ក្នុងជំនួបនៅថ្ងៃទី៣ ខែមករា ឆ្នាំ២០២៤ រវាងលោក ស៊ុន ចាន់ថុល និងលោក Nguyen Huy Tang ភាគីទាំងពីរបានពិភាក្សាជុំវិញគោលបំណងជំរុញការវិនិយោគ និងពាណិជ្ជកម្ម ព្រមទាំងជជែកពិភាក្សា លើការពិនិត្យរៀបចំឱ្យវិនិយោគិនកម្ពុជា និងវិនិយោគិនវៀតណាមអាចជួបជជែកពិភាក្សាការងារ និងស្វែងយល់អំពីសក្ដានុពលសម្រាប់ការវិនិយោគក្នុងប្រទេសទាំងពីរ។

នាជំនួបនេះ លោកឯកអគ្គរដ្ឋទូតវៀតណាម បានបង្ហាញក្ដីរំពឹងថា ប្រទេសទាំងពីរ នឹងអាចជំរុញការវិនិយោគ និងពាណិជ្ជកម្មរវាងគ្នាបន្ថែមទៀត ហើយលោកក៏បង្ហាញទិសដៅចង់ឱ្យមានវិនិយោគិនកម្ពុជា ចូលទៅវិនិយោគនៅប្រទេសវៀតណាមផងដែរ។

ជាមួយគ្នានេះដែរ លោកឧបនាយករដ្ឋមន្រ្តី ស៊ុន ចាន់ថុល បានជម្រាបប្រាប់លោកឯកអគ្គរដ្ឋទូតវៀតណាមអំពីកិច្ចការងាររបស់ក្រុមប្រឹក្សាអភិវឌ្ឍន៍កម្ពុជា ដែលដើរតួនាទីជាអ្នកសម្របសម្រួលកិច្ចការងារវិនិយោគ រវាងស្ថាប័នរាជរដ្ឋាភិបាលកម្ពុជាជាមួយវិស័យឯកជន។ ក្នុងនោះក្រុមប្រឹក្សាអភិវឌ្ឍន៍កម្ពុជា អាចដើរតួនាទីសម្របសម្រួលរៀបចំឱ្យវិនិយោគិនកម្ពុជា និងវិនិយោគិនពីបណ្ដាប្រទេសនានាអាចជួបគ្នា ដើម្បីជជែកពិភាក្សាស្វែងយល់ពីសក្ដានុពលផ្សេងៗក្នុងការវិនិយោគផងដែរ។ ក្នុងន័យនេះ លោកនឹងពិនិត្យលទ្ធភាព ឱ្យវិនិយោគិនពីប្រទេសទាំងពីរ អាចជួបជជែកពិភាក្សាដើម្បីស្វែងយល់ពីឱកាសវិនិយោគរវាងគ្នានិងគ្នាទៀតផង។

សូមជម្រាបជូនបន្ថែមថា ​អំឡុងពេលសម្តេចធិបតី ហ៊ុន​ ម៉ាណែត ​បំពេញ​ទស្សនកិច្ច​ផ្លូវការរយៈពេលពីរ​ថ្ងៃ​កាលពីពេលថ្មី​ៗនេះ នៅប្រទេស​វៀតណាម មេដឹកនាំ​កម្ពុជា-វៀតណាម ​បានសម្រេច​ឯកភាពគ្នា​ដាក់ទិសដៅ​ជំរុញទំហំ​ពាណិជ្ជកម្ម​ទ្វេភាគីរវាង​ប្រទេសទាំង២​ ឲ្យបានឈានដល់​កំរិត ២០​ប៊ីលានដុល្លារ ​ក្នុងពេលដ៏ខ្លី​ខាងមុខ​។ តាមរបាយការណ៍របស់​អគ្គនាយកដ្ឋានគយ និងរដ្ឋករកម្ពុជាបានឲ្យដឹងថា​ ទំហំពាណិជ្ជកម្ម​កម្ពុជា-វៀតណាម ​រយៈពេល១១ខែ ​ឆ្នាំ២០២៣ ​គឺមានជិត ៦ពាន់​លានដុល្លារអាមេរិក៕

The post ទូតវៀតណាម ចង់ឱ្យអ្នករកស៊ីកម្ពុជា ចូលទៅវិនិយោគនៅប្រទេសវៀតណាមផង appeared first on .

លោកថ្លែងថា៖ “ភាពក្មេងខ្លីនៃការអភិវឌ្ឍធុរកិច្ចថ្មីនៅកម្ពុជារឹតតែត្រូវការប្រព័ន្ធអេកូឡូស៊ីធុរកិច្ចថ្មីមួយដែលអាចជ្រោងឲ្យធុរជននវានុវត្តជននិស្សិតអាចបង្កើតធុរកិច្ចថ្មីនិងមានឪកាសជោគជ័យខ្ពស់តាមរយៈការផ្តល់បំណិនសហគ្រិនភាពបច្ចេកទេសការផ្តល់ទុនវិនិយោគនិងការទទួលបាននូវការលើកទឹកចិត្តពីរដ្ឋាភិបាលរួមជាមួយនឹងកត្តាគាំទ្រចាំបាច់ផ្សេងៗទៀត”។

“ធុរកិច្ចថ្មី” ស្គាល់ជាទូទៅថា “Startup” សំដៅដល់ស្ថាប័ន ឬដំណើរការបង្កើត និងគ្រប់គ្រងធុរកិច្ចដែលប្រើប្រាស់នវានុវត្តន៍ជាស្នូលនៃការបង្កើតគំរូអាជីវកម្មរបស់ខ្លួន ក្រោមលក្ខខណ្ឌមិនច្បាស់លាស់និងមានហានិភ័យ ប៉ុន្តែមានសក្តានុពលរីកចម្រើនលឿន។ ទន្ទឹមនឹងនោះ ការបណ្តុះ និងការអភិវឌ្ឍធុរកិច្ចថ្មី គឺជានិន្នាការសកលក្នុងការឆ្លើយតបនឹងសម្ទុះជឿនលឿនរបស់បច្ចេកវិទ្យាដែលអាចទាញយកជាប្រយោជន៍ ដើម្បីបង្កើតសេវាកម្មឬផលិតសម្រាប់បម្រើដល់ការរស់នៅឲ្យកាន់តែប្រសើរឡើង។

លោករដ្ឋមន្រ្តីក្រសួងសេដ្ឋកិច្ច គូសបញ្ជាក់ថា ប្រព័ន្ធអេកូឡូស៊ីធុរកិច្ចថ្មីកម្ពុជាបានដុះពន្លកតាំងពីរឆ្នាំ២០១១មកម្លេះហើយបានចាប់ផ្តើមមានសកម្មភាពគួរឲ្យកត់សម្គាល់នៅ៤ទៅ៥ឆ្នាំចុងក្រោយនេះ។ ប៉ុន្តែ ជាអកុសល ក៏ត្រូវទទួលរងផលប៉ពាល់យ៉ាងខ្លាំងពីការរីករាលដាលនៃជំងឺកូវីដ១៩ ក្នុងរយៈពេលជាងមួយឆ្នាំកន្លងមក។ ប្រការនេះទាមទារឲ្យមាននូវយន្តការគាំទ្រច្រើនបន្ថែមទៀត ទាំងភាគីខាងរដ្ឋនិងឯកជន ដើម្បីឲ្យក្លាយជាប្រព័ន្ធអេកូឡូស៊ីមួយរឹងមាំ រស់រវើក ពេញលេញ និងប្រទាក់ក្រឡាគ្នាទៅវិញទៅមករវាងគ្រប់ភាគីពាក់ព័ន្ធ។

គួររម្លឹកថា នៅខែឧសភា ឆ្នាំ២០២១នេះ រដ្ឋាភិបាលកម្ពុជាបានដាក់ចេញនូវ “ក្របខណ្ឌគោលនយោបាយសេដ្ឋកិច្ច និងសង្គមឌីជីថល ២០២១-២០៣៥” ទៅលើចក្ខុវិស័យ “ការកសាងសេដ្ឋកិច្ចនិងសង្គមឌីជីថលរស់រវើកតាមរយៈការរៀបចំមូលដ្ឋានគ្រឹះជំរុញការទទួលយកនិងបវរិវត្តកម្មឌីជីថលសម្រាប់គ្រប់តួអង្គសង្គមទាំងរដ្ឋប្រជាពលរដ្ឋនិងធុរជនដើម្បីជំរុញសម្ទុះកំណើនសេដ្ឋកិច្ចថ្មីនិងលើកកម្ពស់សុខុមាលភាពសង្គមតមាគន្លងប្រក្រតីភាពថ្មី”៕

The post រដ្ឋមន្រ្តីក្រសួងសេដ្ឋកិច្ច៖ ការអភិវឌ្ឍធុរកិច្ចថ្មីនៅកម្ពុជា មានការពុះកញ្ជ្រោលខ្លាំង ក្នុងប៉ុន្មានឆ្នាំចុងក្រោយនេះ appeared first on .