ទីក្រុងអ្នកមាន

ទីក្រុងញូវយ៉កជាប់ជាទីក្រុងមានបំផុតលើលោក ប្រមូលផ្ដុំដោយសេដ្ឋីរាប់សែននាក់

ឧកញ៉ាសំពៅ — Mon, 19 Sep 2022 04:01:15 +0000

ទីក្រុងញូវយ៉ក នៃសហរដ្ឋអាមេរិកបានជាប់ជាទីក្រុងមានបំផុតលើពិភពលោក បន្ទាប់ពី Henley & Partners បានធ្វើការស្រាវជ្រាវរកមើលទីក្រុងមានបំផុតទាំង ២០ លើពិភពលោក។ នេះបើតាមការចុះផ្សាយពី Dailymail។

ប្រភពដដែលបានបន្ថែមថា បច្ចុប្បន្នមានមហាសេដ្ឋី ៥៩ នាក់ និងសេដ្ឋី ៣៤៥ ៦០០ នាក់ រាប់បញ្ចូលទាំងបុគ្គលមានទ្រព្យច្រើនជាង ១០០ លានដុល្លារប្រមាណ ៧៣៧ នាក់កំពុងសំងំរស់នៅយ៉ាងមានក្ដីសុខនៅទីក្រុងស្កឹមស្កៃមួយនេះ។

ដោយឡែកសម្រាប់តំណែងលេខ ២ គឺបានមកនៅទីក្រុងតូក្យូ ប្រទេសជប៉ុនដែលមានមហាសេដ្ឋីរស់នៅ ១២ នាក់ និងសេដ្ឋីប្រមាណ ៣០៤ ៩០០ នាក់ ស្របពេលលេខ ៣ គឺទីក្រុង San Francisco និងទីក្រុងឡុងដ៍ជាប់លេខ ៤។

នៅក្នុងទិន្នន័យដែលចេញផ្សាយដោយ Dailymail នោះទៀតសោត ក៏មានទីក្រុងមួយនៅអាស៊ីអាគ្នេយ៍យើងផងដែរ ពោលគឺទីក្រុងសាំងហ្គាពួរជាប់លេខ ៥ ជាទីក្រុងមានបំផុតលើលោក ដោយមានសេដ្ឋីរស់នៅ ២៤៩ ៨០០ នាក់ និងមហាសេដ្ឋី ២៦ នាក់៕

The post ទីក្រុងញូវយ៉កជាប់ជាទីក្រុងមានបំផុតលើលោក ប្រមូលផ្ដុំដោយសេដ្ឋីរាប់សែននាក់ appeared first on .

ប្រទេសនៅអាស៊ីអាគ្នេយ៍មួយ ជាប់ជាជំរកមហាសេដ្ឋីច្រើនបំផុតលើលោកទាំង ១៥ ប្រទេស

ឧកញ៉ាសំពៅ — Mon, 04 Jul 2022 07:26:21 +0000

ទ្រព្យសម្បត្តិមហាសេដ្ឋីពិភពលោកមានការកើនឡើងប្រមាណ ១៧,៨% ឬប្រហែលជិត ១២ ទ្រីលានដុល្លារនៅឆ្នាំ ២០២១ ស្របពេលចំនួនមហាសេដ្ឋីវិញកើន ៣,៣% ឬប្រមាណ ៣ ៣១១ នាក់។ នេះបើតាមរបាយការណ៍ផ្ដល់ឲ្យដោយ Altrata។

ទន្ទឹមនឹងនោះ Thinkadvisor ក៏បានចុះផ្សាយដែរអំពីប្រទេស ១៥ ដែលសំបូរមហាសេដ្ឋីរស់នៅច្រើនបំផុតលើលោក ហើយបើសរុបចំនួនមហាសេដ្ឋីដែលរស់នៅប្រទេសទាំងនោះវិញគឺមានរហូតដល់ ៨១% នៃចំនួនសរុបមហាសេដ្ឋីលើលោក។

ក្នុងចំណោមប្រទេសទាំង ១៥ នោះ ក៏មានប្រទេសមួយនៅអាស៊ីអាគ្នេយ៍ផងដែរ ដែលនោះគឺជាប្រទេសសិង្ហបុរីជាប់ចំណាត់ថ្នាក់លេខ ១៤ នៃបញ្ជីប្រទេសសំបូរមហាសេដ្ឋីរស់នៅច្រើនបំផុតទាំង ១៥ លើលោក។

តទៅនេះគឺជាបញ្ជីឈ្មោះប្រទេសទាំង ១៥ មានមហាសេដ្ឋីរស់នៅច្រើនបំផុត៖

សហរដ្ឋអាមេរិក មានមហាសេដ្ឋីសរុប ៩៧៥ នាក់ ទ្រព្យសម្បត្តិសរុប ៤,៥ ទ្រីលានដុល្លារ
ប្រទេសចិន មានមហាសេដ្ឋីសរុប ៤០០ នាក់ ទ្រព្យសម្បត្តិសរុប ១,៥ ទ្រីលានដុល្លារ
ប្រទេសអាល្លឺម៉ង់ មានមហាសេដ្ឋីសរុប ១៧៦ នាក់ ទ្រព្យសម្បត្តិសរុប ៦០២ ពាន់លានដុល្លារ
ប្រទេសឥណ្ឌា មានមហាសេដ្ឋីសរុប ១២៤ នាក់ ទ្រព្យសម្បត្តិសរុប ៣៨៤ ពាន់លានដុល្លារ
ចក្រភពអង់គ្លេស មានមហាសេដ្ឋីសរុប ១២០ នាក់ ទ្រព្យសម្បត្តិសរុប ២៦៦ ពាន់លានដុល្លារ
ហុងកុង មានមហាសេដ្ឋីសរុប ១១៤ នាក់ ទ្រព្យសម្បត្តិសរុប ២៨៧ ពាន់លានដុល្លារ
ប្រទេសស្វីស មានមហាសេដ្ឋីសរុប ១១១ នាក់ ទ្រព្យសម្បត្តិសរុប ៣៦៥ ពាន់លានដុល្លារ
ប្រទេសរុស្ស៊ី មានមហាសេដ្ឋីសរុប ១០៧ នាក់ ទ្រព្យសម្បត្តិសរុប ៤៧៥ ពាន់លានដុល្លារ
ប្រទេសអារ៉ាប៊ីសាអូឌីត មានមហាសេដ្ឋីសរុប ៧១ នាក់ ទ្រព្យសម្បត្តិសរុប ១៩២ ពាន់លានដុល្លារ
ប្រទេសបារាំង មានមហាសេដ្ឋីសរុប ៦៨ នាក់ ទ្រព្យសម្បត្តិសរុប ២៩៤ ពាន់លានដុល្លារ
ប្រទេសអ៊ីតាលី មានមហាសេដ្ឋីសរុប ៦៨ នាក់ ទ្រព្យសម្បត្តិសរុប ២០៧ ពាន់លានដុល្លារ
ប្រទេសកាណាដា មានមហាសេដ្ឋីសរុប ៦០ នាក់ ទ្រព្យសម្បត្តិសរុប ១៣១ ពាន់លានដុល្លារ
ប្រទេសប្រេស៊ីល មានមហាសេដ្ឋីសរុប ៥២ នាក់ ទ្រព្យសម្បត្តិសរុប ១៥៩ ពាន់លានដុល្លារ
ប្រទេសសិង្ហបុរី មានមហាសេដ្ឋីសរុប ៥០ នាក់ ទ្រព្យសម្បត្តិសរុប ៩៩ ពាន់លានដុល្លារ
ប្រទេសអារ៉ាប់រួម មានមហាសេដ្ឋីសរុប ៤៥ នាក់ ទ្រព្យសម្បត្តិសរុប ១៨១ ពាន់លានដុល្លារ៕

The post ប្រទេសនៅអាស៊ីអាគ្នេយ៍មួយ ជាប់ជាជំរកមហាសេដ្ឋីច្រើនបំផុតលើលោកទាំង ១៥ ប្រទេស appeared first on .

ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២

ឧកញ៉ាដែនដី — Sat, 25 Jun 2022 01:15:53 +0000

ចំណាត់ថ្នាក់ទីក្រុងដែលគួរចង់រស់នៅជាងគេបំផុតលើពិភពលោក ឆ្នាំ២០២២ ត្រូវបានអង្គភាព Economist Intelligence Unit បញ្ចេញជាផ្លូវការហើយ ដែលក្នុងនោះឃើញថា តំបន់អឺរ៉ុបមានចំនួនច្រើនជាងគេ ក្នុងចំណោមកំពូលទីក្រុងល្អបំផុតទាំង១១។ ចង់ដឹងតើមានទីក្រុងណាខ្លះ សូមទស្សនាខាងក្រោមនេះ៖

១. ទីក្រុងវីយែន ៖ ប្រទេសអូទ្រីស

២. ទីក្រុង Copenhagen ៖ ប្រទេសដាណឺម៉ាក

៣. ទីក្រុង Zurich ៖ ប្រទេសស្វីស

៤. ទីក្រុង Calgary ៖ ប្រទេសកាណាដា

៥. ទីក្រុង Vancouver ៖ ប្រទេសកាណាដា

៦. ទីក្រុងហ្សឺណែវ ៖ ប្រទេសស្វីស

៧. ទីក្រុងហ្វ្រែងហ្វើត ៖ ប្រទេសអាល្លឺម៉ង់

៨. ទីក្រុងតូរ៉ុនតូ ៖ ប្រទេសកាណាដា

៩. ទីក្រុង Amsterdam ៖ ប្រទេសហូឡង់

១០. ទីក្រុងអូហ្សាកា ៖ ប្រទេសជប៉ុន និង ទីក្រុង Melbourne ៖ ប្រទេសអូស្ត្រាលី (លេខ១០ ស្ទួន)។

គួរបញ្ជាក់ថា Economist Intelligence Unit (EIU) ជាអង្គភាពមួយក្រោម The Economist ដែលបានធ្វើការចំណាត់ថ្នាក់លើទីក្រុងចំនួន១៧៣ នៅលើពិភពលោក។ ការផ្តល់ចំណាត់ថ្នាក់ខាងលើ គឺ EIU វាយតម្លៃលើកត្តាមួយចំនួនដូចជា ការថែទាំសុខភាព អត្រាឧក្រិដ្ឋកម្ម ស្ថិរភាពនយោបាយ ការអភិវឌ្ឍហេដ្ឋារចនាសម្ព័ន្ធ និងលំហបៃតង ជាដើម៕

ប្រភព៖ CNN_Travel

The post ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២ appeared first on .

ទីក្រុងនៃប្រទេសមួយនៅអាស៊ីអាគ្នេយ៍ជាប់លេខរៀងទី ៥ ជាតំបន់អចលនទ្រព្យថ្លៃបំផុតលើលោក

ឧកញ៉ាសំពៅ — Wed, 20 Apr 2022 10:28:45 +0000

យោងទៅតាមការចុះផ្សាយពី Knight Frank Wealth Report 2022 បានឲ្យដឹងថា បច្ចុប្បន្នលំនៅឋានស៊ីវិល័យគឺកំពុងមានទីផ្សារខ្លាំងនៅឆ្នាំ ២០២១ ហើយវាក៏បានក្លាយជាគោលដៅសំខាន់សម្រាប់ក្រុមបុគ្គលដែលមានចំណូលច្រើនលើសលុបផងដែរ។

ដោយឡែក សម្រាប់តំបន់ដែលហាក់ទទួលបានការពេញនិយមជាងគេលើលោក និងមានតម្លៃថ្លៃលើលោកគឺ មានដូចជា Dubai និង New York ជាដើម សុទ្ធតែជាទីផ្សារអចលនវត្ថុដែលមានតម្លៃថ្លៃមហាសាល និងប្រមូលផ្ដុំទៅដោយមហាសេដ្ឋីកំពុងរស់នៅទីនោះ។

យ៉ាងណា ផ្អែកតាមការស្រាវជ្រាវពីប្រភពខាងលើបានបង្ហាញឲ្យឃើញថា មានទីក្រុងមួយនៅអាស៊ីអាគ្នេយ៍ដែលត្រូវបានចាត់ទុកជាតំបន់អចលនទ្រព្យថ្លៃបំផុតលើលោកផងដែរ ដោយទីក្រុងមួយនោះគឺ សាំងហ្គាពួរនៃប្រទេសសិង្ហបុរី។

មូលហេតុដែលគេលើកឡើងថា សាំងហ្គាពួរជាទីក្រុងអចលនទ្រព្យថ្លៃបំផុតគឺដោយសារ បើអ្នកចាយលុយ ១ លានដុល្លារ នោះអ្នកនឹងទទួលបានដីទំហំត្រឹម ៣៥,៤ ម៉ែត្រការ៉េប៉ុណ្ណោះ។

តទៅនេះ គឺជាបញ្ជីឈ្មោះទីក្រុង ១០ ដែលមានតម្លៃអចលនទ្រព្យថ្លៃបំផុតលើលោក៖

ទីក្រុងម៉ាកាវ ចំណាយលុយ ១ លានដុល្លារ បានដីទំហំ ១៤,៦ ម៉ែត្រការ៉េ
ទីក្រុងហុងកុង ចំណាយលុយ ១ លានដុល្លារ បានដីទំហំ ២១,៣ ម៉ែត្រការ៉េ
ទីក្រុង London ចំណាយលុយ ១ លានដុល្លារ បានដីទំហំ ៣០,៦ ម៉ែត្រការ៉េ
ទីក្រុង New York ចំណាយលុយ ១ លានដុល្លារ បានដីទំហំ ៣៣,៣ ម៉ែត្រការ៉េ
ទីក្រុងសាំងហ្គាពួរ ចំណាយលុយ ១ លានដុល្លារ បានដីទំហំ ៣៥,៤ ម៉ែត្រការ៉េ
ទីក្រុង Geneva ចំណាយលុយ ១ លានដុល្លារ បានដីទំហំ ៣៧,១ ម៉ែត្រការ៉េ
ទីក្រុង Sydney ចំណាយលុយ ១ លានដុល្លារ បានដីទំហំ ៤១,៤ ម៉ែត្រការ៉េ
ទីក្រុងសៀងហៃ ចំណាយលុយ ១ លានដុល្លារ បានដីទំហំ ៤២ ម៉ែត្រការ៉េ
ទីក្រុង Los Angeles ចំណាយលុយ ១ លានដុល្លារ បានដីទំហំ ៤២,២ ម៉ែត្រការ៉េ
ទីក្រុង Paris ចំណាយលុយ ១ លានដុល្លារ បានដីទំហំ ៤២,៣ ម៉ែត្រការ៉េ៕

ប្រភព: CNALuxury

The post ទីក្រុងនៃប្រទេសមួយនៅអាស៊ីអាគ្នេយ៍ជាប់លេខរៀងទី ៥ ជាតំបន់អចលនទ្រព្យថ្លៃបំផុតលើលោក appeared first on .

ទីក្រុងញ៉ូវយ៉ករបូតតំណែងលេខ ១ បាត់ហើយ ក្រោយក្រុងប៉េកាំងរបស់ចិនទម្លាក់ ក្លាយជាទីក្រុងមានមហាសេដ្ឋីរស់នៅច្រើនបំផុត

ឧកញ៉ាសំពៅ — Thu, 16 Sep 2021 03:06:53 +0000

កាលពីឆ្នាំទៅទីក្រុងញ៉ូវយ៉ក គឺជាប់ឈ្មោះជាទីក្រុងមានមហាសេដ្ឋីរស់នៅច្រើនបំផុតលើលោក ខណៈបច្ចុប្បន្នធ្លាក់មកលេខ ២ បន្ទាប់ពីអត្រាកំណើនមហាសេដ្ឋីមានការកើនឡើងខ្លាំងនៅទីក្រុងប៉េកាំង។

យោងតាមការចុះផ្សាយពីសារព័ត៌មាន Forbes ទីក្រុងប៉េកាំងបានផ្ដួលញ៉ូវយ៉កជាផ្លូវការក្នុងនាមជាទីក្រុងមានមហាសេដ្ឋីរស់នៅច្រើនបំផុត ពោលគឺមានចំនួន ១០០ នាក់ ខណៈទីក្រុងរបស់សហរដ្ឋអាមេរិកមានចំនួន ៩៩ នាក់។

គិតពីឆ្នាំ ២០២០ មក ចំនួនមហាសេដ្ឋីនៅទីក្រុងប៉េកាំងមានការកើនឡើងរហូត ៣៣ នាក់ ខណៈបើគិតទ្រព្យសម្បត្តិរួមរបស់មហាសេដ្ឋីទាំង ១០០ នាក់វិញ គឺ មានប្រមាណ ៤៨៤,៣ ពាន់លានដុល្លារ ស្របពេលនៅញ៉ូវយ៉កមានការកើនឡើង ៧ នាក់ប៉ុណ្ណោះ តែបើគិតទ្រព្យសម្បត្តិរួមទាំង ៩៩ នាក់គឺមានរហូតដល់ ៥៦០,៥ ពាន់លានដុល្លារឯណោះ។

ដោយឡែក BBC ក៏បានរាយការណ៍ដែរថា នេះគឺជាលើកដំបូងដែលទីក្រុងញ៉ូវយ៉ករបូតតំណែងលេខ ១ សម្រាប់ទីក្រុងមានមហាសេដ្ឋីរស់នៅ ដ្បិតរយៈពេល ៧ ឆ្នាំកន្លងមកនេះ ទីក្រុងអ្នកមានជាងគេលើលោក កាន់តំណែងមួយនេះជាប់ៗគ្នាហើយ។

ខាងក្រោមគឺជាបញ្ជីទីក្រុងទាំង ១០ ដែលមានមហាសេដ្ឋីរស់នៅច្រើនជាងគេលើលោក៖

Beijing (មានមហាសេដ្ឋីរស់នៅ ១០០ នាក់ ជាមួយទំហំទ្រព្យសរុប ៤៨៤,៣ ពាន់លានដុល្លារ)
New York City (មានមហាសេដ្ឋីរស់នៅ ៩៩ នាក់ ជាមួយទំហំទ្រព្យសរុប ៥៦០,៥ ពាន់លានដុល្លារ)
Hong Kong (មានមហាសេដ្ឋីរស់នៅ ៨០ នាក់ ជាមួយទំហំទ្រព្យសរុប ៤៤៨,៤ ពាន់លានដុល្លារ)
Moscow (មានមហាសេដ្ឋីរស់នៅ ៧៩ នាក់ ជាមួយទំហំទ្រព្យសរុប ៤២០,៦ ពាន់លានដុល្លារ)
Shenzhen (មានមហាសេដ្ឋីរស់នៅ ៦៨ នាក់ ជាមួយទំហំទ្រព្យសរុប ៤១៥,៣ ពាន់លានដុល្លារ)
Shanghai (មានមហាសេដ្ឋីរស់នៅ ៦៤ នាក់ ជាមួយទំហំទ្រព្យសរុប ២៥៩,៦ ពាន់លានដុល្លារ)
London (មានមហាសេដ្ឋីរស់នៅ ៦៣ នាក់ ជាមួយទំហំទ្រព្យសរុប ៣១៦,១ ពាន់លានដុល្លារ)
Mumbai (មានមហាសេដ្ឋីរស់នៅ ៤៨ នាក់ ជាមួយទំហំទ្រព្យសរុប ២៦៥ ពាន់លានដុល្លារ)
San Francisco (មានមហាសេដ្ឋីរស់នៅ ៤៨ នាក់ ជាមួយទំហំទ្រព្យសរុប ១៩០ ពាន់លានដុល្លារ)
Hangzhou (មានមហាសេដ្ឋីរស់នៅ ៤៧ នាក់ ជាមួយទំហំទ្រព្យសរុប ២៦៩,២ ពាន់លានដុល្លារ)៕

ប្រភព: therichest

The post ទីក្រុងញ៉ូវយ៉ករបូតតំណែងលេខ ១ បាត់ហើយ ក្រោយក្រុងប៉េកាំងរបស់ចិនទម្លាក់ ក្លាយជាទីក្រុងមានមហាសេដ្ឋីរស់នៅច្រើនបំផុត appeared first on .

មហាសេដ្ឋី Marc Lore បង្កើតគម្រោងយក្ស ចង់សាងសង់ទីក្រុងថ្មី សម្រាប់រស់នៅថ្ងៃអនាគត

ឧកញ៉ាសំពៅ — Wed, 15 Sep 2021 07:11:49 +0000

កាលពីដើមឆ្នាំនេះ លោក Marc Lore បានប្រកាសលាលែងពីតំណែងជានាយកប្រតិបត្តិនៅ Walmart បន្ទាប់ពីកាន់កាប់អស់រយៈពេល ៤ ឆ្នាំ ដោយបច្ចុប្បន្នស្ថាបនិកក្រុមហ៊ុន Jet.com កំពុងចង់ងាកមកបង្កើតគម្រោងយក្សមួយសម្រាប់ប្រជាជននាថ្ងៃអនាគត។

គម្រោងដែលមហាសេដ្ឋីនេះ ចង់បង្កើតនោះគឺ ការសាងសង់ទីក្រុងថ្មីមួយ ឬអាចហៅថាទីក្រុងសិប្បនិមិត្ត សម្រាប់ប្រជាជននាថ្ងៃអនាគត ដែលគម្រោងនេះត្រូវបានគេស្គាល់ថាមានឈ្មោះ ទីក្រុង Telosa។

ក្រុមហ៊ុនដែលរ៉ាប់រងការសង់ទីក្រុងទំនើបនេះគឺ Bjarke Ingels Group។ ដោយសារលោក Marc ចង់បង្កើតទីក្រុងបែបធម្មជាតិ ដូច្នេះទីតាំងនៃការសាងសង់ អាចនឹងស្ថិតនៅលើវាលខ្សាច់ ខណៈទីតាំងជាក់លាក់មិនទាន់បានសម្រេចយកជាផ្លូវការនៅឡើយ ដោយបច្ចុប្បន្នមានទីតាំងសំខាន់ៗប្រមាណ ៥ ដែលក្រុមហ៊ុនកំពុងពិចារណាដូចជា Utah, Texas, Idaho, Arizona និង Nevada ជាដើម។

ដោយឡែក បើយោងតាម CNN Business បានរាយការណ៍ឲ្យដឹងដែរថា ការសាងសង់នៃគម្រោង Telosa នឹងទទួលបានការបណ្ដាក់ទុនពីច្រើនប្រភពដូចជា វិនិយោគិនឯកជន ក្រុមហ៊ុនអភិវឌ្ឍន៍សេដ្ឋកិច្ច រហូតដល់ថ្នាក់ដឹកនាំប្រចាំប្រទេសថែមទៀត។

គម្រោងដំបូងនៃការសាងសង់ នឹងចំណាយអស់ប្រមាណ ២៥ ពាន់លានដុល្លារ តែនៅពេល Telosa បញ្ចប់ការសាងសង់ជាស្ថាពរ ទីក្រុងនាថ្ងៃអនាគតនឹងពោរពេញទៅដោយមនុស្សប្រមាណ ៥ ពាន់លាននាក់ ខណៈតម្លៃនៃទីក្រុងនៃអាចនឹងឈានដល់ ៤០០ ពាន់លានដុល្លារឯណោះ។

បញ្ជាក់ដែរថា បើតាមការអះអាងពីក្រុមហ៊ុនសាងសង់ បានឲ្យដឹងថា ទីក្រុងអនាគតមួយនេះនឹងអាចបើកទ្វារទទួលប្រជាជនចូលមកនៅតំបូងបង្អស់នៅដើមឆ្នាំ ២០៣០ ខាងមុខ៕

ប្រភព: therichest

The post មហាសេដ្ឋី Marc Lore បង្កើតគម្រោងយក្ស ចង់សាងសង់ទីក្រុងថ្មី សម្រាប់រស់នៅថ្ងៃអនាគត appeared first on .

ទីក្រុងអ្នកមាន

ទីក្រុងញូវយ៉កជាប់ជាទីក្រុងមានបំផុតលើលោក ប្រមូលផ្ដុំដោយសេដ្ឋីរាប់សែននាក់

ប្រទេស​នៅ​អាស៊ីអាគ្នេយ៍​មួយ ជាប់​ជា​ជំរក​មហាសេដ្ឋី​ច្រើន​បំផុត​លើ​លោក​ទាំង ១៥ ប្រទេស

ចំណាត់ថ្នាក់ទីក្រុង ដែលគួរឱ្យចង់រស់នៅជាងគេបំផុតលើពិភពលោកទាំង១១ ឆ្នាំ២០២២

ទីក្រុង​នៃ​ប្រទេស​មួយ​នៅ​អាស៊ីអាគ្នេយ៍​ជាប់​លេខរៀង​ទី ៥ ជា​តំបន់​អចលនទ្រព្យ​ថ្លៃ​បំផុត​លើ​លោក

មហាសេដ្ឋី ​Marc Lore បង្កើត​គម្រោង​យក្ស ចង់​សាងសង់​ទីក្រុង​ថ្មី​ សម្រាប់​រស់នៅថ្ងៃអនាគត

ប្រទេសនៅអាស៊ីអាគ្នេយ៍មួយ ជាប់ជាជំរកមហាសេដ្ឋីច្រើនបំផុតលើលោកទាំង ១៥ ប្រទេស

ទីក្រុងនៃប្រទេសមួយនៅអាស៊ីអាគ្នេយ៍ជាប់លេខរៀងទី ៥ ជាតំបន់អចលនទ្រព្យថ្លៃបំផុតលើលោក

មហាសេដ្ឋី Marc Lore បង្កើតគម្រោងយក្ស ចង់សាងសង់ទីក្រុងថ្មី សម្រាប់រស់នៅថ្ងៃអនាគត