ជុំវិញការសម្រេចចិត្តជ្រើសរើសយកលោក Kittiratt នេះ ហាក់ឆ្លុះបញ្ចាំងពីចេតនារបស់រដ្ឋាភិបាល ក្នុងការគ្រប់គ្រងបន្ថែមទៀតលើធនាគារកណ្តាល ចំពេលមានភាពតានតឹងដែលកំពុងបន្តទាក់ទងនឹងគោលនយោបាយរូបិយវត្ថុ និងអតិផរណា។

លោក Kittiratt ដែលត្រូវបានគេស្គាល់ថាជាអ្នករិះគន់ទៅលើគោលនយោបាយរូបិយវត្ថុរបស់ធនាគារកណ្តាល និងជាអតីតសមាជិកនៃគណបក្សដែលកំពុងកាន់អំណាចផងនោះ ត្រូវបានជ្រើសរើសឲ្យឡើងធ្វើជាប្រធានថ្មី នៅក្នុងអំឡុងកិច្ចប្រជុំមួយដែលធ្វើឡើងអស់រយ:ពេលជិត ៥ម៉ោងដោយក្រុមជ្រើសរើស កាលពីថ្ងៃចន្ទ។

ទន្ទឹមនឹងនេះ លោក Sathit Limpongpan ប្រធានគណៈកម្មាធិការជ្រើសរើសប្រធានថ្មីនៃធនាគារកណ្តាលថៃ បាននិយាយថាការសម្រេចចិត្តនេះត្រូវបានធ្វើឡើងភ្លាមៗនៅថ្ងៃចន្ទ។ លោកមិនបានបង្ហាញថា អ្នកណាត្រូវបានជ្រើសរើសនោះទេ ប៉ុន្តែលោកបាននិយាយនៅក្នុងសេចក្តីប្រកាសព័ត៌មានមួយថា គណៈរដ្ឋមន្ត្រីថៃ និងព្រះមហាក្សត្រថៃ នឹងជាអ្នកដែលត្រូវអនុម័តលើសេចក្តីសម្រេចនេះ។

ជម្រាបជូនថា លោក Kittiratt ធ្លាប់បានរិះគន់ខ្លាំងៗលើអាជ្ញាធររូបិយវត្ថុថៃ ចំពោះការមិនបញ្ចុះអត្រាការប្រាក់ដើម្បីជំរុញកំណើនសេដ្ឋកិច្ច នៅពេលដែលលោកនៅបម្រើការងារជាទីប្រឹក្សាសេដ្ឋកិច្ចរបស់អតីតនាយករដ្ឋមន្ត្រីថៃ លោក Srettha Thavisin មុនពេលត្រូវបណ្តេញចេញពីតំណែងកាលពីដើមឆ្នាំនេះ៕

The post ថៃ ប្រកាសតែងតាំងអតីតរដ្ឋមន្ត្រីហិរញ្ញវត្ថុម្នាក់ ឲ្យឡើងជាប្រធានធនាគារកណ្តាលថ្មី appeared first on .

ហេតុផលចម្បងដែលបណ្តាធនាគារកណ្តាលនៃប្រទេសនីមួយៗទិញមាសយកមកបម្រុងទុក គឺដើម្បីកាត់បន្ថយហានិភ័យ ការពារអតិផរណា និងលើកកម្ពស់ដល់ស្ថិរភាពសេដ្ឋកិច្ច។ ទន្ទឹមនឹងនេះការកើនឡើងនៃក្តីបារម្ភជុំវិញវិបត្តិហិរញ្ញវត្ថុពិភពលោក ក៏ជាមូលហេតុមួយផ្សេងទៀត ដែលធនាគារកណ្តាលព្យាយាមបង្កើនទុនបម្រុងមាសរបស់ពួកគេទុកផងដែរ។

ជាក់ស្តែងខាងក្រោមនេះជាធនាគារកណ្តាលកំពូលៗ ដែលមានទុនបម្រុងមាសច្រើនជាងគេបំផុត លើពិភពលោក នេះបើតាមការចុះផ្សាយពីសារព័ត៌មាន Nasdaq៖

១. ធនាគារកណ្តាលសហរដ្ឋអាមេរិក

នៅពេលនិយាយពីកន្លែងទុកមាសដ៏ធំបំផុត នៅក្នុងពិភពលោក ធនាគារកណ្តាលអាមេរិក គឺជាប់ចំណាត់ថ្នាក់លេខមួយ ជាមួយនឹងមាសសរុប ៨ ១៣៣ តោន។ តម្លៃសរុបនៃទុនបម្រុងមាសរបស់ធនាគារកណ្តាលអាមេរិកគឺច្រើនជាង ៦៣០ពាន់លានដុល្លារ។

២. ធនាគារកណ្តាលអាល្លឺម៉ង់

ធនាគារ Bundesbank ដែលជាធនាគារកណ្តាលរបស់ប្រទេសអាឡឺម៉ង់ បច្ចុប្បន្នកាន់កាប់មាសសរុបចំនួន ៣ ៣៥២ តោន។ ធនាគារជាតិអាល្លឺម៉ង់ រក្សាទុកជាងពាក់កណ្តាលនៃទុនបម្រុងមាសរបស់ខ្លួន នៅបរទេស ដូចជាក្នុងនៅទីក្រុងញូវយ៉ក ទីក្រុងឡុងដ៍ និងប្រទេសបារាំង។

៣. ធនាគារកណ្តាលអ៊ីតាលី

Banca d’Italia ដែលជាធនាគារជាតិនៃប្រទេសអ៊ីតាលី បានចាប់ផ្តើមប្រមូលមាសមកបម្រុងទុក នៅឆ្នាំ១៨៩៣ នៅពេលដែលស្ថាប័នហិរញ្ញវត្ថុចំនួនបីដាច់ដោយឡែកពីគ្នាបានរួមបញ្ចូលគ្នាតែមួយ។ បច្ចុប្បន្នធណាគារកណ្តាលអ៊ីតាលី មានទុនបម្រុងមាសសរុបចំនួន ២ ៤៥១ តោន។

៤. ធនាគារកណ្តាលបារាំង
ធនាគារកណ្តាលបារាំង Banque de France រក្សាទុក ២ ៤៣៦ តោន នៃទុនបម្រុងមាសរបស់ខ្លួន។ លោហៈដ៏មានតម្លៃនេះ ត្រូវបានរក្សាទុកនៅឃ្លាំងក្រោមដីដ៏មានសុវត្ថិភាពបំផុតរបស់ធនាគារដែលមានឈ្មោះថា La Souterraine ។

៥. ធនាគារកណ្តាលរុស្ស៊ី

Bank of Russia គឺជាធនាគារកណ្តាលផ្លូវការរបស់សហព័ន្ធរុស្ស៊ី និងជាកន្លែងផ្ទុកទុនបម្រុងមានសរុបចំណួន ២ ៣៣២ តោន។ ដូច​ប្រទេស​បារាំង​ដែរ ធនាគារ​កណ្តាល​រុស្ស៊ី​បាន​ជ្រើសរើស​រក្សា​ទុក​មាស​ទាំងអស់របស់ខ្លួន នៅ​ក្នុង​ស្រុក។

៦. ធនាគារកណ្តាលចិន

ធនាគារប្រជាជនចិន (PBoC) ដែលជាធនាគារកណ្តាលរបស់ប្រទេសចិន មានទីតាំងនៅទីក្រុងប៉េកាំង រក្សាទុកមាសសរុបចំនួន ២ ២៦២ តោន ដែលភាគច្រើនត្រូវបានទិញតាំងពីឆ្នាំ២០០០ មក។ ក្នុងឆ្នាំ២០០១ PBoC មានមាសសរុបចំនួនត្រឹមតែ ៤០០ តោនប៉ុណ្ណោះនៅក្នុងទុនបម្រុង ប៉ុន្តែក្នុងរយៈពេលត្រឹមតែជាង ២ទសវត្ស ទុនបម្រុងមាសសរុបបានកើនឡើងដល់ ៤៥៩%៕

The post មកដឹងពីធនាគារកណ្តាលកំពូលៗលើពិភពលោក មានទុនបម្រុងមាសច្រើនជាងគេ appeared first on .

លោក Pichai បានប្រាប់សិក្ខាសាលាធុរកិច្ចមួយថា រដ្ឋាភិបាលកំពុងធ្វើការដើម្បីលើកកម្ពស់កំណើនសេដ្ឋកិច្ចឲ្យបានដល់ចំនួន៣% នៅឆ្នាំនេះ ពីការព្យាករណ៍កំណើនត្រឹមចំនួន២,៥% ។ ក្នុងនោះ វិស័យទេសចរណ៍នឹងជួយជំរុញសេដ្ឋកិច្ចបានមួយផ្នែកធំ ដោយរំពឹងថាការមកដល់របស់ភ្ញៀវទេសចរបរទេសនៅឆ្នាំ២០២៤ នឹងមានចំនួនយ៉ាងហោចណាស់ ៣៥លាននាក់។

មួយវិញទៀត លោកក៏បានលើកឡើងអំពីបំណុលគ្រួសារផងដែរ ដោយថាបំណុលគ្រួសារនាពេលបច្ចុប្បន្ន មានចំនួនលើសពី៩០% នៃផលិតផលក្នុងស្រុកសរុប (GDP) ដែលបញ្ហាដូច្នេះ ចាំបាច់ណាស់ត្រូវដោះស្រាយជាបន្ទាន់។ លោករដ្ខមន្ត្រីសង្ឃឹមថា ធនាគារកណ្តាលថៃ (BoT) នឹងបន្ធូរបន្ថយបទបញ្ញត្តិកម្ចី ចំពោះការទិញផ្ទះ ដើម្បីជាកិច្ចគាំទ្រដល់វិស័យអចលនទ្រព្យផងដែរ។

សូមជម្រាបជូនថា នៅរយៈពេលមួយទសវត្សកន្លងមក កំណើនសេដ្ឋកិច្ចរបស់ថៃជាមធ្យមមានចំនួន១,៧៣% ខណៈកាលពីឆ្នាំមុន កើនពីមួយឆ្នាំទៅមួយឆ្នាំត្រឹម១,៩% ប៉ុណ្ណោះ ដោយហេតុថាប្រទេសកំពុងប្រឈមនឹងបញ្ហាសំខាន់ៗជាច្រើន តួយ៉ាងការនាំចេញខ្សោយ បំណុលគ្រួសារខ្ពស់ និងថ្លៃកម្ចីក៏មានអត្រាខ្ពស់ជាដើម៕

The post រដ្ឋមន្ត្រីហិរញ្ញវត្ថុថៃ សារភាពថាសេដ្ឋកិច្ចរបស់ប្រទេសខ្លួន មិនមានភាពល្អប្រសើរទេ appeared first on .

លោក Sethaput បានបញ្ជាក់ផងដែរថា អត្រាការប្រាក់ទាបក៏អាចនឹងមិនល្អសម្រាប់ការដោះស្រាយបំណុលគ្រួសារនៅក្នុងប្រទេសផងដែរ ខណ:លោកក៏បានបន្ថែមទៀតថា ដំណោះស្រាយចម្បងបំផុតនៅពេលនេះ គឺចាំបាច់ត្រូវមានតុល្យភាពរវាងកំណើន និងស្ថិរភាព។ 

យ៉ាងណាមិញជុំវិញការលើកឡើងរបស់លោក Sethaput បែបនេះ ត្រូវបានកើតឡើងចំពេលកំពុងមានការខ្វែងគំនិតគ្នារវាងធនាគារកណ្តាល និងរដ្ឋាភិបាលជុំវិញវិធានការលើការដោះស្រាយអត្រាការប្រាក់ និងការគ្រប់គ្រងសេដ្ឋកិច្ច។ 

រំលឹកផងដែរថា នាយករដ្ឋមន្ត្រីថៃ លោក Srettha Thavisin ដែលជារដ្ឋមន្ត្រីក្រសួងហិរញ្ញវត្ថុផងនោះ បាននិយាយម្តងហើយម្តងទៀត ក្នុងការជំរុញឲ្យមានការកាត់បន្ថយអត្រាការប្រាក់ ដើម្បីជួយដល់សេដ្ឋកិច្ចដែលកំពុងស្ថិតនៅក្នុងវិបត្តិ ដោយសារតែបញ្ហាកើនឡើងបំណុលគ្រួសារខ្ពស់ និងការធ្លាក់ចុះនៃសេដ្ឋកិច្ចរបស់ប្រទេសចិន។ 

ប៉ុន្តែទោះជាយ៉ាងណាក៏ដោយ ទេសាភិបាលធនាគារកណ្តាលថៃ លោក Sethaput ហាក់មិនយល់ស្របចំពោះគំនិតនេះនោះឡើយ ដោយលើកឡើងថា ៖ “ការបញ្ចេញមតិខុសគ្នា គឺជារឿងធម្មតាទៅហើយ ប៉ុន្តែធនាគាររបស់យើងកំពុងធ្វើការដើម្បីស្វែងរកតុល្យភាព។ យើងនឹងសម្លឹងរកមើលអ្វីដែលមានភាពល្អឥតច្ចោះបំផុតមួយ និងគិតទៅលើអ្វីដែលអាចផ្តល់ផលប្រយោជន៍រយ:ពេលវែង” ៕

The post ទេសាភិបាលធនាគារកណ្តាលថៃ៖ “ការកាត់បន្ថយអត្រាការប្រាក់ នឹងមិនជួយអ្វីដល់សេដ្ឋកិច្ចឡើយ”  appeared first on .

លោក Srettha ដែលបានចូលកាន់តំណែងជានាយករដ្ឋមន្ត្រីថៃ កាលពីខែសីហា ឆ្នាំ២០២៣ កន្លងទៅ​ បាននិងកំពុងស្វែងរកវិធានការជំរុញកំណើនសេដ្ឋកិច្ច តាមរយៈការលើកទឹកចិត្តដល់អាជីវកម្ម និងការចំណាយរបស់អ្នកប្រើប្រាស់។

តែទោះជាយ៉ាងណាក៏ដោយ ធនាគារកណ្តាលរបស់ប្រទេសថៃ ថ្មីៗនេះ បានដាក់ចេញវិធានការដំឡើងអត្រាការប្រាក់បន្ថែមទៀត បើទោះបីជាអតិផរណាស្ថិតនៅក្នុងកម្រិតអវិជ្ជមានជាច្រើនខែជាប់ៗគ្នាក៏ដោយ ដែលនេះហាក់ជារឿងមិនល្អទាល់តែសោះ សម្រាប់សេដ្ឋកិច្ចទាំងមូល ហើយថែមទាំងអាចជះឥទ្ធិពលដល់ប្រជាជនដែលមានចំណូលទាប សហគ្រាសធុនតូច និងមធ្យមផងដែរ។ នេះបើតាមអ្វីដែលលោក Srettha បាននិយាយនៅលើប្រព័ន្ធផ្សព្វផ្សាយសង្គម X របស់ខ្លួន។

គួរឲ្យដឹងថា នាគារកណ្តាលថៃ នៅតែរក្សាជំហររបស់ខ្លួន ក្នុងការដំឡើងអត្រាការប្រាក់ ២,៥% ចាប់តាំងពីក្នុងខែវិច្ឆិកា ឆ្នាំមុនមក បន្ទាប់ពីបានបង្កើន២០០ពិន្ទុ ចាប់តាំងពីខែសីហាឆ្នាំមុន ដើម្បីទប់ស្កាត់អតិផរណា។ ធនាគារកណ្តាលថៃ នឹងត្រូវពិនិត្យផ្ទៀងផ្ទាល់ឡើងវិញលើអត្រាការប្រាក់គោលនយោបាយរបស់ខ្លួន នៅថ្ងៃទី៧ ខែកុម្ភ: ឆ្នាំនេះ។

ជម្រាបជូនផងដែរថា អតិផរណារបស់ប្រទេសថៃ បានហក់ឡើងខ្ពស់រយ:ពេល ៨ខែជាប់ៗគ្នាកាលពីខែធ្នូឆ្នាំមុន ដែលឈានដល់ ៣% ពោលគឺខ្ពស់ជាងកម្រិតគោលដៅ ១% របស់ធនាគារកណ្តាលថៃ​ ស្របពេលលោក Srettha សង្ឃឹមថា ធនាគារកណ្តាល នឹងជួយសម្រាលបន្ទុករបស់ប្រជាជន ដោយនឹងមិនដំឡើងអត្រាការប្រាក់ខ្ពស់បន្ថែមទៀត ក្នុងទិសដៅផ្ទុយពីអតិផរណា៕

The post នាយករដ្ឋមន្ត្រីថៃ ចេញមុខប្រតិកម្មចំពោះការដំឡើងអត្រាការប្រាក់របស់ធានាគារកណ្តាល appeared first on .