ្នំពេញ ទាក់ទាញភ្ងៀវទេសចរខ្លាំង នាថ្ងៃឆ្លងឆ្នាំសកលកន្លងទៅនេះ

Kem sinath — Mon, 02 Jan 2023 12:01:00 +0000

នាឱកាសឆ្លងឆ្នាំសកល២០២២ឆ្លងចូល២០២៣ ដែលមានរយៈពេល២ថ្ងៃ នៅទូទាំងប្រទេសកម្ពុជាទទួលបានភ្ញៀវសរុបចំនួនជាង២លាននាក់។ យ៉ាងណាមិញ បើយើងក្រឡេកមើលតំបន់សំខាន់ៗចំនួន៤ នៅរាជធានីភ្នំពេញ បានក្លាយកន្លែងគោលដៅទេសចរណ៍ខ្លាំងជាងគេ និងទាក់ទាញភ្ងៀវទេសចរទៅកម្សាន្តរហូតជាង៤៥ម៉ឺននាក់ផងដែរ។

ក្រសួងទេសចរណ៍ នៅថ្ងៃទី២ ខែមករា ឆ្នាំ២០២៣នេះ បានឱ្យដឹងថា នៅទូទាំងប្រទេសទទួលបានភ្ញៀវសរុបប្រមាណ២,០២២,៩២០នាក់ ក្នុងនោះភ្ញៀវជាតិ២,០០៦,១១៧នាក់ និងភ្ញៀវបរទេស១៦,៨០៣នាក់។ ក្នុងនោះ មានគោលដៅទេសចរណ៍សំខាន់ៗមួយចំនួន រួមមាន៖ រាជធានីភ្នំពេញ ៤៥៥,៨៣២នាក់, ខេត្តព្រះសីហនុ ៣៣៨,៥៥២នាក់, ខេត្តសៀមរាប ៣៣៧,៧៦៩នាក់, ខេត្តកំពត ៣៣០,៦៥៩នាក់, ខេត្តបាត់ដំបង ១៥៨,១១០នាក់, ខេត្តកែប ៨៨,៣៥៦នាក់, ខេត្តត្បូងឃ្មុំ ៨៤,៦៨៣នាក់, និង ខេត្តកំពង់ចាម ៧៦,៩០១នាក់។

ក្រសួងទេសចរណ៍បានឱ្យដឹងបន្ថែមថា ចំពោះរាជធានីភ្នំពេញមានប្រជាពលរដ្ឋប្រមាណជាង៤៥ម៉ឺននាក់ បានដើរកម្សាន្តនៅគោលដៅសំខាន់ៗចំនួន៤ ដូចជានៅតំបន់កោះពេជ្រ មាត់ទន្លេមុខព្រះបរមរាជវាំង តំបន់កម្សាន្តជ្រោយចង្វារ តំបន់វិមានឈ្នះឈ្នះ ពហុកីឡដ្ឋានមេរតកតេជោជាដើម។

យ៉ាងណាមិញ ក្រសួងអះទៀតថា គោលដៅទេសចរណ៍នានាទូទាំងប្រទេសសុទ្ធតែទទួលបានចំនួនភ្ញៀវទេសចរយ៉ាងផុសផុល។ បន្ទប់សណ្ឋាគារ ផ្ទះសំណាក់ រីស៊ត និងបឹងហ្កាឡូ ត្រូវបានភ្ញៀវកក់ស្ទើរពេញ១០០%។ដោយឡែក ប្រជាពលរដ្ឋមួយចំនួនបានជ្រើសរើសយកការជួបជុំនៅតាមគេហដ្ឋាន (ហូបចុក ច្រៀងកម្សាន្តជាលក្ខណៈគ្រួសារ និងមិត្តភក្តិ)។ ខ្លះទៀតបានចេញទៅដើរកម្សាន្ត និងជួបជុំឆ្លងឆ្នាំនៅតាមភោជនីយដ្ឋាន កន្លែងកម្សាន្តមនុស្សពេញវ័យ និង Sky Bar ជាដើម។

គួរបញ្ជាក់ដែរថា តួលេខខាងលើមានការកើនឡើង៧៦.៦៥% ធៀបនឹងពិធីឆ្លងឆ្នាំសកលឆ្នាំ២០២២។នេះបើតាមការបញ្ជាក់បន្ថែមពីក្រសួងទេសចរណ៍កម្ពុជា៕

The post តំបន់សំខាន់ចំនួន៤ នៅរាជធានីភ្នំពេញ ទាក់ទាញភ្ងៀវទេសចរខ្លាំង នាថ្ងៃឆ្លងឆ្នាំសកលកន្លងទៅនេះ appeared first on .

រាជធានី/ខេត្តចំនួន៧ ក្លាយជាគោលដៅទេសចរណ៍សំខាន់ និងទាក់ទាញជាងគេ នាសប្ដាហ៍ចុងខែធ្នូនេះ

រ៉េត សុកធា — Tue, 27 Dec 2022 03:15:30 +0000

កម្ពុជាទទួលបានភ្ញៀវទេសចរសរុបជិត៤៤ម៉ឺននាក់ នាសប្ដាហ៍ចុងខែធ្នូនេះ ពោលបើគិតចាប់ពីថ្ងៃទី១៩-២៥ ខែធ្នូ ឆ្នាំ២០២២ ក្នុងនោះគេសង្កេតឃើញមាន ខេត្តរបស់កម្ពុជាទាំង៧នេះ គឺទទួលបានភ្ញៀវច្រើនជាងគេដាច់ នាសប្ដាហ៍ចុងខែធ្នូនេះផងដែរ។

យោងតាមរបាយការណ៍របស់ក្រសួងទេសចរណ៍កម្ពុជា នៅថ្ងៃទី២៧ ខែធ្នូ ឆ្នាំ២០២២នេះ បានបង្ហាញថា បើគិតចាប់ពីថ្ងៃទី១៩-២៥ ខែធ្នូ ឆ្នាំ២០២២ នៅទូទាំងប្រទេសទទួលបានភ្ញៀវទេសចរសរុបមានចំនួន៤៣៩,០៤៦នាក់ ក្នុងនោះភ្ញៀវជាតិមាន៤០២,៣៤៧នាក់ និងភ្ញៀវបរទេសមាន៣៦,៦៩៩នាក់។

ជាមួយគ្នានេះ ខេត្តដែលជាគោលដៅទេសចរណ៍សំខាន់ៗ ហើយទទួលបានភ្ញៀវទេសចរច្រើនជាងគេទាំង៧ សម្រាប់សប្ដាហ៍ចុងខែធ្នូនេះ រួមមាន៖ ១. ខេត្តព្រះសីហនុ ១៩០,០១៥នាក់ ២.ខេត្តសៀមរាប ៧៦,០២២នាក់ ៣. រាជធានីភ្នំពេញ ៣២,១៧៥នាក់ ៤. ខេត្តកំពត ២៧,៦៨១នាក់ ៥. ខេត្តបាត់ដំបង ១៩,៩៧០នាក់ ៦. ខេត្តកំពង់ចាម ១៤,១៦១នាក់ និងទី៧. ខេត្តកែប ១០,៨៧៨នាក់។

គួរបញ្ជាក់ដែរថា គិតត្រឹមរយៈពេល១០ខែ នៃឆ្នាំ២០២២នេះ នៅទូទាំងប្រទេសកម្ពុជាទទួលបានភ្ញៀវទេសចរអន្តរជាតិប្រមាណជាង១.៥៧លាននាក់ កើនឡើង៩៩១% ធៀបនឹងរយៈពេលដូចគ្នាឆ្នាំ២០២១។ រីឯភ្ញៀវទេសចរផ្ទៃក្នុងធ្វើដំណើរកម្សាន្តក្នុងប្រទេសជាង១០.៨៦លាននាក់ កើនឡើង២៣៤% ធៀបរយៈពេលដូចគ្នាឆ្នាំ២០២១៕

The post រាជធានី/ខេត្តចំនួន៧ ក្លាយជាគោលដៅទេសចរណ៍សំខាន់ និងទាក់ទាញជាងគេ នាសប្ដាហ៍ចុងខែធ្នូនេះ appeared first on .

ដឹងអត់ថា ក្រុមហ៊ុនណា ទទួលបានសិទ្ធិវិនិយោគ «កោះរាជបុត្រ» នៅខេត្តព្រះសីហនុ?

ឧកញ៉ាដែនដី — Thu, 27 Oct 2022 03:18:30 +0000

រមណីយដ្ឋានកោះសំពោច ឬហៅថា «កោះរាជបុត្រ» ដែលស្ថិតនៅតំបន់ឧទ្យានជាតិរាម ស្ថិតក្នុងឃុំរាម ស្រុកព្រៃនប់ ខេត្ដព្រះសីហនុ ជាកោះមួយ មានទេសភាពទាក់ទាញយ៉ាងស្រស់ត្រកាល មានឆ្នេរខ្សាច់សក្បុសយ៉ាងស្រស់ស្អាត។ កោះដ៏តូចច្រឡឹងនេះ ត្រូវបានគេដឹងថា កំពុងទទួលបានការវិនិយោគដោយក្រុមហ៊ុនចិនមួយ។

តាមប្រភពសារព័ត៌មានក្នុងស្រុកមួយ បានឱ្យដឹងថា ក្រុមហ៊ុនចិន យិះជៀ ទទួលបានសិទ្ធិវិនិយោគអភិវឌ្ឍវិស័យទេសចរណ៍លើដីជុំវិញតំបន់ឧទ្យានជាតិរាម ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ ពីរាជរដ្ឋាភិបាលរយៈពេល ៩៩ឆ្នាំ លើផ្ទៃដីជាង ៣ពាន់ហិកតា តាំងពីឆ្នាំ២០០៩ ដើម្បីអភិវឌ្ឍប្រែក្លាយតំបន់នេះបម្រើឲ្យវិស័យទេសចរណ៍តាមបែបធម្មជាតិ ប៉ុន្តែសកម្មភាពរបស់ក្រុមហ៊ុន យិះជៀ ត្រូវប្រជាពលរដ្ឋរស់នៅសហគមន៍នេះ យល់ឃើញថា មានការអភិវឌ្ឍយឺតយ៉ាវ។

លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ ធ្លាប់បានលើកឡើងចំពោះការអភិវឌ្ឍយឺតយ៉ាវរបស់ក្រុមហ៊ុនចិននេះថា ក្រុមការងារថ្នាក់ខេត្ដនិងថ្នាក់ជាតិ ធ្វើយ៉ាងណានឹងជំរុញគម្រោងមួយចំនួន ដែលទទួលបានការអនុម័តពីរាជរដ្ឋាភិបាល ហើយមានការយឺតយ៉ាវ ដើម្បីទាក់ទាញភ្ញៀវទេសចរណ៍កាន់តែច្រើន។ ចំពោះការយកថ្លៃសំបុត្រម្នាក់ ២ដុល្លារ លោកប្រធានមន្ទីរ បញ្ជាក់ថានេះជាការរកចំណេញពីការធ្វើវិនិយោគ។

អ្នកស្រី រឿន ចរិយា ជាបុគ្គលិកលក់ភេសជ្ជៈនៅឆ្នេរកោះរាជបុត្រ បានថ្លែងប្រាប់ដល់ ឧកញ៉ា ញូស៍ កាលពីថ្ងៃសៅរ៍ ទី២២ ខែតុលា ឆ្នាំ២០២២ ថា កោះរាជបុត្រ តែងតែមានភ្ញៀវមកលេងកម្សាន្តជាប្រចាំ ជាពិសេសនៅពេលស្ថានភាពកូវីដ-១៩ មានការស្ងប់ស្ងាត់វិញ និងតាំងពីមានការបើកឱ្យដំណើរការនូវផ្លូវល្បឿនលឿនភ្នំពេញ-ព្រះសីហនុ។ ចំពោះតម្លៃសំបុត្រគឺ ភ្ញៀវបរទេសត្រូវបង់ថ្លៃម្នាក់ ៤ដុល្លារ និងភ្ញៀវខ្មែរម្នាក់ ២ដុល្លារ។ អ្នកស្រី បន្តថា ភ្ញៀវមកកម្សាន្តទីនេះ តែងពេញចិត្តចំពោះទេសភាពដ៏ស្រស់ស្អាតរបស់កោះ និងឆ្នេរ និងជាពិសេសមានកន្លែងក្មេងៗលេងកម្សាន្តទៀតផង។

សូមជម្រាបជូនថា កោះសំពោច ឬហៅថា «កោះរាជបុត្រ» ស្ថិតនៅចម្ងាយតែ ២០០ ម៉ែត្រពីឆ្នេរ និងមានបរិមាណប្រមាណ ២០០ ម៉ែត្រមួយជុំកោះ ដែលក្រុមហ៊ុនអភិវឌ្ឍន៍ បានរៀបចំជាស្ពានឈើ សម្រាប់ឱ្យភ្ញៀវទេសចរណ៍ដើរកម្សាន្ត គយគន់ឆ្នេរ ព្រៃព្រឹក្សា សំណឹកថ្ម ក៏ដូចជាការថតរូបស្អាតៗជាអនុវស្សាវរីយ៍ ផងដែរ៕

The post ដឹងអត់ថា ក្រុមហ៊ុនណា ទទួលបានសិទ្ធិវិនិយោគ «កោះរាជបុត្រ» នៅខេត្តព្រះសីហនុ? appeared first on .

រមណីយដ្ឋានធម្មជាតិដ៏ទាក់ទាញ ថ្មរូង ជាប់ផ្លូវជាតិលេខ៤ តែអ្នកដំណើរមិនសូវស្គាល់

ឧកញ៉ាដែនដី — Sun, 19 Jun 2022 07:56:33 +0000

រមណីយដ្ឋានធម្មជាតិ ថ្មរូង ដែលមានទេសភាពដ៏ទាក់ទាញជាមួយនឹងទឹកហូរលើថ្ម និងអាចកម្សាន្តងូតទឹកលេងយ៉ាងសប្បាយក្បែរផ្លូវជាតិលេខ៤ (ផ្លូវទៅខេត្តព្រះសីហនុ) ពុំទាន់មានអ្នកដំណើរដឹងច្រើននោះទេ។

លោកស្រី រី ស្រីពីន អាជីវករលក់ដូរនៅតំបន់នេះ បានឱ្យដឹងថា ថ្មរូង មានទឹកហូរស្ទើរគ្រប់រដូវកាល ប៉ុន្តែនៅរដូវវស្សាបែបនេះ គឺកាន់តែមានទឹកច្រើន និងមានអ្នកមកកម្សាន្តជាហូរហែ។ លោកស្រី បានបន្ថែមថា នៅថ្ងៃធម្មតា (ចន្ទ-សុក្រ) ពុំសូវមានភ្ញៀវទេសចរនោះទេ ប៉ុន្តែបើថ្ងៃចុងសប្តាហ៍ ឬថ្ងៃបុណ្យ មានភ្ញៀវច្រើនគួរសម។

រីឯលោក គឹម ជ័យរិទ្ធ មន្ត្រីផ្នែកសន្តិសុខរបស់សហគមន៍ថ្មរូងនេះ បានបញ្ជាក់បន្ថែមឱ្យដឹងថា ថ្ងៃធម្មតាមានភ្ញៀវត្រឹមតែពី២០ ទៅ៣០រថយន្តអីប៉ុណ្ណោះ ប៉ុន្តែបើថ្ងៃបុណ្យ ឬចុងសប្តាហ៍អាចនឹងមានដល់ទៅ ១០០រថយន្ត។ លោកបន្តថា កត្តាទាំងនេះដោយសារតែសហគមន៍ពុំទាន់ផ្សព្វផ្សាយឱ្យគេស្គាល់ទូលំទូលាយ ព្រោះអ្នកដំណើរតាមផ្លូវជាតិលេខ៤ ជាច្រើន ពុំបានចាប់អារម្មណ៍នោះទេ ដែលធ្វើឱ្យពួកគេទៅហួស មកហួស។

តំបន់ទេសចរណ៍មួយនេះ មានឈ្មោះថា “សហគមន៍ព្រៃឈើធម្មជាតិថ្មរូង” ស្ថិតនៅភូមិព្រៃប្រសិទ្ធ ឃុំអូរបាក់រទេះ ស្រុកកំពង់សីលា ខេត្តព្រះសីហនុ ដែលធ្វើដំណើរពីរាជធានីភ្នំពេញ ចម្ងាយប្រហែល១១៥គីឡូម៉ែត្រ រួចបត់ស្តាំតាមផ្លូវគ្រួសក្រហមប្រមាណ ៧គីឡូម៉ែត្រ នឹងដល់កន្លែងកម្សាន្តមួយនេះ៕

The post រមណីយដ្ឋានធម្មជាតិដ៏ទាក់ទាញ ថ្មរូង ជាប់ផ្លូវជាតិលេខ៤ តែអ្នកដំណើរមិនសូវស្គាល់ appeared first on .

លោក ហ៊ុន ម៉ាណែត៖ រាជរដ្ឋាភិបាល មានចក្ខុវិស័យអភិវឌ្ឍន៍ក្រុងកែប ឲ្យក្លាយជាតំបន់ទេសចរណ៍ល្អប្រណីតកម្រិតខ្ពស់

ឧកញ៉ា ឆ្នាំងដី — Sat, 14 May 2022 03:37:40 +0000

ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានលើកឡើងថា ការអភិវឌ្ឍន៍ហេដ្ឋរចនាសម្ព័ន្ធរូបវ័ន្តនានា ស្របតាមប្លង់គោលប្រើប្រាស់ដីក្រុងកែប ចក្ខុវិស័យឆ្នាំ២០៣០ ដើម្បីប្រែក្លាយខេត្តកែបទៅជាតំបន់ទេសចរណ៍ល្អប្រណីតកម្រិតខ្ពស់ នាពេលអនាគតឲ្យ ស័ក្តិសមជាខេត្តតារារះនាទិសនិរតី ខណៈដែលកន្លង ខេត្តកែបក៏បានទទួលជ័យលាភីនានាទាំងថ្នាក់ជាតិ និងអន្តរជាតិរួចមកហើយដែរ។

ការលើកឡើងរបស់ ឧត្តមសេនីយ៍ឯក ហ៊ុន ម៉ាណែត បានធ្វើឡើងនៅក្នុងពិធីសម្ពោធផ្លូវបេតុង ប្រវែងជិត៣គីឡូម៉ែត្រ និងសំណង់សិល្បការ្យមួយចំនួន ស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប កាលពីថ្ងៃទី១៣ ឧសភា ឆ្នាំ២០២២ ។

ឧត្តមសេនីយ៍ឯក ហ៊ុន ម៉ាណែត បានបន្ថែមថា មកដល់ពេលនេះ ខេត្តកែបមានការអភិវឌ្ឍរីកចម្រើនលើគ្រប់វិស័យគួរជាទីមោទនៈ ដោយទ្បែកហេដ្ឋរចនាសម្ព័ន្ធរូបវ័ន្តនានា ក៏ត្រូវបានកែលម្អឱ្យកាន់តែប្រសើរឡើង ដោយរដ្ឋបាលខេត្តបានខិតខំស្តារកសាង និងជួសជុលទ្បើងវិញ ដោយរួមមានទាំងផ្លូវអ៊ុតកៅស៊ូ ផ្លូវបេតុង ផ្លូវក្រាលគ្រួសក្រហមជាច្រើនខ្សែ ការពង្រីកឆ្នេរ និងការបង្កើតកំពង់ផែ ការរៀបចំប្រព័ន្ធលូរំដោះទឹកភ្លៀង អាងប្រព្រឹត្តកម្មចម្រោះទឹកកង្វក់ និងឡដុតសម្រាមវេជ្ជសាស្ត្រជាដើម។

ឧត្តមសេនីយ៍ឯក បានសង្កត់ធ្ងន់ថា សមទ្ធិផលទាំងនេះ កើតឡើងដោយសារខេត្តកែប មានថ្នាក់ដឹកនាំល្អ និងមានការខិតខំយកចិត្តទុកដាក់បំពេញភារកិច្ចបម្រើប្រជាពលរដ្ឋពីសំណាក់មន្ត្រីរាជការ និងអាជ្ញាធរដែនដីគ្រប់ថ្នាក់ កងកម្លាំងប្រដាប់អាវុធគ្រប់ប្រភេទ ជាពិសេសការចូលរួមរបស់ប្រជាពលរដ្ឋផ្ទាល់នៅក្នុងការជ្រើសរើសអ្នកដឹកនាំមូលដ្ឋានបានត្រឹមត្រូវក្នុងរយៈកាលកន្លងមកនេះ។

គួរបញ្ជាក់ថា ខេត្តកែប គឺជាខេត្តមួយក្នុងចំណោមខេត្តជាប់មាត់សមុទ្រទាំង៤របស់កម្ពុជាដែលបានបង្កើតឡើងនៅឆ្នាំ២០០៨។ ខេត្តកែបមានសក្តានុពលយ៉ាងច្រើនសម្បូរបែបដែលមានឆ្នេរកែប តំបន់សក្តានុពលកោះ បាតសមុទ្រ ក៏ដូចជាសក្តានុពលផ្នែកទេសចរណ៍ធម្មជាតិ ទេសចរណ៍វប្បធម៌ប្រវត្តិសាស្ត្រ និងកសិ-ទេសចរណ៍ជាច្រើនផងដែរ។

ជាមួយគ្នានេះ ក្រសួងទេសចរណ៍កម្ពុជា ក៏បានពិភាក្សា និងសិក្សារៀបចំផែនការមេអភិវឌ្ឍទេសចរណ៍ខេត្តកែបឆ្នាំ២០២១-២០៣៥ ដែលមានគោលបំណង ប្រែក្លាយខេត្តកែប ជាគោលដៅទេសចរណ៍ឆ្នេរសមុទ្រធម្មជាតិសម្រាកកម្សាន្តបែបប្រណិតកម្រិតខ្ពស់ ប្រកបដោយសុវត្ថិភាព ភាពទាក់ទាញ និងភាពប្រកួតប្រជែងខ្ពស់លើឆាកអន្តរជាតិ ៕

The post លោក ហ៊ុន ម៉ាណែត៖ រាជរដ្ឋាភិបាល មានចក្ខុវិស័យអភិវឌ្ឍន៍ក្រុងកែប ឲ្យក្លាយជាតំបន់ទេសចរណ៍ល្អប្រណីតកម្រិតខ្ពស់ appeared first on .

ប្រយ័ត្នបានទៅដកចិត្តមិនរួចអីទៅ តំបន់ទេសចរមួយកន្លែង ស្អាតកប់ជាប់រាជធានី អាចថាបរទេសសុំខ្មាស់ផង

ឧកញ៉ាកោះក្របី — Sat, 29 May 2021 02:42:27 +0000

ចង់បានកន្លែងកម្សាន្តបែបធម្មជាតិ ច្នៃប្រឌិត វប្បធម៌ប្រពៃណី ស្អាតប្លែកកប់ៗជាប់រាជធានីភ្នំពេញ ខណៈតំបន់ទេសចរណ៍ដ៏ពេញនិយមមួយនេះ នៅបរទេសសុំខ្មាស់ហើយ។ ប្រាប់ឲ្យហើយប្រយ័ត្នបានទៅដកចិត្តមិនរួចអីទៅ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

តំបន់ទេសចរដែលទទួលបានការកោតសរសើរ និងស្រឡាញ់ពេញនិយម Jet Garden Park គឺជាតំបន់កម្សាន្តលំដាប់អន្តរជាតិមួយនៅប្រទេសកម្ពុជា ដែលមានកន្លែងលេងកម្សាន្តថ្មីរាប់រយកន្លែង សុទ្ធតែស្អាតៗ ជាពិសេសនោះគឺ កញ្ចុះអង្គុយលេងថ្មី រចនាឡើងពីដើមឬស្សី ទាំងដំបូល និងសរសរផ្សេងៗ ប្លែកភ្នែក សួនសត្វធំៗ រួមនឹងតារាងបាលទាត់ធំ ដើម្បីបំពេញតំរូវការដល់ពុកម៉ែបងប្អូន ដែលមកដើរលេង កម្សាន្តក្នុងសួន ជេត ហ្គាឌិនផាក។

សួនកម្សាន្ត Jet Garden Park មានទីតាំងក្នុងតំបន់សេដ្ឋកិច្ច Sky Land 7NG ស្ថិតនៅឃុំវិហារសួរ៍ ស្រុកខ្សាច់កណ្តាល ខេត្តកណ្តាល។ គម្រោងតំបន់ទេសចរនេះ ក្រោមការវិនិយោគរាប់សិបលានដុល្លារពីក្រុមហ៊ុន ជេត គ្រុប របស់លោកឧកញ៉ា ស្រី ចាន់ថន ជាអ្នកជំនួញរកស៊ីពហុវិស័យជោគជ័យមួយរូបនៅប្រទេសកម្ពុជា។

តោះទៅលេង Jet’s Garden Park ទីតាំងកន្លែងទេសចរណ៍ជិតទីក្រុងភ្នំពេញ Located in Kandal Province Jet’s Garden Parkhttps://maps.app.goo.gl/3kJQi19FW5M2Pchb7

The post ប្រយ័ត្នបានទៅដកចិត្តមិនរួចអីទៅ តំបន់ទេសចរមួយកន្លែង ស្អាតកប់ជាប់រាជធានី អាចថាបរទេសសុំខ្មាស់ផង appeared first on .

ប្រាសាទដែលមានអាយុកាលជិត១ពាន់ឆ្នាំមួយនេះ បង្អួតសម្រស់គួរជាទីគយគន់អន្ទងអារម្មណ៍ភ្ញៀវទេសចរនៅពេលបានទៅទស្សនា

ឧកញ៉ាកោះក្របី — Thu, 20 May 2021 05:23:06 +0000

ទេសភាពដ៏ស្រស់បំព្រងនៅប្រាសាទនាគព័ន្ធ នារដូវវស្សាបង្អួតសម្រស់ដ៏ស្រស់ត្រកាលរង់ចាំស្វាគមន៍បងប្អូនភ្ញៀវទេសចរណ៍មកកម្សាន្ត ដែលជាតំបន់ប្រវត្តិសាស្រ្តមានអាយុកាលជិត១ពាន់ឆ្នាំ។

ប្រាសាទបារាយណ៍នាគព័ន្ធ ឬជ័យតដាក ដែលប្រជាជនភាគច្រើនហៅម្យ៉ាងទៀតថា ប្រាសាទបារាយណ៍ខាងជើង។ ប្រាសាទនេះ កសាងឡើងក្នុងរាជ្យព្រះបាទជ័យវរ្ម័នទី៧ អស់រយៈកាលជិត១ពាន់ឆ្នាំមកហើយ។ ដែមានបណ្តោយ ៣៦០០ម៉ែត្រ ទទឹង ៩៣០ម៉ែត្រ ហើយប្រាសាបារាយណ៍ដើរតួយ៉ាងសំខាន់ដើម្បីផ្គត់ផ្គង់ទឹកសម្រាប់ប្រើប្រាស់ក្នុងវិស័យកសិកម្ម និងដល់មនុស្សក្នុងរដ្ឋរាជធានីអង្គរធំ នាគព័ន្ធ និងនៅព្រះខ័ន។

ក្នុងឆ្នាំ២០០៧ ប្រាសាទ បារាយណ៍នាគព័ន្ធ ត្រូវបានអាជ្ញាធរជាតិអប្សរាធ្វើការជួសជុលប្រព័ន្ធបង្ហូរទឹកបុរាណឡើងវិញ បន្ទាប់ពីរកឃើញកាលពីឆ្នាំ២០០៥ ព្រមទាំងបានបង្ហូរទឹកចូលបារាយណ៍ ដែលធ្វើឱ្យអាងទាំង៥ មានទឹកជាប្រចាំឡើងវិញ។

ហេតុដូច្នេះហើយបានជាប្រាសាទបារាយណ៍នេះ មានទេសភាពល្អឯកនាដើមរដូវវស្សា ព្រមជាមួយភ្លៀងចាប់ផ្តើមបង្អុលធ្លាក់មក រុក្ខជាតិជុំវិញ ចាប់ផ្តើមបញ្ចេញពណ៌បៃតងខៀវខ្ចី ដ៏ស្រស់បំព្រងគួរជាទីគយគន់ ដែលអាចអន្ទងអារម្មណ៍ភ្ញៀវទេសចរជាតិ និងអន្តរជាតិ នៅពេលបានទៅទស្សនាប្រាសាទនាគព័ន្ធ៕

រូបភាព៖ ជា វណ្ណៈ និង ហ៊ុំ រិទ្ធី

The post ប្រាសាទដែលមានអាយុកាលជិត១ពាន់ឆ្នាំមួយនេះ បង្អួតសម្រស់គួរជាទីគយគន់អន្ទងអារម្មណ៍ភ្ញៀវទេសចរនៅពេលបានទៅទស្សនា appeared first on .

ត្រឹមពេលមួយខែ ក្រុមប្រឹក្សាអភិវឌ្ឍន៍កម្ពុជា សម្រេចចុះបញ្ជីដល់គម្រោងវិនិយោគចំនួន២៩ ទុនវិនិយោគជាង ២ពាន់លានដុល្លារ

ឧកញ៉ាកោះក្របី — Tue, 30 Mar 2021 11:42:36 +0000

ត្រឹមរយៈពេលមួយខែ ក្នុងខែមីនា ឆ្នាំ២០២១នេះ បើទោះបីកម្ពុជាស្ថិតក្នុងស្ថានភាពនៃជំងឺកូវីដ១៩យ៉ាងណាក៏ដោយ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន ២៩គម្រោង ដែលបោះទុនវិនិយោគប្រមាណ ២,០៧១,៧លានដុល្លារ និងអាចបង្កើតការងារងបានជាង ១ម៉ឺនកន្លែង។

តាមសំណើសុំវិនិយោគរបស់ក្រុមហ៊ុន ដែលក្រុមប្រឹក្សាអភិវឌ្ឍន៍កម្ពុជា បានសម្រេចចុះបញ្ជីជូនជាស្ថានពរទាំងអស់មានទីតាំងវិនិយោគចំនួន ១០រាជធានីខេត្ត រួមមាន៖ ខេត្តកំពង់ឆ្នាំង ខេត្តកំពត ខេត្តតាកែវ ខេត្តកំពង់ស្ពឺ រាជធានីភ្នំពេញ ខេត្តកណ្តាល ខេត្តស្វាយរៀង ខេត្តកោះកុង ខេត្តពោធិ៍សាត់ និងខេត្តព្រះសីហនុ។

អ្នកជំនួញប្រាក់លានមួយរូប រំពឹងថា តាមរយៈគម្រោងដល់ទៅ ២៩ក្រុមហ៊ុននេះនឹងជួយឲ្យខេត្តនីមួយៗ បង្កើនសក្តានុពលសេដ្ឋកិច្ចរបស់ខ្លួនឲ្យកាន់តែខ្លាំងឡើង មិនតែប៉ុណ្ណោះក៏ជួយឲ្យប្រជាពលរដ្ឋមានការងារធ្វើជាច្រើន ខណៈដែលរោគរាតត្បាតកូវីដ១៩មិនទាន់បានបិទបញ្ចប់នៅឡើយ។

លោកឧកញ៉ា ផន វណ្ណិត អនុប្រធានសមាគមអ្នកអភិវឌ្ឍន៍ដីឡូតិ៍នៅកម្ពុជា និងជាស្ថាបនិកក្រុមហ៊ុន រាជសន្តុសិត បានលើកឡើងថា “ខ្ញុំគិតថាជារឿងល្អ ដែលកំណើនក្រុមហ៊ុនស្នើសុំវិនិយោគត្រឹមរយៈពេលមួយខែរហូតដល់ ២៩គម្រោង។ នេះជាសញាណល្អ ដើម្បីអភិវឌ្ឍន៍សេដ្ឋកិច្ចរបស់យើង ដែលកំពុងស្ថិតក្នុងស្ថាភាពនៃជំងីកូវីដ១៩បានប៉ះពាល់ដល់ដំណើរការអភិវឌ្ឍសេដ្ឋកិច្ច និងមានការជាប់គាំង”។

នៅពេលដែលអ្នកវិនិយោគមកស្នើសុំបង្កើតក្រុមហ៊ុនដ៏ច្រើននេះ វាជាចលករមួយជួយសេដ្ឋកិច្ចឲ្យងើបឡើងវិញ និងជាសញាណមួយដើម្បីដាស់តឿនឲ្យអ្នកវិនិយោគក្នុងស្រុក មើលឃើញថា អ្នកវិនិយោគបរទេសចាប់ផ្តើមសំរុកចូលមកប្រទេសកម្ពុជា ដើម្បីធ្វើការវិនិយោគបោះទុនរាបសិនលានដុល្លារ។ អ្នកជំនួញដែលកំពុងលាក់ខ្លួនសម្ងំក្នុងវិស័យអចលនទ្រព្យ បុរី និងរីសតរូបនេះបានគួសបញ្ជាក់បន្ថែម។

ទន្ទឹមនឹងនេះ ឧកញ៉ា ផន វណ្ណិត ក៏មានជំនឿបន្ទាប់ពីក្រុមប្រឹក្សាអភិវឌ្ឍន៍កម្ពុជា បានសម្រេចចុះបញ្ជីជូនជាស្ថានពរដល់ក្រុមហ៊ុនដែលមកធ្វើការស្នើសុំវិនិយោគ នឹងជួយដល់ការអភិវឌ្ឍន៍សេដ្ឋកិច្ចនៅកម្ពុជាឲ្យមានថេរភាពល្អ បើទោះបីជួបវិបត្តិកូវីដ១៩អូសបន្លាយពេលយូយ៉ាងណាក្តី។

ក្រុមហ៊ុនដែលបានស្នើសុំចុះបញ្ជឹទាំង២៩គម្រោងនោះ មានដូចជា៖

១- “SHUN XIN LUGGAGE INDUSTRY (CAMBODIA) CO., LTD” គម្រោងបង្កើតរោងចក្ររោងចក្រផលិតកាបូប និងកាបូបក្លាសេគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៥ ភូមិស្ពានពោធិ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង មានទុនវិនិយោគប្រមាណ ៣,៦លានដុល្លារអាមេរិក និងអាចបង្កើតការងារបានចំនួន ១.៦១៨កន្លែង។

២-“ SHUNYING PULP AND PAPER COMPANY LIMITED” គម្រោងបង្កើតរោងចក្រផលិតក្រដាស ដែលមានទីតាំងវិនិយោគស្ថិតនៅភូមិចង្ហោន ឃុំព្រែកត្នោត ស្រុកទឹកឈូ ខេត្តកំពត មានទុនវិនិយោគប្រមាណ ៥០៤លានដុល្លារអាមេរិក និងអាចបង្កើតការងារបានចំនួន ២.២៦១កន្លែង។

៣- MAYCO FURNITURE COMPANY LIMITED : គម្រោងបង្កើតរោងចក្រផលិតគ្រឿងសង្ហារឹមគ្រប់ប្រភេទ (ពីឈើនាំចូល) ដែលមានទីតាំងវិនិយោគស្ថិតនៅភូមិព្រហែក ឃុំសូភី ស្រុកបាទី ខេត្តតាកែវ មានទុនវិនិយោគប្រមាណ ៣,៨លានដុល្លារអាមេរិក និងអាចបង្កើតការងារបានចំនួន ១៨៨កន្លែង។

៤- P P C H Y MACHINERY MANUFACTURING CO., LTD: គម្រោងបង្កើតរោងចក្រផលិតគ្រឿងបន្លាស់ (រថយន្ត គ្រឿងចក្រ គ្រឿងយន្ត) និងប៊ូឡុងគ្រប់ប្រភេទ ដែលមានទីតាំងវិនិយោគស្ថិតនៅភូមិឫស្សី ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ៦,៩លានដុល្លារអាមេរិក និងអាចបង្កើតការងារបានចំនួន ២០០កន្លែង។

៥- KHEMA GLOBAL CO., LTD: គម្រោងសាងសង់ និងអាជីវកម្មមន្ទីរពហុព្យាបាលអន្តរជាតិ ចំនួន ៨១គ្រែ ដែលមានទីតាំងវិនិយោគស្ថិតនៅផ្លូវជាតិលេខ១ ភូមិឫស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ មានទុនវិនិយោគប្រមាណ ៦,៣លានដុល្លារអាមេរិក និងអាចបង្កើតការងារបានចំនួន ២៨០កន្លែង។

៦- KHEMA GLOBAL CO., LTD: គម្រោងសាងសង់ និងអាជីវកម្មមន្ទីរពហុព្យាបាលអន្តរជាតិ ចំនួន ៥៤គ្រែ ដែលមានទីតាំងវិនិយោគស្ថិតនៅផ្លូវជាតិលេខ៥២៨ ភូមិ១២ សង្កាត់បឹងកក់ទី១ ខណ្ឌទួលគោក រាជធានីភ្នំពេញ មានទុនវិនិយោគប្រមាណ ៣,៦លានដុល្លារអាមេរិក និងអាចបង្កើតការងារបានចំនួន ១៨០កន្លែង។

៧- PRIME ROAD ALTERNATIVE (CAMBODIA) CO., LTD: គម្រោងបង្កើតស្ថានីយផលិតអគ្គិសនីដើរដោយពន្លឺព្រះអាទិត្យ អានុភាព ៦០មេហ្កាវ៉ាត់ ដែលមានទីតាំងវិនិយោគស្ថិតនៅភូមិព្រៃជ្រៅ ឃុំក្បាលទឹក ស្រុកទឹកផុស ខេត្តកំពង់ឆ្នាំង មានទុនវិនិយោគប្រមាណ ៣៧,៤លានដុល្លារអាមេរិក និងអាចបង្កើតការងារបានចំនួន ១២កន្លែង។

៨- SYSG GARMENT COMPANY LIMITED: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅអគារលេខ A-០៧ ផ្លូវជាតិលេខ៤ ភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្តាល មានទុនវិនិយោគប្រមាណ ៤,៣លានដុល្លារអាមេរិក និងអាចបង្កើតការងារបានចំនួន ១.៣៥១កន្លែង។

៩- “VELONG (CAMBODIA) INDUSTRIES CO., LTD” គម្រោងបង្កើតរោងចក្រផលិតសម្ភារៈបរិក្ខារសម្រាប់ចង្ក្រាន BBQ, ផ្គុំតម្លើងបរិក្ខារអេឡិចត្រូនិក និងអំពូលភ្លើង ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសស្វាយរៀង ហ្គីហ្គា រីស៍ស, មានទុនវិនិយោគប្រមាណ ៣,៥លានដុល្លារអាមេរិក និងអាចបង្កើតការងារបានចំនួន ១២០កន្លែង។

១០- “ALLIED MAX INTERNATIONAL (CAMBODIA) CO., LTD” គម្រោងបង្កើតរោងចក្រផលិតក្រណាត់ និងកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស សានដុង សាន់សែល, មានទុនវិនិយោគប្រមាណ ៣២លានដុល្លារអាមេរិក និងអាចបង្កើតការងារបានចំនួន ៣៧០កន្លែង។

១១.គម្រោងបង្កើតរោងចក្រកាត់ដេរសម្លៀកបំពាក់ និងក្រណាត់ទ្រនាប់សម្លៀកបំពាក់ របស់ក្រុមហ៊ុន XIN JELLY INDUSTRY AND TRADING CO., LTD មានទីតាំងវិនិយោគស្ថិតនៅភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ២,៦លានដុល្លារអាមេរិក និងអាចបង្កើតការងារបានចំនួន ៧៦៤កន្លែង។

១២- “ONION MOBILITY CO., LTD” គម្រោងបង្កើតរោងចក្រផ្គុំតម្លើងទោចក្រយានយន្ត និងត្រីចក្រយានយន្តប្រើដោយថាមពលអគ្គិសនី ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស សុវណ្ណភូមិ ខេត្តកណ្តាល, មានទុនវិនិយោគប្រមាណ ២០លានដុល្លារអាមេរិក និងអាចបង្កើតការងារបានចំនួន ៣៨០កន្លែង។

១៣- “SHANE (CAMBODIA) FURNITURE CO., LTD” គម្រោងបង្កើតរោងចក្រផលិតសាឡុង គ្រែ និងគ្រឿងសង្ហារឹមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស៊ីន បាវិត ខេត្តស្វាយរៀង, មានទុនវិនិយោគប្រមាណ ៤៧,៧លានដុល្លារអាមេរិក និងអាចបង្កើតការងារបានចំនួន ៨២០កន្លែង។

១៤-គម្រោងបង្កើតរោងចក្រផលិតសំបកកង់យានយន្តរបស់ក្រុមហ៊ុន “CART TIRE CO., LTD” ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ឈីលូ បាវិត ខេត្តស្វាយរៀង មានទុនវិនិយោគប្រមាណ ១៥លានដុល្លារអាមេរិក និងអាចបង្កើតការងារបានចំនួន ៣៨០កន្លែង។

១៥-គម្រោងបង្កើតរោងចក្រកាត់ដេរសម្លៀកបំពាក់ របស់ក្រុមហ៊ុន OCEAN APPAREL MANUFACTURING CO., LTD មានទីតាំងវិនិយោគស្ថិតនៅដីឡូតិ៍លេខ១ ផ្លូវជាតិលេខ៤ ភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៤លានដុល្លារអាមេរិក និងអាចបង្កើតការងារបានចំនួន ២.៣០០កន្លែង។

១៦-គម្រោងបង្កើតរោងចក្រផលិតផ្ទាំងកញ្ចក់សូឡា របស់ក្រុមហ៊ុន “GLAMOR GLASS CO., LTD” ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស គិរីសាគរ កោះកុង, មានទុនវិនិយោគប្រមាណ ៧,៨លានដុល្លារអាមេរិក និងអាចបង្កើតការងារបានចំនួន ១៩០កន្លែង។

១៧-ក្រុមហ៊ុន JIANGYAO (CAMBODIA) GARMENTS CO., LTD. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅសួនឧស្សាហកម្ម “ស៊ូចូវ ខេមបូឌា” អគារលេខ១ ផ្លូវជាតិលេខ២១ ភូមិព្រែកទ្បុង សង្កាត់រកាខ្ពស់ ក្រុងតាខ្មៅ ខេត្តកណ្តាល មានទុនវិនិយោគប្រមាណ ២,១លានដុល្លារអាមេរិក និងអាចបង្កើតការងារបានចំនួន ២.៦១១កន្លែង។

១៨. YUAN SHUO (CAMBODIA) CO., LTD. គម្រោងបង្កើតរោងចក្រផ្គុំដំទ្បើងសម្ភារៈអេទ្បិចត្រូនិក និងគ្រឿងបន្លាស់អេទ្បិចត្រូនិកគ្រប់ប្រភេទ ដែលមានទីតាំងវិនិយោគស្ថិតនៅភូមិចមពល ឃុំពពេល ស្រុកត្រាំកក់ ខេត្តតាកែវ មានទុនវិនិយោគប្រមាណ ២,២លានដុល្លារអាមេរិក និងអាចបង្កើតការងារបានចំនួន ២៣២កន្លែង។

១៩. SCHNEITIC CHINT CO., LTD. គម្រោងបង្កើតរោងចក្រផ្គុំដំទ្បើងគ្រឿងសម្ភារៈអគ្គិសនី ដែលមានទីតាំងវិនិយោគស្ថិតនៅភូមិអន្សក្តាម ឃុំស្នាអន្សា ស្រុកក្រគរ ខេត្តពោធិ៍សាត់ មានទុនវិនិយោគប្រមាណ២,៥លានដុល្លារអាមេរិក និងអាចបង្កើតការងារបានចំនួន ៦២កន្លែង។

២០. XIN WEI JIE CO., LTD. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ មានទុនវិនិយោគប្រមាណ ២,៩លានដុល្លារអាមេរិក និងអាចបង្កើតការងារបានចំនួន ៦៥៩កន្លែង។

២១. GREEN SUSTAINABLE VENTURES (CAMBODIA) CO., LTD. គម្រោងបង្កើតរោងចក្រផលិតថាមពលអគ្គិសនីដើរដោយពន្លឺព្រះអាទិត្យ អានុភាព 20MW ដែលមានទីតាំងវិនិយោគស្ថិតនៅភូមិមនោរម្យ ឃុំមនោរម្យ ស្រុកស្វាយទាប ខេត្តស្វាយរៀង មានទុនវិនិយោគប្រមាណ១៧,៦លានដុល្លារអាមេរិក និងអាចបង្កើតការងារបានចំនួន ១៥០កន្លែង។

២២. FIRST AQUATIC INDUSTRIAL CO., LTD. គម្រោងបង្កើតវារីវប្បកម្ម ដែលមានទីតាំងវិនិយោគស្ថិតនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ និងភូមិតោតម៉ា ឃុំកណ្តោក ស្រុកកណ្តាលស្ទឹង ខេត្តកណ្តាល មានទុនវិនិយោគប្រមាណ ២៥,២លានដុល្លារអាមេរិក និងអាចបង្កើតការងារបានចំនួន ១៥៥កន្លែង។

២៣- “INNOMED HEALTHCARE PRODUCTS (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់វេជ្ជសាស្ត្រ និងផលិតសម្ភារ:បរិក្ខារវិជ្ជសាស្ត្រ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គរ័ជី ខេត្តព្រះសីហនុ, មានទុនវិនិយោគប្រមាណ ១០លានដុល្លារអាមេរិក និងអាចបង្កើតការងារបានចំនួន ១.២០០កន្លែង។

២៤- “HUIQUANFENG TECHNOLOGY (CAMBODIA) CO., LTD” គម្រោងបង្កើតរោងចក្រផលិតគ្រឿងបង្គុំទោចក្រយាន និងគ្រឿងបំណែកទោចក្រយានគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត ខេត្តស្វាយរៀង, មានទុនវិនិយោគប្រមាណ ៧លានដុល្លារអាមេរិក និងអាចបង្កើតការងារបានចំនួន ១៨០កន្លែង។

២៥. ISLAND LABORATOIRE CO., LTD. គម្រោងបង្កើតរោងចក្រផលិតឱសថ ដែលមានទីតាំងវិនិយោគស្ថិតនៅភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ មានទុនវិនិយោគប្រមាណ៦,៣លានដុល្លារអាមេរិក និងអាចបង្កើតការងារបានចំនួន ២៦០កន្លែង។

២៦- “FANG HUA POLYURETHANE MATERIAL (CAMBODIA) CO., LTD” គម្រោងបង្កើតរោងចក្រផលិតអេប៉ុងស៍ ខ្នើយ គ្រែសាឡុងពូក និងគ្រឿងសង្ហារឹម ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ១លានដុល្លារអាមេរិក និងអាចបង្កើតការងារបានចំនួន ៤២០កន្លែង។

២៧- “HERBA (CAMBODIA) CO., LTD” គម្រោងបង្កើតរោងចក្រកែច្នៃ និងវេចខ្ចប់ផលិតផលកសិកម្ម ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសភ្នំពេញ, មានទុនវិនិយោគប្រមាណ ៣,៦លានដុល្លារអាមេរិក និងអាចបង្កើតការងារបានចំនួន ១២០កន្លែង។

២៨- “ Y.T PLASTIC CO., LTD” គម្រោងរោងចក្រផលិតសម្ភារៈអគ្គិសនី អំពូលភ្លើង និងគ្រឿងបង្គុំអំពូលគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសសានដុង សាន់សែល ស្វាយរៀង, មានទុនវិនិយោគប្រមាណ ៥,៨លានដុល្លារអាមេរិក និងអាចបង្កើតការងារបានចំនួន ៩៣០កន្លែង។

២៩- “HUADIAN SIHANOUKVILLE POWER GENERATION CO., LTD” គម្រោងរោងចក្រផលិតថាមពលអគ្គិសនីប្រើដោយធ្យូងថ្ម អានុភាព ៧០០មេហ្កាវ៉ាត់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុទី១ ស្រុកស្ទឹងហាវ ខេត្តព្រះសីហនុ, មានទុនវិនិយោគប្រមាណ ១២៨៣លានដុល្លារអាមេរិក និងអាចបង្កើតការងារបានចំនួន ៥២០កន្លែង៕

The post ត្រឹមពេលមួយខែ ក្រុមប្រឹក្សាអភិវឌ្ឍន៍កម្ពុជា សម្រេចចុះបញ្ជីដល់គម្រោងវិនិយោគចំនួន២៩ ទុនវិនិយោគជាង ២ពាន់លានដុល្លារ appeared first on .

រាជរដ្ឋាភិបាលសម្រេចបង្កើត ក្រុងបូកគោ នៃខេត្តកំពត

ឧកញ៉ាកោះក្របី — Tue, 30 Mar 2021 08:10:18 +0000

ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចចេញអនុក្រឹត្យបង្កើតក្រុងបូកគោថ្មីសន្លាងមួយនៃខេត្តកំពត ដែលកាត់ចេញពីឃុំចំនួន ០៣ ពីស្រុកទឹកឈូក។

ពិតស្តារ!

The post រាជរដ្ឋាភិបាលសម្រេចបង្កើត ក្រុងបូកគោ នៃខេត្តកំពត appeared first on .