ទីក្រុងហុងកុងបានធ្លាក់ចុះពីចំណាត់ថ្នាក់លេខ៣ កាលពីឆ្នាំមុនមកកាន់ចំណាត់ថ្នាក់លេខ៤ វិញ ដោយសារតែពាក់កណ្តាលនៃទំនិញ និងសេវាកម្មត្រូវបានកត់ត្រាថាមានតម្លៃថោកជាងមុន។ នេះបើយោងតាមរបាយការណ៍ Global Wealth and Lifestyle របស់ធនាគារ Julius Baer ។

គួរឲ្យដឹងថា របាយការណ៍ Global Wealth and Lifestyle នេះ បានធ្វើការវាយតម្លៃទៅលើតម្លៃនៃការរស់នៅកម្រិតខ្ពស់ នៅក្នុងទីក្រុងធំៗចំនួន២៥ សម្រាប់បុគ្គលដែលមានទ្រព្យសម្បត្តិច្រើន ដែលអាចចំណាយយ៉ាងហោចណាស់ ១លានដុល្លារ។ ចំណាត់ថ្នាក់នេះគឺផ្អែកលើតម្លៃសម្រាប់ទំនិញប្រើប្រាស់ប្រណីតៗ និងសេវាកម្មលំដាប់ខ្ពស់ ដែលត្រូវបានកត់ត្រានៅចន្លោះខែវិច្ឆិកា ដល់ខែមីនាឆ្នាំនេះ។

ហុងកុង​ត្រូវ​បាន​គេ​ចាត់​ទុក​ជា​គោលដៅ​ទិញ​ទំនិញ​ដ៏​មាន​តម្លៃ​ជា​យូរ​មក​ហើយ ប៉ុន្តែ​ក្នុងរយៈពេលប៉ុន្តែខែចុងក្រោយ ការ​លក់​រាយ​ទំនិញ​ប្រណីតរបស់ទីក្រុងនេះ បាន​ស្ថិត​ក្រោម​សម្ពាធ ខណៈ​ពេលដែល​អ្នក​ទេសចរ​ចិន​កំពុង​ងាក​ចេញ​ពី​ម៉ាក​យីហោ​ប្រណីត​បែប​ប្រពៃណី​របស់​អឺរ៉ុប ហើយ​ងាក​មក​ប្រើ​ម៉ាក​យីហោ​ក្នុង​ស្រុកជំនួស​វិញ។

ប៉ុន្តែទោះជាយ៉ាងណាក៏ដោយ ទោះបីជា​មាន​ការ​ធ្លាក់​ចុះ​នៃទីផ្សារ​អចលនទ្រព្យ​ថ្មីៗ​នេះ​ក៏​ដោយ ទីក្រុង​ហុងកុង​នៅ​តែ​ជា​ទីផ្សារ​លំនៅឋាន​ថ្លៃ​បំផុត​ទីពីរ​របស់​ពិភពលោក ដោយតាមពីក្រោយតែប្រទេស​ម៉ូណាកូ​។

មិនតែប៉ុណ្ណោះរបាយការណ៍​នេះ​ ក៏​បាន​រក​ឃើញទៀត​ថា ហុងកុង​នៅ​តែ​ជា​ទីក្រុង​ដែល​ថ្លៃ​បំផុត​សម្រាប់​សេវាកម្ម​ផ្នែក​ច្បាប់ និង​ជាប់​ចំណាត់​ថ្នាក់​ក្នុង​ចំណោម​កន្លែង​ដែល​ថ្លៃ​បំផុត​ដើម្បី​បន្ត​ការ​សិក្សា​ថ្នាក់​អនុបណ្ឌិត​ផ្នែក​រដ្ឋបាល​ពាណិជ្ជកម្ម៕​

The post ហុងកុង ថយចំណាត់ថ្នាក់មកលេខ៤ ជាទីក្រុងរស់នៅថ្លៃបំផុតលើលោក សម្រាប់អ្នកមានៗ appeared first on .

សិង្ហបុរីទទួលបានចំណាត់ថ្នាក់កំពូលតារាងនេះ ជាលើកទីប្រាំបួនហើយ ក្នុងរយៈពេល ១១ ឆ្នាំចុងក្រោយមកនេះ ដោយសារតែកម្រិតតម្លៃខ្ពស់នៅក្នុងសេវាកម្ម និងប្រភេទទំនិញជាច្រើន។

ទន្ទឹមនឹងនេះ សិង្ហបុរី ក៏មានតម្លៃដឹកជញ្ជូនខ្ពស់បំផុតក្នុងពិភពលោកផងដែរ ដោយសារតែការគ្រប់គ្រងយ៉ាងតឹងរ៉ឹងរបស់រដ្ឋាភិបាលទៅលើចំនួននៃការប្រើប្រាស់រថយន្ត។ ហើយទីក្រុងនៅក្នុងតំបន់អាស៊ានមួយនេះ ក៏ស្ថិតក្នុងចំណោមទីក្រុងដែលមានតម្លៃថ្លៃបំផុតសម្រាប់ទំនិញជាច្រើនមុខ ដូចជាសម្លៀកបំពាក់ គ្រឿងទេស និងគ្រឿងស្រវឹងជាដើម។

យោងតាមស្ថាប័ន EIU បានបង្ហាញឲ្យដឹងទៀតថា សម្រាប់ការហក់ឡើងមកឈរនៅលេខ២ របស់ទីក្រុង Zurich គឺត្រូវបានរួមចំណែកដ៏សំខាន់ ដោយសារតែភាពរឹងមាំនៃរូបិយប័ណ្ណហ្វ្រង់ស្វីស និងតម្លៃខ្ពស់សម្រាប់គ្រឿងទេស ទំនិញប្រើប្រាស់ក្នុងផ្ទះ និងការកម្សាន្ត។

ជម្រាបជូនផងដែរថា ទីក្រុងហ្សឺណែវ របស់ប្រទេសស្វីស ជាប់ក្នុងចំណាត់ថ្នាក់លេខ៣ ខណ:ទីក្រុងញូវយ៉ករបស់សហរដ្ឋអាមេរិក ជាប់លេខ៤ ទីក្រុងហុងកុងរបស់ប្រទេសចិន ជាប់ចំណាត់ថ្នាក់លេខ៥ និងទីក្រុង Los Angeles ជាប់ចំណាត់ថ្នាក់លេខ៦ ៕

The post សិង្ហបុរី បន្តឈរកំពូលតារាងក្នុងនាមជាទីក្រុងមានថ្លៃចំណាយជីវភាពខ្ពស់បំផុត លើពិភពលោក appeared first on .