ទីក្រុងឆ្លាតវៃ

មហាសេដ្ឋីមានបំផុតនៅវៀតណាម គ្រោងចាយលុយជាង ១ពាន់លានដុល្លារ សាងសង់ទីក្រុងឆ្លាតវៃមួយ

ឧកញ៉ាសំពៅ — Thu, 04 Jul 2024 09:00:00 +0000

ក្រុមហ៊ុន Vingroup របស់មហាសេដ្ឋីមានបំផុតនៅវៀតណាម លោក Pham Nhat Vuong មានគម្រោងចាយលុយ ៣៣ទ្រីលានដុង ឬប្រហែល ១,៣ពាន់លានដុល្លារ ដើម្បីសាងសង់ទីក្រុងឆ្លាតវៃ នៅជាយទីក្រុងហាណូយ ក្នុងស្រុក Dong Anh។

យោងតាមការចុះផ្សាយពីសារព័ត៌មាន VNExpress បានឲ្យដឹងថា ក្រុមហ៊ុន Thai Son ដែលជាបុត្រសម្ព័ន្ធរបស់ក្រុមហ៊ុន Vingroup បានឈ្នះការដេញថ្លៃអភិវឌ្ឍន៍គម្រោងមួយនេះ ខណៈមកទល់ពេលនេះ ក្រុមហ៊ុនមិនទាន់បានប្រាប់លំអិតពីផែនការឡើយ សូម្បីតែឈ្មោះទីក្រុងក៏មិនទាន់បញ្ចេញដែរ។

គម្រោងការអភិវឌ្ឍន៍ទីក្រុងឆ្លាតវៃនេះ នឹងធ្វើឡើងនៅលើផ្ទៃដី ២៦៨ហិកតា និងមានបំណងអូសទាញប្រជាជន មកស្នាក់អាស្រ័យចំនួន ៣៨ ៥០០នាក់ ស្របពេលក្រុមហ៊ុនមានរយៈពេលដល់ចុងឆ្នាំ២០៣១ ដើម្បីបញ្ចប់គ្រោងការណ៍មួយនេះ។

សូមជម្រាបបន្ថែមថា គម្រោងសំខាន់មួយទៀតដែល Vingroup កំពុងសម្លឹងមើលនៅទីក្រុង Dong Anh គឺពិព័រណ៍ជាតិ និងតំបន់ទីក្រុង Vinhomes Co Loa ដែលខ្លួនកំពុងស្វែងរកអាជ្ញាប័ណ្ណអភិវឌ្ឍន៍បន្ថែម៕

The post មហាសេដ្ឋីមានបំផុតនៅវៀតណាម គ្រោងចាយលុយជាង ១ពាន់លានដុល្លារ សាងសង់ទីក្រុងឆ្លាតវៃមួយ appeared first on .

ជប៉ុន និងវៀតណាមគ្រោងចាប់ផ្ដើមសាងសង់ទីក្រុងឆ្លាតវៃ ទំនើបបំផុតនៅអាស៊ីអាគ្នេយ៍

ឧកញ៉ាសំពៅ — Fri, 17 Mar 2023 11:24:00 +0000

កាលពីពេលថ្មីៗនេះ ក្រុមហ៊ុនពាណិជ្ជកម្មជប៉ុន Sumitomo Corp និងក្រុមហ៊ុនអភិវឌ្ឍន៍អចលនទ្រព្យវៀតណាម BRG Group បានបង្ហើបឲ្យដឹងថា ពួកគេមានបំណងចង់ចាប់ផ្ដើមដំណើរការសាងសង់ទីក្រុងឆ្លាតវៃហូជីមិញ តម្លៃ ៤,២ពាន់លានដុល្លារនៅឆ្នាំនេះ។

យោងតាមការចុះផ្សាយពី VNExpress បានបង្ហាញថា ប្រធានក្រុមហ៊ុន Sumimoto លោក Shiomi Keigo ចង់ពន្លឿនការសាងសង់គម្រោងមួយនេះ នៅក្នុងឆ្នាំ ២០២៣ ស្របពេលប្រធានក្រុមហ៊ុន BRG អ្នកស្រី Nguyen Thi Nga ក៏បង្ហាញក្ដីសង្ឃឹមដូចគ្នា។

អ្នកស្រីបាននិយាយថា គម្រោងទីក្រុងឆ្លាតវៃមួយនេះ នឹងផ្ដល់នូវដំណោះស្រាយបែបឆ្លាតវៃលើវិស័យថាមពល ចរាចរណ៍ រដ្ឋបាល និងការអប់រំ ខណៈឯកអគ្គរដ្ឋទូតជប៉ុនប្រចាំនៅវៀតណាម Yamada Takio គម្រោងមួយនេះនឹងក្លាយជាជានិមិត្តរូបនៃកិច្ចសហប្រតិបត្តិការរវាងវៀតណាម និងជប៉ុន។

សូមជម្រាបដែរថា គម្រោងទីក្រុងឆ្លាតវៃនេះនឹងលាតសន្ធឹងលើផ្ទៃដី ២៧២ ហិចតា ជាមួយគោលបំណងក្លាយជាទីក្រុងទំនើបបំផុតនៅអាស៊ីអាគ្នេយ៍ និងមានអគារកំពស់រហូតដល់ ១០៨ ជាន់នៅទីនោះផង៕

The post ជប៉ុន និងវៀតណាមគ្រោងចាប់ផ្ដើមសាងសង់ទីក្រុងឆ្លាតវៃ ទំនើបបំផុតនៅអាស៊ីអាគ្នេយ៍ appeared first on .

រដ្ឋាភិបាលត្រៀមផ្ទៃដីជិត៣ម៉ឺនហិកតានៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ

ឧកញ៉ាកោះក្របី — Thu, 17 Jun 2021 01:47:42 +0000

រដ្ឋត្រៀមផ្ទៃដីជិត ៣ម៉ឺនហិកតា នៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ នេះបើតាមក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី១៧ ខែមិថុនា នេះ បានចេញអនុក្រឹត្យស្ដីពីការដាក់ឱ្យប្រើប្រាស់ប្លង់គោលប្រើប្រាស់ដីគម្រោងអភិវឌ្ឍក្រុងបូកគោ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

យោងតាមប្លង់គោលប្រើប្រាស់ដីគម្រោងអភិវឌ្ឍក្រុងបូកគោចក្ខុវិស័យឆ្នាំ២០៣៥ ផ្ទៃដីជិត៣ម៉ឺនហិកតា ដែលមានទីតាំងស្ថិតក្នុងឧទ្យានជាតិព្រះមុនីវង្សបូកគោ នៃភូមិសាស្រ្តខេត្តកំពត ខេត្តព្រះសីហនុ និងខេត្តកំពង់ស្ពឺ នឹងត្រូវយកមកអភិវឌ្ឍន៍ ក្នុងគោលដៅធានាការគ្រប់គ្រង និងអភិវឌ្ឍន៍ក្រុងបូកគោប្រកបដោយចីរភាព។ ផ្ទៃដីនេះស្មើនឹង១៨%នៃផ្ទៃឧទ្យានជាតិព្រះមុនីវង្សបូកគោទំហំជាង១៥ម៉ឺនហិកតា។

គម្រោងអភិវឌ្ឍក្រុងបូកត្រូវបានបែងចែកជា៨ទីតាំងធំៗ ដែលនឹងត្រូវរៀបចំអភិវឌ្ឍន៍ជាទីក្រុងឆ្លាតវៃ និងទេសចរណ៍ប្រវត្តសាស្រ្ត និងធម្មជាតិ។

គួររម្លឹកថា កាលពីខែមីនា ឆ្នាំ២០២១ រាជរដ្ឋាភិបាលកម្ពុជា បានសម្រេចបង្កើតតំបន់បូកគោនៃខេត្តកំពតជាក្រុងបូកគោថ្មីដោយត្រូវកាត់យកឃុំចំនួន ៣ ចេញពីស្រុកទឹកឈូ ខេត្តកំពត គឺឃុំបឹងទូក ឃុំកោះតូច និងឃុំព្រែកត្នោត ដើម្បីឱ្យមានភាពងាយស្រួលក្នុងការគ្រប់គ្រង និងការអភិវឌ្ឍឱ្យកាន់តែមានការរីកចម្រើនបន្ថែមទៀត។

ក្រុងថ្មីនេះនឹងកាន់កាប់ដីប្រហែល៥ភាគរយនៅក្នុងឧទ្យានជាតិបូកគោ ឬប្រហែល ៩.០០០ ហិកតា៕

The post រដ្ឋាភិបាលត្រៀមផ្ទៃដីជិត៣ម៉ឺនហិកតានៅក្រុងបូកគោដើម្បីរៀបចំអភិវឌ្ឍន៍ជាទីក្រុងឆ្លាតវៃ appeared first on .