ពិធីសម្ពោធដាក់ឱ្យដំណើរការជាផ្លូវការ ធនាគារ វឌ្ឍនៈ ​​ខាង​លើ​នេះ​​ បាន​ធ្វើ​ឡើង​ក្រោម​អធិបតីភាព​លោក​ គង់ គឹមនី អភិបាលរង​នៃគណ:អភិបាលខេត្តក្រចេះ និង អ្នកឧកញ៉ា សំ អាង ប្រធានក្រុមប្រឹក្សាភិបាល ធនាគារ វឌ្ឍនៈ ព្រមទាំង​ភ្ញៀវកិត្តិយស​ជាច្រើនរូបទៀត។

នេះជា​ការ​បើក​សម្ពោធ​សាខា​ថ្មី​​ស្រឡាង​មួយ​ទៀត​នៃ​ធនាគារ វឌ្ឍនៈ ​ក្រោម​វត្តមាន​ អ្នកឧកញ៉ា សំ អាង បន្ទាប់ពី​អ្នកឧកញ៉ា បាន​អញ្ជើញ​ទៅ​បើក​សម្ពោធ​​ធនាគារ វឌ្ឍនៈ សាខាស្រុកត្រាំកក់-ឃុំអង្គតាសោម ខេត្តតាកែវ ដែល​ជា​សាខា​ទី៣៨ កាលពី​ថ្ងៃទី២២ ខែវិច្ឆិកា ឆ្នាំ២០២៣ និង​បើក​សម្ពោធ​ធនាគារ វឌ្ឍនៈ សាខាខេត្តព្រះសីហនុ ជា​សាខាទី៣៧ មានទីតាំងស្ថិតនៅវិថីឯករាជ្យ ភូមិ២ សង្កាត់៤ ក្រុងព្រះសីហនុ ខេត្តព្រះសីហនុ កាលពីថ្ងៃទី៩ ខែកញ្ញា ឆ្នាំ២០២៣។​​​

សូម​ជម្រាប​ថា ធនាគារ វឌ្ឍនៈ គឺជាធនាគារ ដែលមានភាគទុនិកក្នុងស្រុកសុទ្ធ បង្កើតឡើងនៅក្នុងឆ្នាំ២០០២។ ធនាគារ​នេះ​ មានទីស្នាក់ការកណ្តាល នៅជាន់ទី២ នៃវិមានវឌ្ឍនៈ កាពីតាល នៅរាជធានីភ្នំពេញ។ បច្ចុប្បន្ន​ថ្នាក់ដឹកនាំ​ធនាគារ វឌ្ឍនៈ រួមមាន​ អ្នកឧកញ៉ា សំ អាង ជាប្រធានក្រុមប្រឹក្សាភិបាល, អ្នកឧកញ៉ា ឈុន លាង បណ្ណាធិការ, លោក Anthony Chin Min Khong ជនជាតិម៉ាឡេស៊ី ជាអគ្គនាយកប្រតិបត្តិ និង​អ្នកឧកញ៉ា សំអាង វឌ្ឍនៈ ជានាយកមិនប្រតិបត្តិ៕

The post អ្នកឧកញ៉ា សំ អាង អញ្ជើញសម្ពោធបើកដំណើរការ ធនាគារ វឌ្ឍនៈ សាខាទី៣៩ នៅស្រុកស្នួល ខេត្តក្រចេះ appeared first on .

ពិធីសម្ភោធដាក់ឱ្យដំណើរការជាផ្លូវការ ធនាគារ វឌ្ឍនៈ សាខាខេត្តព្រះសីហនុ ក្នុងនោះក៏មានវត្តមានចូលរួមពីអ្នកឧកញ៉ា សំ អាង អ្នកឧកញ៉ា ឈុន លាង ស្ថាបនិកក្រុមហ៊ុន វឌ្ឍនៈ គ្រុប, លោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ អ្នកឧកញ៉ា លី យ៉ុងផាត់ សមាជិកព្រឹទ្ធសភា និងជាទីប្រឹក្សាផ្ទាល់សម្តេចមហាបវរធិបតី នាយករដ្ឋមន្ត្រី លោក ឡុង វិសាលោ រដ្ឋមន្ត្រីប្រតិភូអមនាយករដ្ឋមន្រ្តី លោក លូ គីមឈន់ អគ្គនាយកកំពង់ផែស្វយ័តក្រុងព្រះសីហនុ, លោក គួច ចំរើន អភិបាលខេត្តព្រះសីហនុ និងលោក ស រដ្ឋា អគ្គស្នងការងនគរបាលជាតិ និងជាស្នងការខេត្តព្រះសីហនុ ឧកញ៉ា តាន់ តាក់ ប្រធានសភាពាណិជ្ជកម្មខេត្តព្រះសីហនុ។

ធនាគារ វឌ្ឍនៈ សាខាខេត្តព្រះសីហនុ មានផ្តល់ជូននូវសេវាធនាគារគ្រប់ប្រភេទ ដូចជា សេវាកម្មមាស សេវាកម្មប្រាក់បញ្ញើ ឥណទាន ការផ្ទេរប្រាក់ អេធីអ៊ឹម ជាពិសេសសេវាធនាគារឌីជីថល រួមមាន សេវាធនាគារចល័ត សេវាធនាគារតាមអ៊ីនធឺណិត និងប័ណ្ណ។ ប្រជាពលរដ្ឋ និងអាជីវកម្មក្នុងខេត្តព្រះសីហនុ ក៏អាចបង់ប្រាក់ពន្ធ-អាករគ្រប់ប្រភេទ របស់អគ្គនាយកដ្ឋានពន្ធដារ និងបង់ប្រាក់ពន្ធគយ-រដ្ឋាករគ្រប់ប្រភេទ របស់អគ្គនាយកដ្ឋានគយ និងរដ្ឋាករកម្ពុជា ព្រមទាំងទូទាត់សេវាសាធារណៈជាច្រើន បានយ៉ាងងាយស្រួល៕

The post តើអ្នកឧកញ៉ា និងមន្រ្តីជាន់ខ្ពស់រូបណាខ្លះអញ្ជើញចូលរួមសម្ពោធបើកដំណើរការធនាគារ វឌ្ឍនៈ សាខាខេត្តព្រះសីហនុ appeared first on .

ផ្នែកនៃកិច្ចសហប្រតិបត្តិការ​នៃ​អនុស្សារណៈយោគយល់គ្នា​នេះ គឺបានបូកបញ្ចូលនូវ​ KHQR របស់ធនាគារ វឌ្ឍនៈ ទៅក្នុងប្រព័ន្ធទូទាត់របស់ក្រុមហ៊ុន KOI Thé ហើយ​​ នេះគឺជាព្រឹត្តិការណ៍ដ៏សំខាន់មួយ នៅក្នុងដំណើរ​នៃការច្នៃប្រឌិតថ្មីៗ និងដើម្បីជាទីពេញចិត្តរបស់អតិថិជនទាំងអស់។ ឥឡូវនេះអតិថិជនរបស់ក្រុមហ៊ុន KOI Thé អាចធ្វើការទូទាត់ប្រាក់ សម្រាប់ការបញ្ជារទិញរបស់ខ្លួនដោយគ្រាន់តែស្កេន KHQR របស់ធនាគារ វឌ្ឍនៈ។

ជាមួយ​គ្នា​នេះ លោក Anthony Chin អគ្គនាយកប្រតិបត្តិនៃធនាគារ វឌ្ឍនៈ និងលោក ឧកញ៉ា ឃន ឈុនដារ៉ា អគ្គនាយកប្រតិបត្តិនៃក្រុមហ៊ុន KOI Thé បានបង្ហាញពីចក្ខុវិស័យរួមគ្នាក្នុងការផ្តល់នូវបទពិសោធន៍ថ្មីៗ និងតម្លៃ​ពិសេសៗដល់អតិថិជន។ អគ្គនាយកប្រតិបត្តិទាំងពីរ និងក្រុមការងាររបស់ខ្លួន នឹងធ្វើការយ៉ាងជិតស្និទ្ធជាមួយគ្នា ដើម្បីជំរុញការច្នៃប្រឌិតថ្មីៗ និងភាពងាយស្រួលនេះបន្ថែមទៀត ដែលនឹងផ្តល់អត្ថប្រយោជន៍​ដល់អតិថិជនរបស់​ធនាគារ វឌ្ឍនៈ និងក្រុមហ៊ុន KOI Thé។

ធនាគារ វឌ្ឍនៈ ដែល​មាន​អ្នក​ឧកញ៉ា សំ អាង ជា​ប្រធាន​ក្រុម​ប្រឹក្សាភិបាល ​បច្ចុប្បន្ន​មានចំនួន ៣៣ សាខា ដែលនៅរាជធានីភ្នំពេញមាន ១៣ សាខា និងនៅតាម​បណ្តាខេត្តមាន ២០សាខា ដូចជា សៀមរាប បាត់ដំបង កំពង់ស្ពឺ ពោធិ៍សាត់ តាកែវ កំពង់ចាម ត្បូងឃ្មុំ (ក្រុងសួង) កំពង់ធំ បៃលិន ក្រុងប៉ោយប៉ែត កំពង់ឆ្នាំង ក្រចេះ រតនគិរី ព្រះវិហារ បន្ទាយមានជ័យ ព្រៃវែង ឧត្តរមានជ័យ កំពត ស្ទឹងត្រែង និងខេត្តកណ្តាល (ក្រុងតាខ្មៅ)។

សូម​ជម្រាប​ថា ឧកញ៉ា ឃន ឈុនដារ៉ា កើត​​នៅ​ឆ្នាំ​១៩៨៩ ​ក្នុង​​​សង្កាត់​បឹង​ព្រលិត​​​ ខណ្ឌ​៧​​ មករា រាជធានី​ភ្នំពេញ​​។ លោក​បាន​បញ្ចប់​ការ​សិក្សា​ថ្នាក់បរិញ្ញាបត្រ​ផ្នែក​សេដ្ឋកិច្ច និង​ពាណិជ្ជកម្ម​ នៅ​សាកលវិទ្យាល័យ​កាលីហ្វ័រនីញ៉ា​នៃ​សហរដ្ឋ​អាមេរិក និង​ថ្នាក់​អនុបណ្ឌិត​ផ្នែក​គ្រប់គ្រង ​ពី​សាកលវិទ្យាល័យ​ប្រ៊ីស្ដូល (Bristol) ប្រទេស​អង់គ្លេស​។ លោកត្រូវបានមហាក្សត្រ ព្រះបាទ នរោត្តម សីហមុនី ត្រាស់បង្គាប់ផ្តល់គោរមងារជា ឧកញ៉ា កាលពីថ្ងៃទី២៥ ខែកក្កដា ឆ្នាំ២០១៩។ ឧកញ៉ា ឃន ឈុនដារ៉ា ត្រូវបានគេស្គាល់ថា ជាកូនប្រសាឧកញ៉ា ហេង សៀ ហើយ​ភរិយារបស់លោក គឺអ្នកស្រី តាំង គីមហៀង៕

The post ឧកញ៉ា ឃន ឈុនដារ៉ា ម្ចាស់ហាង KOI ចុះ MOU ជាមួយធនាគារ វឌ្ឍនៈ នាំភាពងាយស្រួលជូនអតិថិជន appeared first on .

កម្មវិធីនេះមានការចូលរួមពីបុគ្គលិកធនាគារ វឌ្ឍនៈ សរុបប្រមាណជាង ៨០០ នាក់ រួមជាមួយគណៈ​គ្រប់​គ្រង​សាខាទាំង ៣៣ ការិយាល័យកណ្តាល ព្រមទាំងក្រុមប្រឹក្សាភិបាលនៃធនាគារ វឌ្ឍនៈ ដែល​រួម​មាន​អ្នកឧកញ៉ា ​សំ អាង, អ្នកឧកញ៉ា ឈុន លាង និង​កូន​ប្រុស​របស់​ខ្លួន​​ អ្នកឧកញ៉ា សំអាង វឌ្ឍនៈ ផងដែរ។

ខួបអនុស្សាវរីយ៍នេះ ត្រូវបានធ្វើឡើងដើម្បីរំលឹកពីការវិវត្តន៍របស់ធនាគារ តាំងពីថ្ងៃបើកដំណើរការដំបូង – ថ្ងៃទី ៨ ខែវិច្ឆិកា ឆ្នាំ២០០២ រហូតមកដល់បច្ចុប្បន្ន ពិសេសជាងនេះ គឺដើម្បីបង្ហាញពីការត្រៀមខ្លួន​ក្នុងការ​ឆ្ពោះទៅកាន់ឌីជីថលនីយកម្មនៃធនាគារ វឌ្ឍនៈ។ កម្មវិធីនេះបានបង្ហាញពីការសាទរ ក៏ដូចជាបានបញ្ជាក់​ពីជំហររបស់​ធនាគារ វឌ្ឍនៈ ជាថ្មីម្តងទៀត ក្នុងការប្តេជា្ញចិត្តដើម្បីបម្រើសេវាកម្ម ឱ្យបានកាន់តែប្រសើរ​ជាងមុន​ទៀតជូនអតិថិជន។

សូម​ជម្រាប​ជូន​ថា ធនាគារ វឌ្ឍនៈ ដែល​មាន​អ្នក​ឧកញ៉ា សំ អាង ជា​ប្រធាន​ក្រុម​ប្រឹក្សាភិបាល ​បច្ចុប្បន្ន​មានចំនួន ៣៣ សាខា ដែលនៅរាជធានីភ្នំពេញមាន ១៣ សាខា និងនៅតាម​បណ្តាខេត្តមាន ២០សាខា ដូចជា សៀមរាប បាត់ដំបង កំពង់ស្ពឺ ពោធិ៍សាត់ តាកែវ កំពង់ចាម ត្បូងឃ្មុំ (ក្រុងសួង) កំពង់ធំ បៃលិន ក្រុងប៉ោយប៉ែត កំពង់ឆ្នាំង ក្រចេះ រតនគិរី ព្រះវិហារ បន្ទាយមានជ័យ ព្រៃវែង ឧត្តរមានជ័យ កំពត ស្ទឹងត្រែង និងខេត្តកណ្តាល (ក្រុងតាខ្មៅ)៕

The post អ្នកឧកញ៉ា ៣រូប ចូលរួមពិធីខួបអនុស្សាវរីយ៍លើកទី២០ របស់ធនាគារ វឌ្ឍនៈ appeared first on .

សញ្ញាបត្របណ្ឌិតនេះ ត្រូវបានផ្តល់ជូនដោយពិនិត្យឃើញយ៉ាងជាក់ច្បាស់លើស្នាដៃព្រមទាំងសមិទ្ធផលដ៏ធំធេង ដែលលោកបានរួមចំណែកក្នុងវិស័យសេដ្ឋកិច្ច ការគ្រប់គ្រងអាជីវកម្ម និងសង្គមកិច្ចពោរពេញដោយទេពកោសល្យ ចំណេះដឹង ជំនាញនិងប្រកបដោយវិជ្ជាជីវៈ។

លោក លឹម អូន បច្ចុប្បន្នកំពុងកាន់តំណែងជាសមាជិកក្រុមប្រឹក្សាភិបាល និងជាអគ្គនាយកនៃធនាគារសហគ្រាសធុនតូច និងមធ្យម កម្ពុជា។ ក្រៅពីនេះ លោកធ្លាប់កាន់ដំណែងជា ប្រធាននាយកប្រតិបត្តិធនាគារ ស្ថាបនា ដោយនៅទីនោះ លោកមានភារកិច្ចដឹកនាំ និងទទួលខុសត្រូវលើស្ថាប័នហិរញ្ញវត្ថុដ៏ធំមួយនៅកម្ពុជា ដែលមានទ្រព្យសកម្មជាង ២ពាន់លានដុល្លារអាមេរិក។

លោកក៏មានបទពិសោធន៍ជាង ២០ឆ្នាំជាមួយគ្រឹះស្ថានហិរញ្ញវត្ថុ និងក្រុមហ៊ុនសវនកម្មអន្តរជាតិដោយកាន់តួនាទីជាសវនករជាន់ខ្ពស់នៅក្រុមហ៊ុន ខេភីអឹមជី នៅកម្ពុជា និងប្រទេសម៉ាឡេស៊ី ចាប់ពីឆ្នាំ១៩៩៧ រហូតដល់ឆ្នាំ២០០២។

ក្នុងឆ្នាំ២០០២ លោកបានចាប់ផ្តើមបម្រើការងារនៅធនាគារវឌ្ឍនៈ របស់មហាសេដ្ឋី សំ អាង អគ្គនាយកក្រុមហ៊ុន វឌ្ឍនៈ កាលពីតាល់ ដោយត្រូវបានតែងតាំងក្នុងមុខតំណែងជាច្រើនដូចជា៖ អ្នកគ្រប់គ្រងជាន់ខ្ពស់របស់សាខាកណ្តាល ជានាយកនាយកដ្ឋានហិរញ្ញវត្ថុ និងរតនាគារ ជានាយកនាយកដ្ឋានប្រតិបត្តិការ និងចុងក្រោយកាន់តំណែងជាអគ្គនាយករងរបស់ធនាគារវឌ្ឍនៈរហូតដល់ចុងឆ្នាំ២០១២។

តាមរយៈពេលជាង ២០ឆ្នាំក្នុងការបំពេញការងារនេះហើយ លោក លឹម អូន ត្រូវបានសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា សម្រេចតែងតាំងជាសមាជិកក្រុមប្រឹក្សាភិបាល និងជាអគ្គនាយកនៃធនាគារសហគ្រាសធុនតូច និងមធ្យម កម្ពុជា ឬ ធ.ស.ក តាមរយ:អនុក្រឹត្យ ចុះថ្ងៃទី ១៧ សីហា ឆ្នាំ២០២១៕

The post អតីតអគ្គនាយករងធនាគារ វឌ្ឍនៈ ទទួលបានសញ្ញាបត្របណ្ឌិតផ្នែកគ្រប់គ្រង ពីប្រទេសបារាំង appeared first on .

ក្នុងពិធី​ដ៏​ឱឡារិក​​​ខាង​លើ គេ​​​ឃើញ​មាន​វត្តមាន​​របស់​ ឯកឧត្តម គង់ វិបុល ​​រដ្ឋមន្ត្រី​ប្រតិភូ​អម​នាយក​រដ្ឋមន្ត្រី និង​ជា​ប្រតិភូ​រដ្ឋាភិបាល ទទួល​បន្ទុក​ជា​អគ្គនាយក នៃ​អគ្គនាយកដ្ឋានពន្ធដារ, នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា, លោក សុក កាន់ណារិទ្ធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកណ្តាល ព្រម​ទាំង​វត្តមាន​របស់​​អ្នក​ឧកញ៉ា សំ អាង ប្រធាន​ក្រុម​ប្រឹក្សា​ភិបាល​ធនាគារ វឌ្ឍនៈ, អ្នកឧកញ៉ា ឈុន លាង បណ្ណាធិការធនាគារ វឌ្ឍនៈ, អ្នកឧកញ៉ា សំអាង វឌ្ឍនៈ នាយកមិនប្រតិបត្តិធនាគារ វឌ្ឍនៈ និង​អ្នក​មុខ​អ្នកការ​ជា​ច្រើន​រូប​ទៀត។

ធនាគារ វឌ្ឍនៈ សាខាសាខាក្រុងតាខ្មៅ ដែលជាសាខាថ្មីទី ៣៣ មានទីតាំងស្ថិតនៅអគារលេខ ២៦ ផ្លូវជាតិ លេខ ២ ភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្តាល ហើយ​នឹង​ចាប់ផ្តើមផ្តល់សេវាកម្មធនាគារ​ជូន​អតិថិជនចាប់ពីថ្ងៃ​សម្ពោធ​នេះ​តទៅ។

បច្ចុប្បន្ន ធនាគារ វឌ្ឍនៈ មានចំនួន ៣៣ សាខា ដែលនៅរាជធានីភ្នំពេញមាន ១៣ សាខា និងនៅតាម​បណ្តាខេត្តមាន ២០សាខា ដូចជា សៀមរាប បាត់ដំបង កំពង់ស្ពឺ ពោធិ៍សាត់ តាកែវ កំពង់ចាម ត្បូងឃ្មុំ (ក្រុងសួង) កំពង់ធំ បៃលិន ក្រុងប៉ោយប៉ែត កំពង់ឆ្នាំង ក្រចេះ រតនគិរី ព្រះវិហារ បន្ទាយមានជ័យ ព្រៃវែង ឧត្តរមានជ័យ កំពត ស្ទឹងត្រែង និងខេត្តកណ្តាល (ក្រុងតាខ្មៅ)។

បើទោះជាស្ថិតក្នុងភាពមិនប្រាកដប្រជានៃវិបត្តិជំងឺកូវីដ-១៩​ យ៉ាងណាក្តី ធនាគារ វឌ្ឍនៈ នៅតែបន្តខិតខំ​វិនិយោគលើផែនការពង្រីកសាខារបស់ខ្លួនយ៉ាងសកម្ម ប្រកបដោយឆន្ទៈ និងការប្តេជ្ញាចិត្ត​ដ៏មោះមុត ដើម្បី​សម្រេចឱ្យបានផែនការពង្រីកសាខានៅគ្រប់រាជធានី-ខេត្តទូទាំងព្រះរាជាណាចក្រកម្ពុជា។ សម្រាប់ឆ្នាំ ២០២២​ នេះ ធនាគារ វឌ្ឍនៈ គ្រោងនឹងសម្ពោធដាក់ឱ្យដំណើរការសាខាថ្មីចំនួន ៧ បន្ថែមទៀត (១ នៅក្នុងរាជធានីភ្នំពេញ និង ៦ នៅតាមបណ្តាខេត្ត)៕

The post ឧកញ៉ាៗ និងមន្ត្រីជាន់ខ្ពស់ជាច្រើនរូប ចូលរួមពិធីសម្ពោធ ធនាគារ វឌ្ឍនៈ សាខាក្រុងតាខ្មៅ appeared first on .

បច្ចុប្បន្ន ធនាគារ វឌ្ឍនៈ មានបុគ្គលិកជាង ៧៥០ នាក់ និង ២៩សាខា ដែលក្នុងនោះ ១២ សាខា ស្ថិតនៅ រាជធានីភ្នំពេញ និង១៧សាខាទៀតស្ថិតនៅតាមបណ្តាខេត្ត។ ទីស្នាក់ការកណ្តាល ធនាគារ វឌ្ឍនៈ ស្ថិតនៅអគារ វឌ្ឍនៈ កាពីតាល រាជធានីភ្នំពេញ។ ធនាគារ វឌ្ឍនៈ បាននិងកំពុងបន្តសាងសង់សាខាជាច្រើនទីតាំងផ្សេងទៀត ហើយគ្រោងនឹងដាក់ឱ្យដំណើរការជាបន្តបន្ទាប់ទៀត នៅទូទាំងប្រទេស ត្រឹមឆ្នាំ២០២២នេះ។

តទៅនេះសារព័ត៌មានឧកញ៉ាញូស៍ សូមបង្ហាញមុខ និងបទពិសោធការងារមួយចំនួនរបស់ថ្នាក់ដឹកនាំកំពូលៗដែលជាក្រុមប្រឹក្សាបាលនៃធនាគារ វឌ្ឍនៈ ខណៈដែលសមាជិកត្រូវបានតែងតាំងដោយមហាសន្និបាតភាគទុនិករបស់ធនាគារ និងដោយមានការអនុម័តពីធនាគារជាតិនៃកម្ពុជា។

អ្នកឧកញ៉ា សំ អាង ជាសហស្ថាបនិក និងប្រធានក្រុមប្រឹក្សាភិបាលនៃធនាគារ វឌ្ឍនៈ ហើយក៏ជាសហស្ថាបនិកក្រុមហ៊ុន Vattanac Industrial Park I & II។ លើសពីនេះលោកក៏បានចូលរួមជាសហស្ថាបនិកក្រុមហ៊ុនជាច្រើនផ្សេងទៀត ដូចជា៖ ក្រុមហ៊ុន Vattanac Capital Limited, Vattanac Investment Limited, Vattanac F&B Limited, Vattanac Golf Resort Co., Ltd., រោងចក្រស្រាបៀរ Vattanac Brewery Co., Ltd. , Progress Jewellery Pte,Ltd. និងក្រុមហ៊ុនអចលនទ្រព្យ Vattanac Properties Limited។

អ្នកឧកញ៉ា ឈុន លាង បណ្ណាធិការ និងជាសហស្ថាបនិកធនាគារ វឌ្ឍនៈ។ អ្នកស្រីក៏ជាម្ចាស់ភាគហ៊ុនក្រុមហ៊ុន Vattanac Industrial Park I & II សហស្ថាបនិក និងជាប្រធានក្រុមហ៊ុន Vattanac Import Export Co., Ltd. ហើយជាសហស្ថាបនិក ម្ចាស់ភាគហ៊ុន និងជានាយកប្រតិបត្តិក្រុមហ៊ុន Vattanac Capital Limited, ក្រុមហ៊ុន Vattanac Investment Limited, ក្រុមហ៊ុន Vattanac F&B Limited និងក្រុមហ៊ុន Vattanac Golf Resort Co., Ltd.។

អ្នកឧកញ៉ា សំអាង វឌ្ឍនៈ សហស្ថាបនិក ម្ចាស់ភាគហ៊ុន និងនាយកមិនប្រតិបត្តិធនាគារ វឌ្ឍនៈ។ លោកបានបញ្ចប់ការសិក្សាថ្នាក់អនុបណ្ឌិតផ្នែកវិស្វកម្ម សេដ្ឋកិច្ច និងការគ្រប់គ្រង ពីសាកលវិទ្យាល័យ Oxford ចក្រភពអង់គ្លេស និងបានសិក្សាស្រាវជ្រាវផ្នែកអាជីវកម្ម ធនាគារនៅធនាគារ Allied Irish ចក្រភពអង់គ្លេសក្នុងឆ្នាំ២០០៥។

អ្នកឧកញ៉ាចូលកាន់តួនាទីជានាយកប្រតិបត្តិនៃក្រុមហ៊ុន វឌ្ឍនៈ អចលនទ្រព្យ លីមីតធីត កាលពីឆ្នាំ ២០០៧ និងគ្រប់គ្រងអាគារពាណិជ្ជកម្ម វឌ្ឍនៈ កាពីតាល់។ លោកក៏ជានាយកប្រតិបត្តិនៃក្រុមហ៊ុន Vattanac Investment Limited និងជាសហស្ថាបនិក ភាគហ៊ុនិក និងជានាយករោងចក្រផលិតស្រាបៀរ Vattanac Brewery Co., Ltd., ក្រុមហ៊ុន Vattanac Investment Limited, ក្រុមហ៊ុន Vattanac F&B Limited, ក្រុមហ៊ុន Vattanac Capital Limited និងក្រុមហ៊ុន Vattanac Golf Resort Co., Ltd.។

លោកជំទាវ សំអាង កាន្និកា សហស្ថាបនិក និងជានាយកមិនមែនប្រតិបត្តិនៃធនាគារវឌ្ឍនៈ តាំងពីឆ្នាំ ២០០២។ លោកស្រីទទួលបានបរិញ្ញាបត្រផ្នែកគណនេយ្យ និង​ហិរញ្ញវត្ថុ ពីសាកលវិទ្យាល័យសេដ្ឋកិច្ចនៃទីក្រុងឡុងដ៍ ចក្រភពអង់គ្លេស ក្នុងឆ្នាំ២០០៤ និងមានបទពិសោធន៍ការងារជាសវនករឯករាជ្យនៅក្រុមហ៊ុន KPMG និង Deloitte ប្រទេសសិង្ហបុរី ក្នុងឆ្នាំ២០០៤-​ ២០០៧។

លោកស្រីធ្លាប់បម្រើការជាគណនេយ្យករ និងជាសមាជិកនៃក្រុមគ្រប់គ្រងហានិភ័យនៅក្នុងធនាគារអន្តរជាតិ JP Morgan និង Credit Suisse នៅសិង្ហបុរីពីឆ្នាំ 2007 ដល់ឆ្នាំ 2008។ លើសពីនេះ ក៏បានបញ្ចប់កម្មវិធីសិក្សាថ្នាក់គ្រប់គ្រង នៅ​សាលាពាណិជ្ជ Harvard សហរដ្ឋអាមេរិក នៅដើមឆ្នាំ ២០១០។

ទន្ទឹមនឹងនោះ លោកស្រីក៏ជាសហស្ថាបនិក ម្ចាស់ភាគហ៊ុន និងជានាយកក្រុមហ៊ុន វឌ្ឍនៈ ប្រ៊ូវើរី ខូអិលធីឌី និង វឌ្ឍនៈ ហ្គោល រីសត ខូអិលធីឌី ផងដែរ។

លោកជំទាវ តាល់ណៃ អ៊ីម ត្រូវបានតែងតាំងជានាយកឯករាជ្យនៃក្រុមប្រឹក្សាភិបាលធនាគារ វឌ្ឍនៈ នៅខែមេសាឆ្នាំ ២០១១ និងត្រូវបានតែងតាំងជាប្រធានគណៈកម្មាធិការសកម្មភាព និងផលិតផលថ្មី (NAP) ក្នុងខែតុលា ឆ្នាំ ២០១៦។

លោកស្រីបានទទួលបរិញ្ញាបត្រផ្នែកសេដ្ឋកិច្ច ពី​មហាវិទ្យាល័យ នីតិសាស្រ្ត និងវិទ្យាសាស្រ្ត​សេដ្ឋកិច្ច ក្នុងឆ្នាំ១៩៧៤។ ហើយលោកស្រីមានបទពិសោធជោគជាំជាង ៣០ ឆ្នាំ នៅក្នុងធនាគារពាណិជ្ជ និងធនាគារជាតិនៃកម្ពុជា។ ពីឆ្នាំ ១៩៩៨ ដល់ឆ្នាំ២០១០ លោកស្រីបានកាន់តំណែងជាអគ្គនាយកនៃនាយកដ្ឋានសំខាន់ៗចំនួន ៤ គឺនាយកដ្ឋានត្រួតពិនិត្យធនាគារ នាយកដ្ឋានប្រតិបត្តិការធនាគារ នាយកដ្ឋានស្ថិតិ និងស្រាវជ្រាវសេដ្ឋកិច្ច និងនាយកដ្ឋានប្តូរប្រាក់បរទេស។

លោកជំទាវ សំអាង លក្ខិណា ត្រូវបានតែងតាំងជានាយកមិនប្រតិបត្តិនៃ​ក្រុមប្រឹក្សាភិបាល នៅថ្ងៃទី១៣ ខែមករា ឆ្នាំ២០១៤។ លោកស្រីបានទទួលបរិញ្ញាបត្រផ្នែកសេដ្ឋកិច្ច ពីសាកលវិទ្យាល័យ Nottingham​ ចក្រភព​អង់គ្លេស ក្នុងឆ្នាំ២០១០។

ហើយលោកស្រីក៏ជានាយកផ្នែកអភិវឌ្ឍន៍អាជីវកម្មនៃក្រុមហ៊ុនវឌ្ឍនៈ ប្របភើធី លីមីតធីត និងក្រុមហ៊ុន វឌ្ឍនៈ អ៊ិនវេសមេន លីមីតធីត និងសហស្ថាបនិក ម្ចាស់ភាគហ៊ុន និងជានាយកនៃរោងចក្រផលិតស្រាបៀរ Vattanac Brewery Co., Ltd. ក្រុមហ៊ុន Vattanac Golf Resort Co., Ltd.។

លោក ជច ទាវ ចូវ ជី ជាជនជាតិសិង្ហបុរី ត្រូវបានតែងតាំងជានាយកមិនប្រតិបត្តិឯករាជ្យនៃក្រុមប្រឹក្សាភិបាល ហើយត្រូវបានជ្រើសរើសជាប្រធានគណៈកម្មាធិការគ្រប់គ្រងហានិភ័យ និងអនុលោមភាពក្នុងខែវិច្ឆិកា ឆ្នាំ ២០០៩។ លោកគឺជាប្រធានគណៈកម្មាធិការសកម្មភាព និងផលិតផលថ្មីចាប់ពីខែធ្នូ ឆ្នាំ ២០១០ រហូតដល់ខែតុលាឆ្នាំ ២០១៦។ លោកមានបទពិសោធជាង ៣០ ឆ្នាំក្នុងវិស័យធនាគារ និងហិរញ្ញវត្ថុ នៅក្នុងធនាគារក្នុងស្រុកមួយចំនួន និងក្រុមហ៊ុន Philip Futures ក្នុងប្រទេសសិង្ហបុរី។

លោក តែង យូ វ៉ង ជាជនជាតិសិង្ហបុរី ត្រូវបានតែងតាំងជានាយកមិនប្រតិបត្តិឯករាជ្យនៃក្រុមប្រឹក្សាភិបាល និងត្រូវបានជ្រើសរើសជាប្រធានគណៈកម្មាធិការសវនកម្មក្នុងខែមិថុនា ឆ្នាំ ២០០៧ ។ លោកបញ្ចប់ថ្នាក់បរិញ្ញាបត្រគណនេយ្យពីសាកលវិទ្យាល័យសិង្ហបុរីក្នុងឆ្នាំ ១៩៧០។ ជាគណនេយ្យករជំនាញទទួលស្គាល់នៅប្រទេសសិង្ហបុរី និងមានតួនាទីជាគណៈគ្រប់គ្រងជាន់ខ្ពស់នៅ​​​ក្រុមហ៊ុនផលិតកម្ម និងសេវាកម្មពីឆ្នាំ ១៩៦៨ – ២០០៥។

លោក ចាន់ កុក ឆយ ជាជនជាតិម៉ាឡេស៊ី បានចូលបម្រើការងារជា អគ្គនាយកនៅធនាគារ វឌ្ឍនៈ ចាប់តាំងពី ឆ្នាំ២០០២ ហើយត្រូវបានតែងតាំងជានាយកប្រតិបត្ដិនៃក្រុមប្រឹក្សាភិបាល នៅខែមិថុនា ឆ្នាំ២០០៧។

បានទទួលបរិញ្ញាបត្រ ផ្នែក​សេដ្ឋកិច្ច​និងគ្រប់គ្រងពី សាកលវិទ្យាល័យ Sains ប្រទេសម៉ាឡេស៊ី ក្នុងឆ្នាំ១៩៨៤។ ហើយមានបទពិសោធន៍ផ្នែកធនាគារជាង ៣៦ឆ្នាំ ដែលធ្លាប់ធ្វើជាអ្នកគ្រប់គ្រងនៅតាមបណ្ដាសាខាធនាគារ Public Bank Berhad ប្រទេសម៉ាឡេស៊ី ក្នុងឆ្នាំ១៩៨៨-១៩៩១ ហើយជាអគ្គនាយក នៅធនាគារ VID Public Bank នៅប្រទេសវៀតណាម ក្នុងឆ្នាំ ១៩៩២-១៩៩៧ និងជាអគ្គនាយក នៅធនាគារ កម្ពុជាសាធារណៈ នៅប្រទេសកម្ពុជា ក្នុង ឆ្នាំ ១៩៩៩-២០០២៕

The post បង្ហាញមុខ និងបទពិសោធន៍ថ្នាក់ដឹកនាំកំពូលៗទាំង ៩រូបរបស់ធនាគារ វឌ្ឍនៈ appeared first on .

ជាក់ស្តែង នៅព្រឹកថ្ងៃសៅរ៍ ទី១៨ ធ្នូនេះ ធនាគារ វឌ្ឍនៈ របស់អ្នកឧកញ៉ា សំ អាង និងអ្នកឧកញ៉ា ឈុន លាង ម្ចាស់ក្រុមហ៊ុនវឌ្ឍនៈ គ្រុប បានបើកសម្ពោធសាខាថ្មីមួយទៀត ដែលជាសាខាថ្មីទី២៩ ស្ថិតនៅភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ។

សូមជម្រាបថា គិតមកដល់ពេលបច្ចុប្បន្ន ធនាគារ វឌ្ឍនៈ មានចំនួន ២៩ សាខា ដែលនៅរាជធានីភ្នំពេញមាន ១២សាខា និងនៅតាមបណ្តាខេត្តមាន ១៧សាខា ដូចជា សៀមរាប បាត់ដំបង កំពង់ស្ពឺ ពោធិ៍សាត់ តាកែវ កំពង់ចាម ក្រុងសួង កំពង់ធំ បៃលិន ក្រុងប៉ោយប៉ែត កំពង់ឆ្នាំង ក្រចេះ រតនគិរី ព្រះវិហារ បន្ទាយមានជ័យ ព្រៃវែង និងឧត្តរមានជ័យ៕

The post ធនាគារ របស់អ្នកឧកញ៉ា សំ អាង បន្តបើកសម្ពោធសាខាថ្មីដ៏ខ្ពស់ស្កឹមស្កៃនៅខេត្តឧត្តរមានជ័យ appeared first on .

ដោយបាន​អនុលោម​តាម​បទប្បញ្ញត្តិ​ពាក់ព័ន្ធ​ជា​ធរមាន វឌ្ឍនៈ ប្រ៊ូ​វើ​រី បានឈានដល់​ដំណាក់កាល​ផលិត​ស្រា​បៀរ​ជា​លើកដំបូង​របស់ខ្លួន ជាមួយនិង​សមត្ថភាព​ផលិត​រហូតដល់ ៧៦​លាន​កេស​ក្នុង​មួយឆ្នាំ​នាពេលខាងមុខ ហើយ​នៅពេល​ដំណើរ​ការផលិត​កម្មបាន​ពេញលេញ​និង​បង្កើត​ការងារ​សម្រាប់​ពលរដ្ឋ​កម្ពុជា​រហូតដល់ ១,៥០០​នាក់ និង​ផ្តល់ឱកាស​ការងារ​ដោយ​ប្រយោល​ជាច្រើន​ផ្សេងទៀត​។​

គួររម្លឹកជូនថា ​នៅ​ថ្ងៃទី​២៥ ខែមិថុនា ឆ្នាំ​២០២០ រោងចក្រ​ស្រា​បៀរ វឌ្ឍនៈ ប្រ៊ូ​វើ​រី ធ្វើ​ពិធី​បញ្ចុះបឋមសិលា​បើក​ការដ្ឋាន​សាងសង់​ ​ដោយ​ប្រើពេល​ត្រឹមតែ ៤៨៣​ថ្ងៃប៉ុណ្ណោះ ទោះ​ស្ថិតក្នុង​បរិបទនៃ​ជំងឺ​កូ​វីដ​-១៩ ក្តី ហើយ​បានរួម​ចំណែក​ជួយ​បន្ត​ផ្តល់​ការងារ​ដល់​បុគ្គលិក និង​កម្មករ ជាង​១០០០​នាក់ រហូតមកទល់​បច្ចុប្បន្ន​។​

រោងចក្រ វឌ្ឍនៈ ប្រ៊ូ​វើ​រី គឺជា​សមិទ្ធផលថ្មី​មួយទៀត​របស់ វឌ្ឍនៈ គ្រុប ដែលជា​គ្រុប​ដ៏​លេចធ្លោ​មួយ ធ្វើការ​វិនិយោគ​លើ​វិស័យ​ធនាគារ វិស័យ​អចលនទ្រព្យ វិស័យ​បដិសណ្ឋារកិច្ច វិស័យ​ម្ហូបអាហារ វិស័យ​ទំនិញ និង​សេវាកម្ម​ព្រមទាំង​វិស័យ​សំខាន់ៗ​ជាច្រើន​ទៀត​នៅក្នុង​ទីផ្សារ​ប្រទេស​កម្ពុជា​៕

The post រោងចក្រស្រាបៀរ តម្លៃ ១៣៩.៥ លានដុល្លារអាមេរិករបស់មហាសេដ្ឋី សំ អាង ចាប់ដំណើរការផលិតជាលើកដំបូងនៅកម្ពុជា appeared first on .

ធនាគារ វឌ្ឍនៈ ត្រូវបានបង្កើតឡើងដោយភាគទុនិកជាជនជាតិខ្មែរសុទ្ធសាធ គឺអ្នកឧកញ៉ា សំ អាង និងលោកជំទាវ អ្នកឧកញ៉ា ឈុន លាង ម្ចាស់ក្រុមហ៊ុន វឌ្ឍនៈ គ្រុប ដែលជាអ្នកជំនួញជោគជ័យល្បីឈ្មោះគ្រប់អាណាចក្រជំនួញគ្រាក់ៗជាច្រើនក្នុងដៃ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ខាងក្រោមនេះ ពានរង្វាន់អន្តរជាតិដែលធនាគារ វឌ្ឍនៈ ទទួលបាន៖

១.​ពានរង្វាន់​សេវា​ធនាគារ​ចល័ត​ដែល​ងាយស្រួល​ប្រើប្រាស​ជាងគេ ប្រចាំ​ប្រទេស​កម្ពុជា​ក្នុង​ឆ្នាំ​២០២១ ពី​ទស្សនា​វ​ត្តី Global Economics ពី​ចក្រភព​អង់គ្លេស​

២.​ពានរង្វាន់​ធនាគារ ដែល​ផ្តល់​សេវាកម្ម​អតិថិជន​ល្អ​បំផុត​ប្រចាំ​ប្រទេស​កម្ពុជា​ក្នុង​ឆ្នាំ​២០២១ ពី​ទស្សនា​វ​ត្តី Finance Derivative ពី​ប្រទេស​ហូ​ឡង់​

៣.​ពានរង្វាន់​អភិបាលកិច្ច​ល្អ​បំផុត ប្រចាំ​ប្រទេស​កម្ពុជា​ក្នុង​ឆ្នាំ​២០២១ ពី​ទស្សនា​វ​ត្តី Finance Derivative ពី​ប្រទេស​ហូ​ឡង់​

៤.​ពានរង្វាន់​ធនាគារ ដែល​ផ្តល់​សេវាកម្ម​អតិថិជន​ល្អ​បំផុត​ប្រចាំ​ប្រទេស​កម្ពុជា​ក្នុង​ឆ្នាំ​២០២១ ពី​ទស្សនា​វ​ត្តី International Business Magazine ពីស​ភាព​អារ៉ាប់​រួម​

៥.​ពានរង្វាន់​សេវា​ធនាគារ​ចល័ត​ដែលមាន​ភាព​ច្នៃប្រឌិត​ជាងគេ ប្រចាំ​ប្រទេស​កម្ពុជា​ក្នុង​ឆ្នាំ​២០២១ ពី​ទស្សនា​វ​ត្តី International Business Magazine ពីស​ភាព​អារ៉ាប់​រួម​

៦.​​ពានរង្វាន់​អភិបាលកិច្ច​ល្អ​បំផុត ពី​ទស្សនា​វ​ត្តី World Economic Magazine ពី​សហរដ្ឋអាមេរិក​

៧.​​ពានរង្វាន់​សេវា​ធនាគារ​ចល័ត​ដែល​ល្អ​ជាងគេ ពី​ទស្សនា​វ​ត្តី World Economic Magazine ពី​សហរដ្ឋអាមេរិក​

៨.​ពានរង្វាន់ សេវាកម្ម​មាស​ល្អ​ជាងគេ ពី​ទស្សនា​វ​ត្តី World Business Outlook ពី​ប្រ​ទេ​សឹង្ហ​បុរី​

៩.​​និង​ពានរង្វាន់​សេវា​ធនាគារ​ចល័ត​ដែល​ល្អ​ជាងគេ​ពី​ទស្សនា​វ​ត្តី World Business Outlook ពី​ប្រ​ទេ​សសឹង្ហ​បុរី​

គួររម្លឹកជូនថា បច្ចុប្បន្ន ធនាគារ វឌ្ឍនៈ មាន​បុគ្គលិក​ប្រហែល​៧០០​នាក់ និង​២៦​សាខា ដែល​ក្នុងនោះ​១២​សាខា ស្ថិតនៅ​រាជធានី​ភ្នំពេញ និង​១៤​សាខា​ទៀត​ស្ថិតនៅតាម​បណ្តា​ខេត្ត​។ ទីស្នាក់ការ​កណ្តាល​ធនាគារ វឌ្ឍនៈ ស្ថិតនៅ​អគារ​ឌ្ឍ​នៈ រាជធានី​ភ្នំពេញ​។ ​ធនាគារ វឌ្ឍនៈ គ្រោង​នឹងដាក់​ឱ្យ​ដំណើរការ​សាខា​ជា​បន្តបន្ទាប់​ទៀត នៅ​ទូទាំងប្រទេស​ត្រឹម​ឆ្នាំ​២០២២ ខាងមុខនេះ​៕

អត្ថបទទាក់ទង៖

The post ឧកញ៉ាញូស៍បង្ហាញពាន់រង្វាន់អន្តរជាតិចំនួន ៩ ដែលធនាគារ វឌ្ឍនៈ ទទួលបានក្នុងឆ្នាំ២០២១នេះ appeared first on .