កាលពីពេលថ្មីៗនេះ ក្រុមហ៊ុនពាណិជ្ជកម្មជប៉ុន Sumitomo Corp និងក្រុមហ៊ុនអភិវឌ្ឍន៍អចលនទ្រព្យវៀតណាម BRG Group បានបង្ហើបឲ្យដឹងថា ពួកគេមានបំណងចង់ចាប់ផ្ដើមដំណើរការសាងសង់ទីក្រុងឆ្លាតវៃហូជីមិញ តម្លៃ ៤,២ពាន់លានដុល្លារនៅឆ្នាំនេះ។
![](https://www.oknha.news/wp-content/uploads/2023/03/tongtheduanthanhphothong805525-5910-9338-1679016919.jpg)
យោងតាមការចុះផ្សាយពី VNExpress បានបង្ហាញថា ប្រធានក្រុមហ៊ុន Sumimoto លោក Shiomi Keigo ចង់ពន្លឿនការសាងសង់គម្រោងមួយនេះ នៅក្នុងឆ្នាំ ២០២៣ ស្របពេលប្រធានក្រុមហ៊ុន BRG អ្នកស្រី Nguyen Thi Nga ក៏បង្ហាញក្ដីសង្ឃឹមដូចគ្នា។
![](https://www.oknha.news/wp-content/uploads/2023/03/brg-group-and-japanese-partner-expand-fujimart-supermarket-chain_1.jpg)
អ្នកស្រីបាននិយាយថា គម្រោងទីក្រុងឆ្លាតវៃមួយនេះ នឹងផ្ដល់នូវដំណោះស្រាយបែបឆ្លាតវៃលើវិស័យថាមពល ចរាចរណ៍ រដ្ឋបាល និងការអប់រំ ខណៈឯកអគ្គរដ្ឋទូតជប៉ុនប្រចាំនៅវៀតណាម Yamada Takio គម្រោងមួយនេះនឹងក្លាយជាជានិមិត្តរូបនៃកិច្ចសហប្រតិបត្តិការរវាងវៀតណាម និងជប៉ុន។
![](https://www.oknha.news/wp-content/uploads/2023/03/20369898_1959644157580344_8444402096469427337_o-1024x722.jpg)
សូមជម្រាបដែរថា គម្រោងទីក្រុងឆ្លាតវៃនេះនឹងលាតសន្ធឹងលើផ្ទៃដី ២៧២ ហិចតា ជាមួយគោលបំណងក្លាយជាទីក្រុងទំនើបបំផុតនៅអាស៊ីអាគ្នេយ៍ និងមានអគារកំពស់រហូតដល់ ១០៨ ជាន់នៅទីនោះផង៕