ក្នុងឱកាសនោះ លោក ឃួង ស្រេង ចង់ឱ្យប្រជាពលរដ្ឋនៅទីក្រុងហុងហឺ នៃខេត្តយូណាន នៃសាធារណរដ្ឋប្រជាមានិតចិន មកទេសចរណ៍នៅកម្ពុជាឲ្យបានច្រើន ដោយលោក លើកឡើងថា កម្ពុជាមានតំបន់ទេសចរណ៍ច្រើន មានប្រាសាទបុរាណ នៅតាមខេត្ត ពិសេស នៅខេត្តសៀមរាប ហើយនៅរាជធានីភ្នំពេញ ក៏ជាតំបន់ដែលមានសក្តានុពលខាងផ្នែកទេសចរណ៍ផងដែរព្រោះជាទីក្រុងដែលមានវ័យចំណាស់ និងជាទីក្រុងដែលស្ថិតនៅចំមុខទន្លេមុខបួនថែមទៀត។

ជាការឆ្លើយតប លោកស្រី លូ ភីង បានមើលឃើញថា នៅកម្ពុជាមានតំបន់ទេសចរណ៍ច្រើន លោកស្រី នឹងជួយផ្សព្វផ្សាយ ដើម្បីឱ្យពលរដ្ឋចិន ពិសេសប្រជាពលរដ្ឋនៅទីក្រុងហុងហឺ មកលេងនៅប្រទេសកម្ពុជាឱ្យកាន់តែច្រើនឡើង។ជាមួយគ្នានោះ ភាគីទាំងពីរក៏បានជម្រុញ ក៏ដូចជាសហការ ដើម្បីធ្វើឱ្យវិស័យខាងលើមានដំណើរការកាន់តែល្អប្រសើរ។

គួរឱ្យដឹងផងដែរថា កម្ពុជាទទួលបានភ្ញៀវទេសចរអន្តរជាតិប្រមាណ ៤០ម៉ឺននាក់ នៅក្នុងខែមករា ឆ្នាំ២០២៣នេះ ក្នុងនោះទេសចរចិនមានប្រមាណ ២៥ ០០០នាក់ មានការកើនឡើង៩០០ភាគរយ បើធៀបនឹងរយៈពេលដូចគ្នាក្នុងឆ្នាំ២០២២៕

អត្ថបទ៖ មុន្នី

The post ទីក្រុងហុងហឺ និងរាជធានីភ្នំពេញ ជម្រុញបង្កើនវិស័យទេសចរណ៍រួមគ្នា appeared first on .