មានប្រសាសន៍ក្នុងពិធីបិទសន្និបាតបូកសរុបការងារឆ្នាំ២០២៣ និងលើកទិសដៅឆ្នាំ២០២៤របស់ក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃទី០៨ ខែកុម្ភៈ សម្តេចធិបតី ហ៊ុន ម៉ាណែត បានថ្លែងថាកម្ពុជាជាមួយថៃសម្រេចបានទំហំពាណិជ្ជកម្មប្រមាណ៨ពាន់លានដុល្លារ ហើយសង្ឈឹមថានឹងរុញឱ្យបានកើនឡើងបន្ថែមទៀតក្នុងពេលឆាប់ៗខាងមុខ។

សម្តេចធិបតីបន្តថា ការរុញទំហំពាណិជ្ជកម្មឱ្យកើនឡើងនេះធ្វើឡើងតាមរយៈការដាក់ចេញគោលនយោបាយ, ការចុះMOU,រួមទាំងការឯកភាពគ្នា កិច្ចព្រមព្រៀងគោលនយោបាយជាមួយថៃ ដើម្បីសម្រួលលំហូរនៃកិច្ចការងារនេះ។

បើតាមក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថាកម្ពុជា-ថៃបានប្តេជ្ញាក្នុងការខិតខំទ្វេដងដើម្បីបង្កើនទំហំពាណិជ្ជកម្មទ្វេភាគីឱ្យសម្រេចបាននូវសក្តានុពលពេញលេញ។ដើម្បីជំរុញពាណិជ្ជកម្មទ្វេភាគីនេះ ថៃនឹងរៀបចំកិច្ចប្រជុំគណៈកម្មការចម្រុះ ផ្នែកពាណិជ្ជកម្ម កម្រិតរដ្ឋមន្ត្រីពាណិជ្ជកម្មនៅដើមខែឧសភា ឆ្នាំ២០២៤ផងដែរ។លើសពីនោះ ប្រទេសទាំងពីរក៏បានទទួលស្គាល់អំពីការដើរតួយ៉ាងសំខាន់ និងការចូលរួមយ៉ាងសកម្មរបស់វិស័យឯកជនក្នុងការជំរុញពាណិជ្ជកម្ម និងវិនិយោគរវាងប្រទេសទាំងពីរផងដែរ។

សូមជម្រាបថា ប្រទេសថៃជាដៃគូពាណិជ្ជកម្មធំទី ៤ របស់កម្ពុជា បន្ទាប់ពីប្រទេសចិន អាមេរិក និងវៀតណាម។ដោយក្នុងឆ្នាំ ២០២៣ ការនាំចេញនាំចូលទំនិញរវាងកម្ពុជា និងថៃ ធ្លាក់ចុះប្រមាណ១៧ ភាគរយបើធៀបនឹងរយៈពេលដូចគ្នាឆ្នាំ ២០២២។ទំនិញដែលកម្ពុជានាំទៅប្រទេសថៃចំនួន ៨១៧,៥៧ លានដុល្លារធ្លាក់ចុះ ១,៧ ភាគរយ និងទំនិញថៃនាំចូលកម្ពុជាចំនួន ២,៨៩ ពាន់លានដុល្លារ ធ្លាក់ចុះ ២០,៥ ភាគរយ៕

The post កម្ពុជា-ថៃប្តេជ្ញាបង្កើនទំហំពាណិជ្ជកម្មទ្វេភាគីឱ្យសម្រេចបាននូវសក្តានុពលក្នុងពេលឆាប់ៗខាងមុខ appeared first on .

របាយការណ៍របស់ស្ថានទូតកម្ពុជាប្រចាំប្រទេសថៃ បង្ហាញថា ផលិតផលភាគច្រើនដែលកម្ពុជាបាននាំទៅកាន់ថៃ គឺជាប្រភេទកសិផល (ត្រី សាច់ បន្លែ គ្រាប់ធុញ្ញជាតិ ថ្នាំជក់) សំណល់រោងចក្រ ឱសថ សម្លៀកបំពាក់ និងវាយនភណ្ឌ ក្រណាត់សូត្រ ត្បូងថ្មមានតម្លៃ ឈើ និងគ្រឿងសង្ហារិម។ ដោយឡែក ចំពោះទំទិញដែលមានការនាំចូលពីថៃនាំមកកម្ពុជាវិញរួមមាន ថាមពល ប្រេងឥន្ធនៈ ត្រី សាច់ បន្លែ និងផលិតផលសម្រេចដូចជា រថយន្ត ជីសេរីរាង្គ ស៊ីម៉ង់ គ្រឿងឧបភោគបរិភោគ គ្រឿងសំអាង និងសម្ភារៈសំណង់។

គួររម្លឹកជូនថា ទំហំពាណិជ្ជកម្មទ្វេភាគីកម្ពុជា-ថៃ ឆ្នាំ២០២០ សម្រេចបានទឹកប្រាក់ ៧.២៥ ពាន់លានដុល្លារធ្លាក់ចុះ ២៣ ភាគរយ បើធៀបនឹងឆ្នាំ២០១៩ ដែលាមានទឹកប្រាក់ ៩.៤ ពាន់លានដុល្លារអាមេរិក។ ទំហំពាណិជ្ជកម្មនេះ បញ្ជាក់ឲ្យឃើញថា ការនាំចេញរបស់កម្ពុជាទៅថៃ មានតម្លៃ ១.១៥ ពាន់លានដុល្លារ ធ្លាក់ចុះ ៤៩% ធៀបនឹងឆ្នាំ ២០១៩ មានតម្លៃ ២.២៧ពាន់លានដុល្លារ ចំណែកការនាំចូលពីថៃវិញ មានតម្លៃរហូតដល់ ៦.១ ពាន់លានដុល្លារ ធ្លាក់ចុះ ១៥% ធៀបនឹងឆ្នាំ២០១៩ មានតម្លៃ ៧.១៥ពាន់លានដុល្លារ៕

The post ទំហំពាណិជ្ជកម្មកម្ពុជានាំចេញទៅថៃមានទឹកប្រាក់ ៥៦៩ លានដុល្លារ ខណៈការនាំចូលវិញមានទឹកប្រាក់ ៤.០៥ ប៊ីលានដុល្លារអាមេរិក appeared first on .