សម្តេចតេជោ សំណូមពរឱ្យមានការពង្រឹងដោះស្រាយបញ្ហាទំនាស់ដីធ្លីក្រៅប្រព័ន្ធតុលាការ

Kem sinath — Tue, 27 Dec 2022 10:10:03 +0000

សម្តេចតេជោ នាយករដ្ឋមន្រ្តីនៃព្រះរាជាណាចក្រកម្ពុជា មានប្រសាសន៍បែបនេះ នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០២២ និងទិសដៅការងារឆ្នាំ២០២៣ របស់ក្រសួងដែនដីនគររូបនីយកម្ម និងសំណង់ នៅថ្ងៃទី២៧ ខែធ្នូ ឆ្នាំ២០២២នេះ។

សម្តេច បានថ្លែងថា បញ្ហាជម្លោះដីធ្លី គួរតែត្រូវដោះស្រាយក្រៅប្រព័ន្ធតុលាការ គឺមានភាពងាយស្រួល តែបើចូលដល់តុលាការហើយ គឺមិនងាយស្រួលឡើយ មានតែការឈ្នះ និងចាញ់ ដែលការងារកែទម្រង់ដីធ្លី បានធ្វើឱ្យជម្លោះដីធ្លីធ្លាក់ចុះគួរឱ្យកត់សម្គាល់។

សម្តេចតេជោ បានគូសបញ្ជាក់ថា «ចំណុចសេសសល់របស់យើង វានៅមិនច្រើនទេ វានៅតិចណាស់ ប៉ុន្តែយើងហាក់ដូចជាកន្លែងខ្លះពន្យានូវការធ្វើរឿងនេះ ទោះបីការចុះបញ្ជី ឬការធ្វើកម្មសិទ្ធិជាលក្ខណៈប្រព័ន្ធក្ដី ជាលក្ខណៈដោយដាច់ដោយដុំក្ដី គឺហាក់ដូចជានៅទ្រឹង ឬធ្វើដែរក៏ប៉ុន្ដែធ្វើដោយមិនមានគេហៅថា មិនមានការជំរុញ គឺមិនមានសន្ទុះ ដែលធ្វើឲ្យប្រជាជនរង់ចាំរឿងនេះ»។

សម្តេចតេជោ ក៏បានផ្តល់អនុសាសន៍ដល់ឯកឧត្តមឧបនាយករដ្ឋមន្ត្រីជា សុផារ៉ា ព្រមទាំងអភិបាលខេត្តទាំងអស់ឱ្យពង្រឹងប្រសិទ្ធភាពការងារជំនាញរបស់ក្រសួងដែនដី មន្ត្រីជំនាញ ត្រូវបន្តអនុវត្តចុះបញ្ជីដីធ្លីទាំងអស់ ដើម្បីធានានូវសុវត្ថិភាពនៃការកាន់កាប់ដីធ្លី យកចិត្តទុកដាក់ធ្វើរឿងនេះ ព្រោះរឿងនេះជារឿងចាំបាច់សម្រាប់ប្រជាជនរបស់យើង។ ជាសុវត្ថិភាព និងការកាន់កាប់ដីធ្លី ដើម្បីចៀសវាងការកើនឡើងនូវបញ្ហានានាជាបន្តទៀត៕

The post សម្តេចតេជោ សំណូមពរឱ្យមានការពង្រឹងដោះស្រាយបញ្ហាទំនាស់ដីធ្លីក្រៅប្រព័ន្ធតុលាការ appeared first on .

ដីទំនាស់ជាប់សាលាស្រុកមណ្ឌលសីមា រដ្ឋបាលខេត្តកោះកុង សម្រេចប្រគល់សិទ្ធិកាន់កាប់ជាបណ្តោះអាសន្នជូនលោកស្រី ឆាយ មន

ឧកញ៉ាកោះក្របី — Mon, 29 Mar 2021 05:48:18 +0000

អភិបាលខេត្តកោះកុង លោកស្រី មិថុនា ភូថង នៅថ្ងៃទី២៩ ខែមីនា ឆ្នាំ២០២នេះ បានចេញសេចក្តីប្រកាសព័ត៌មានករណីទំនាស់ដីធ្លីមួយកន្លែង (ដីគ្មានបណ្ណសម្គាល់សិទ្ធិកាន់កាប់អចលនវត្ថុ) ស្ថិតនៅខាងក្រោយសាលាស្រុកមណ្ឌលសីមា ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង រវាងឈ្មោះ ឆាយ មន ភេទស្រី ជាមួយឈ្មោះ សួន តា ភេទស្រី បន្ទាប់ពីរដ្ឋបាលខេត្តអញ្ជើញ រដ្ឋបាលស្រុកមណ្ឌលសីមា ឃុំប៉ាក់ខ្លង អ្នកពាក់ព័ន្ធដែលដឹងអំពីសាវតាដីទំនាស់ច្បាស់ និងភាគីទាំងពីរ ចូលរួមប្រជុំពិភាក្សា ស្រាវជ្រាវសាវតាដី ចុះពិនិត្យដល់ទីតាំងដីមានទំនាស់ និងពិនិត្យឯកសារពាក់ព័ន្ធនានា។

បើតាមសេចក្តីប្រកាសព័ត៌មាន លោកស្រី ឆាយ មន មានឯកសារបញ្ជាក់ដីធ្លីដែលចុះហត្ថលេខាដោយមេឃុំប៉ាក់ខ្លង។ ទាំងអ្នកដឹងសាវតាដីដែលមានទំនាស់ ទាំងអតីតមេឃុំប៉ាក់ខ្លង និងអតីតអភិបាលរងស្រុកមណ្ឌលសីមា បានអះអាងថា លោកស្រី ឆាយ មន គឺពិតជាបានបរិច្ចាកដីឱ្យរដ្ឋធ្វើសាលាស្រុកមណ្ឌលសីមាប្រាកដមែន ហើយទីតាំងដីខាងក្រោយសាលាស្រុក (ដីមានទំនាស់) ជាកម្មសិទ្ធិរបស់លោកស្រី ឆាយ មន។

លិខិតចំណាររបស់ឯកឧត្តមព្រឹទ្ធាចារ្យ រុង ផ្លាមកេសន បានចារថា ដីក្បែរសាលាស្រុក ដែលម្ចាស់គេបានបរិច្ចាកឱ្យធ្វើសាលាស្រុកហើយនោះ នៅសល់ប៉ុន្មានជូនទៅម្ចាស់ដីកាន់កាប់ចុះ។

សេចក្តីប្រកាសព័ត៌មានខាងលើបានបញ្ជាក់ថា ឆ្លងតាមការប្រជុំពិភាក្សា សិក្សាស្រាវជ្រាវសាវតាដីដោយចុះពិនិត្យទីតាំងដីជាក់ស្តែង និងពិនិត្យឯកសារពាក់ព័ន្ធនានា អង្គប្រជុំបានធ្វើសេចក្តីសន្និដ្ឋានជាបឋមសម្រេចជារួមថា៖ ទីតាំងដីទំនាស់ស្ថិតនៅខាងក្រោយសាលាស្រុកមណ្ឌលសីមា ភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង ក្រុមការងារសម្រេចប្រគល់សិទ្ធិកាន់កាប់ជាបណ្តោះអាសន្នដល់ឈ្មោះ ឆាយ មន ដោយទុករយៈពេល៣០ថ្ងៃ ចាប់ពីថ្ងៃទី២៩ ខែមីនា ដល់ថ្ងៃទី២៧ ខែមេសា ឆ្នាំ២០២១ សម្រាប់លោកស្រី សួន តា ធ្វើការតវ៉ា៕

The post ដីទំនាស់ជាប់សាលាស្រុកមណ្ឌលសីមា រដ្ឋបាលខេត្តកោះកុង សម្រេចប្រគល់សិទ្ធិកាន់កាប់ជាបណ្តោះអាសន្នជូនលោកស្រី ឆាយ មន appeared first on .

ទំនាស់ដីធ្លី

សម្តេច​តេជោ​ សំណូមពរ​ឱ្យ​មាន​ការពង្រឹង​​ដោះ​ស្រាយ​បញ្ហា​ទំនាស់​ដីធ្លីក្រៅ​ប្រព័ន្ធតុលាការ​

សម្តេចតេជោ សំណូមពរឱ្យមានការពង្រឹងដោះស្រាយបញ្ហាទំនាស់ដីធ្លីក្រៅប្រព័ន្ធតុលាការ