របាយការណ៍ដែលចេញដោយ ONE Data បានរកឃើញទៀតថា ប្រទេសជាច្រើនដែលមានប្រាក់ចំណូលទាប និងមធ្យម ជាពិសេសនៅទ្វីបអាហ្វ្រិក ឥឡូវនេះកំពុងផ្ទេរប្រាក់ទៅប្រទេសចិន ក្នុងការទូទាត់បំណុលច្រើនជាងពួកគេទទួលបានហិរញ្ញប្បទានថ្មីពីប្រទេសដែលមានសេដ្ឋកិច្ចធំទីពីររបស់ពិភពលោក។

គួរឲ្យដឹងថា ការប្រែប្រួលនេះ បានកើតឡើងស្របគ្នាជាមួយនឹងការកើនឡើងនៃហិរញ្ញប្បទានសុទ្ធពីស្ថាប័នពហុភាគី ដែលបានក្លាយជាប្រភពហិរញ្ញប្បទានអភិវឌ្ឍដ៏សំខាន់ នៅទូទាំងពិភពលោក នៅពេលដែលលំហូរចេញនៃសេវាកម្មបំណុលត្រូវបានគិតគូរ។

យោងតាមការសិក្សានេះបានរកឃើញថា កិច្ចព្រមព្រៀងសម្រាប់គំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់ប្រទេសចិន បានឈានដល់កម្រិតកំណត់ត្រាចំនួន ២១៣,៥ពាន់លានដុល្លារកាលពីឆ្នាំមុន រួមទាំងកិច្ចសន្យាសាងសង់ចំនួន ១២៨,៤ពាន់លានដុល្លារ និងការវិនិយោគចំនួន ៨៥,២ពាន់លានដុល្លារ ដោយទ្វីបអាហ្វ្រិកកំពុងលេចចេញឡើងជាអ្នកទទួលបានធំជាងគេ។

ជម្រាបជូនថា BRI របស់ប្រទេសចិន ដែលជួនកាលត្រូវបានគេហៅថាផ្លូវសូត្រថ្មី ត្រូវបានបង្កើតឡើងក្នុងឆ្នាំ២០១៣ ដោយប្រធានាធិបតី ស៊ី ជីនពីង ហើយត្រូវបានចាត់ទុកថាជាគម្រោងហេដ្ឋារចនាសម្ព័ន្ធដ៏មានមហិច្ឆតាបំផុតមួយនៅទូទាំងពិភពលោក៕​

The post ប្រទេសអាហ្រិ្វកជាច្រើន កំពុងសងបំណុលត្រលប់ឲ្យចិនវិញ ច្រើនជាងការទទួលបានកម្ចីថ្មី appeared first on .

យោងតាមប្រធានាធីបតី លោក ស៊ី ជិនពីង បានប្រកាសកាលពីថ្ងៃទី១៤ ខែកុម្ភៈថា ទីក្រុងប៉េកាំងនឹងអត្រាពន្ធ ០% លើប្រទេសអាហ្វ្រិកទាំង ៥៣ លើកលែងតែប្រទេសអេសស្វាទីនីមួយប៉ុណ្ណោះ ដែលរក្សាទំនាក់ទំនងការទូតជាមួយតៃវ៉ាន់។

លោក ស៊ី បានថ្លែងទៀតថា គោលនយោបាយលើកលែងពន្ធនេះ នឹងពិតជានឹងនាំមកនូវឱកាសថ្មីៗសម្រាប់ការអភិវឌ្ឍរបស់អាហ្វ្រិក។ សេចក្តីថ្លែងការណ៍នេះ បានកើតឡើងនៅពេលដែលមេដឹកនាំអាហ្វ្រិកកំពុងជួបប្រជុំគ្នានៅប្រទេសអេត្យូពីសម្រាប់កិច្ចប្រជុំកំពូលសហភាពអាហ្វ្រិកប្រចាំឆ្នាំ។

គួរឲ្យដឹងថា ប្រទេសចិនបានអនុវត្តគោលនយោបាយពន្ធ ០% ចំពោះការនាំចូលពីប្រទេសអាហ្វ្រិកចំនួន៣៣ ហើយកាលពីឆ្នាំមុន ទីក្រុងប៉េកាំងបានប្រកាសថា ខ្លួននឹងពង្រីកគោលនយោបាយនេះ ទៅកាន់ដៃគូការទូតទាំងអស់របស់ខ្លួនផ្សេងទៀត នៅក្នុងទ្វីបនេះ។

ជម្រាបជូនថា បច្ចុប្បន្ន ប្រទេសចិនគឺជាដៃគូពាណិជ្ជកម្មធំជាងគេរបស់អាហ្វ្រិក និងជាអ្នកផ្តល់ហិរញ្ញប្បទានដ៏សំខាន់នៃគម្រោងហេដ្ឋារចនាសម្ព័ន្ធទ្រង់ទ្រាយធំជាច្រើននៅក្នុងតំបន់តាមរយៈគំនិតផ្តួចផ្តើមខ្សែក្រវ៉ាត់ និងផ្លូវ៕​

The post ចិន ដកពន្ធចេញពីប្រទេសនៅអាហ្រ្វិកទាំងអស់ លើកលែងតែប្រទេសបន្តទាក់ទងជាមួយតៃវ៉ាន់ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញឲ្យដឹងទៀតថា ចិន មានបំណងផ្តល់ឱកាសសម្រាប់ប្រទេសអភិវឌ្ឍតិចតួច (LDCs) និងរួមទាំងប្រទេសជាច្រើនផ្សេងទៀត នៅក្នុងទ្វីបអាហ្វ្រិក ដើម្បីនាំចូលទំនិញ មកកាន់ទីផ្សាររបស់ខ្លួន ដោយពុំចាំបាច់ត្រូវបង់ពន្ធ និងកូតាសេរី។

ទន្ទឹមនឹងនេះ ក្រសួងការបរទេសចិន បាននិយាយបន្ទាប់ពីមានកិច្ចប្រជុំរវាងមន្ត្រីជាន់ខ្ពស់ចិន ជាមួយរដ្ឋមន្ត្រីការបរទេសអាហ្រ្វិក នៅទីក្រុង Changsha ថា៖” ប្រទេសចិន បានត្រៀមខ្លួន រួចជាស្រេចហើយ ដើម្បីស្វាគមន៍ផលិតផផលដែលមានគុណភាពខ្ពស់ ពីទ្វីបអាហ្រ្វិក ទៅកាន់ទីផ្សាររបស់ខ្លួន”។

មិនតែប៉ុណ្ណោះ លោក Hannah Ry.der ស្ថាបនិកក្រុមហ៊ុន Development Reimagined ដែលជាក្រុមហ៊ុនប្រឹក្សាដែលផ្តោតលើផ្សារទ្វីបអាហ្រ្វិក បាននិយាយថា ៖” ក្រោមកិច្ចព្រមព្រៀងនេះ វានឹងអនុញ្ញាតឲ្យប្រទេសដែលមានប្រាក់ចំណូលមធ្យមដូចជាកេនយ៉ា អាហ្វ្រិកខាងត្បូង នីហ្សេរីយ៉ា អេហ្ស៊ីប និងម៉ារ៉ុក អាចនាំចូលទំនិញចូលទៅក្នុងទីផ្សារប្រទេសចិនបាន ដោយពុំចាំបាច់ត្រូវបង់ពន្ធ”។

ពាណិជ្ជកម្មរវាងចិន និងអាហ្រ្វិកមានការកើនឡើងយ៉ាងខ្លាំង ក្នុងរយៈពេលប៉ុន្មានឆ្នាំចុងក្រោយនេះ ដោយបាមមើលឃើញពីអតិរេកពាណិជ្ជកម្មរបស់ប្រទេសចិន កើនឡើងដល់ ៦២ពាន់លានដុល្លារ កាលពីឆ្នាំមុន។

ជម្រាបជូនថា ក្នុងអំឡុងពេលកិច្ចប្រជុំកំពូលកាលពីឆ្នាំមុន នៅក្នុងទីក្រុងប៉េកាំង ប្រទេសចិន បានសន្យាផ្តល់ជំនួយចំនួន ៣៦០ពាន់លានយ៉ន់ (៥០ពាន់លានដុល្លារ) ដល់សេដ្ឋកិច្ចរបស់ទ្វីបអាហ្វ្រិក ក្នុងរយៈពេល ៣ឆ្នាំសម្រាប់ប្រើប្រាស់ជាកម្ចី និងការវិនិយោគ៕

The post ចិន ពិចារណាលុបចោលពន្ធគយទាំងអស់ ពីប្រទេសក្នុងទ្វីបអាហ្រ្វិក ដើម្បីជំរុញពាណិជ្ជកម្ម appeared first on .

កញ្ចប់ជំនួយតម្លៃរាប់សិបពាន់លានដុល្លារនេះ នឹងត្រូវយកទៅប្រើប្រាស់ និងជួយដល់គម្រោងហេដ្ឋារចនាសម្ព័ន្ធច្រើនជាង ៣០គម្រោង ហើយថែមទាំងអាចបង្កើតឱកាសការងារបានយ៉ាងតិច ១លានកន្លែង។

បន្ថែមពីនោះ លោក ស៊ី ក៏បានថ្លែងនៅក្នុងកិច្ចប្រជុំកិច្ចសហប្រតិបត្តិការចិន និងអាហ្វ្រិក ដែលបានធ្វើឡើងនៅទីក្រុងប៉េកាំងថា នឹងព្យាយាមពង្រឹងទំនាក់ទំនងសេដ្ឋកិច្ច រវាងប្រទេសមានទំហំសេដ្ឋកិច្ចធំបំផុតលើលោកទី២ និងទ្វីបដែលមានកំណើនសេដ្ឋកិច្ចជឿនលឿនបំផុត ឲ្យកាន់តែរីកចម្រើជាងមុនផងដែរ៕

The post ចិនសន្យាផ្ដល់ជំនួយហិរញ្ញវត្ថុជាង ៥០ពាន់លានដុល្លារ ដល់ទ្វីបអាហ្វ្រិក appeared first on .

មេដឹកនាំកូរ៉េខាងត្បូងបានអះអាងបែបនេះ អំឡុងពេលបើកកិច្ចប្រជុំទទួលគណៈប្រតិភូ មកពីប្រទេសអាហ្វ្រិកចំនួន ៤៨ និងបានចុះកិច្ចព្រមព្រៀងសឹងតែគ្រប់វិស័យ រាប់តាំងពីវិស័យជីករ៉ែ រហូតដល់ហេដ្ឋារចនាសម្ព័ន្ធ។

សូមជម្រាបដែរថា ប្រធានាធិបតីកូរ៉េខាងត្បូង បានបញ្ជាក់ទៀតថា ក្នុងកញ្ចប់ជំនួយ ២៤ពាន់លានដុល្លារនោះ មាន ១០ពាន់លានដុល្លារ ជាកញ្ចប់ជំនួយដល់ការអភិវឌ្ឍន៍នៅអាហ្វ្រិក និង ១៤ពាន់លានដុល្លារទៀត សម្រាប់ទ្រទ្រង់ដល់ក្រុមហ៊ុនកូរ៉េខាងត្បូង ដែលមានបំណងទៅវិនិយោគនៅទ្វីបអាហ្វ្រិក៕

The post កូរ៉េខាងត្បូងប្រកាសផ្ដល់ជំនួយ ២៤ពាន់លានដុល្លារ ដល់ការវិនិយោគនៅអាហ្វ្រិក appeared first on .

រដ្ឋមន្ត្រីក្រសួងកសិកម្មរុស្ស៊ីលោក Dmitry Patrushev បានប្រាប់លោក Putin ក្នុងអំឡុងកិច្ចប្រជុំមួយថា ប្រទេសរុស្ស៊ីបានដឹកជញ្ជូនគ្រាប់ធញ្ញជាតិប្រមាណ ៥០ ០០០ តោនទៅកាន់ប្រទេសសូម៉ាលី និងសាធារណរដ្ឋអាហ្រ្វិកកណ្តាល និងចំនួន ២៥ ០០០តោនឯទៀតទៅកាន់ប្រទេសម៉ាលី ប៊ូគីណាហ្វាសូ ហ្ស៊ីមបាវ៉េ និងអេរីទ្រា។

លោក Patrushev បានប្រាប់លោកពូទីនបន្តទៀតថា បន្ទាប់ពីកិច្ចប្រជុំកំពូលរុស្ស៊ី-អាហ្រ្វិកបានធ្វើឡើងរួចមក យើងបាននិងកំពុងរក្សាទំនាក់ទំនងជាមួយបណ្តាប្រទេសនៅអាហ្វ្រិក និងការកសាងកិច្ចសហប្រតិបត្តិការ ជាលទ្ធផល យើងអាចផ្តល់បរិមាណស្រូវសាលីដល់ប្រទេសទាំងនេះបានយ៉ាងឆាប់រហ័ស។ ជាមួយគ្នានោះ រុស្ស៊ីរំពឹងថានឹងនាំចេញគ្រាប់ធញ្ញជាតិឲ្យបានរហូតដល់ ៧០លានតោនក្នុងឆ្នាំកសិកម្ម ២០២៣-២០២៤ ។ លើសពីនោះទៅទៀតលោកបានបន្ថែមថា កាលពីរដូវកាលមុន ប្រទេសរុស្ស៊ីបាននាំចេញគ្រាប់ធញ្ញជាតិចំនួន ៦៦លានតោន ដែលមានតម្លៃជិត ១៦,៥ពាន់លានដុល្លារ។

គួររំលឹកផងដែរថា កាលពីអំឡុងខែកក្កដាឆ្នាំមុន លោកពូទីនបានសន្យាថានឹងផ្តល់គ្រាប់ធញ្ញជាតិដោយឥតគិតថ្លៃ ដល់ប្រទេសទាំងប្រាំមួយនៅក្នុងកិច្ចប្រជុំកំពូលជាមួយមេដឹកនាំអាហ្វ្រិក បន្ទាប់ពីទីក្រុងម៉ូស្គូកាលនោះបានដកខ្លួនចេញពីកិច្ចព្រមព្រៀងមួយដែលសំដៅទៅលើការអនុញ្ញាត ឱ្យអ៊ុយក្រែនអាចដឹកជញ្ជូនគ្រាប់ធញ្ញជាតិពីកំពង់ផែសមុទ្រខ្មៅរបស់ខ្លួនបានយ៉ាងមានសុវត្ថិភាព បើទោះបីជាសង្គ្រាមរវាងខ្លួន និងអ៊ុយក្រែនកំពុងតែបន្តប្រយុទ្ធគ្នាក៏ដោយ៕

The post ទោះជាប់ដៃធ្វើសង្គ្រាម រុស្ស៊ីដឹកគ្រាប់ធញ្ញជាតិ ចែកចាយ​ឥតគិតថ្លៃទៅកាន់ប្រទេសអាហ្វ្រិកចំនួនប្រាំមួយ appeared first on .

មេដឹកនាំកំពូលចិនបាននិយាយថា៖ ចិននឹងប្រើប្រាស់ធនធានរបស់ខ្លួន ដើម្បីពង្រឹងកិច្ចសហប្រតិបត្តិការជាមួយអាហ្វ្រិក ក៏ដូចជា​ដាក់ចេញនូវវិធានការគាំទ្រអាជីវកម្មនានា ដើម្បីគាំទ្រដល់អាហ្វ្រិកក្នុងការរីកលូតលាស់បន្ថែម នៅលើវិស័យផ្នែកផលិតកម្ម និងសម្រេចបាននូវឧស្សាហូបនីយកម្ម និងការធ្វើពិពិធកម្មសេដ្ឋកិច្ចរបស់ខ្លួន។

គួររំលឹកដែរថា ការប្ដេជ្ញាចិត្តរបស់លោក ស៊ី គឺធ្វើឡើងចំពេលធ្វើពិធីបិទអង្គប្រជុំ BRICS ជាមួយ​មេដឹកនាំ និងរដ្ឋមន្ត្រីមកពីសមាគមអាហ្វ្រិក និងប្រទេសនៅទ្វីបអាហ្រិក ១១ផ្សេងទៀត។

ជាមួយគ្នានោះ ប្លុកសេដ្ឋកិច្ច BRICS ដែលមានសមាជិកដូចជា ឥណ្ឌា ​ប្រេស៊ីល រុស្ស៊ី ចិន និងអាហ្វ្រិកខាងត្បូង ទើបនឹងយល់ព្រមបន្ថែមសមាជិកថ្មីចំនួន ៦ផ្សេងទៀតដែលមានដូចជា អារ៉ាប៊ីសាអូឌីត អ៊ីរ៉ង់ អេត្យូពី អេហ្ស៊ីប អាហ្សង់ទីន និងអារ៉ាប់រួម៕

The post មេដឹកនាំចិន ស៊ី ជិនពីង ប្ដេជ្ញាគាំទ្រឧស្សាហូបនីយកម្មរបស់អាហ្វ្រិក appeared first on .

ជាមួយគ្នានោះ អ្នកនាំពាក្យក្រសួងការបរទេស Hua Chunying បាននិយាយថា៖ ក្រោមការអញ្ជើញពីប្រធានាធិបតីនៃសាធារណរដ្ឋអាហ្វ្រិកខាងត្បូង លោក Cyril Ramaphosa ប្រធានាធិបតី ស៊ី ជិនពីង នឹងចូលរួមកិច្ចប្រជុំកំពូល BRICS លើកទី ១៥ ពីថ្ងៃទី ២១ ដល់ថ្ងៃទី ២៤ ខែសីហា។

គួររំលឹកដែរថា ការធ្វើដំណើរទៅអាហ្វ្រិកខាងត្បូងនាពេលខាងមុខ នឹងក្លាយជាដំណើរទស្សនកិច្ចក្រៅប្រទេសលើកទី២ របស់មេដឹកនាំចិន បន្ទាប់ពីបំពេញទស្សនកិច្ចទៅរុស្ស៊ី កាលពីខែមីនា។

សូមជម្រាបបន្ថែមថា កិច្ចប្រជុំកំពូល BRICS ដែលគ្រោងធ្វើពីថ្ងៃទី ២២ ដល់ថ្ងៃទី ២៤ ខែសីហានោះ នឹងមានការចូលរួមពីមេដឹកនាំកំពូលៗនៃប្រទេសដូចជា ប្រេស៊ីល ចិន ឥណ្ឌា និងអាហ្វ្រិកខាងត្បូង រួមទាំងឥស្សរជនជាន់ខ្ពស់រុស្ស៊ី ខណៈកិច្ចប្រជុំនឹងពិភាក្សាលើប្រធានបទ BRICS និងអាហ្វ្រិក៕

The post ស៊ី ជិនពីង នឹងបំពេញទស្សនកិច្ចផ្លូវរដ្ឋទៅអាហ្វ្រិកខាងត្បូង នាសប្ដាហ៍ក្រោយ appeared first on .

យោងតាមការចុះផ្សាយពី CNA បានបង្ហាញថា បញ្ហាធំ​ដែល​ប្រទេសទាំង ៤នោះ នឹងជួបប្រទះ​គឺ តម្លៃម្ហូបអាហារ នឹងឡើងថ្លៃ ហើយវានឹងបណ្ដាលឲ្យ​មនុស្សរាប់សិបលាននាក់ ប្រឈមនឹង​ហានិភ័យ​កង្វះខាតស្បៀងអាហារ។

ប្រភពដដែលបន្ថែមថា គ្រោះទុរភិក្សនៅផ្នែកខ្លះ​នៃ​តំបន់ស្នែងនៃទ្វីបអាហ្វ្រិក គឺអាចបញ្ចៀសបានខ្លះនៅឆ្នាំនេះ ខណៈរដូវវស្សាដែលព្យាករណ៍ថា នឹងបរាជ័យក្នុងរយៈពេលប្រាំឆ្នាំជាប់ៗគ្នា មានលើសពីការរំពឹងទុក។

ប៉ុន្តែមន្ត្រីជំនួយបាននិយាយថា មនុស្សប្រហែល ៦០លាននាក់នៅតែជួបបញ្ហាអសន្តិសុខស្បៀង នៅក្នុងប្រទេសចំនួន ០៧ នៅអាហ្វ្រិកខាងកើត ហើយព្រួយបារម្ភអំពីផលប៉ះពាល់នៃការវាយប្រហារបន្ថែមទៀត។

“ការមិនបន្តឡើងវិញនៃគំនិតផ្តួចផ្តើមសមុទ្រខ្មៅនឹងប៉ះពាល់អាហ្វ្រិកខាងកើតយ៉ាងធ្ងន់ធ្ងរ។ មានប្រទេសមួយចំនួនដែលពឹងផ្អែកលើស្រូវសាលីរបស់អ៊ុយក្រែន ហើយបើគ្មានវាទេ យើងនឹងឃើញតម្លៃអាហារខ្ពស់យ៉ាងខ្លាំង”។ នេះបើតាមសម្ដីរបស់លោក Dominique Ferretti មន្ត្រីសង្គ្រោះបន្ទាន់ជាន់ខ្ពស់របស់កម្មវិធីស្បៀងអាហារពិភពលោក។

គួររំលឹកដែរថា ក្នុងរយៈពេល ៣ឆ្នាំចុងក្រោយនេះ មន្ត្រីអង្គការសុខភាពពិភពលោកបាននិយាយថា កុមារប្រហែល ១០,៤លាននាក់ប្រឈមមុខ នឹងកង្វះអាហារូបត្ថម្ភធ្ងន់ធ្ងរ នៅក្នុងប្រទេសសូម៉ាលី ស៊ូដង់ខាងត្បូង និងផ្នែកខ្លះនៃប្រទេសកេនយ៉ា។

សូមជម្រាបដែរថា បេសកជនអ៊ុយក្រែនបាន​សង្កត់ធ្ងន់ថា ៩៩,៩% រុស្ស៊ីនឹងលុបចោលកិច្ចព្រម​ព្រៀងគ្រាប់ធញ្ញជាតិសមុទ្រខ្មៅ ដែល​ផ្ដួចផ្ដើមឡើងពីការសម្របសម្រួលរវាង​អង្គការសហប្រជាជាតិ និងតួកគី​កាលពីខែកក្កដា ឆ្នាំទៅ បើសិនជាឧបសគ្គចំពោះការដឹកជញ្ជូនគ្រាប់ធញ្ញជាតិ និងជីរបស់រុស្ស៊ីមិនត្រូវបានដកចេញទេ៕

The post ទីភ្នាក់ងារ UN៖ បើកិច្ចព្រមព្រៀងគ្រាប់ធញ្ញជាតិសមុទ្រខ្មៅបញ្ចប់ តំបន់អាហ្វ្រិករងទុក្ខធ្ងន់ appeared first on .

យោងតាមការចុះផ្សាយពី CNA បានបង្ហាញថា ទ្វីបអាហ្វ្រិកកំពុងជួបប្រទះនឹងវិបត្តិកង្វះចំណី​អាហារ​ធ្ងន់ធ្ងរ ដ្បិតនៅប្រទេស Ethiopia, កេនយ៉ា និងសូម៉ាលី មានអត្រាអ្នកស្លាប់ដោយសារ​ភាពអត់ឃ្លាន រៀងរាល់ ៣៦វិនាទីម្ដង។ នេះបើតាមរបាយការណ៍ពី UNICEF, NGOs Care និង Oxfam បានប្រាប់សន្និសិទសារព័ត៌មាន។

ដោយឡែក UN ក៏បានទម្លាយថា នៅភាគខាងកើតបំផុតនៃតំបន់អាហ្វ្រិក មានភ្លៀងធ្លាក់ ៥រដូវកាលជាប់ៗគ្នា ប៉ុន្តែវាតិចខ្លាំង និងបានសម្លាប់សត្វគោរាប់លានក្បាល និងបំផ្លាញការប្រមូលផលដំណាំ។

បញ្ហាមួយនេះក៏បានធ្វើឲ្យមនុស្សប្រមាណ ២២លាននាក់ ជួបប្រទះនឹងបញ្ហាភាពអត់ឃ្លាន​នៅប្រទេស Ethiopia, កេនយ៉ា និងសូម៉ាលី ខណៈសូម៉ាលីបច្ចុប្បន្នកំពុងប្រឈម នឹងការបះបោរ​ពីប្រជាជន​ឥស្លាម​ផង៕

The post UN៖ វិបត្តិកង្វះចំណីអាហារនៅអាហ្វ្រិក កំពុងបង្កការបារម្ភជាខ្លាំងសម្រាប់ពិភពលោក appeared first on .