យោងតាមវិមាន Elysee បាននិយាយថា ៖” ប្រធានាធិបតី លោក Macron កាលពីថ្ងៃទី១០ ខែតុលា បានតែងតាំងលោក Lecornu ជានាយករដ្ឋមន្ត្រីនៃប្រទេសបារាំង និងបានប្រគល់ភារកិច្ចឲ្យលោកបង្កើតជួររដ្ឋាភិបាលថ្មីៗផងដែរ”។

យ៉ាងណាមិញក្រោយការប្រទេសនេះ លោក Lecornu ក៏បានចេញសារមួយនៅលើបណ្តាញសង្គម X ដោយសន្យាថានឹងធ្វើអ្វីៗគ្រប់បែបយ៉ាងដើម្បីជួយប្រទេសបារាំង ឲ្យឆ្លងកាត់ការអនុម័តកញ្ចប់ថវិកាមុនដំណាច់ឆ្នាំ ដោយបញ្ជាក់ទៀតថា ការស្តារហិរញ្ញវត្ថុសាធារណៈ នឹងនៅតែជាអាទិភាពកំពូលសម្រាប់អនាគតរបស់ប្រទេស។

គួរឲ្យដឹងផងដែរថា​ លោក Lecornu ត្រូវបានតែងតាំងជានាយករដ្ឋមន្ត្រីបារាំងម្តងហើយ ដោយប្រធានាធិបតី Macron កាលពីថ្ងៃទី៩ ខែកញ្ញា។ ប៉ុន្តែដោយសារតែមានការតវ៉ា និងស្ថិតនៅក្រោមសម្ពាធខ្លាំង បានបង្ខំឲ្យបុរសវ័យ ៣៩ឆ្នាំរូបនេះ​សម្រេចដាក់លិខិតលាលែងពីតំណែងវិញ​ ។

ជម្រាបជូនថា នយោបាយបារាំងកាន់តែមិនស្ថិតស្ថេរ ចាប់តាំងពីលោក Macron ត្រូវបានជាប់ឆ្នោតជាថ្មីនៅឆ្នាំ២០២២ ដោយមិនមានគណបក្ស ឬក្រុមចម្រុះកាន់កាប់សំឡេងភាគច្រើននៅក្នុងសភានោះឡើយ។ លោក Macron បាន​កោះហៅឲ្យមានការឆ្នោត​សភា​មុនកាលកំណត់ ​កាល​ពី​ឆ្នាំ​មុន ដោយបានបង្ក​ធ្វើ​ឲ្យមាន​វិបត្តិ​កាន់នយោបាន​តែ​ផុងជ្រៅ៕​

The post បារាំង សម្រេចតែងតាំងលោក Lecornu ជានាយករដ្ឋមន្ត្រីជាថ្មីម្តងទៀត appeared first on .

យោងតាមការិយាល័យប្រធានាធិបតីបារាំង បាននិយាយកាលពីថ្ងៃទី៦ ខែតុលាថា ប្រធានាធិបតី លោក Emmanuel Macron បានទទួលយកការលាលែងពីតំណែងរបស់លោក Lecornu ពីនាយករដ្ឋមន្ត្រី។

រំឮកផងដែរថា បន្ទាប់ពីមានការពិគ្រោះយោបល់អស់ជាច្រើនសប្តាហ៍ជាមួយគណបក្សនយោបាយនៅទូទាំងប្រទេស លោក Lecornu ដែលជាសម្ព័ន្ធមិត្តជិតស្និទ្ធរបស់ប្រធានាធិបតី លោក Macron ត្រូវបានតែងតាំងជារដ្ឋមន្ត្រីថ្មី នៅថ្ងៃទី៥ ខែតុលា ហើយខណៈរដ្ឋមន្ត្រីថ្មី នឹងត្រូវប្រកាសបន្ទាប់ពីនោះ។ តែយ៉ាងណាក៏ដោយ គណៈរដ្ឋមន្ត្រីថ្មី ហាក់គ្មានការផ្លាស់ប្តូរឡើយ ដោយធ្វើឱ្យមានការខឹងសម្បារពីសំណាក់ទាំងបក្សប្រឆាំង និងសម្ព័ន្ធមិត្ត។

ជុំវិញបញ្ហានេះ បានធ្វើឲ្យមានការងឿងឆ្ងល់អំពីលទ្ធភាពជោគជ័យយូរអង្វែងរបស់រដ្ឋាភិបាល ដោយសារប្រទេសបារាំងកំពុងជាប់គាំងក្នុងវិបត្តិនយោបាយ ដោយមានសភាបែកបាក់គ្នា និងគ្មានបក្សពួកកាន់សំឡេងភាគច្រើន។

ជម្រាបជូនផងដែរថា Lecornu បានក្លាយជានាយករដ្ឋមន្ត្រីទីប្រាំហើយ ដែលត្រូវបានតែងតាំងដោយប្រធានាធិបតី លោក Macron ក្នុងរយៈពេលតិចជាងពីរឆ្នាំចុងក្រោយ។ អតីតនាយករដ្ឋមន្ត្រីមុន គឺលោក Francois Bayrou ត្រូវបានសភាបារាំងបណ្តេញចេញពីតំណែង បន្ទាប់ពីមានជម្លោះជុំវិញផែនការរបស់លោក ក្នុងការបង្ក្រាបបំណុលសាធារណៈ៕​

The post នាយករដ្ឋមន្ត្រីបារាំង ប្រកាសចុះចេញពីតំណែងវិញ ក្រោយឡើងកាន់តំណែងមិនដល់មួយខែ appeared first on .

បើតាមការិយាល័យប្រធានាធិបតី បាននិយាយថា លោក Macron បានស្នើឲ្យលោក Lecornu ចរចាជាមួយគណបក្សនយោបាយទាំងអស់ នៅក្នុងសភា ដើម្បីស្វែងរកការសម្របសម្រួលលើថវិកា និងគោលនយោបាយផ្សេងទៀត មុនពេលឈានដល់ការបង្កើតគណៈរដ្ឋមន្ត្រីថ្មី។

ក្រោយការជ្រើសតាំងនេះ លោក Lecornu បានសរសេរលើបណ្តាញសង្គម X របស់ខ្លួនថា៖” ប្រធានាធិបតី បានប្រគល់ឲ្យខ្ញុំនូវភារកិច្ចក្នុងការកសាងរដ្ឋាភិបាល ដោយមានទិសដៅច្បាស់លាស់ គឺការការពារឯករាជ្រជាតិ និងកម្លាំង បម្រើប្រជាជនបារាំង និងធានាស្ថិរភាពនយោបាយ និងស្ថាប័នជាតិ”។

គួរឲ្យដឹងថា លោក Lecornu ជានាយករដ្ឋមន្ត្រីបារាំងទី៥ ហើយ ដែលត្រូវបានតែងតាំងដោយលោក Macron ក្នុងរយៈពេល ២ឆ្នាំចុងក្រោយនេះ បន្ទាប់ពីរដ្ឋសភាបានបោះឆ្នោតដកសេចក្តីទុកចិត្តលើលោក Francois Bayrou។

ជម្រាបជូនផងដែរថា ការផ្ទេរតំណែងរបស់លោក Sebastien Lecornu អាចនឹងត្រូវរៀបចំធ្វើឡើង នៅថ្ងៃទី១០ ខែកញ្ញានេះ៕​

The post បារាំង រកបាននាយករដ្ឋមន្ត្រីទី៥ ក្នុងរយៈពេលត្រឹមតែ ២ឆ្នាំចុងក្រោយ appeared first on .

តាមគេហទំព័រសារព័ត៌មាន Tatler បានបង្ហាញថា លោក Gabriel Attal កើតនៅថ្ងៃទី១៦ ខែមីនា ឆ្នាំ១៩៨៩ និងធំឡើងក្នុងទីក្រុងប៉ារីស ជាមួយនឹងបងប្អូនស្រីបីនាក់ ដែលមានឪពុកឈ្មោះ Yves Attal ជាមេធាវី និងជាអ្នកផលិតខ្សែភាពយន្ត ព្រមទាំងមានម្តាយឈ្មោះ Marie de Couriss ។ បន្ទាប់ពីបញ្ចប់ការសិក្សានៅអនុវិទ្យាល័យ រូបលោកបានទៅបន្តការសិក្សានៅសាកលវិទ្យាល័យ Paris-Panthéon-Assas ផ្នែកច្បាប់ពីឆ្នាំ២០០៨ ដល់ឆ្នាំ២០១១ និងបន្ទាប់មកលោកបានបន្តការសិក្សាថ្នាក់បរិញ្ញាបត្រផ្នែកកិច្ចការសាធារណៈនៅវិទ្យាស្ថាន Sciences Po ផងដែរ ។

បន្ទាប់ពីបញ្ចប់ការសិក្សាពីសាកលវិទ្យាល័យក្នុងឆ្នាំ២០១២ គាត់បានធ្វើការងារពាក់ព័ន្ធនឹងទំនាក់ទំនងសភា និងការសរសេរសន្ទរកថាឱ្យលោកស្រី Marisol Touraine ដែលជារដ្ឋមន្ត្រីក្រសួងសុខាភិបាល ។ ក្នុងឆ្នាំ២០១៧ មុខតំណែងនយោបាយដំបូងរបស់គាត់គឺនៅក្នុងសភាជាតិ ដែលជាសភានយោបាយជាន់ទាបនៃសភាបារាំង។ មួយវិញទៀត លោកក៏ធ្លាប់កាន់តំណែងជារដ្ឋលេខាធិការក្រសួងអប់រំ អ្នកនាំពាក្យរដ្ឋាភិបាល ​និងជារដ្ឋមន្ត្រី​ក្រសួង​សកម្មភាព និង​គណនេយ្យ​សាធារណៈ​ ក៏ដូចជាបានកាន់តំណែងជារដ្ឋមន្ត្រីក្រសួងអប់រំកាលពីឆ្នាំ២០២៣ផងដែរ មុននឹងឡើងកាន់តំណែងជានាយករដ្ឋមន្ត្រីនៃប្រទេសបារាំងកាលពីពេលថ្មីៗនេះ។

បន្ថែមពីនោះ នាយករដ្ឋមន្ត្រីបារាំងលោក Gabriel Attal គឺជានាយករដ្ឋមន្ត្រីដំបូងគេដែលស្រឡាញ់ភេទដូចគ្នា ដោយរូបគាត់មានចំណងស្នេហាជាមួយបុរសវ័យ ៣៨ឆ្នាំឈ្មោះ Stéphane Séjourné ជាមេធាវី និងក៏ជាអ្នកនយោបាយដែលបម្រើការនៅសភាអឺរ៉ុបផងដែរ ខណៈអ្នកទាំងពីរបានរួមរួសនៅជាមួយគ្នាចាប់តាំងពីឆ្នាំ២០១៥ មកម្លេះ៕

The post មកស្គាល់នាយករដ្ឋមន្ត្រីវ័យក្មេងបំផុត ក្នុងប្រវត្តិសាស្ត្ររបស់ប្រទេសបារាំង appeared first on .

នៅលើប្រព័ន្ធផ្សព្វផ្សាយសង្គមផ្លូវការ លោក Macron បានបង្ហាញការកោតសរសើរជាពិសេសចំពោះការងាររបស់លោកស្រី Borne កន្លងមក និងថែមទាំងបានរៀបរាប់ទៀតថា លោកស្រីបានអនុវត្តគម្រោងជាច្រើននៅក្នុងជួររដ្ឋាភិបាល ជាមួយនឹងភាពក្លាហាន ការលះបង់ និងការប្តេជ្ញាចិត្ត ។

គួរឲ្យដឹងថា ការ​ប្រកាស​ចំពោះការចាកចេញពីតំណែងនេះ​ ត្រូវបានធ្វើ​ឡើង​បន្ទាប់​ពីមាន​កិច្ច​ប្រជុំ​រយៈ​ពេល​ពីរ​ម៉ោង ​រវាង​ថ្នាក់ដឹកនាំទាំងពីរ នៅ​ក្នុងវិមាន​ប្រធានាធិបតី Elysee ខណ:ប្រធានាធិតិបតី លោក Macron ត្រូវបានគេរំពឹងថានឹងតែងតាំងនាយករដ្ឋមន្ត្រីថ្មីដែលនឹងត្រូវចូលមកទទួលបន្ទុកជំនួស នៅក្នុងការបង្កើតរដ្ឋាភិបាលថ្មី នៅប៉ុន្មានថ្ងៃខាងមុខនេះ។

ជម្រាបជូនផងដែរថា លោកស្រី Borne ជាស្ត្រីទីពីរក្នុងប្រវត្តិសាស្ត្របារាំង ដែលត្រូវបានតែងតាំងជានាយករដ្ឋមន្ត្រី នៅក្នុងខែឧសភា ឆ្នាំ២០២២ ខណ:ពេលបច្ចុប្បន្ននេះ លោកស្រីនឹងនៅតែបន្តកាន់តំណែងនេះ ​រហូត​ដល់​ពេលរដ្ឋាភិបាលរកអ្នកថ្មីមកជំនួសបាន៕

The post នាយករដ្ឋមន្ត្រីស្រីទីពីរក្នុងប្រវត្តិសាស្រ្តបារាំង ប្រកាសលាលែងចេញពីតំណែង appeared first on .

ទន្ទឹម​នឹង​នោះ ប្រធានាធិបតី​បារាំង​ខាងលើ​បាន​ចាត់​តាំង​លោកស្រី Elisabeth Borne ដែល​ធ្លាប់​កាន់​តំណែង​ជា​រដ្ឋមន្ត្រីក្រសួងការងារ ឲ្យ​មក​ស្នងតំណែង​របស់​លោក Castex ខណៈ​ការ​តែងតាំង​មួយ​នេះ ក៏​បាន​ធ្វើ​ឲ្យ​លោកស្រី Borne ក្លាយ​ជា​ស្ត្រី​ទី ២ ដែល​បាន​ក្លាយជា​នាយករដ្ឋមន្ត្រី​ក្នុង​រយៈពេល ៣០ ឆ្នាំ​ចុងក្រោយ។

ជាមួយ​នឹង​ការ​ឡើង​កាន់តំណែង​របស់​លោកស្រី​វ័យ ៦១ ឆ្នាំ​ខាងលើ អតីត​នាយករដ្ឋមន្ត្រី​លោកស្រី Cresson ក៏​បាន​បញ្ចេញ​ការ​គាំទ្រ និង​បាន​បញ្ចេញ​ទស្សនៈ​របស់​ខ្លួន​សម្រាប់​ការ​តែងតាំង​មនុស្ស​ស្រី​ចំពោះ​តំណែង​ដ៏​សំខាន់​មួយ​នេះ​ផង​ដែរ។

ប្រាប់​ទៅ​កាន់ BFM លោកស្រី Cresson និយាយ៖ “វា​គួរ​តែ​ដល់​ពេលហើយ សម្រាប់​ស្ត្រី​ម្នាក់​ទៀត​មក​អង្គុយ​តំណែង​មួយ​នេះ ហើយ​ខ្ញុំ​ដឹង​ថា លោកស្រី Borne គឺ​ជា​មនុស្ស​ដែល​មាន​ទេពកោសល្យ និង​បទពិសោធន៍​ក្រាស់ក្រែល។ ខ្ញុំ​ជឿ​ថា​នេះ​គឺ​ជា​ការ​សម្រេច​​ចិត្ត​ដ៏​ត្រឹមត្រូវ”។

រំលឹក​ពី​ប្រវត្តិ​ត្រួសៗ​របស់​លោកស្រី Borne បន្តិច មុន​នឹង​មក​កាន់​តំណែង​ជា​រដ្ឋមន្ត្រី​ក្រសួង​ការងារ លោកស្រី​ធ្លាប់​ធ្វើការ​នៅ​ក្រសួង​បរិស្ថាន​បាន​មួយ​រយៈ​នៅ​ឆ្នាំ ២០១៩ ហើយ​អំឡុង​ពេល​បម្រើការ​នៅ​ក្រសួង​ការងារ​ លោកស្រី​បាន​កសាង​ស្នាដៃ​ជាច្រើន។

ស្ថិត​ក្រោម​ការ​គ្រប់គ្រង​របស់​លោកស្រី អត្រា​អត់​ការងារ​បាន​ធ្លាក់​មក​នៅ​ចំណុច​ទាប​បំផុត​ក្នុង​រយៈកាល ១៥ ឆ្នាំ​ចុងក្រោយ ស្របពេល​អត្រា​យុវជន​គ្មាន​ការងារ​ធ្លាក់​មក​ចំណុច​ទាប​បំផុត​ក្នុង​រយៈពេល ៤០ ឆ្នាំ​ចុងក្រោយ ហើយ​បើតាម​ការ​ឲ្យដឹងអតីតបុគ្គលិក​របស់​លោកស្រី​បាន​បង្ហើប​ឲ្យ​ដឹង​ថា លោកស្រី​ Borne ជាមនុស្ស​វក់​នឹង​ការងារ ហើយ​មានថ្ងៃខ្លះធ្វើការដាច់យប់​ដល់​ម៉ោង ៣ ភ្លឺ ហើយ​ម៉ោង ៧ ព្រឹក​បន្តការងារក៏​មាន​ដែរ។

ងាក​មក​ស្ថានការណ៍​បច្ចុប្បន្ន​វិញ បទពិសោធន៍​លើ​ផ្នែក​ការងារ​របស់​លោកស្រី​នឹង​ជួយ​ដល់​ប្រធានាធិបតី​ Macron ក្នុង​ការ​អភិវឌ្ឍន៍ និង​កែច្នៃ​ប្រទេស​ឲ្យ​កាន់​តែ​ប្រសើរ ខណៈ​ការងារ​តំបូង​ដែល​ស្ត្រី​រូបនេះ​នឹង​កាន់កាប់ ប្រឆាំង​នឹង​ការ​តំឡើង​អាយុ​ចូល​និវត្តន៍​របស់​ប្រជាជន​បារាំង​នៅ​វ័យ ៦៥ ឆ្នាំ​៕

ប្រភព: France24

The post នាយករដ្ឋមន្ត្រីថ្មីបារាំង ជាមនុស្សវក់នឹងការងារ ហើយ​ធ្លាប់​សាងស្នាដៃធំៗនៅក្រសួងការងារ appeared first on .