នយោបាយ

ជួរនយោបាយថៃកាន់តែឡើងកម្តៅ ក្រោយនាយករដ្ឋមន្ត្រី គ្រោងរុះរើគណ:រដ្ឋមន្ត្រីទ្រង់ទ្រាយធំ

ឧកញ៉ាសាមញ្ញ — Tue, 03 Jun 2025 05:22:49 +0000

ភាពតានតឹងផ្នែកនយោបាយក្នុងប្រទេស រវាងគណបក្សភឿថៃដែលកំពុងកាន់អំណាច និងក្រុមដៃគូចម្រុះរបស់ខ្លួន គឺគណបក្ស Bhumjaithai កាន់តែកើនឡើងកម្តៅខ្លាំងឡើង ដែលអាចនាំឲ្យមានការរុះរើគណ:រដ្ឋមន្ត្រីទ្រង់ទ្រាយធំ នៅក្នុងខែមិថុនានេះ។ នេះបើតាមការចុះផ្សាយពីសារាព័ត៌មាន Khaosod។

ជុំវិញភាពចម្រូងចម្រាសនេះ ត្រូវបានផ្ទុះឡើងនៅពេលដែលអតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា កំពុងស្នើឲ្យមានការទាមទារដកតំណែងក្រសួងមហាផ្ទៃពី លោក Anutin Charnvirakul ដែលជាឧបនាយករដ្ឋមន្ត្រី និងជាមេដឹកនាំគណបក្ស Bhumjaithai។

ទន្ទឹមនឹងនោះ លោក Prasert Chantrarangthong ដែលជាឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងសង្គមឌីជីថល ត្រូវបានស្នើឲ្យឡើងកាន់តំណែងជារដ្ឋមន្ត្រីក្រសួងមហាផ្ទៃថ្មី ជំនួសវិញ ស្របពេលលោក Anutin ត្រូវបានគេរំពឹងថានឹងត្រូវប្តូរទៅកាន់តំណែងនៅក្រសួងអប់រំ ឬពាណិជ្ជកម្ម។

គួរឲ្យដឹងផងដែរថា ជុំវិញគម្រោងក្នុងការរុះរើគណៈរដ្ឋមន្ត្រីនេះ ត្រូវបានរំពឹងទុកធ្វើឡើង បន្ទាប់ពីមានការអនុម័តកញ្ចប់ថវិកាដំបូងរបស់ខ្លួន។ ក្រោយពីការអនុម័តនេះ មេដឹកនាំគណបក្សភឿថៃ នឹងដើរតួជាកាតនយោបាយដ៏សំខាន់មួយដោយផ្តល់សញ្ញាដល់នាយករដ្ឋមន្រ្តី លោកស្រី ផែថុងថាន ស៊ីណាវ៉ាត្រា ដើម្បីផ្តួចផ្តើមការរុះរើគណៈរដ្ឋមន្ត្រីក្នុងគោលបំណងបន្ថយអំណាចសភាដែលគ្រោងផ្តួលរំលំរដ្ឋាភិបាល។

មិនតែប៉ុណ្ណោះ លោកស្រី ផែថុងថាន បាននិយាយនៅពេលត្រូវបានគេសួរនាំដល់ការរុះរើគណ:រដ្ឋមន្ត្រីនេះថា ៖”ថ្ងៃនេះអ្វីៗនៅតែដដែល ប៉ុន្តែអ្វីៗក៏អាចកើតឡើងបានដែរ។ អ្វីៗដែលយើងមិននឹកស្មានដល់ ឬធ្លាប់បានគិត តែងតែអាចកើតឡើងបានគ្រប់ពេល ហើយលើកនេះក៏មិនខុសគ្នាដែរ”។

ជម្រាបជូនផងដែរថា ការរុះរើគណៈរដ្ឋមន្ត្រីនេះ ត្រូវបានគេរំពឹងថានឹងធ្វើឡើងនៅអំឡុងខែមិថុនា ដល់ខែកក្កដា ខណៈដែលថ្នាក់ដឹកនាំគណបក្សភឿថៃ កំពុងប្រជែងគ្នាដើម្បីទទួលបានការគាំទ្រឡើងវិញ និងជំរុញជំហររបស់រដ្ឋាភិបាល៕

The post ជួរនយោបាយថៃកាន់តែឡើងកម្តៅ ក្រោយនាយករដ្ឋមន្ត្រី គ្រោងរុះរើគណ:រដ្ឋមន្ត្រីទ្រង់ទ្រាយធំ appeared first on .

សម្ដេច ហ៊ុន សែន សន្យារឿងមួយជាមួយចៅស្រី នៅមុខប្រធានាធិបតីប៊ុលហ្គារី

កូនចៅឧកញ៉ា — Thu, 17 Oct 2019 01:36:13 +0000

ក្នុងដំណើរបំពេញទស្សនកិច្ចជាផ្លូវការរបស់ សម្តេចតេជោ ហ៊ុន សែន នៅប្រទេសប៊ុលហ្ការី កាលពីពេលថ្មីៗនេះ សម្ដេចបានសម្រេចការងារជាច្រើន ដើម្បីជាប្រយោជន៍នៃប្រទេសទាំងពីរ។ទទឹមគ្នានោះដែរ សម្តេចតេជោ ហ៊ុន សែន បាននាំចៅស្រីរបស់សម្ដេច ដែលកំពុងតែសិក្សានៅទីនោះ ទៅជួបសម្ដែងការគួរសម ជាមួយប្រធានាធិបតីប៊ុលហ្គារីថែមទៀតផង។ ចៅស្រី របស់សម្ដេចកំពុងតែរៀន នៅសាកលវិទ្យាល័យមួយនៅអឺរ៉ុប ដោយចាប់យកជំនាញវិទ្យាសាស្ត្រនយោបាយ។ ដោយជាជីតាដែលជាអ្នកវិទ្យាសាស្ត្រនយោបាយមួយរូប សម្ដេចបាន សន្យានិងចៅស្រីថា នឹងខិតខំជួយចៅដើម្បីសម្រេចគោលដៅដែលចៅចង់ទៅ។

តាមរយៈផេក”Samdech Hun Sen, Cambodian Prime Minister” បានសរសេររៀបរាប់យ៉ាងដូចនេះថា ចៅស្រីខ្ញុំដែលកំពុងរៀន នៅសាកលវិទ្យាល័យមួយនៅអឺរ៉ុបបានខិតខំមកជួបជីតានៅប្រទេសប៊ុលហ្ការី។ ដោយចៅរៀនយកជំនាញវិទ្យាសាស្ត្រនយោបាយ ហើយខ្ញុំជាជីតាដែលជាអ្នកវិទ្យាសាស្ត្រនយោបាយមួយរូបខិតខំជួយចៅដើម្បីសម្រេចគោលដៅដែលចៅចង់ទៅថ្ងៃនេះបាននាំចៅឱ្យបានស្គាល់ប្រធានាធិបតី និងនាយករដ្ឋមន្ត្រីនៃប្រទេសប៊ុលហ្ការីសំដៅឱ្យចៅបានយល់អំពីរបៀបចរចានៃថ្នាក់ដឹកនាំជាតិ។ កាលពីខែមិថុនា២០១៩កន្លងទៅចៅក៍បានចូលរួមរបៀបនេះនៅប្រទេសហុងគ្រីក្នុងពេលដែលខ្ញុំទស្សនៈកិច្ច នៅនៅទីនោះផងដែរ៕

The post សម្ដេច ហ៊ុន សែន សន្យារឿងមួយជាមួយចៅស្រី នៅមុខប្រធានាធិបតីប៊ុលហ្គារី appeared first on .

ក្រុមចម្រៀងគ្រួសារខ្មែរ នាំគ្នាញ៉ាំនំបញ្ចុក បង្ហាញពីការគាំទ្រ…

កូនចៅឧកញ៉ា — Tue, 04 Jun 2019 02:56:00 +0000

ដូចដែលបងប្អូនមួយចំនួនបានស្គាល់ហើយថាកម្មវិធី ចម្រៀងគ្រួសារខ្មែរ គឺជាកម្មវិធីមួយដែលមានប្រជាប្រិយភាពដោយតែងមានតារាកិត្តិយសជំនាន់ចាស់ថ្មីមកប្រមូលផ្តុំគ្នាបកស្រាយចំរៀង។ មុននេះបន្តិចស្រាប់តែកម្មវិធី ចម្រៀងគ្រួសារខ្មែរ បានបង្ហោះវីដេអូក្រៅឆាកពីជំនួបជួបជុំញ៉ាំនំបញ្ចុកខ្មែររួមគ្នាទាំងក្រុមការងារ និងតារាកិត្តិយស យ៉ាងសប្បាយរីករាយ។ ការញ៉ាំនំបញ្ចុក នេះបង្ហាញពីការគាំទ្រនំដែលជាកេរដំណែលដូនតាខ្មែរ ស្របពេលដែលអ្នកនយោបាយ បានយកនំបញ្ចុកនេះ ធ្វើនយោបាយដូចគ្នា។

សូមមិនមិននយោបាយនាំឲ្យកាន់តែវែងឆ្ងាយ យើងងាកមកមើលសកម្មភាព របស់តារាទាំងអស់ដែលបានចូលរួមញ៉ាំវិញម្ដង។ យើងសង្កេតឃើញមានវត្តមានតារាល្បីៗដែលជាតារាកិត្តិយសដូចជាកញ្ញា សួស វីហ្សា, លោក ថមមី, កញ្ញា នាង គន្ធា, តន្ត្រីករ សុធី ឡយ, នាយ ក្រួច, អ្នកនាង ឆោម ឆពុំ និងលោក អ៊ុក ណារីន ជាដើម ។

The post ក្រុមចម្រៀងគ្រួសារខ្មែរ នាំគ្នាញ៉ាំនំបញ្ចុក បង្ហាញពីការគាំទ្រ… appeared first on .

នយោបាយ

ជួរនយោបាយថៃកាន់តែឡើងកម្តៅ​ ក្រោយនាយករដ្ឋមន្ត្រី គ្រោងរុះរើគណ:រដ្ឋមន្ត្រីទ្រង់ទ្រាយធំ

សម្ដេច ហ៊ុន សែន សន្យា​​រឿង​មួយ​ជា​មួយ​ចៅ​ស្រី នៅ​មុខ​ប្រធានា​ធិបតីប៊ុលហ្គារី

ក្រុម​ចម្រៀងគ្រួសារខ្មែរ នាំ​គ្នា​ញ៉ាំនំបញ្ចុក បង្ហាញ​ពី​ការ​គាំទ្រ…

ជួរនយោបាយថៃកាន់តែឡើងកម្តៅ ក្រោយនាយករដ្ឋមន្ត្រី គ្រោងរុះរើគណ:រដ្ឋមន្ត្រីទ្រង់ទ្រាយធំ

សម្ដេច ហ៊ុន សែន សន្យារឿងមួយជាមួយចៅស្រី នៅមុខប្រធានាធិបតីប៊ុលហ្គារី

ក្រុមចម្រៀងគ្រួសារខ្មែរ នាំគ្នាញ៉ាំនំបញ្ចុក បង្ហាញពីការគាំទ្រ…