ជុំវិញពាក្យបណ្តឹងដែលធ្វើឡើងដោយក្រុមហ៊ុន Orsted និងរដ្ឋាភិបាលរបស់រដ្ឋដ៏ធំរបស់អាមេរិកទាំងពីរនេះ បានចោទប្រកាន់ថាការសម្រេចចិត្តរបស់រដ្ឋបាលលោក ត្រាំ ក្នុងការបញ្ឈប់ការសាងសង់គម្រោង Revolution Wind ដែលជិតរួចរាល់ហើយនោះ ជារឿងខុសច្បាប់។

គួរឲ្យដឹងថា Revolution Wind គឺជាគម្រោងថាមពលខ្យល់នៅឆ្នេរសមុទ្រ រដ្ឋRhode Island និង Connecticut ។ គម្រោងនេះត្រូវបានបញ្ចប់ការសាងសង់ ៨០% ទៅហើយ ជាមួយនឹងការដំឡើងទួរប៊ីនខ្យល់បានចំនួន ៤៥ ក្នុងចំណោមចំនួនសរុប ៦៥ ទួរប៊ីន។ ហើយនៅពេលបញ្ចប់ការសាងសង់ វាត្រូវបានគេរំពឹងថានឹងអាចផ្តល់ថាមពលដល់ផ្ទះជាង ៣៥០,០០០ ខ្នង​នៅក្នុងរដ្ឋទាំងពីរ។

ប៉ុន្តែទោះជាយ៉ាងណា កាលពីចុងខែមុន ក្រសួងមហាផ្ទៃសហរដ្ឋអាមេរិកបានបញ្ជាភ្លាមៗឱ្យក្រុមហ៊ុន Orsted បញ្ឈប់ការសាងសង់លើគម្រោងនេះ ដោយលើកឡើងពីកង្វល់សន្តិសុខជាតិដែលមិនបានបញ្ជាក់ច្បាស់លាស់។ Orsted និងក្រុមហ៊ុនដៃគូរបស់ខ្លួន Skyborn Renewables បានចំណាយទឹកប្រាក់ប្រហែល ៥ពាន់លានដុល្លាររួចទៅហើយ លើគម្រោងនេះ ។

ជាលទ្ធផល ក្រុមហ៊ុន Orsted បានដាក់ពាក្យបណ្តឹងនៅតុលាការសហព័ន្ធនៅស្រុក Columbia ដោយប្តឹងរដ្ឋមន្ត្រីក្រសួងមហាផ្ទៃលោក Doug Burgum និងសហការីរបស់លោក ដោយសុំឱ្យតុលាការលុបចោលការសម្រេចនេះវិញ។ រដ្ឋាភិបាលនៃរដ្ឋ Rhode Island និង Connecticut ក៏បានដាក់ពាក្យបណ្តឹងដូចគ្នានេះផងដែរ ទៅកាន់តុលាការសហព័ន្ធនៅកោះ Rhode ៕​

The post រដ្ឋបាលលោក ត្រាំ រងពាក្យបណ្តឹងចំពោះការលុបចោលគម្រោងថាមពលខ្យល់តម្លៃ ៥ពាន់លានដុល្លារ appeared first on .

គម្រោងថាមពលខ្យល់មូសុង ដែលមានតម្លាំង ៦០០ មេហ្គាវ៉ាត់ មានតម្លៃសរុបរហូតដល់ទៅ ៦៣០លានដុល្លារអាមេរិកនេះ នឹងលាតសន្ធឹងលើផ្ទៃដីសរុប ៦៨ ០០០ ហិកតា នៅទូទាំងស្រុក Dakcheung ក្នុងខេត្ត Xekong និងស្រុក Sanxay ក្នុងខេត្ត Attapeu ។ គម្រោងនេះ គឺជាគំនិតផ្តួចផ្តើមថាមពលខ្យល់ដំបូងគេក្នុងតំបន់ ដែលគ្របដណ្តប់លើខេត្តច្រើនជាងមួយ។

បើតាមប្រភពខាងលើបានបង្ហាញឲ្យដឹងទៀតថា អគ្គិសនីដែលផលិតបានដោយគម្រោងនេះ នឹងត្រូវនាំចេញទៅកាន់ប្រទេសវៀតណាម ក្រោមកិច្ចព្រមព្រៀងទិញថាមពលរយ:ពេល ២៥ឆ្នាំ ជាមួយក្រុមហ៊ុនរដ្ឋ Vietnam Electricity (EVN)។

ជម្រាបជូនផងដែរថា គម្រោងនេះស្ថិតនៅក្រោមការអភិវឌ្ឍដោយក្រុមហ៊ុន Impact Energy Asia Development Co Ltd ដែលបានចុះហត្ថលេខាលើអនុស្សរណៈនៃការយោគយល់គ្នា ជាមួយរដ្ឋាភិបាលឡាវ ក្នុងឆ្នាំ២០១១ ដើម្បីវាយតម្លៃលទ្ធភាពនៃការបណ្តាក់ទុននេះ។ ការងារលើគម្រោងនេះ បានដំណើរការជាផ្លូវការនៅឆ្នាំ២០២២ បន្ទាប់ពីការចុះហត្ថលេខាលើកិច្ចព្រមព្រៀងសម្បទាន ហើយបច្ចុប្បន្នវាត្រូវបានប្រតិបត្តិការដោយក្រុមហ៊ុន Monsoon Wind Power Company Limited៕

The post ឡាវ ត្រៀមបើកដំណើរការស្ថានីយថាមពលខ្យល់ធំបំផុតក្នុងតំបន់អាស៊ាន នៅចុងឆ្នាំនេះ appeared first on .

ជាមួយគ្នានេះ កាលពីថ្ងៃទី២២ ខែឧសភា ឆ្នាំ២០២៥ រដ្ឋសភានីតិកាលទី៧ បានបើកសម័យប្រជុំលើកទី៤របស់ខ្លួន ដើម្បីពិនិត្យ ពិភាក្សានិងអនុម័តលើរបៀបវារៈចំនួន២៨ ដែលប្រព្រឹត្តទៅក្រោមអធិបតីភាពរបស់ប្រធានរដ្ឋសភាលោកស្រី ឃួន សុដារី។

ក្នុងចំណោមរបៀបវារៈ២៨ ដែលសម័យប្រជុំរដ្ឋសភា ត្រូវពិភាក្សាអនុម័តនោះ មានរបៀបវារៈចំនួន២៤ តាមការស្នើរបស់រាជរដ្ឋាភិបាល គឺសេចក្តីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលកម្ពុជា ឱ្យកុមហ៊ុនវិនិយោគផលិតថាមពលអគ្គិសនីដើរដោយថាមពលពន្លឺព្រះអាទិត្យ និងថាមពលអគ្គិសនីដើរដោយខ្យល់។

ការអនុម័តគម្រោងវិនិយោគលើការផលិតថាមពលអគ្គិសនីដើរដោយថាមពលខ្យល់ ជាការវិនិយោគដំបូងនៅប្រទេសកម្ពុជា ដោយយកខេត្តមណ្ឌលគិរីជាទីតាំងវិនិយោគដំបូងចំនួន៦គម្រោង។

លោក កែវ រតនៈ រដ្ឋមន្រ្តីក្រសួងរ៉ែ និងថាមពល ធ្លាប់បានលើកឡើងថា ជាជំហានដំបូង រាជរដ្ឋាភិបាល បានដាក់គម្រោង៦ក្នុងខេត្តមណ្ឌលគិរី ដើម្បីសិក្សាពីការបង្កើតថាមពលអគ្គិសនីចេញពីកម្លាំងខ្យល់។ ចាប់ពីឆ្នាំ២០២៦ទៅ គម្រោងទាំង៦ក្នុងខេត្តមណ្ឌលគិរីនេះ នឹងអាចចេញជាលទ្ធផល ពោលគឺកម្ពុជានឹងអាចទទួលបានថាមពលអគ្គិសនីដែលដើរដោយកម្លាំងខ្យល់។

បើតាមលោក កែវ រតនៈ គម្រោងដែលដាក់ចេញជាជំហានទី១នេះ អាចបង្កើតថាមពលអគ្គិសនីដែលដើរដោយកម្លាំងខ្យល់ បាន៩០០គីឡូមេហ្កាវ៉ាត់។

សូមបញ្ជាក់ថា មានខេត្តផ្សេងៗទៀត ដូចជា បាត់ដំបង ប៉ៃលិន ពោធិ៍សាត់ កែប និងកំពតជាដើម ក៏រាជរដ្ឋាភិបាលយកទៅសិក្សាពីការបង្កើតថាមពលអគ្គិសនីដោយកម្លាំងខ្យល់ដែរ តែមិនមានសក្កានុពលដូចខេត្តមណ្ឌលគិរី។ ដោយរដ្ឋមន្រ្តីក្រសួងរ៉ែ បានអះអាងថាដោយសារខេត្តមណ្ឌលគិរី មានខ្យល់ច្រើនជាងគេ ទើបរាជរដ្ឋាភិបាលសម្រេចដាក់គម្រោងបង្កើតថាមពលអគ្គិសនីដោយកម្លាំងខ្យល់នេះ ក្នុងខេត្តមណ្ឌលគិរីតែមួយជាមុនសិន។

គួរឱ្យដឹងថា ការប្រើប្រាស់អគ្គិសនីដោយកម្លាំងខ្យល់ មានតម្លៃខ្ពស់ជាងការប្រើប្រាស់អគ្គិសនីដោយពន្លឺព្រះអាទិត្យជិត២ដង ឯណោះ។ សព្វថ្ងៃនេះ កម្ពុជា បានបង្កើតថាមពលអគ្គិសនីពីប្រភព និងធនធានផ្សេងៗ ដូចជា ប្រេង ខ្យូងថ្ម វារីអគ្គិសនី និងពន្លឺព្រះអាទិត្យ ជាអាទិ៍ ហើយចុងក្រោយ គឺកម្លាំងខ្យល់។ នេះមិនមែនតែកម្ពុជាឡើយ ប្រទេសនានាលើសាកលោក ក៏កំពុងប្រើធនធាន និងប្រភពទាំងនេះ ក្នុងការបង្កើតថាមពអគ្គិសនីដែរ។ (នេះជាការលើកឡើងរបស់រដ្ឋមន្រ្តីក្រសួងរ៉ែ និងថាមពល លោក កែវ រតនៈ)

ទន្ទឹមនឹងនេះ រាជរដ្ឋាភិបាល បាននិងកំពុងព្យាយាមពង្រីកវិសាលភាពនៃការបង្កើតថាមពលអគ្គិសនីចេញពីប្រភពផ្សេងៗ ដើម្បីឱ្យកម្ពុជាមានថាមពលអគ្គិសនីកាន់តែច្រើន និងមានភាពគ្រប់គ្រាន់ក្នុងការផ្គត់ផ្គង់។រាជរដ្ឋាភិបាល សិក្សាឃើញថា កម្លាំងខ្យល់ ក៏ជាប្រភពមួយ ដែលកម្ពុជាអាចប្រើប្រាស់ដើម្បីបង្កើតចេញជាថាមពលអគ្គិសនី ដូចនៅតាមបណ្តាប្រទេសដទៃទៀតដែរ ខណៈសម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានស្វាគមន៍ និងគាំទ្រចំពោះគម្រោងរបស់ក្រុមហ៊ុន ដែលចាប់អារម្មណ៍បោះទុនវិនិយោគនៅកម្ពុជា គម្រោងផលិតថាមពលអគ្គិសនី ដើរដោយកម្លាំងខ្យល់នេះផងដែរ។

សូមជម្រាបជូនថា ក្រុមហ៊ុនចំនួន៦ ដែលធ្វើការវិនិយោគដំបូងលើការផលិតផលិតថាមពលអគ្គិសនីដើរ ដោយខ្យល់៦គម្រោងនៅខេត្តមណ្ឌលគិរីរួមមាន៖

១, ក្រុមហ៊ុន អេច ខេ អូអេស៊ីស ផោវ័រ អេនើជី ឌីវេឡុបម៉ិន ឯ.ក វិនិយោគ ស្ថានីយផលិតអគ្គិសនី ដើរដោយថាមពលខ្យល់ អានុភាព ១៥០មេហ្កាវ៉ាត់។

២, ក្រុមហ៊ុន ស្នេថេក ខូ អិលធីឌី វិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់។

៣, ក្រុមហ៊ុន ឥណ្ឌូឆាយណា វីន ផោវ័រ ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់។

៤, ក្រុមហ៊ុន លីឌើរ វីន អេនើជី (ខេមបូឌា) ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់។

៥, ក្រុមហ៊ុន គោព្រៃ វីនហ្វាម ឯ.ក វិនិយោគស្ថានីយផលិតអគ្គិសនី ដើរដោយ ថាមពលខ្យល់ អានុភាព១៥០មេហ្កាវ៉ាត់។

៦, ក្រុមហ៊ុន បេជីង ហ្វេងហ្គ័ង អ៊ីនហ្វីនីត វីន អេនើជី ឯ.ក វិនិយោគស្ថានីយផលិតអគ្គិសនី ដើរដោយថាមពលខ្យល់ អានុភាព១៥០មេហ្កាវ៉ាត់៕

អត្ថបទ៖ ស៊ីណាត

The post គម្រោងវិនិយោគស្ថានីយផលិតអគ្គិសនី ដើរដោយថាមពលខ្យល់ ៦គម្រោង នឹងវិនិយោគដំបូងនៅខេត្តមណ្ឌលគិរី appeared first on .

បើតាមការចុះផ្សាយពីសារព័ត៌មាន CNA បានបង្ហាញថា គម្រោងថ្មីនេះមានឈ្មោះថា Coastal Virginia Offshore Wind (CVOW) ជារបស់ក្រុមហ៊ុន Dominion Energy ដែលមានទីតាំងនៅចម្ងាយ ៤៣,៥ គីឡូម៉ែត្រ ពីឆ្នេរ Virginia និងជាផែនការរោងចក្រថាមពលខ្យល់ទី៥ ដែលស្ថិតក្រោមការគ្រប់គ្រងរបស់រដ្ឋបាលប្រធានាធិបតី ចូ បៃដិន។

រដ្ឋមន្ត្រីក្រសួងមហាផ្ទៃ លោក Deb Haaland បាននិយាយនៅក្នុងសេចក្តីថ្លែងការណ៍មួយថា ការសម្រេចចិត្តលើគម្រោងថ្មីនេះ គឺបង្ហាញពីការប្តេជ្ញាចិត្តរបស់រដ្ឋាភិបាលចំពោះ “អនាគតថាមពលស្អាត” ដោយវានឹងអាចឆ្លើយតបទៅនឹងវិបត្តិអាកាសធាតុ ក៏ដូចជាការចំណាយលើថាមពលទាប និងបង្កើតការងារថ្មីៗ ផងដែរ។

លោក Deb បានបន្ថែមទៀតថា គម្រោងនេះ ត្រូវបានរំពឹងថានឹងផ្តល់ការងារដល់ពលរដ្ឋរាប់រយនាក់ ទាំងក្នុងដំណាក់កាលសាងសង់ និងប្រតិបត្តិការ ក៏ដូចជាបង្កើតការអភិវឌ្ឍសេដ្ឋកិច្ច ក្នុងតំបន់នោះផងដែរ។

ជម្រាបជូនផងដែរថា សហរដ្ឋអាមេរិកបានកំណត់គោលដៅទាញយកថាមពលពីកម្លាំងខ្យល់ឱ្យបាន ៣០ ជីហ្គាវ៉ាត់ នៅឆ្នាំ ២០៣០ ដែលវាជាផ្នែកមួយនៃគោលដៅទូលំទូលាយរបស់ខ្លួន ក្នុងការប្តេជ្ញាចិត្តកាត់បន្ថយការបំភាយកាបូនមកនៅកម្រិតសូន្យ នៅត្រឹម ២០៥០ និងវិស័យថាមពលគ្មានកាបូន នៅឆ្នាំ ២០៣៥៕

The post លោក ចូ បៃដិន អនុម័តគម្រោងថាមពលខ្យល់ធំបំផុតមិនធ្លាប់មានរបស់អាមេរិក appeared first on .

ជាក់ស្តែងក្រុមហ៊ុនខាងលើបាននិយាយនៅក្នុងសេចក្តីថ្លែងការណ៍មួយ កាលពីថ្ងៃចន្ទថា រោងចក្រថាមពលដើរដោយកម្លាំងខ្យល់ Dong Hai I នេះ នឹងផ្តល់ជូនថាមពលមានកម្លាំងដល់ ១០០ មេហ្គាវ៉ាត់ ជាមួយទួរប៊ីនចំនួន ២៥ នៅតាមបណ្តោយឆ្នេរសមុទ្រ នៃស្រុក Duyen Hai ក្នុងខេត្ត Tra Vinh ប្រទេសវៀតណាម ។

មិនតែប៉ុណ្ណោះ Trungnam បានអះអាងទៀតថា រោងចក្ររបស់ខ្លួនមួយនេះ នឹងអាចរួមចំណែកផ្តល់ជូនថាមពលប្រមាណ ៣៣០ លានគីឡូវ៉ាត់ម៉ោង ក្នុងមួយឆ្នាំ ដើម្បីផ្គត់ផ្គង់នៅក្នុងប្រទេស។

លើសពីនេះ គេហទំព័រផ្លូវការរបស់ក្រុមហ៊ុន Trungnam បាននិយាយថា ពេលនេះពួកគេមានរោងចក្រថាមពលដើរដោយកម្លាំងខ្យល់ចំនួន ៤ ននិងរោងចក្រទាញយកថាមពលពីពន្លឺព្រះអាទិត្យ ចំនួន ៣ នៅក្នុងប្រទេសវៀតណាម ខណ:ក្រុមហ៊ុនគ្រោងនឹងបន្ថែមរោងចក្រ ថាមពលកកើតឡើងវិញ ដែលមានសមត្ថភាពផលិតថាមពល ៣,៨ ជីហ្គាវ៉ាត់ (GW) និងរោងចក្រផលិតឧស្ម័នធម្មជាតិរាវ (LNG) ដែលមានសមត្ថភាពផលិតថាមពល ១,៥ GW នៅឆ្នាំ ២០២៥ ។

បន្ថែមពីនេះ ប្រទេសវៀតណាម បានប្រកាសថាខ្លួន មានគម្រោងបង្កើនសមត្ថភាពផលិតថាមពលពីកម្លាំងខ្យល់ និងថាមពលពីព្រះអាទិត្យទ្វេដង ដល់ចំនួន ៣១ ទៅ ៣៨ GW នៅឆ្នាំ ២០៣០ ៕

ប្រភព: VN Express

The post Trungnam ចាយលុយជាង ២០០ លាន$ ​​បើកដំណើរការរោងចក្រថាមពលខ្យល់ លើសមុទ្រដំបូងគេ នៅវៀតណាម appeared first on .