លោកស្រី ចម និម្មល រដ្ឋមន្ត្រីក្រសួងពាណិជ្ជកម្មបានថ្លែងឱ្យដឹងដូច្នេះនៅក្នុងពិព័រណ៍ពាណិជ្ជកម្មកម្ពុជា ក្រោមមូលបទ «យុគសម័យថ្មី នៃពាណិជ្ជកម្ម» នាព្រឹកថ្ងៃទី ១៣ ខែធ្នូ ឆ្នាំ២០២៤នៅមជ្ឈមណ្ឌលភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ។

លោកស្រី ចម និម្មល បានគូសបញ្ជាក់ថា៖ ទីផ្សារ RCEPជាទីផ្សារដ៏សំខាន់សម្រាប់កម្ពុជា ដែលមានប្រហែល៦២.១ភាគរយនៃទំហំពាណិជ្ជកម្មសរុបរបស់កម្ពុជា។

លោកស្រីរដ្ឋមន្ត្រី បានលើកឡើងថា៖ ទីផ្សារធំដែលគាំទ្រការនាំចេញរបស់កម្ពុជា ក្រៅពីអាស៊ាន មានសាធារណរដ្ឋប្រជាមានិតចិន  ហុងកុង អាមេរិក សហភាពអឺរ៉ុប ជប៉ុន កាណាដា សាធារណរដ្ឋកូរ៉េ ចក្រភពអង់គ្លេស  អូស្ត្រាលី នូវែលសេឡង់ និងអារ៉ាប់រួមអេមីរ៉េត។

គិតត្រឹមរយៈពេល ១១ ខែ នៃឆ្នាំ២០២៤ ទំហំពាណិជ្ជកម្មសរុបរបស់កម្ពុជាបានកើនដល់ ៥០,៤៦ ប៊ីលានដុល្លារអាមេរិក កើនឡើងប្រមាណ ១៥,៩៥ ភាគរយ ធៀបនឹងរយៈពេលដូចគ្នាក្នុងឆ្នាំ ២០២៣ ។

លោកស្រីរដ្ឋមន្ត្រី បានបន្តឱ្យដឹងថា៖ ក្នុងទំហំពាណិជ្ជកម្មសរុបជាង៥០ ប៊ីលានដុល្លារអាមេរិក  ការនាំចេញមានទំហំ២៤.៣៤ប៊ីលានដុល្លារ កើនឡើង១៤.៣៦ភាគរយ និងការនាំចូលប្រហែល២៦.១ភាគរយ កើនឡើង១៧.៤៨ភាគរយ ធៀបនឹងឆ្នាំ២០២៣។

លោកស្រី បានលើកឡើងថា៖ទីផ្សារធំដែលគាំទ្រការនាំចេញរបស់កម្ពុជា ក្រៅពីអាស៊ាន មានសាធារណរដ្ឋប្រជាមានិតចិន  ហុងកុង អាមេរិក សហភាពអឺរ៉ុប ជប៉ុន កាណាដា សាធារណរដ្ឋកូរ៉េ ចក្រភពអង់គ្លេស  អូស្ត្រាលី នូវែលសេឡង់ និងអារ៉ាប់រួមអេមីរ៉េត ៕

The post រដ្ឋមន្ត្រីពាណិជ្ជកម្ម៖ ទំហំពាណិជ្ជកម្មរបស់កម្ពុជាជាមួយបណ្តាប្រទេសហត្ថលេខីនៃកិច្ចព្រមព្រៀង RCEP មាន៣១.៣៦ប៊ីលានដុល្លារ appeared first on .

របាយការណ៍អគ្គនាយកដ្ឋានគយ​ និងរដ្ឋាករកម្ពុជា បានបន្តថា ទំហំ​ពាណិជ្ជកម្ម​របស់​ប្រទេស​កម្ពុជា​ជាមួយ​សមាជិក RCEP រួមមាន​ ចំនួន ៦២ ភាគរយ​នៃ​ទំហំ​ពាណិជ្ជកម្ម​សរុបមានតម្លៃ ៣៦.៩៤ ពាន់​លាន​ដុល្លារ​របស់ខ្លួន ​ក្នុងអំឡុងរយៈពេល៨ខែ គិតចាប់ពី​ខែមករា​ រហូតដល់​ខែសីហា ឆ្នាំ២០២៤ នេះ។

របាយការណ៍ដដែលបានបញ្ជាក់ថា ទំហំពាណិជ្ជកម្ម៨ខែ ឆ្នាំ២០២៤នេះ គឺ​កើន​ឡើង​ប្រមាណ ១៧​,២ ភាគរយ បើធៀបនឹងរយៈពេលដូចគ្នាកាលពីឆ្នាំ២០២៣ ដែលមានត្រឹម ១៩.៥៥ ពាន់​លាន​ដុល្លារ ។

មន្រ្តីក្រសួងពាណិជ្ជកម្ម បានគូសបញ្ជាក់ថា RCEP គឺជា​កត្តា​ជំរុញ​កំណើន​ពាណិជ្ជកម្ម​របស់​កម្ពុជា និង​ជា​មេដែក​ដើម្បី​ទាក់​ទាញ​ការវិនិយោគ​ផ្ទាល់​ពី​បរទេស​កាន់​តែច្រើន​មក​កាន់​ប្រ​ទេស និង​ជំរុញ​ដល់​សមាហរណកម្ម​ពាណិជ្ជកម្ម​ក្នុង​តំបន់ ក៏ដូចជាកិច្ចសហប្រតិបត្តិការ ដែល​នាំ​មក​នូវ​អត្ថប្រយោជន៍​ដ៏​អស្ចារ្យ​ដល់​ប្រទេស​សមាជិក​ទាំង​អស់ និងបានចូលរួម ចំណែកយ៉ាងច្រើនក្នុងការបើកទីផ្សារនាំចេញផលិតផលកម្ពុជាទៅទីផ្សារអន្តរជាតិ ។នេះបើតាមការ​ឱ្យដឹងតាមរយៈក្រសួងព័ត៌មាន។

សូមបញ្ជាក់ថា កិច្ចព្រម​ព្រៀង RCEP ជា​គំនិត​ផ្តួចផ្តើម​របស់​អាស៊ាន និង​ត្រូវ​បាន​ប្រកាស​ឱ្យ​ចាប់​ផ្ដើម​ការចរចា​ក្នុង​ឆ្នាំ ២០១២នៅ​រាជធានី​ភ្នំពេញ​។ កិច្ចព្រមព្រៀង​នេះ​គឺ​ជា​កិច្ចព្រមព្រៀង​ពាណិជ្ជកម្ម​សេរី ដ៏ធំបំផុត​លើ​ពិភព​លោក ដែល​មាន​សមាជិក​ចំនួន​១៥​ប្រទេស រួមមាន​ប្រទេស​អាស៊ាន​ទាំង១០ និង​ប្រទេស​អូស្ត្រាលី ចិន ជប៉ុន កូរ៉េខាងត្បូង និងណូវែលហ្សេឡង់។ កិច្ចព្រមព្រៀង​នេះ គ្រប់​ដណ្តប់​ប្រជាជន​ប្រមាណ​២.២ពាន់​លាន​នាក់ ឬ៣០%នៃ​ប្រជាជន​ពិភព​លោក និង​មានទំហំ​ផលិតផល​ក្នុង​ស្រុក​សរុប​ប្រមាណ​២៦.២ទ្រីលាន​ដុល្លារ ឬ​៣០%នៃ​ផលិតផល​ក្នុង​ស្រុក​សរុប​របស់​ពិភពលោក៕

The post ទំហំពាណិជ្ជកម្មកម្ពុជា-RCEP ឡើងដល់ជិត២៣ពាន់លានដុល្លារ ក្នុងរយៈពេល៨ខែមកនេះ appeared first on .

ថ្លែងក្នុងពិធីបើកសន្និបាត បូកសរុបការងារពាណិជ្ជកម្មឆ្នាំ២០២៣ និងទិសដៅអនុវត្តការងារពាណិជ្ជកម្ម ឆ្នាំ២០២៤របស់ក្រសួងពាណិជ្ជកម្ម នៅថ្ងៃទី២១ ខែធ្នូ ឆ្នាំ២០២៣នេះ លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម បានឱ្យដឹងថា  ទំហំពាណិជ្ជកម្មអន្តរជាតិ ក្នុងរយៈពេល១១ខែ ឆ្នាំ២០២៣នេះ សម្រេចបានជាង ៤៣ពាន់លានដុល្លារ ដោយការនាំចេញមានចំនួន២១ពាន់លានដុល្លារ កើនឡើង ៤.០៨%។

ក្នុងនោះ ទំហំពាណិជ្ជកម្មរបស់កម្ពុជា ជាមួយនឹងបណ្តាប្រទេសហត្ថលេខីនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) មានប្រមាណ ២៦.៥៧ ពាន់លានដុល្លារ ដែលការនាំចេញមានទំហំ ៧.២១ ពាន់លានដុល្លារ គឺកើនឡើង ២៧.២៩%។

លោកស្រី បានបន្តថា ទីផ្សារ RCEP គឺជាទីផ្សារដ៏សំខាន់មួយសម្រាប់កម្ពុជា ដែលមានចំណែកប្រមាណ ៦១.០៦% នៃទំហំពាណិជ្ជកម្មសរុបរបស់កម្ពុជា។

សូមបញ្ជាក់ថា កិច្ចព្រមព្រៀង RCEP បានចូលជាធរមាន នៅថ្ងៃទី១ ខែមករា ឆ្នាំ២០២១ មានការចូលរួមប្រទេសចំនួន១៥ រួមមានប្រទេសជាសមាជិកអាស៊ានទាំង១០ និងដៃគូពាណិជ្ជកម្មសេរី ចំនួន៥ទៀត មានអូស្ត្រាលី ចិន ជប៉ុន កូរ៉េខាងត្បូង និងណូវែលហ្សេឡង់ ដែលបានចាប់ផ្តើមបង្កើតដំបូងនៅឆ្នាំ២០១២ នៅភ្នំពេញ។ 

គួរឱ្យដឹងផងដែរថា ទំហំពាណិជ្ជកម្មអន្តរជាតិរបស់កម្ពុជា ក្នុងរយៈពេល ១១ខែ ដើមឆ្នាំ២០២៣ មានទំហំទឹកប្រាក់ ៤៣ ៥១៥,៨៦លានដុល្លារ ដែលក្នុងនោះការនាំចេញសរុបមាន ២១ ៩៩២,៤០លានដុល្លារ កើនឡើង ៤,០៨% បើប្រៀបធៀបនឹងការនាំចេញ រយៈពេល១១ខែ ឆ្នាំ២០២២៕

The post ទំហំពាណិជ្ជកម្មកម្ពុជា និងRCEP សម្រេចបានជាង ២៦ពាន់លានដុល្លារ ក្នុងរយៈពេល១១ខែ appeared first on .