បើតាមក្រសួងទេសចរណ៍ ជាធម្មតាខែកក្កដា និងខែសីហាជាខែដែលមានចរន្តភ្ញៀវទេសចរផ្ទៃក្នុងតិច ដោយសារជារដូវភ្លៀង អាចមានជំនន់ទឹកភ្លៀងដោយកន្លែង។ ម្យ៉ាងវិញទៀត ខែទាំង២នេះមិនមានថ្ងៃឈប់សម្រាកជាតិទេ។ ប៉ុន្តែចរន្តភ្ញៀវនឹងចាប់ផ្តើមមានសន្ទុះខ្លាំងចាប់ពីខែកញ្ញាវិញ ជាមួយការប្រារព្ធពិធីកាន់បិណ្ឌនិងភ្ជុំបិណ្ឌ និងថ្ងៃឈប់សម្រាកនានា។

ទន្ទឹមនឹងនោះក្រសួងទេសចរណ៍ក៏បានរំពឹងដែរថា កម្៧ទទួលបានភ្ញៀវទេសចរផ្ទៃក្នុងប្រមាណ១៦លាននាក់សម្រាប់ឆ្នាំ២០២៣នេះ ក្រោមទម្រង់អក្សរ V ដូចដែលព្យាករណ៍ក្នុងផែនទីចង្អុលផ្លូវស្តីពីការស្តារ និងលើកស្ទួយវិស័យទេសចរណ៍ក្នុង និងក្រោយដំណាក់កាលវិបត្តិជំងឺកូវីដ-១៩៕

The post កម្ពុជាទទួលបានភ្ញៀវទេសចរផ្ទៃក្នុងជាង១២លាននាក់ រយៈពេល ៧ខែឆ្នាំ២០២៣ appeared first on .

លោក បានឱ្យដឹងថា ភ្ញៀវទេសចរចិន ជាប្រភេទទេសចរណ៍ ដែលតែងតែស្វែងរកទីកន្លែងជាគោលដៅ មានការអភិវឌ្ឍន៍រួចរាល់ ឬការអភិវឌ្ឍន៍ស្រាប់។ ថ្វីត្បិតតែខេត្តបាត់ដំបងជាខេត្តដែលផ្តោតលើភ្ញៀវទេសចរប៉ែកអឺរ៉ុបច្រើនពិតមែន ប៉ុន្តែក៏ជាចំណុចនៅក្នុងការទាក់ទាញភ្ញៀវទេសចរចិនផងដែរ។

មន្ទីរទេសចរណ៍រូបនេះ បានបន្តថា ការរំពឹងបែបនេះ ព្រោះដោយសារមើលឃើញថា មានកត្តាមួយចំនួនរួមមាន ទី១ ចំណុចពិសេសនោះគឺ ភ្ញៀវទេសចរចិន ដែលស្វែងរកការវិនិយោគ ងាកមកចាប់អារម្មណ៍ទស្សនាកម្សាន្ត ស្នាក់នៅ នៅក្នុងខេត្តបាត់ដំបង។ ទី២ ខេត្តបាត់ដំបងមានលក្ខណៈបែបធម្មជាតិ វប្បធម៌ ប្រវត្តិសាស្រ្ត ដែលមានការពាក់ព័ន្ធជាមួយប្រជាជនចិន និងការជំរុញការផ្សព្វផ្សាយបន្ថែមអំពីសក្តានុពល។ លោក ក៏បានជឿជាក់ថា ភ្ញៀវទេសចរដែលចេញមកពីភ្នំពេញ សៀមរាប នឹងមកកម្សាន្តនៅបាត់ដំបង ផងដែរ ខណៈដែលចរន្តគមនាគមន៍មានភាពល្អប្រសើរជាងមុន។

គួរឱ្យដឹងថា ទន្ទឹមនឹងបន្ទាប់ពីរដ្ឋាភិបាលចិន បានប្រកាសនឹងបើកប្រទេសសម្រាប់ការធ្វើដំណើរពីអន្តរជាតិឡើងវិញចាប់ពីថ្ងៃទី ៨ ខែមករា មកនោះ មន្ទីទេសចរណ៍ខេត្តបាត់ដំបង ក៏មានការត្រៀមលក្ខណៈគ្រប់គ្រាន់ក្នុងការទទួលទេសចរចិនបន្តបន្ទាប់ទៀតផងដែរ។
គួរបញ្ជាក់ថា កាលពីថ្ងៃទី៣១ធ្នូ ឆ្នាំ២០២២ ដល់ ថ្ងៃទី២មករា ឆ្នាំ២០២៣ គណៈកម្មាធិការជាតិវាយតម្លៃទីក្រុងស្អាត និង ក្រសួងទេសចរណ៍ បានបើកឱ្យសាធារណជនចូលរួមបោះឆ្នោតគាំទ្រ ទីក្រុង ដែលខ្លួន ពេញចិត្តជាងគេបំផុតនៃកម្មវិធីប្រកួតប្រជែង«ទីក្រុងស្អាតដែលមាន ពិធីបុណ្យចូលឆ្នាំ សកលល្អជាងគេប្រចាំឆ្នាំ២០២២»។ ជាលទ្ធផល គឺខេត្តបាត់ដំបង បានជាប់ជ័យលាភីលេខ១ ដែលទទួលបានសំឡេងគាំទ្រច្រើនជាងគេ។ សម្រាប់ជ័យលាភីលេខ២ បានទៅលើខេត្តព្រះសីហនុ ខណៈខេត្តសៀមរាប ជាប់លេខ៣។
ក្រសួងទេសចរណ៍ បានបញ្ជាក់ថា ពិធីប្រគល់ពានរង្វាន់ដល់ខេត្តជ័យលាភីទាំងបីនេះ នឹងប្រព្រឹត្តិឡើងក្នុង«ពិធីអបអរសាទរទិវាជាតិទីក្រុងស្អាត» នៅថ្ងៃទី២៣កុម្ភៈ ខាងមុខនេះ៕

The post មន្រ្តីជំនាញ បង្ហាញក្តីសង្ឃឹមថា ខេត្តបាត់ដំបងនឹងក្លាយជាគោលដៅរបស់ភ្ញៀវទេសចរចិននាថ្ងៃអនាគត appeared first on .

លោក ហម អរុន ប្រធានការិយាល័យឧស្សាហកម្មទេសចរណ៍ និងមន្ទីខេត្តបាត់ដំបង បានលើកឡើងថា ការរំពឹងដូច្នេះ ដោយសារឆ្លងកាត់ការរៀបចំពិធីចូលឆ្នាំសាកល២០២២ចូល២០២៣កន្លងទៅ ខេត្តបាត់ដំបងជាខេត្តដែលមានសក្តានុពល ក្នុងការរៀបចំព្រឹត្តិការណ៍ទាក់ទាញទេចរណ៍គួរជាទីចាប់អារម្មណ៍មានដូចជា ការតាំងពិព័រណ៍ផលិតផល ការប្រគំតន្រ្តីធំៗ ការបង្ហាញក្បាច់គុនរបស់ខ្មែរ រួមទាំងរបាំផ្សេងៗ អ្វីជាចំណុចពិសេសនោះ គឺការតាំងពិព័រណ៍ម្ហូបអាហារដ៏ធំក្នុងខេត្តបាត់ដំបងដែលមានតូបពិព័រណ៍សរុបរហូតដល់៩០តូប មកពីបណ្តាមន្ទី បណ្តាស្រុក ប្រជាពលរដ្ឋ និងអាជីវករជាច្រើនមកចូលរួមផងដែរ ដែលធ្វើឱ្យខេត្តបាត់ដំបងមានភាពទាក់ទាញខ្លាំង មានភាពសម្បូរបែបក្នុងពិធីបុណ្យឆ្លងឆ្នាំសាកល។

លោក បានឱ្យគូសបញ្ជាក់ថា នៅក្នុងភាពជោគជ័យនេះ ជាការបង្ហាញពីការខិតខំប្រឹងប្រែងរបស់រដ្ឋបាលខេត្ត ក៏ដូចជាមន្ទីទេចរណ៍ មន្ទីវប្បធម៌ និងតាមបណ្តាក្រុងស្រុកទាំងមូលមានការចូលរួម ជាពិសេសភ្ញៀវទេសចរដែលបានមកកម្សាន្តផ្ទាល់ និងចូលរួមបោះត្នោតគាំទ្រដល់ខេត្តបាត់ដំបង។

បន្ថែមពីនោះ លោក បានឱ្យដឹងផងដែរថា ក្នុងការបើកទូលាយទេសចរចិនដើរកម្សាន្តក្នុងពិភពលោក ក្នុងនោះខេត្តបាត់ដំបងក៏មានការត្រៀមលក្ខណៈផងដែរក្នុងការទទួលទេចរចិន។ ដោយក្នុងពិធីបុណ្យចូលឆ្នាំប្រពៃណីចិន-វៀតណាម ថ្មីៗនេះ ខាងក្រុមការងារមន្ទីទេសចរណ៍បានឱ្យដឹងថា ភ្ញៀវទេសចរចិនមកម្សាន្តតាមគោលដៅ និងរមណីដ្ឋាននានាក្នុងខេត្តបាត់ដំបងមានច្រើនគួរសមផងដែរ។ នេះជាការបង្ហាញពីសញ្ញានៃការរីកលូតលាស់ឡើងវិញនៃវិស័យទេសចរក្នុងខេត្តបាត់ដំបង។

គួររម្លឹកថា រយៈពេល២ថ្ងៃ ឆ្លងឆ្នាំសកល ២០២២ចូល២០២៣ កម្ពុជាទទួលបានភ្ញៀវសរុបប្រមាណ២,០២២,៩២០នាក់ នៅទូទាំងប្រទេស ក្នុងនោះភ្ញៀវជាតិ២,០០៦,១១៧នាក់ និងភ្ញៀវបរទេស១៦,៨០៣នាក់។ ហើយខេត្តជ័យលាភីទាំង៣ទទួលបានសរុបជាង៨៣ម៉ឺននាក់ ( ខេត្តបាត់ដំបងជាង១៥ម៉ឺននាក់ ខេត្តព្រះសីហនុជាង៣៣ម៉ឺននាក់ និងខេត្តសៀមរាបជាង៣៣ម៉ឺននាក់)ដែលត្រូវប្រគល់ពានរង្វាន់នៅថ្ងៃទី២៧ ខែកុម្ភៈ ឆ្នាំ២០២៣៕

The post ខេត្តបាត់ដំបង រំពឹងបន្តរក្សាតំណែងទីក្រុងដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ appeared first on .

ថ្លែងក្នុងសន្និសីទ​សារព័ត៌មាន​ ស្ដីពី​ “ភាពជោគជ័យ​ក្នុង​រយៈ​ពេល​ ៥​ឆ្នាំ​កន្លងមក​” របស់​រដ្ឋបាល​ខេត្ត​បាត់​ដំបង ដែលរៀបចំដោយអង្គភាព​អ្នកនាំ​ពាក្យ​រាជរដ្ឋាភិបាល​ កាលពីព្រឹកថ្ងៃទី២៤ ​ខែមករា ឆ្នាំ២០២៣ អភិបាលខេត្តបាត់ដំបង លោក សុខ លូ បានឱ្យដឹងថា ខេត្តបាត់ដំបងជាខេត្តមួយដែលមានភោគផលធម្មជាតិសម្បូរបែប និងទីតាំងប្រវត្តិសាស្ត្រ វប្បធម៌ រមណីយដ្ឋាន ជាច្រើន ដែលជាប្រភពសក្តានុពល ក្នុងការទាក់ទាញភ្ញៀវទេសចរទាំងជាតិ និងអន្តរជាតិមកទស្សនា សម្រាកលំហែកាយ និងកំសាន្ត។ ទន្ទឹមគ្នានេះ លោកថា ខេត្តបាត់ដំបងក៏ ជាខេត្តមួយដែលត្រូវបានប្រសិទ្ធនាមជាខេត្តនៃអាហារ ដែលប្រជាជនខេត្តបាត់ដំបង មានភាពច្នៃប្រឌិតខ្ពស់ និងបានរួមចំណែកមួយក្នុងការទាក់ទាញភ្ញៀវទេសចរណ៍ក្នុងស្រុកផងដែរ។

លោកបានឱ្យដឹងបន្តថា បច្ចុប្បន្នខេត្តបាត់ដំបង មានសណ្ឋាគារចំនួន ៤៦ កន្លែង ផ្ទះភ្ញៀវ និងផ្ទះស្នាក់ ៩៧ កន្លែង និងភោជនីយដ្ឋាន- អាហារដ្ឋានចំនួន ១៩១កន្លែង ខណៈខេត្ត ក៏មានសហគមន៍ទេសចរណ៍ចំនួន ០៤ កន្លែង គឺសហគមន៍អេកូទេសចរណ៍ព្រែកទាល់ (ស្រុកឯកភ្នំ) សហគមន៍អេកូទេសចរណ៍ទឹកធ្លាក់អូរជាំ សហគមន៍អេកូទេសចរណ៍តាតោកអូរក្រូច (ស្រុកសំឡូត) និងសហគមន៍ទេសចរណ៍វប្បធម៌ភូមិវត្តគរ ក្រុងបាត់ដំបង។

គួរបញ្ជាក់ដែរថា រយៈពេល៥ឆ្នាំ (២០១៨-២០២២) ភ្ញៀវទេសចរជាតិ និងអន្តរជាតិមកទស្សនាខេត្តបាត់ដំបងសរុប ២.៥៧១.៦៨៧ នាក់ ក្នុងនោះភ្ញៀវទេសចរជាតិចំនួន ២.៣១៤.១២៦ នាក់ និងភ្ញៀវទេសចរអន្តរជាតិចំនួន ២៥៧.៥៦១ នាក់។ កន្លងមកដើម្បីទាក់ទាញភ្ញៀវទេសចរណ៍ រដ្ឋបាលខេត្តបានរៀបចំព្រឹត្តិការណ៍ធំៗដូចជា៖ ការសហការរៀបចំពិធីបុណ្យទន្លេលើកទី៦ ឆ្នាំ២០២០, ពិធីសង្ក្រាន្តបាត់ដំបងដើម្បីអបអរ បុណ្យចូលឆ្នាំថ្មីប្រពៃណីជាតិ,ពិធីបុណ្យអុំទូកបណ្តែតប្រទីបខេត្ត, កម្មវិឆ្លងឆ្នាំសកល និងពិធីតាំងពីពីលំផ្សេងៗ ជាច្រើនទៀត៕ អត្ថបទ៖ ពិសី

The post ៥ឆ្នាំមកនេះ! មានភ្ញៀវទេសចរជាតិ និងអន្តរជាតិមកទស្សនាខេត្តបាត់ដំបងរហូតជាង២លាននាក់ appeared first on .

លោកជំទាវ ឧកញ៉ា កែវមុំ ប្រធានសមាគមសហគ្រិនស្ត្រីកម្ពុជាបានឱ្យដឹងថាក្នុងឆ្នំា២០២២កន្លងមកសន្ទុះនៃការប្រកបអាជីវកម្មរបស់សមាជិកសមាគមគឺនៅមានកម្រិតនៅឡើយដោយសាររងផលប៉ះពាល់ពីវិបត្តិជំងឺកូវីដ១៩ ធ្វើឱ្យការប្រកបអាជីវកម្មបានត្រឹមតែទប់ទល់។

លោកជំទាវឧកញ៉ាមានប្រសាសន៍ថា«ចូលដល់ឆ្នាំ២០២៣នេះយើងសង្កេតឃើញប្រទេសចិនបានបើកទូលាយនិងឱ្យមានជើងហោះហើរឡើងវិញ អីចឹងយើងសង្ឃឹមថានឹងមានភ្ញៀវទេសចរចិនជាច្រើននិងចូលមកទស្សនានៅក្នុងប្រទេសកម្ពុជា ពិសេសនិងធ្វើឱ្យអាជីវកម្មរបស់ស្ត្រីអាចពង្រឹងនិងពង្រីកអាជីវកម្មរបស់ខ្លួនបានកាន់តែប្រសើរតាមរយៈភ្ញៀវទេសចរចិននេះ។ ប្រទេសកម្ពុជានិងចិនហាក់បីដូចជាបងប្អូនគ្នាអីចឹង ហើយអ្នកវិនិយោគរបស់ចិន កូរ៉េ ជប៉ុន អាមេរិករួមនិងវិនិយោគិននៅតាមបណ្តាប្រទេសផ្សេងៗទៀតបាននិងកំពុងសម្លឹងមកកាន់កម្ពុជាដែលមានសក្តានុពលលើការបណ្តាក់ទុនវិនិយោគ»។

លោកជំទាវ ឧកញ៉ាកែវមុំ ក្នុងនាមខ្ញុំជាប្រធានសមាគមសហគ្រិនស្ត្រីកម្ពុជាសូមអំពាវនាវទៅដល់សហគ្រិនស្ត្រីកម្ពុជាត្រូវតែពង្រឹងសមត្ថភាពខ្លួនឯង ត្រូវជឿជាក់លើខ្លួនឯង ហើយត្រូវខិតខំពង្រីកអាជីវកម្មដោយខ្លួនឯង។យើងត្រូវមានជំនឿចិត្តថាប្រទេសកម្ពុជាអច្ឆៈរិយៈ ជាប្រទេសសុវណ្ណភូមិ ដាក់ចុះដុះឡើង។ប្រទេសកម្ពុជាត្រូវបានអ្នកវិនិយោគនៅតាមប្រទេសជាច្រើនចូលមករកការវិនិយោគ អីចឹងវាជាឱកាសមួយសម្រាប់ចាប់ដៃគូរសហការជាមួយអ្នកវិនិយោគបរទេសដើម្បីពង្រីកនិងពង្រឹងអាជីវកម្មរបស់ខ្លួនបាន៕ អត្ថបទ៖ ឧកញ៉ា សារេត

The post ភ្ញៀវទេសចរចិននិងជួយឱ្យអាជីវកម្មស្ត្រីអាចពង្រឹងខ្លួនបានប្រសើរឡើងវិញក្នុងពេលខាងមុខនេះ appeared first on .

របាយការណ៍ក្រសួងទេសចរណ៍ បានបង្ហាញថា ខេត្តកំពតមានភ្ញៀវមកលេងកម្សាន្តប្រមាណជា ២៨៤,៨៩៣នាក់ ដោយឡែកខេត្តព្រះសីហនុ មានចំនួន ២៦៤,៣០៨នាក់ ខណៈដែលរាជធានីភ្នំពេញមានចំនួន ២៤០,៤៦០នាក់ប៉ុណ្ណោះ។

យ៉ាងណាខេត្តដែលមានចំនួនតួលេខភ្ញៀវទេសចរច្រើនជាងគេ គឺខេត្តបាត់ដំបងជាង ៦៥៣,៨៩៦នាក់ បន្ទាប់មកខេត្តកំពង់ចាម ៥៤១,៩០០នាក់ និងខេត្តបន្ទាយមានជ័យ ៤៧១,១១៩នាក់។

លោក ថោង ខុន រដ្ឋមន្រ្តីក្រសួងទេសចរណ៍ បានឲ្យដឹងថា ចំនួនភ្ញៀវទេសចរប្រមាណជាង ៥លាននាក់ក្នុងរយៈពេល៤ថ្ងៃនេះ នៃពិធីបុណ្យចូលឆ្នាំខ្មែរនេះ គឺជាចំនួនមួយដ៏ច្រើនលើសពីការរំពឹងទុក និងជាចំនួនខ្ពស់មែនទែនចាប់តាំងពីរាជរដ្ឋាភិបាលបានប្រកាសបិទបញ្ចប់ព្រឹត្តិការណ៍សហគមន៍នាកំឡុងខែធ្នូ ឆ្នាំ២០២១កន្លងមក ខណៈដែលពិធីបុណ្យឆ្លងឆ្នាំសាកលកន្លងមក ភ្ញៀវសរុបមានប្រមាណ ២លាននាក់ ហើយពិធីបុណ្យចូលឆ្នាំចិន -វៀតណាម ភ្ញៀវសរុបមានប្រមាណ ៩៤ ម៉ឺននាក់។

លោកបន្តថា ប្រជាពលរដ្ឋភាគច្រើន បានសម្រុកត្រលប់ចូលរាជធានីភ្នំពេញវិញចាប់តាំងពីពេលរសៀល ដែលបានធ្វើឲ្យចរាចរនៅតាមដងផ្លូវជាតិសំខាន់ៗ មានភាពកកកុញច្រើន។

លោករដ្ឋមន្រ្តីក្រសួងទេសចរណ៍ បានគូសបញ្ជាក់ថា ចរន្តភ្ញៀវទេសចរដ៏ច្រើននេះ បានបង្កើតជាផលប្រយោជន៍សេដ្ចកិច្ចដ៏ច្រើនទាំងនៅថ្នាក់ជាតិ និងនៅតាមមូលដ្ឋាន។ តាមបណ្តាសណ្ឋាគារ ប៊ូទីក ផ្ទះសំណាក់ និងសេវាស្នាក់នៅផ្សេងៗស្ទើរគ្រប់ខេត្ត ដែលមានលទ្ធភាពបើក អាជីវកម្មឡើងវិញនោះ បានទទួលការកក់ពេញស្ទើរ ១០០%។

ទន្ទឹមនឹងនេះ បណ្តាភោជនីយដ្ឋាន និងអាហារដ្ឋាន ក៏មានភ្ញៀវចូលស្ទើរពេញៗក្នុងរយៈពេល៣ថ្ងៃនេះ ដែលមានភាពខុសគ្នាធៀបនឹងពេលកំពុងមានវិបត្តិកូវីដ-១៩ខ្លាំង ដែលពួកគាត់ភាគច្រើនបានរៀបចំម្ហូបអាហារដោយខ្លួនឯងសម្រាប់បរិភោគតាមផ្លូវ៕

The post ៣ រាជធានីខេត្តធ្លាប់តែនាំមុខ ឆ្នាំនេះឈរលេខរៀងក្រោយគេនៃកំណើនភ្ញៀវទេសចរណ៍ថ្ងៃបុណ្យចូលឆ្នាំខ្មែរ appeared first on .

រយៈពេល ០៤ថ្ងៃនៃបុណ្យចូលឆ្នាំចិន ដោយគិតចាប់ពីថ្ងៃទី ៣១ ខែមករា ឆ្នាំ២០២២ ដល់ថ្ងៃទី០៣ ខែកុម្ភៈនេះ ខេត្តបាត់ដំបង ទទួលបានភ្ញៀវទេសចរ មកទស្សនាកម្សាន្ត តាមរមណីយដ្ឋានទេសចរណ៍ និងគោលដៅទេសចរណ៍នានា មានចំនួន ២១៨,៤២០ នាក់ ក្នុងនោះភ្ញៀវទេសចរជាតិមានចំនួន ២១៧,៩៥៩ នាក់ និងភ្ញៀវទេសចរអន្តរជាតិ មានចំនួន ៤៦១ នាក់។

បើតាមលោក សុខ លូ ម្ហូបអាហារនៅខេត្តបាត់ដំបង ក៏ជាចំណុចមួយសម្រាប់ទាក់ទាញភ្ញៀវទេសចរណ៍ ដូចនេះម្ហូបអាហារនានាត្រូវប្រាកដថាមានអនាម័យខ្ពស់ គ្មានជាតិគីមី និងមិនប៉ះពាល់ដល់សុខភាព។ លោកគូសបញ្ជាក់ថា ខេត្តបាត់ដំបងក៏ជាខេត្តមួយមានភាពល្បីល្បាញខាងផ្នែកម្ហូបអាហារ ក្នុងន័យនេះ ត្រូវតែរៀបចំម្ហូបអាហារដែលសុវត្ថិភាពដល់ភ្ញៀវទេសចរផងដែរ។

រដ្ឋាភិបាល​កម្ពុជា​ កាលពីថ្ងៃទី២៥ ខែមិថុនា ឆ្នាំ២០២១​បានសម្រេច​ដាក់​បេក្ខភាព​ទីក្រុង​បាត់ដំបង​ជា​សមាជិក​បណ្ដាញ​ទីក្រុង ដែល​មាន​ភាពច្នៃប្រឌិត​របស់​អង្គការ​យូណេស្កូ ជាភាសាអង់គ្លេសថា UNESCO Creative Cities Network ពោលគឺ ការទាក់ទង​នឹង​ការច្នៃប្រឌិត​លើ​ម្ហូបអាហារ។

លោក ​ ថោង ខុន រដ្ឋមន្ត្រី​ក្រសួង​ទេសចរណ៍​បាន​លើកឡើង​ថា ការជ្រើសរើស​នេះ​គឺ​ដោយសារ​ផ្អែក​តាម​ការវាយតម្លៃ​របស់​ក្រុមការងារ​ជំនាញ​ទីក្រុង​បាត់ដំបង​ថា ខេត្ត​បាត់ដំបង​សម្បូរ​ទៅ​ដោយ​ម្ហូបអាហារ​ជាច្រើន​ប្រភេទ និង​ច្រើន​ទម្រង់​ ដែល​ត្រូវ​បាន​រៀបចំ និង​កែច្នៃ ដើម្បី​ចែករំលែក និង​ផ្សព្វផ្សាយ​លើ​ឆាក​អន្តរជាតិ។

ដោយឡែក បញ្ហាការរៀបចំចំណតរថយន្ត និងម៉ូតូនៅជុំវិញផ្សារណាត់ ដែលបច្ចុប្បន្ននេះមានភាពអាណាធិបតេយ្យក្នុងការចតយានយន្តជុំវិញផ្សារយ៉ាងគ្មានសណ្ដាប់ធ្នាប់ ធ្វើឲ្យជុំវិញផ្សារមានភាពរញ៉េរញ៉ៃ ចង្អៀត ពិបាកក្នុងការធ្វើដំណើរលោក សុខ លូ ក៏បានស្នើជំរុញឲ្យអាជ្ញាធរ ត្រូវតែយកចិត្តទុកដាក់ឲ្យបានខ្ពស់ដើម្បីដោះស្រាយបញ្ហានេះ។

លោកអភិបាលខេត្ត មានប្រសាសន៍ថា៖ “បើចង់ឲ្យមានការរៀបចំសណ្ដាប់ធ្នាប់ក្នុងក្រុងកាន់តែមានប្រសិទ្ធិភាព និងឆាប់រហ័ស ទាមទារឲ្យមានការចូលរួមទាំងអស់គ្នា ទាំងក្រុមការងារ និងប្រជាពលរដ្ឋ ធ្វើយ៉ាងណាគឺសហការគ្នាទៅវិញទៅមកទើបដំណើរការនៃការរៀបចំបានយ៉ាងរលូន “។

សូមរំលឹកផងដែរថា ទីក្រុងបាត់ដំបង និងទីក្រុងចំនួន២ទៀតរបស់ប្រទេសកម្ពុជា មានទីក្រុងព្រះសីហនុ និងទីក្រុងសៀមរាប បានទទួលពានរង្វាន់ទីក្រុងទេសចរណ៍ស្អាតអាស៊ាន លើកទី៣ ឆ្នាំ២០២២-២០២៤។ ពិធីទទួលពានរង្វាន់ទីក្រុងទេសចរណ៍ស្អាតអាស៊ាននេះ បានធ្វើឡើងនៅខេត្តព្រះសីហនុ ក្រោមវត្តមានលោក ថោង ខុន រដ្ឋមន្ត្រីក្រសួងទេសចរណ៍ ក្នុងវេទិកាទេសចរណ៍អាស៊ានលើកទី៤០ ឆ្នាំ២០២២៕

The post លោក សុខ លូ ស្នើសុំយ៉ាងទទូចឲ្យអ្នករកស៊ីក្នុងវិស័យម្ហូបអាហារ ត្រូវរក្សាអនាម័យខ្ពស់ និងមិនប៉ះពាល់ដល់សុខភាពភ្ញៀវទេសចរណ៍ appeared first on .