លោក អិល ឈិញ ប្រធានសមាគមដំឡូងមីខ្មែរ បានឱ្យដឹងថា ទីផ្សារនាំចេញកាលពីឆ្នាំ២០២៣មានការសិក្សាច្រើនតែមិនទាន់មានលទ្ធផលល្អនៅឡើយទេ រហូតមកដល់ពេលនេះដំឡូងមីឡើងតម្លៃខ្ពស់ ដូច្នេះការបញ្ជាទិញទៅក្រៅប្រទេសដូចជាទៅចិនមានការស្ងាត់។ប៉ុន្តែសម្រាប់ប្រទេសដែលជាខ្នងបង្អែករឹងមាំក្នុងការបញ្ជាទិញដំឡូងមីពីកម្ពុជារហូត គឺមានប្រទេសវៀតណាម និងថៃ ព្រោះប្រទេសយើងដៃខ្លី មានទាន់អាចលក់ដូរផលិតផលទៅកាន់ពិភពលោកបានទេ។

លោកបន្តថា ហើយទីផ្សារដែលយើងលក់រាល់ថ្ងៃទៅកាន់២ប្រទេសនេះ ទីផ្សារទៅខាងវៀតណាមអាចមានច្រើនជាងនៅខាងប្រទេសថៃ ដោយទីផ្សារទៅខាងថៃយើងលក់បានតែតំបន់ព្រំដែនជាប់ប្រទេសថៃទេ ដូចជាឧត្តរមានជ័យ បន្ទាយមានជ័យ បាត់ដំបង ប៉ៃលិន ដោយមានឡានថៃចូលមកយកដោយផ្ទាល់ ហើយឡានថៃមួយចំនួនក៏អាចយកដំឡូងមីដល់ខេត្តសៀមរាបផងដែរ។ប៉ុន្តែបើការលក់ដូរទៅខាងប្រទេសវៀតណាមវិញ ឡានវៀតណាមអាចចូលរហូតមកដល់ខេត្តឧត្តរមានជ័យ ខេត្តបាត់ដំបងដែរ ដូច្នេះមានន័យថាទីផ្សារទៅវៀតណាមច្រើនជាង។

លោកបន្ថែមទៀតថា ហើយការនាំចេញនេះនៅមិនទាន់គ្រប់គ្រាន់តាមតម្រូវការគេនៅឡើយ មានន័យថាមួយថ្ងៃ តាមលានទិញមួយមានឡានដប់គ្រឿងមកដឹកដំឡូង យើងបានដំឡូងឱ្យគេត្រឹមតែ៣ទៅ៤គ្រឿងប៉ុណ្ណោះ។

បើតាមលោក អិល ឈិញ នៅដើមឆ្នាំ២០២៤នេះ ដំឡូងនៅមិនទាន់អាចធ្លាក់ថ្លៃនៅក្រោម៣០០រៀលទេ ព្រោះនៅប្រទេសថៃខ្វះដំឡូង ដោយសារកសិករថៃអំឡុងពេលប្រែប្រួលអាកាសធាតុបានបាត់បង់ទិន្នផលមួយចំនួន ដូច្នេះថៃនៅតែទទួលការទិញច្រើនជាងឆ្នាំមុនៗ។ដើមឆ្នាំនេះ ការចាប់ទិញដំបូងតម្លៃចន្លោះពី៣៥០រៀល ទៅ ៣៧០រៀលសម្រាប់ដំឡូងមីស្រស់នៅខាងខេត្តប៉ែកខាងជើង (ដូចជា ខេត្តឧត្តរមានជ័យ បន្ទាយមានជ័យជាដើម)ចំណែកខាងកំពង់ចាម ស្ទឹងត្រែង ក្រចេះ មានតម្លៃ ៥១០ទៅ៥២០ សម្រាប់ដំឡូងមីក្រៀមមិនទាន់មានតម្លៃខ្ពស់ជាងឆ្នាំមុនៗនោះទេ ពោលខ្ទង់៧៨០ទៅ៧៥០រៀលក្នុងមួយគីឡូក្រាម។

សូមជម្រាបជូនថា ឆ្នាំ២០២៣ កម្ពុជាសម្រេចបានការនាំចេញដំឡូងមីសរុបជាង៣លានតោន។ក្នុងនោះ ចំណិតដំឡូងមីក្រៀមប្រមាណ ១ ២៨ ៩៧៣៩.០៤តោន ថយចុះ៣៧.៦៤% ,ដំឡូងមីស្រស់១ ៩៦ ១៣៧៥.០០តោន កើនឡើង២៦.៥១% , និងម្សៅដំឡូងមីប្រមាណ ៣៦ ២៥៦.៨០តោន ថយចុះ៤៥.៣៩% បើធៀបនឹងឆ្នាំ២០២២៕

The post វៀតណាម និងថៃនៅតែជាប្រទេសខ្នងបង្អែករឹងមាំក្នុងការទទួលទិញដំឡូងមីពីកម្ពុជា appeared first on .

លោក អិល ឈិញ បានឱ្យដឹងថា ចំពោះការដាំដំឡូងមីនៅកម្ពុជាមានការរីកចម្រើនខ្លាំង បើគិតមកដល់បច្ចុប្បន្ន ផ្ទៃដីដាំដុះដំឡូងមីអាចចន្លោះពី៦០ម៉ឺនទៅ៨០ម៉ឺនហិកតា ដោយសារមានទីផ្សារល្អ។ម្យ៉ាងទៀត ក៏មានការរីកចម្រើនអំពីការដាំដុះដំឡូងមី ដោយសារកាលពីមុនយើងដាំតាមលក្ខណៈតាមទំនៀមទម្លាប់វាទទួលទិន្នផលទាប ប្រជាជនភាគច្រើនមានការបាត់បង់ ដល់ពេលបច្ចុប្បន្ននេះមានសមាគម និងសហគមន៍ផ្សេងៗទៀតជួយគាំទ្រកសិករ ណែនាំពីបច្ចេកទេសនៃការដាំដុះ នាំឱ្យកសិករដាំដុះដំឡូងមីបានទិន្នផលប្រសើរជាងមុន។

លោកបន្តថា នៅដើមឆ្នាំ២០២៤នេះ ដំឡូងនៅមិនទាន់អាចធ្លាក់ថ្លៃនៅក្រោម៣០០រៀលទេ ព្រោះនៅប្រទេសថៃខ្វះដំឡូង ដោយសារកសិករថៃអំឡុងពេលប្រែប្រួលអាកាសធាតុបានបាត់បង់ទិន្នផលមួយចំនួន ដូច្នេះថៃនៅតែទទួលការទិញច្រើនជាងឆ្នាំមុនៗ។ដើមឆ្នាំនេះ ការចាប់ទិញដំបូងតម្លៃចន្លោះពី៣៥០រៀល ទៅ ៣៧០រៀលសម្រាប់ដំឡូងមីស្រស់នៅខាងខេត្តប៉ែកខាងជើង (ដូចជា ខេត្តឧត្តរមានជ័យ បន្ទាយមានជ័យជាដើម)ចំណែកខាងកំពង់ចាម ស្ទឹងត្រែង ក្រចេះ មានតម្លៃ ៥១០ទៅ៥២០ សម្រាប់ដំឡូងមីក្រៀមមិនទាន់មានតម្លៃខ្ពស់ជាងឆ្នាំមុនៗនៅឡើយទេ ពោលខ្ទង់៧៨០ទៅ៧៥០រៀលក្នុងមួយគីឡូក្រាម។

លោកបានបន្តទៀតថា សម្រាប់ទីផ្សារនាំចេញនៅឆ្នាំ២០២៣មានការសិក្សាច្រើនតែមិនទាន់មានលទ្ធផលល្អនៅឡើយទេ រហូតមកដល់ពេលនេះដំឡូងមីឡើងតម្លៃខ្ពស់ ដូច្នេះការបញ្ជាទិញទៅក្រៅប្រទេសដូចជាទៅចិនមានការស្ងាត់។សម្រាប់ប្រទេសដែលជាខ្នងបង្អែករឹងមាំក្នុងការបញ្ជាទិញដំឡូងមីពីកម្ពុជារហូតគឺមានប្រទេសវៀតណាម និងថៃ ព្រោះប្រទេសយើងដៃខ្លី មានទាន់អាចលក់ដូរផលិតផលទៅកាន់ពិភពលោកបានទេ។ហើយការនាំចេញនេះនៅមិនទាន់គ្រប់គ្រាន់តាមតម្រូវការគេនៅឡើយទេ មានន័យថាមួយថ្ងៃ តាមលានទិញមួយមានឡានដប់គ្រឿងមកដឹកដំឡូង យើងបានដំឡូងឱ្យគេត្រឹមតែ៣ទៅ៤គ្រឿងប៉ុណ្ណោះ។

បើតាមប្រធានសមាគមដំឡូងមីខ្មែរ បានបញ្ជាក់ថាគោលនយោបាយរបស់រាជរដ្ឋាភិបាលដែលបានដាក់ចេញធ្វើឱ្យមានរោងចក្រមួយចំនួនចាប់ផ្តើមបង្កើតឡើងហើយនិងមានអ្នកវិនិយោគមួយចំនួនត្រៀមឬក៏បានពិភាក្សាជាមួយសមាគមជាហូហែរហើយក្នុងការនាំចេញដំឡូងមីទៅចិន ជប៉ុន តែយើងមិនទាន់មានដំណើរការល្អនៅឡើយទេ ស្ថិតនៅក្នុងការពិភាក្សានិងជជែកគ្នាអំពីវិធីសាស្រ្តក្នុងការប្រមូលទិញ ការពិនិត្យដំឡូងមីស្អាត ហើយនិងច្រកចេញនៅឡើយ។

សូមបញ្ជាក់ថា ក្នុងឆ្នាំ២០២៣ កម្ពុជាសម្រេចបានការនាំចេញកសិផលសរុបជិត ៨.៥លានតោន គិតជាទឹកប្រាក់ជិត៤.៥ពាន់លានដុល្លារ ថយចុះ១.៩០%។ក្នុងនោះ កម្ពុជានាំចេញចំណិតដំឡូងមីក្រៀមប្រមាណ ១ ២៨ ៩៧៣៩.០៤តោន ថយចុះ៣៧.៦៤% ,ដំឡូងមីស្រស់១ ៩៦ ១៣៧៥.០០តោន កើនឡើង២៦.៥១% , និងម្សៅដំឡូងមីប្រមាណ ៣៦ ២៥៦.៨០តោន ថយចុះ៤៥.៣៩% បើធៀបនឹងឆ្នាំ២០២២៕

The post ទីផ្សារដំឡូងមីស្រស់នៅដើមឆ្នាំ២០២៤ មានតម្លៃខ្ពស់ជាងឆ្នាំ២០២៣ appeared first on .

បើលោក ឈៀង សុខវណ្ណនី បានឱ្យដឹងថា តម្លៃដំឡូងមីបច្ចុប្បន្នមានភាពល្អប្រសើរជាងឆ្នាំទៅ ដែលឆ្នាំមុន អំឡុងខែកក្កដា ដំឡូងមីស្រស់មានតម្លៃ២១០ ទៅ២២០រៀលក្នុងមួយគីឡូក្រាម ប៉ុន្តែឆ្នាំនេះមានតម្លៃ៣១០ទៅ៣២០រៀល ក្នុងមួយគីឡូក្រាម។សម្រាប់ដំឡូងក្រៀម មានតម្លៃចន្លោះពី៧០០ទៅ៧៥០រៀល ក្នុងមួយគីឡូក្រាម។ចំណែកទីផ្សារនាំចេញក្រៅស្រុកទៅកាន់ប្រទេសវៀតណាម និងថៃក៏មានតម្រូវការផងដែរ។

លោកបន្តថា ភាពល្អប្រសើរទាំងនេះហើយ ដែលជម្រុញប្រជាកសិករដែលផលិតបានហើយ មិនបារម្ភពីរឿងទីផ្សារ ព្រោះវិស័យដំឡូងមីល្អប្រសើរខ្លាំង ដោយផ្អែកលើសេដ្ឋកិច្ចវិស័យកសិកម្មជាវិស័យអទិភាព។

លោកក៏បានបន្តទៀតថា ម្យ៉ាងទៀតក៏មកពីការដាំមានលក្ខណៈជាសមាគមសម្រាប់នាំចេញផងដែរ ដោយបច្ចុប្បន្នសមាគមកសិករដំឡូងមីកម្ពុជាមានសមាជិក កសិករដាំប្រមាណជាង២ពាន់នាក់។សមាគមបានជួយជម្រុញការផលិតរបស់ប្រជាពលរដ្ឋឱ្យមានបច្ចេកទេសក្នុងការដាំដុះពីប្រពៃណីមកដាំលក្ខណៈបច្ចេកទេសវិញ ដើម្បីឱ្យមានចំណូលខ្ពស់ ក្នុងការនាំចេញទៅក្រៅប្រទេស ឬក្នុងស្រុក និងតាមបណ្តារោងចក្រនានា។

សមាគមកសិករដំឡូងមីខ្មែរមាននាទីខ្ពស់ក្នុងការជួយជម្រុញក្នុងការផលិតផល និងការនាំចេញ ឱ្យមានអតិផរណាល្អផងដែរ។ម្យ៉ាងវិញទៀត ក៏ចូលរួមចំណែកជាមួយរាជរដ្ឋាភិបាលក្នុងការអភិវឌ្ឍប្រទេសឱ្យសមស្រមទៅតាមគោលនយោបាយយុទ្ធសាស្រ្តចតុកោណ ហើយជម្រុញធ្វើឱ្យប្រសើរឡើងថែមទៀតគ្រប់សង្វាក់ផលិតកម្មដំឡូងមី ដើម្បីធានាថាឱ្យមុខរបរមួយនេះមានការអភិវឌ្ឍនិរន្តរភាព និងបង្កើតប្រាក់ចំណូលបន្ថែមដល់សមាជិកសមាជិកា និងកសិករដាំដំឡូងមី។ជាពិសេស ការជម្រុញដល់ការកែច្នៃដំឡូងមីជាសិប្បកម្មខ្នាតតូច មធ្យមរបស់ប្រជាកសិករ ឱ្យមានការរីកចម្រើនខ្ពស់ និងយល់ដឹងផ្នែកបច្ចេកទេសដាំដុះនិងការនាំចេញដំឡូងមីឱ្យសមស្របទៅតាមទីផ្សារបច្ចុប្បន្នផងដែរ។

គួរឱ្យដឹងថា កម្ពុជាមានផ្ទៃដីដំឡូងមីប្រមាណ៦សែនហិកតា រួមមានខេត្តបាត់ដំបង ខេត្តបន្ទាយមានជ័យ ប៉ៃលិន ឧត្តរមានជ័យ សៀមរាប ព្រះវិហារ កំពង់ធំ កំពង់ចាម ត្បូងឃ្មុំ ស្ទឹងត្រែង រតនគិរី មណ្ឌលគិរីជាដើម។ក្នុងនោះ ប្រទេសដែលទិញដំឡូងពីកម្ពុជាច្រើនជាងគេគឺប្រទេសថៃ និងវៀតណាម។(នេះបើតាមការបញ្ជាក់បន្ថែមពីលោក ឈៀង សុខវណ្ណនី)

សូមជម្រាបផងដែរថា កម្ពុជា​បាន​នាំចេញ​ផលិតផល​ដំឡូង​មី​ប្រមាណ​ជិត ​១,២ ​លាន​តោន ​ទៅកាន់​ប្រទេស​វៀតណាម និង​ប្រទេស​ថៃ ក្នុង​រយៈពេល​ ៥ ​ខែ ចាប់ពី​ខែមករា ដល់​ឧសភា ឆ្នាំ​ ២០២៣ ក្នុងនោះ ប្រទេស​វៀតណាម​ជិត ​៣៥​ ម៉ឺន​តោន និង​ប្រទេស​ថៃ ជិត​ ៨៣ ​ម៉ឺន​តោន​៕

The post អនុប្រធានសមាគមកសិករដំឡូងមីខ្មែរ៖ ដំឡូងមីឆ្នាំនេះ មានភាពល្អប្រសើរជាងឆ្នាំទៅ ធ្វើឱ្យកសិករផលិតមិនបារម្ភរឿងទីផ្សារ appeared first on .

លោក ឈុន វណ្ណារិទ្ធី បានឱ្យដឹងថា ទីផ្សារដំឡូងមីនៅដើមឆ្នាំ២០២៣នេះ មានភាពល្អប្រសើរជាងឆ្នាំមុន ដែលធ្វើឱ្យកសិករមានក្តីសង្ឈឹមច្រើន ពោលតម្លៃ ៨៦០រៀល ទៅ៨៧០រៀលក្នុង១គីឡូក្រាម សម្រាប់ដំឡូងមីក្រៀម ដោយកាលឆ្នាំ២០២២ មានតម្លៃត្រឹមតែ ៨៤០រៀលក្នុង១គីឡូក្រាម ។ ចំណែកឯដំឡូងមីស្រស់ដោយកាលឆ្នាំ២០២២ ក្រោម៣០០រៀលក្នុង១គីឡូក្រាម នៅឆ្នាំ២០២៣នេះ តម្លៃ ៣៥០រៀល ទៅ ៣៦០រៀលក្នុង១គីឡូក្រាម មានការកើនឡើងជិត១០០រៀល ក្នុង១គីឡូ។
ដោយឡែក សម្រាប់ការនាំចេញ លោក បានឱ្យដឹងថា ភាគច្រើនគឺនាំទៅកាន់ប្រទេសថៃច្រើនជាងគេ ព្រោះជាទីតាំងជិតជាងការនាំចេញទៅប្រទេសផ្សេងៗ និងការនាំចេញទៅក្រុមហ៊ុនចំណីសត្វមួយចំនួននៅក្នុងតំបន់ផងដែរ។

ម្ចាស់ចំការដំឡូងមីរូបនេះ បានឱ្យដឹងទៀតថា កសិករនៅស្រុកអន្លង់វែង ស្ទើប្រមាណ៩០ភាគរយងាកមកប្រកបដាំដំឡូងមី ដោយសារមើលឃើញថា ទីផ្សារដំឡូងមីបច្ចុប្បន្នកំពុងតែមានភាពល្អប្រសើរទៅៗ ជាប្រភពចំណូលដ៏សំខាន់មួយ ដែលពីមុនភាគច្រើនកសិករមានកម្រិតគ្រួសារមធ្យម និងខ្វះខាត ប៉ុន្តែមកដល់បច្ចុប្បន្ន អ្នកដែលមានជីវភាពធូរធារ ប្រែមកចាប់អារម្មណ៍នៅការដំដំឡូងមីនេះផងដែរ។ តួយ៉ាងចំពោះលោកផ្ទាល់ ក្នុងមួយរដូវប្រមូលដំឡូងមី អាចទទួលបានការចំណេញចាប់ពី ១ ២០០ដុល្លារ ទៅ ១ ៣០០ដុល្លារ ក្នុង១ហិកតា អាស្រ័យការថែទាំ។
លោក បានលើកឡើងបន្តថា ថ្វីត្បិតតែនៅឆ្នាំ២០២៣នេះ ទីផ្សារដំឡូងមីមានតម្លៃខ្ពស់ជាងឆ្នាំទៅពិតមែន ប៉ុន្តែ បើងាកមើលតម្លៃជី ប្រេង ថ្នាំ គឺមិនមានការរក្សាថេរ ឬថយចុះឡើយ ពោលគឺកាន់តែកើនឡើង ធ្វើឱ្យផលចំណេញមិនសូវលើសពីឆ្នាំ២០២២ប៉ុន្មានទេ។ ចំពោះឆ្នាំ២០២១ និង២០២២ តម្លៃដំឡូងមីមិនសូវបានថ្លៃពិតមែន ប៉ុន្តែប្រេង ថ្នាំ ជី អាចទទួលយកបានសមាមាត្រទៅនឹងផលចំណេញ។

លោក ឈុន វណ្ណារិទ្ធី បានគូសបញ្ជាក់ថា «សម្រាប់លោកផ្ទាល់ ទីផ្សារតម្លៃដំឡូងមីសព្វថ្ងៃគឺអាច ទទួលយកបានល្អប្រសើរ ប៉ុន្តែអ្វីដែលលោកចង់បាននោះគឺ សុំឱ្យតម្លៃជី ថ្នាំ ប្រេង មានការបញ្ចុះតម្លៃដូច ឆ្នាំមុន ៗ ឬកុំឱ្យមានការឡើងជាងហ្នឹងទៀត»៕

The post កសិករនៅស្រុកអន្លង់វែង៖ ដើមឆ្នាំ២០២៣ទីផ្សារដំឡូងមីល្អប្រសើរ ប៉ុន្តែ ជី និងប្រេង ឡើងថ្លៃជាងឆ្នាំមុន appeared first on .