នាយករដ្ឋមន្ត្រីអ៊ីតាលី

នាយករដ្ឋមន្ត្រីអ៊ីតាលីសង្ឃឹមរក្សាទំនាក់ទំនងល្អជាមួយចិន ខណៈកិច្ចព្រមព្រៀង “ខ្សែក្រវ៉ាត់ និងផ្លូវ” អាចត្រូវលុបចោល

ឧកញ៉ាសំពៅ — Mon, 29 May 2023 04:56:00 +0000

មួយរយៈកាលចុងក្រោយនេះ រដ្ឋាភិបាលអ៊ីតាលីកំពុងព្យាយាមលុបចោលនូវកិច្ចព្រមព្រៀង “ខ្សែក្រវ៉ាត់ និងផ្លូវ” ជាមួយមហាអំណាចចិន ខណៈនាយករដ្ឋមន្ត្រីអ៊ីតាលី Giorgia Meloni បានបង្ហើបឲ្យដឹងថា ទំនាក់ទំនងល្អរវាងអ៊ីតាលី និងចិន អាចរក្សាបាននូវភាពវិជ្ជមាន បើទោះជាកិច្ចព្រមព្រៀង BRI អាចនឹងបោះបង់ក្ដី។

FILE PHOTO: Italy’s Prime Minister Giorgia Meloni attends the European leaders summit in Brussels, Belgium February 9, 2023. REUTERS/Yves Herman/File Photo

យោងតាមការចុះផ្សាយពី Kelo បានឲ្យដឹងថា អ៊ីតាលីគឺជាប្រទេសធំតែមួយគត់នៅលោកខាងលិច ដែលបានចូលរួមកិច្ចព្រមព្រៀង BRI របស់ចិន ដែលកម្មវត្ថុបំណងធំបំផុតនោះគឺ កសាងផ្លូវ Silk Road ឡើងវិញ ដែលអាចតភ្ជាប់ចិន ជាមួយតំបន់អាស៊ី និងអឺរ៉ុប ជាមួយនឹងការចំណាយលើហេដ្ឋារចនាសម្ព័ន្ធដ៏ធំសំបើម។

យ៉ាងណា នាយករដ្ឋមន្ត្រីអ៊ីតាលីបាននិយាយថា វាហាក់ដូចជាលឿនពេកក្នុងការចាំលទ្ធផលសម្រេចចិត្តរបស់អ៊ីតាលីថា តើគួរនៅបន្ត ឬក៏ចាកចេញពីកិច្ចព្រមព្រៀង BRI ដែលបានចុះហត្ថលេខាកាលពីឆ្នាំ ២០១៩ និងរងការរិះគន់យ៉ាងចាស់ដៃពីអាមេរិក និង EU។

សូមជម្រាបដែរថា បើទោះជាអ៊ីតាលីជាសមាជិក G7 មួយគត់ ដែលចុះហត្ថលេខាចូលកិច្ចព្រមព្រៀង BRI ក៏ពិតមែន ប៉ុន្តែពួកគេមិនមែនជាដៃគូពាណិជ្ជកម្មធំបំផុតរបស់ចិន សម្រាប់នៅតំបន់អឺរ៉ុប និងនៅលោកខាងលិចនោះទេ៕

The post នាយករដ្ឋមន្ត្រីអ៊ីតាលីសង្ឃឹមរក្សាទំនាក់ទំនងល្អជាមួយចិន ខណៈកិច្ចព្រមព្រៀង “ខ្សែក្រវ៉ាត់ និងផ្លូវ” អាចត្រូវលុបចោល appeared first on .

នាយករដ្ឋមន្ត្រីអ៊ីតាលី៖ មិនមានការសម្រេចចិត្តលុបចោលកិច្ចព្រមព្រៀងជាមួយចិនឡើយ

ឧកញ៉ាសំពៅ — Thu, 11 May 2023 04:42:17 +0000

រដ្ឋាភិបាលអ៊ីតាលីនៅមិនទាន់សម្រេចពីការបោះបង់កិច្ចព្រមព្រៀង “ខ្សែក្រវ៉ាត់ និងផ្លូវ” ជាមួយរដ្ឋាភិបាលចិនឡើយ ដោយកំពុងចរចាជាមួយគ្នាឡើងវិញ។ នេះបើតាមសម្ដីរបស់នាយករដ្ឋមន្ត្រីអ៊ីតាលី Giorgia Meloni បាននិយាយ។

លោកស្រីក៏បាននិយាយថា៖ “ពួកយើងនៅមិនទាន់ធ្វើការសម្រេចចិត្តឡើយ ខណៈការចរចានៅតែបើកចំហរដដែល”។

គួររំលឹកដែរថា អ៊ីតាលីបានចុះកិច្ចព្រមព្រៀង “ខ្សែក្រវ៉ាត់ និងផ្លូវ” កាលពីឆ្នាំ ២០១៩ បើទោះជាមានការជំទាស់ពីសហរដ្ឋអាមេរិក ស្របពេលកតិកាសញ្ញានេះនឹងត្រូវចុះកិច្ចព្រមព្រៀងបន្តនៅចុងឆ្នាំនេះ ហើយលោកស្រី Meloni បាននិយាយថា សភានឹងចូលរួមក្នុងការពិភាក្សាអំពីអនាគតរបស់កិច្ចព្រមព្រៀងមួយនេះ។

សូមជម្រាបដែរថា គិតត្រឹមខែមីនា ឆ្នាំ ២០២២ សមាជិកនៃកិច្ចព្រមព្រៀង BRI មានរហូតដល់ ១៤៩ ប្រទេសឯណោះ ដោយក្នុងនោះ ៤៤ប្រទេសស្ថិតនៅក្នុងអនុតំបន់សាហារ៉ាអាហ្វ្រិក ៣៥ប្រទេសនៅអឺរ៉ុប និងអាស៊ីកណ្តាល ២៥ប្រទេសនៅអាស៊ីបូព៌ា និងប៉ាស៊ីហ្វិក ២១ប្រទេសនៅអាមេរិកឡាទីន និងការាបៀន ១៨ប្រទេសនៅមជ្ឈិមបូព៌ា និងអាហ្វ្រិកខាងជើង និង ៦ប្រទេសនៅអាស៊ីអាគ្នេយ៍៕

The post នាយករដ្ឋមន្ត្រីអ៊ីតាលី៖ មិនមានការសម្រេចចិត្តលុបចោលកិច្ចព្រមព្រៀងជាមួយចិនឡើយ appeared first on .

ប្រធានាធិបតីអ៊ីតាលីសម្រេចរំលាយសភា ខណៈការបោះឆ្នោតរើសនាយករដ្ឋមន្ត្រីថ្មីនឹងធ្វើឆាប់ៗនេះ

ឧកញ៉ាសំពៅ — Fri, 22 Jul 2022 10:07:01 +0000

លោក Mario Draghi បានសម្រេចចិត្តចុះចេញពីឆាកនយោបាយ ដោយបានលាលែងពីតំណែងជានាយករដ្ឋមន្ត្រីនៃប្រទេសអ៊ីតាលី ក្រោយមានចម្រូងចម្រាស់បញ្ហាផ្ទៃក្នុង។

ទន្ទឹមនឹងនោះ ប្រធានាធិបតី Sergio Mattarella បានសម្រេចចិត្តរំលាយសភា កាលពីថ្ងៃព្រហស្បតិ៍ ហើយការបោះឆ្នោតរើសនាយករដ្ឋមន្ត្រីមុនអាណត្តិនឹងធ្វើឡើងនៅថ្ងៃទី ២៥ កញ្ញាខាងមុខ។ នេះបើតាមការចុះផ្សាយពី CNN។

ដោយឡែក បេក្ខភាពដែលអាចនឹងមានវត្តមានក្នុងការប្រជែងតំណែងខាងលើគឺមានដូចជា Giorgia Meloni ដឹកនាំគណបក្ស Brothers of Italy និងគណបក្ស Democratic Party និង The League ជាដើម។ នេះបើតាមទិន្នន័យផ្ដល់ឲ្យដោយវិទ្យាស្ថាន SWG។

សូមជម្រាបដែរថា ការលាលែងតំណែងរបស់លោក Draghi គឺមិនត្រឹមតែជះឥទ្ធិពលអាក្រក់ដល់អ៊ីតាលីឡើយ ពោលគឺសហភាពអឺរ៉ុបទាំងមូលតែម្ដង ដោយសារកន្លងមករូបលោកគឺជាបុគ្គលដើរតួយ៉ាងសំខាន់ក្នុងការសម្របសម្រួលសេដ្ឋកិច្ចសហភាពអឺរ៉ុប៕

The post ប្រធានាធិបតីអ៊ីតាលីសម្រេចរំលាយសភា ខណៈការបោះឆ្នោតរើសនាយករដ្ឋមន្ត្រីថ្មីនឹងធ្វើឆាប់ៗនេះ appeared first on .

ទីបំផុតនាយករដ្ឋមន្ត្រីអ៊ីតាលីចុះចេញពីតំណែងបានសម្រេច ក្រោយបរាជ័យកាលពីសប្ដាហ៍មុន

ឧកញ៉ាសំពៅ — Thu, 21 Jul 2022 09:46:51 +0000

នាយករដ្ឋមន្ត្រី Mario Draghi បានប្រគល់លិខិតលាលែងតំណែងរបស់លោកទៅកាន់ប្រធានាធិបតី Sergio Mattarella នៅថ្ងៃព្រហស្បតិ៍ ហើយដំណឹងមួយនេះបានធ្វើឲ្យប្រទេសសេដ្ឋកិច្ចធំបំផុតទី ៣ អឺរ៉ុប ធ្លាក់ចូលក្នុងភាពវឹកវរនៃឆាកនយោបាយជាថ្មី។

ការលាលែងតំណែងជានាយករដ្ឋមន្ត្រីរបស់លោក Draghi បានធ្វើឡើង បន្ទាប់ពីមន្ត្រីសំខាន់ៗនៃគណបក្សរបស់លោក ដែលជាគណបក្សធំបំផុតនៃរដ្ឋាភិបាលចម្រុះ បានធ្វើពហិការនៅជួររដ្ឋាភិបាលនៅយប់ថ្ងៃពុធ។

ដោយឡែក ប្រធានាធិបតីអ៊ីតាលីវិញកំពុងរៀបចំណាត់ជួបជាមួយនឹងអ្នកតំណាងសភានៅរសៀលថ្ងៃព្រហស្បតិ៍ ដើម្បីប្រកាសពីដំណឹងនេះជាផ្លូវការ ខណៈជំហានបន្ទាប់នឹងរៀបចំការបោះឆ្នោតមុនអាណត្តិ។ នេះបើតាមការចុះផ្សាយពី CNN ។

សូមជម្រាបដែរថា លោក Draghi បានស្នើសុំលាលែងពីតំណែងជានាយករដ្ឋមន្ត្រីតាំងពីសប្ដាហ៍មុនម៉្លេះ ប៉ុន្តែត្រូវបានបដិសេធដោយប្រធានាធិបតី និងបានស្នើឲ្យលោកសម្រាកនៅផ្ទះដើម្បីរកដំណោះស្រាយដែលល្អជាងនេះ។

ចុងបញ្ចប់ ទោះបីជាខិតខំបែបណា ផ្លូវដែល Draghi បានជ្រើសរើសគឺនៅតែដដែល ពោលបញ្ចប់មុខតំណែងជានាយករដ្ឋមន្ត្រីអ៊ីតាលីត្រឹមរយៈពេលជិត ១ ឆ្នាំកន្លះ ពោលកាន់តំណែងពីថ្ងៃទី ១៣ កុម្ភៈ ២០២១ ដល់ថ្ងៃទី ២១ កក្កដា ២០២២៕

The post ទីបំផុតនាយករដ្ឋមន្ត្រីអ៊ីតាលីចុះចេញពីតំណែងបានសម្រេច ក្រោយបរាជ័យកាលពីសប្ដាហ៍មុន appeared first on .

នាយករដ្ឋមន្ត្រីអ៊ីតាលី

នាយករដ្ឋមន្ត្រីអ៊ីតាលី៖ មិនមានការសម្រេចចិត្តលុបចោលកិច្ចព្រមព្រៀងជាមួយចិនឡើយ

ប្រធានាធិបតី​អ៊ីតាលី​សម្រេច​រំលាយ​សភា ខណៈ​ការ​បោះឆ្នោត​រើស​នាយករដ្ឋមន្ត្រី​ថ្មី​នឹង​ធ្វើ​ឆាប់ៗ​នេះ

ទីបំផុត​នាយក​រដ្ឋមន្ត្រី​អ៊ីតាលី​ចុះចេញ​ពី​តំណែង​បាន​សម្រេច ក្រោយ​បរាជ័យ​កាលពី​សប្ដាហ៍​មុន

ប្រធានាធិបតីអ៊ីតាលីសម្រេចរំលាយសភា ខណៈការបោះឆ្នោតរើសនាយករដ្ឋមន្ត្រីថ្មីនឹងធ្វើឆាប់ៗនេះ

ទីបំផុតនាយករដ្ឋមន្ត្រីអ៊ីតាលីចុះចេញពីតំណែងបានសម្រេច ក្រោយបរាជ័យកាលពីសប្ដាហ៍មុន