នៅអំឡុងពេលបិទការជួញដូរចុងក្រោយ នៅថ្ងៃទី២៦ ខែវិច្ឆិកា តម្លៃមាសអន្តរជាតិបានហក់ឡើង ៣២ដុល្លារ ដល់ចំនួនសរុប ៤ ១៦២ដុល្លារ ក្នុងមួយអោន។ ពីមុនតម្លៃមាសបានកើនឡើងដល់ ៤ ១៧០ដុល្លារ ដែលជាកម្រិងខ្ពស់បំផុតមិនធ្លាប់មាន គិតចាប់តាំងពីវគ្គជួញដូរចុងក្រោយ នៅថ្ងៃទី១៤ ខែវិច្ឆិកាមក។

យ៉ាងណាមិញ បើតាមលោក Edward Meir អ្នកវិភាគនៅប្រចាំនៅស្ថាប័ន Marex បាននិយាយថា ៖”តម្លៃមាសនៅតែបន្តកើនឡើង ដោយសារតែការផ្តោតអារម្មណ៍របស់វិនិយោគិនបានផ្លាស់ប្តូរចេញពីប្រាក់ដុល្លារអាមេរិក ហើយងាកទៅរកលទ្ធភាពនៃការកាត់បន្ថយអត្រាការប្រាក់នៅខែធ្នូ ដោយធនាគារកណ្តាលសហរដ្ឋអាមេរិក”។

ជម្រាបជូនថា ទស្សនវិស័យសម្រាប់មាសនៅតែវិជ្ជមាន ដោយធនាគារភាគច្រើនព្យាករថាតម្លៃលោហៈធាតុនេះ នឹងនៅតែខ្ពស់ជាង ៤ ០០០ ដុល្លារក្នុងមួយអោន នៅឆ្នាំក្រោយ៕​

The post តម្លៃមាសអន្តរជាតិបន្តហក់ឡើងដល់កម្រិតខ្ពស់បំផុត ក្នុងរយៈពេលជិត ២សប្តាហ៍ចុងក្រោយ appeared first on .

បច្ចុប្បន្ននេះ មាសជួញដូរទូទៅក្នុងមួយអោនៗ មានតម្លៃ ៤ ០១១ដុល្លារ ចំណែកឯមាសនាពេលអនាគតរបស់អាមេរិកវិញ បានកើនឡើងដល់ ៤ ០២៥ដុល្លារ ក្នុងមួយអោន។

ជុំវិញការហក់ឡើងយ៉ាងខ្លាំងនៃតម្លៃមាសនេះ ត្រូវបានកើតឡើង ចំពេលកំពុងមានភាពភ័យខ្លាចទៅលើស្ថានភាពសេដ្ឋកិច្ចសកល ភាពមិនច្បាស់លាស់ទៅនឹងគោលនយោបាយអាមេរិក ខណៈពេលដែលមានក្តីរំពឹងទុកថា ធនគារកណ្តាលអាមេរិក (Fed) នឹងបន្តកាត់បន្ថយអត្រាការប្រាក់ នៅចុងខែនេះ ផងដែរ។

គួរឲ្យដឹងផងដែរថា មាស ត្រូវបានគេចាត់ទុកថាជាទ្រព្យដ៏សុវត្ថិភាពបំផុត នៅពេលដែលភាពមិនច្បាស់លាស់នៃសេដ្ឋកិច្ចកំពុងមានកើនឡើងខ្លាំង។ ហើយតម្លៃរបស់មាស ត្រូវបានគេមើលឃើញថា បានកើនឡើង ៥២% រួចមកហើយ គិតចាប់តាំងពីដើមឆ្នាំនេះមក។

ជម្រាបជូនផងដែរថា ក្រៅតែពីមាស លោហៈដ៏មានតម្លៃផ្សេងទៀត ក៏បានកើនឡើងផងដែរ ដោយក្នុងនោះប្រាក់ បានកើនឡើង ០,៥% ដល់ ៤៨ដុល្លារក្នុងមួយអោន និងផ្លាទីនបានកើនឡើង ២,២% ដល់ ១ ៦៥៣ដុល្លារ៕​

The post តម្លៃមាសអន្តរជាតិ បន្តកើនឡើងតម្លៃលើស ៤ ០០០ ដុល្លារ ជាលើកដំបូង appeared first on .

ដ្បិតថាក្នុងចំណោមបេក្ខភាពលេចធ្លោពីររូបរវាង អតីតប្រធានាធិបតី ដូណាល់ ត្រាំ មកពីគណបក្សសាធារណរដ្ឋ និងអនុប្រធានាធិបតីផុតអាណត្តិ លោកស្រី ខាម៉ាឡា ហារីស ប្រាកដជាមាននរណាម្នាក់ អាចឈ្នះឆ្នោតឡើងកាន់ក្តាប់អំណាចសេតវិមានអាមេរិក នឹងជះឥទ្ធិពលទៅដល់ដំណើរការរបស់ពិភពលោក នៅ ៤ ឆ្នាំតទៅមុខទៀត។

ព្រឹត្តិការណ៍នេះអាចជាកត្តារួមចំណែកមួយចំនួនដែលនឹងមានឥទ្ធិពលដល់តម្លៃមាសពិភពលោក ធ្វើឲ្យតម្លៃទីផ្សារមាសនិងទីផ្សារភាគហ៊ុន នឹងមានការប្រែប្រួលខ្លាំង ដូច្នេះសូមមានការប្រុងប្រយ័ត្នបំផុតក្នុងការជួញដូរមាស។

ជាមួយគ្នានេះផងដែរ អ្នកជំនាញក្នុងស្រុកក៏បានធ្វើការណែនាំខ្លះៗបន្ថែមទៀតសូមឲ្យតាមដានរាល់ព័ត៍មាននិងទិន្នន័យឲ្យបានដិតដល់ ហើយអ្នកវិនិយោគត្រូវពិចារណាឱ្យបានហ្មត់ចត់មុននឹងសម្រេចចិត្ត៕

The post សូមប្រុងប្រយ័ត្នខ្ពស់! ចំពោះការជួញដូរមាស និង​ទីផ្សារ​ភាគហ៊ុន ចំពេលបោះឆ្នោតនៅអាមេរិក appeared first on .

ដំណើរការនៃការជីកមាស ត្រូវបានគេដឹងថាជាឧស្សាហកម្មដ៏សំខាន់នៅទូទាំងពិភពលោក ជាមួយនឹងប្រតិបត្តិការនៅគ្រប់ទ្វីបទាំងអស់លើកលែងតែ ទ្វីបទឹកកកអង់តាក់ទិកមួយប៉ុណ្ណោះ។ ទាំងនេះគឺជាប្រទេសផលិតមាសទាំង ១០ ច្រើនជាងគេបំផុតនៅលើពិភពលោក។

ទី ១០៖ ប្រទេសអ៊ូសបេគីស្ថាន៖ ទិន្នផលមាសផលិតបានសរុបចំនួន ១១៩.៦ តោន

ទី ៩៖ ប្រទេសមុិកសុិក៖ ទិន្នផលមាសផលិតបានសរុបចំនួន ១២៦.៦ តោន

ទី ៨៖ ប្រទេសបេរូ៖ ទិន្នផលមាសផលិតបានសរុបចំនួន ១២៨.៨ តោន

ទី ៧៖ ប្រទេសឥណ្ឌូនេសុី៖ ទិន្នផលមាសផលិតបានសរុបចំនួន ១៣២.៥ តោន

ទី ៦៖ ប្រទេសហ្គាណា៖ ទិន្នផលមាសផលិតបានសរុបចំនួន ១៣៥.១ តោន

ទី ៥៖ សហរដ្ឋអាមេរិក៖ ទិន្នផលមាសផលិតបានសរុបចំនួន ១៦៦.៧ តោន

ទី ៤៖ ប្រទេសកាណាដា៖ ទិន្នផលមាសផលិតបានសរុបចំនួន ១៩១.៩ តោន

ទី ៣៖ ប្រទេសអូស្រ្ដាលី៖ ទិន្នផលមាសផលិតបានសរុបចំនួន ២៩៣.៨ តោន

ទី ២៖ ប្រទេសរុស្សី៖ ទិន្នផលមាសផលិតបានសរុបចំនួន ៣២១. ៨ តោន

ទី ១៖ ប្រទេសចិន៖ ទិន្នផលមាសផលិតបានសរុបចំនួន ៣៧៨.២ តោន

ដូចនេះយើងបានដឹងហើយថា ចិន គឺជាប្រទេសដែលនាំមុខគេក្នុងការផលិតមាស ស្មើទៅនឹង ១០ ភាគរយនៃការផ្គត់ផ្គង់មាសរបស់ពិភពលោក។ កត្តាមួយចំនួនដែលនាំឲ្យការធ្វើអាជីវកម្មនៅប្រទេសនេះនាំមុខគេអាចបណ្ដាលមកពីការរួមផ្សំគ្នានៃតម្លៃពលកម្មទាប និងថ្លៃដើមផលិតកម្មស្របតាមតម្រូវការក្នុងស្រុកកើនឡើងខ្លាំង ខណៈដែលតម្រូវការមាសពិភពលោក កើនឡើងលើស ១០០ពាន់លានដុល្លារលើកដំបូង នៅត្រីមាសទី៣ ឆ្នាំ ២០២៤ នេះ។

បើតាមចេញផ្សាយរបាយការណ៍ពីការិយាល័យស្ថិតិជាតិ បានបង្ហាញថា កំណើននៃការលក់រាយនៃគ្រឿងអលង្ការមាស និងប្រាក់នៅចិន បានវ៉ាដាច់ប្រភេទផលិតផលផ្សេងទៀត ដែលឆ្លុះបញ្ចាំងពីទីផ្សារដ៏រឹងមាំរបស់ប្រទេសមហាអំណាចសេដ្ឋកិច្ចធំលំដាប់ទីពីរមួយនេះផងដែរ៕

អត្ថបទបន្ត៖ តម្រូវការមាសពិភពលោក កើនឡើងលើស ១០០ពាន់លានដុល្លារ ជាលើកដំបូង
ដកស្រង់និងប្រែសម្រួលពី៖ Link

The post ប្រទេសផលិតមាសទាំង ១០ នៅលើពិភពលោក​ដែល​​ជីកបាន​រ៉ែ​មាស​ច្រើន​ជាង​គេ​បំផុត appeared first on .

ថ្ងៃនេះយើងនឹងលើកយកមកបង្ហាញឈ្មោះប្រទេសទាំង ១០ ដែលមានទុនបម្រុសច្រើនជាងគេបំផុតនៅលើពិភពលោក គឺ៖

ទី១០. ប្រទេសតួកគី មានទុនបម្រុសកើនឡើងដល់ ៥៨៥ តោន
ទី៩. ប្រទេសហូឡង់ មានទុនបម្រុសកើនឡើងដល់ ៦១២ តោន
ទី៨. ប្រទេសឥណ្ឌា មានទុនបម្រុសកើនឡើងដល់ ៨៤១ តោន
ទី៧. ប្រទេសជប៉ុន មានទុនបម្រុសកើនឡើងដល់ ៨៤៦ តោន
ទី៦. ប្រទេសចិន មានទុនបម្រុសកើនឡើងដល់ ២៦៦៤ តោន
ទី៥. ប្រទេសរុស្សុី មានទុនបម្រុសកើនឡើងដល់ ២៣៣៦ តោន
ទី៤. ប្រទេសបារាំង មានទុនបម្រុសកើនឡើងដល់ ២៤៣៧ តោន
ទី៣.ប្រទេសអុីតាលី មានទុនបម្រុសកើនឡើងដល់ ២៤៥២ តោន
ទី២. ប្រទេសអាឡឺម៉ង់ មានទុនបម្រុសកើនឡើងដល់ ៣៣៥២ តោន
ទី១. សហរដ្ឋអាមេរិក មានទុនបម្រុសកើនឡើងដល់ ៨១៣៣ តោន ជាប្រទេសមានទុនបម្រុងមាសច្រើនដាច់គេ។

សរុបរួមមក ធនាគារកណ្ដាល បានដាក់បន្ថែមមាសចំនួន ៣៧ តោននៅក្នុងទុនបម្រុងផ្លូវការនាំឲ្យកើនឡើងដល់ ២០៦% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍ពី IMF គិតត្រឹមឆ្នាំ ២០២៤ ។

សូមរំលឹកដែរថា ទុនបម្រុងអន្តរជាតិរបស់ប្រទេសមួយ អាចមានច្រើនដូចជា មាស រូបិយប័ណ្ណបរទេស ឬលុយបរទេសដែលប្រទេសមួយមាន ឬឧបករណ៍ហិរញ្ញវត្ថុផ្សេងៗតួយ៉ាង ក្រដាសប្រាក់ (banknotes) ប្រាក់បញ្ញើ (deposits) មូលបត្របំណុល (bonds) វិក្កយបត្ររតនាគារ (treasury bills) និងមូលបត្ររដ្ឋាភិបាលផ្សេងទៀត (other government securities) ។ ទុនបម្រុងអន្តរជាតិទាំងនេះមានសារៈសំខាន់ណាស់ ជាពិសេសដើម្បីរក្សាតម្លៃលុយជាតិមិនឱ្យប្រែប្រួលខ្លាំង និងដើម្បីប្រើប្រាស់ក្នុងគោលនយោបាយរូបិយវត្ថុផ្សេងៗផងដែរ៕

អត្ថបទពាក់ព័ន្ធ៖ មាសថ្ងៃទី១៧ ខែតុលា នេះបន្ដឡើងថ្លៃទៀតហើយ
ដកស្រង់និងប្រែសម្រួលពី៖ Link

The post ប្រទេសទាំង ១០ ដែល​មាន​ទុន​បម្រុង​មាសច្រើន​​ជាង​​គេ​​បំផុតនៅ​លើ​ពិភពលោក appeared first on .

ទីផ្សារមាសនៅប្រទេសថៃ បានបង្ហាញពីកំណើននិងភាពធន់ ខណៈការវិនិយោគរបារមាសនិងកាក់មាសក៏កើនឡើង ២២% ដល់ ៧ តោនស្របពេលតម្លៃមាសកំពុងហក់ឡើងខ្ពស់ក្នុងនិន្នាការសកល ឈានដល់កម្រិតតម្លៃខ្ពស់បំផុតមិនធ្លាប់មាន។

តម្រូវការមាសសម្រាប់ប្រើប្រាស់កើនឡើងខ្លាំងនៅទូទាំងពិភពលោក ក៏ដូចជាក្នុងតំបន់អាស៊ាន បានជំរុញឲ្យឈ្មួញនិងអ្នកវិនិយោគប្រមូលទិញមាសទុក។ ទំនោរនៃការសម្រុកទៅទិញមាសយ៉ាងគំហុកនេះអាចបណ្ដាលមកពី ការដាំក្បាលចុះនៃតម្លៃប្រាក់បាត និងអស្ថិរភាពសេដ្ឋកិច្ចក្នុងប្រទេសចេះតែកើនឡើងគួរឱ្យព្រួយបារម្ភនាំឲ្យ មាស ក្លាយជាទ្រព្យសកម្មដ៏មានសុវត្ថិភាពខ្ពស់ជាងគេនៅក្នុងការទប់ទល់នឹងស្ថានការណ៍បែបនេះ។

តួលេខបង្ហាញថា តម្រូវការមាសជាសកលបានកើនឡើង ៤ ភាគរយដល់១.២៥៨ តោន ស្របពេលមានកំណើនប្រតិបត្តិការទិញ-លក់មាស មានការកើនឡើងគួរឱ្យកត់សម្គាល់ក្នុងរង្វង់ ៥៣ ភាគរយដល់ ៣២៩ តោនក្នុងត្រីមាសទី២ដូចគ្នា។

ចំពោះបណ្តាធនាគារកណ្តាលនានា ក៏បានបន្តបង្កើនទុនបម្រុងមាស ដោយបន្ថែមមាសចំនួន ១៨៣ តោនទៅក្នុងទុងបម្រុងនៅទូទាំងពិភពលោកកើនឡើង ៦ ភាគរយបើធៀបនឹងរយៈពេលដូចគ្នាកាលពីឆ្នាំមុន៕


អត្ថបទពាក់ព័ន្ធ៖ «មាស ច្រើន​ជាង ១៧០ តោន​​ត្រូវបាន​​ចរា​ចរ​លើ​ទីផ្សារ​ក្នុងប្រទេសតំបន់អាស៊ាន»
ដកស្រង់និងប្រែសម្រួលពី៖ Link

The post ថៃ មានតម្រូវការមាសច្រើន​ជាង​គេ​នៅ​​អាស៊ាន​កើន​ឡើង​ដល់​​ «៩ តោន» appeared first on .

បើតាមសំណេររបស់លោក Andrew Naylor នាយកប្រតិបត្តិក្រុមប្រឹក្សាមាសពិភពលោក (World Gold Council) ប្រចាំតំបន់អាស៊ី-ប៉ាស៊ីហ្វិក ថា តម្រូវការមាសក្នុងតំបន់អាស៊ាន គឺមានសន្ទុះកើនឡើងខ្លាំងស្របតាមនិន្នាការពិភពលោក។ គិតត្រឹមឆ្នាំ ២០២៣ ដល់ ២០២៤ របាយការណ៍ស្រាវជ្រាវពីទំនោរតម្រូវការមាសទូទាំងពិភពលោក បានបង្ហាញថា «មាស ចំនួនច្រើនជាង ១៧០ តោនត្រូវបានចរាចរលើទីផ្សារក្នុងប្រទេសជាសមាជិកអាស៊ាន។ មាស បានចាក់ឬសយ៉ាងជ្រៅនៅក្នុងការជួញដូរនៅអាស៊ានរាប់សតវត្ស​ហើយ។»

មិនត្រឹមតែជាទីផ្សារផ្គត់ផ្គង់តម្រូវការមាសដ៏ធំប៉ុណ្ណោះទេ អាស៊ាន បានជួញដូរមាសក្នុងរូបភាពផ្សេងៗទៀត តួយ៉ាង ប្រទេសឥណ្ឌូនេសុី និងហ្វីលីពីន ជាឃ្លាំងផ្ទុកនិងប្រតិបត្តិការជីកមាសដ៏ធំប្រចាំតំបន់ ឯប្រទេសសឹង្ហបុរី ជាទីផ្សារជួញដូរមាសនិងជាមជ្ឈមណ្ឌលមាសប្រចាំតំបន់ ខណៈដែលប្រទេសថៃ និងកម្ពុជា ជាជង្រុកនៃការកែច្នៃមាសទៅជាគ្រឿងអលង្ការសម្រាប់លំអរ។ រីឯប្រទេសវៀតណាម ជាប្រទេសដែលផ្គត់ផ្គង់មាសច្រើនជាងគេបំផុតនៅតំបន់អាស៊ាន។

“មនុស្សទិញមាស ដើម្បីរក្សាតម្លៃរបស់វា តួយ៉ាងដូចជា ការទិញគ្រឿងអលង្ការទុកធ្វើជាកេរមរតក ឬសម្រាប់បន្សល់ទុកជាទ្រព្យតជំនាន់ពីជំនាន់មួយទៅជំនាន់មួយទៀតក្នុងវង់ត្រកូល។” នេះបើតាមការលើកឡើងពី សាស្រ្តចារ្យសេដ្ឋកិច្ចលោក Arvind Sahay និងជាអតីតនាយកប្រតិបត្តិមជ្ឈមណ្ឌល India Gold Policy Center ។

ព័ត៌មានទាក់ទិននឹង មាស យើងសូមលើកយកបច្ចុប្បន្នភាពពីហាងឆេងមាសនៅកម្ពុជា នៅថ្ងៃអង្គារ ទី១៥ ខែតុលាឆ្នាំ ២០២៤ មាសបានហក់ឡើងដល់ ២.៦៤៩ ដុល្លារក្នុង១អោន ឬ ៣.១៩១ ដុល្លារក្នុង១តម្លឹង។ ហាងឆេងនេះជាតម្លៃខ្ពស់បំផុតមិនធ្លាប់មានក្នុងប្រវត្តិសាស្ត្រតម្លៃមាស​នៅ​កម្ពុជា និង​អាច​កើន​ឡើង​កាន់​តែ​ខ្ពស់​បន្ថែម​ទៀតនៅចុងឆ្នាំ ២០២៤ ។ នេះបើយោងតាមទីផ្សារជួញដូរមាសនិងហាងឆេងមាសមួយចំនួននៅភ្នំពេញ៕

អត្ថបទពាក់ព័ន្ធ៖ តម្លៃមាសនៅថ្ងៃទី១៥ ខែតុលានេះ រក្សាតម្លៃថេរដដែល
ដកស្រង់និងប្រែសម្រួលពី៖ Link

The post របាយការណ៍ផ្លូវការ៖ «មាស ច្រើន​ជាង ១៧០ តោន​​ត្រូវបាន​​ចរា​ចរ​លើ​ទីផ្សារ​ក្នុងប្រទេសតំបន់អាស៊ាន» appeared first on .

អ្នកស្រី សូ លីតា អ្នកប្រឹក្សា និងវិភាគតម្លៃហាងឆេងមាសអន្តរជាតិ បានឱ្យដឹងថា ជាប្រវត្តិសាស្រ្តហើយដែលមាសអន្តរជាតិឡើងខ្លាំងមែនទែនរហូតដល់ចន្លោះ ២១៤០ទៅ២១៥០ដុល្លារ ក្នុង១អោន និង១តម្លឹងមានតម្លៃ ២ ៥៩០ដុល្លារ។

អ្នកស្រីបន្តថា ទីផ្សារតម្លៃមាសអន្តរជាតិគឺមានការប្រែប្រែគ្រប់ពេល គ្រប់វិនាទី យើងមិនអាចដឹងនោះទេ ប៉ុន្តែជាក់ស្តែងនៅថ្ងៃទី០៤ ខែធ្នូនេះ មាសឡើងខ្លាំងរហូតដល់ជិត៨០លេខ ស្មើនឹង៨០ដុល្លារ ទៅ៩០ដុល្លារ ក្នុងរយៈពេលត្រឹមតែកន្លះម៉ោង។

បើតាមអ្នកវិភាគហាងឆេងមាសខាងលើ ការឡើងថ្លៃនេះ គឺអាចបណ្តាលមកពីប្រាក់ដុល្លារមានការធ្លាក់ចុះ ធ្វើឱ្យមាសឡើងថ្លៃ ក្រោយធនាគារកណ្តាលរបស់អាមេរិក រក្សាអត្រាការប្រាក់ត្រឹម២% ។ម្យ៉ាងវិញទៀត អាចបណ្តាលមកពីការវិលត្រឡប់សង្គ្រាមរវាងអ៊ីស្រាអែល និងក្រុមហាម៉ាសផងដែរ។

អ្នកជំនាញរូបនេះបន្តថា ហើយការឡើងនៃតម្លៃមាសនេះ វាក៏ជាការជះឥទ្ធិពលដល់សេដ្ឋកិច្ចសាកល និងក្នុងស្រុក ឬអាជីវករ អ្នកទិញលក់មាសផងដែរ។ដោយសម្រាប់អ្នកទិញមាស នៅពេលឡើងនាំគ្នាយកមាសទៅលក់ ចំណែកអាជីវករមានការប៉ះពាល់ ខាតបង់ច្រើនលើការទិញមាសចូលមកមានតម្លៃថ្លៃ។

ជាមួយគ្នានេះ បើតាមអាជីវករលក់មាសមួយកន្លែង បានឱ្យដឹងថា ក្នុងរយៈពេលប៉ុន្មានថ្ងៃនៃខែធ្នូ ឆ្នាំ២០២៣នេះ តម្លៃមាសអន្តរជាតិមានការឡើងខ្លាំងមែនទែន ដែលបណ្តាលឱ្យមាសក្នុងប្រទេសកម្ពុជាមានការហក់ឡើងដូចគ្នា ពោលនៅថ្ងៃទី០៤ ខែធ្នូនេះ មាសគីឡូក្នុងមួយជី ទិញចូលមានតម្លៃ ២៥០ដុល្លារ និងលក់ចេញមានតម្លៃ២៤០ដុល្លារ ចំណែកផ្លាទីនទឹក ៧៥ លក់ចេញក្នុងតម្លៃ ១៨៥ដុល្លារ និងទិញចូលក្នុងតម្លៃ១៧០ដុល្លារ រីឯផ្លាកទីនទឹក៧០ លក់ចេញមានតម្លៃ ១៧០ដុល្លារ និងទិញចូលមានតម្លៃ១៥០ដុល្លារ។

អាជីវកររូបនេះ បន្តថា ការឡើងថ្លៃនេះធ្វើឱ្យអតិជនដែលយកមាសមកលក់នៅផ្សារនានា មានការកើនឡើង ដោយសារពួកគេអាចលក់ចំណេញ ប៉ុន្តែអ្នកដែលមកទិញមាសបែរជាថយចុះទៅវិញ ដូចនេះវាធ្វើឱ្យមានការខាតបង់ដល់អ្នករកស៊ីទិញលក់មាសផងដែរ។

អ្នកប្រឹក្សា និងវិភាគហាងឆេងមាសអន្តរជាតិ បានគូសបញ្ជាក់ថា ស្ថានភាពទីផ្សារតម្លៃមាសបច្ចុប្បន្ននេះ មានការពិបាកប៉ាន់ស្មានថាឡើងថ្លៃបន្ត ឬធ្លាក់ចុះមកវិញពេលណាមួយទេ ប៉ុន្តែភាគរយចុះវាអាចនឹងមាន៦០% ព្រោះដោយសារមាសគ្រាន់តែឡើងខ្លាំង ហើយក៏ចុះមកវិញ វាជារឿងធម្មតានៃទីផ្សារមាស តែក៏មិនប្រាកដ១០០ភាគរយថានឹងចុះមកវិញនោះដែរ អាស្រ័យទៅលើទីផ្សារឡើងចុះ ផ្អែកលើស្ថានភាពជាក់ស្តែងនៅលើពិភពលោក៕

The post អ្នកវិភាគហាងឆេងមាស៖ ទីផ្សារតម្លៃមាសឡើងដល់កម្រិតកំពូលដែលមិនធ្លាប់មានពីមុនមក appeared first on .