ពិធីនេះប្រព្រឹត្តទៅក្រោមអធិបតីភាព លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក ន.ម.ក., លោក Ha Duy Tung អនុប្រធាន SSC, លោកស្រី Yasmin Siddiqi នាយិកា ADB ប្រចាំកម្ពុជា និងលោក Babak Abbaszadeh ប្រធាន TC។

វគ្គបណ្តុះបណ្តាលរយៈពេល ៥ថ្ងៃ (៥-៩ តុលា) នេះ មានសិក្ខាកាមចូលរួមចំនួន ៣៩រូប មកពីនិយ័តករទីផ្សារមូលបត្រនៃប្រទេសអាស៊ានចំនួន ៧ រួមមាន៖ ព្រុយណេ កម្ពុជា ឡាវ ឥណ្ឌូនេស៊ី ម៉ាឡេស៊ី សិង្ហបុរី និងវៀតណាម។ កម្មវិធីនេះផ្តោតសំខាន់លើការបង្កើនសមត្ថភាពកំណត់ និងវាយតម្លៃហានិភ័យ ការបែងចែកធនធានត្រួតពិនិត្យតាមទំហំស្ថាប័នហិរញ្ញវត្ថុ ព្រមទាំងការគ្រប់គ្រងផលប៉ះពាល់ដែលកើតចេញពីសេវាហិរញ្ញវត្ថុឌីជីថល បញ្ញាសិប្បនិម្មិត (AI) និងបទល្មើសហិរញ្ញវត្ថុ។

ថ្លែងក្នុងពិធីបើក លោក ស៊ូ សុជាតិ បានគូសបញ្ជាក់ថា ការត្រួតពិនិត្យផ្អែកលើហានិភ័យ (RBS) គឺជាផ្នត់គំនិតមានចក្ខុវិស័យវែងឆ្ងាយ ដែលជួយឱ្យការត្រួតពិនិត្យចំគោលដៅ និងទាន់ពេលវេលា។ វគ្គបណ្តុះបណ្តាលនេះ បានរួមចំណែកដោយផ្ទាល់ដល់ការអនុវត្តផែនការសកម្មភាព ACMF ឆ្នាំ២០២៦-២០៣០ សំដៅកសាងទីផ្សារមូលបត្រអាស៊ានមួយប្រកបដោយភាពធន់ រឹងមាំ និងត្រៀមខ្លួនជាស្រេចសម្រាប់អនាគត។

ជាមួយគ្នានេះ ថ្នាក់ដឹកនាំនៃ SSC, ADB និង TC ក៏បានឯកភាពគ្នាថា ការពង្រឹងសមត្ថភាពត្រួតពិនិត្យ និងកិច្ចសហការចែករំលែកចំណេះដឹងរវាងស្ថាប័ននិយ័តករ គឺជាខែលការពារដ៏រឹងមាំបំផុតប្រឆាំងនឹងអស្ថិរភាពហិរញ្ញវត្ថុ និងធានានូវកំណើនសេដ្ឋកិច្ចប្រកបដោយចីរភាពក្នុងតំបន់៕

The post ពង្រឹងភាពធន់ទីផ្សារមូលធនអាស៊ាន! និយ័តករ ៧ប្រទេស ជួបជុំគ្នានៅភ្នំពេញ ក្នុងវគ្គបណ្តុះបណ្តាល គ្រប់គ្រងហានិភ័យ និងបច្ចេកវិទ្យា AI appeared first on .

ចំពោះទំហំជួញដូរភាគហ៊ុន សរុបមានចំនួន ២៦២ លាន ភាគហ៊ុន ដែលមានតម្លៃ ជួញដូរសរុប ៤៨៤,៣៦ លានដុល្លារអាម៉េរិក និងទំហំជួញដូរប្រចាំថ្ងៃជាមធ្យម ២១០.៨០៦ ភាគហ៊ុន ខណៈដែលតម្លៃជួញដូរប្រចាំថ្ងៃជាមធ្យមប្រមាណ ២៧ ម៉ឺនដុល្លារអាម៉េរិក និងបានផ្តល់លេខអត្តសញ្ញាណវិនិយោគិនចំនួន ៧៦.៦៩៦។

និយ័តករមូលបត្រកម្ពុជា (ន.ម.ក.) ក៏បានផ្តល់អាជ្ញាបណ្ណ ការអនុញ្ញាត និងការទទួលស្គាល់ដល់ ក្រុមហ៊ុនធ្វើអាជីវកម្ម និងផ្តល់សេវាក្នុងវិស័យមូលបត្រ ប្រមាណជាង ១៥៥ ក្រុមហ៊ុន ព្រមទាំងបានរៀបចំ វគ្គបណ្តុះបណ្តាលដល់សាធារណជន សិស្ស-និស្សិត សាស្ត្រាចារ្យ អ្នកសារព័ត៌មាន វិនិយោគិនសក្តានុពល ក្រុមហ៊ុន បោះផ្សាយសក្តានុពល និងរូបវន្តបុគ្គលដែលផ្តល់សេវាក្នុងវិស័យមូលបត្រ ចំនួន ២៨៩ លើក ដែលមានអ្នកចូលរួម សរុបចំនួន ៣៤.២៨៥ រូប ដោយគិតចាប់តាំងពីទីផ្សារបានបង្កើត។

សូមបញ្ជាក់ដែរថា ចាប់តាំងពីការបង្កើតឱ្យមានទីផ្សារមូលបត្រនៅកម្ពុជា រហូតមកដល់ឆមាសទី១ ឆ្នាំ២០២៦ នេះ មានក្រុមហ៊ុនចំនួន ២៧ បានបោះផ្សាយលក់មូលបត្រជាសាធារណៈ និងចុះបញ្ជីលក់មូលបត្រនៅផ្សារមូលបត្រកម្ពុជា ក្នុងចំណោមក្រុមហ៊ុនទាំង ២៧ នេះ មានក្រុមហ៊ុន១២ បានបោះផ្សាយលក់មូលបត្រកម្មសិទ្ធិ ជាសាធារណៈ ក្នុងនោះ ក្រុមហ៊ុន ៩ ចុះបញ្ជីលក់មូលបត្រកម្មសិទ្ធិនៅទីផ្សារគោល និងក្រុមហ៊ុន៣ បានចុះបញ្ជីលក់មូលបត្រកម្មសិទ្ធិនៅទីផ្សារកំណើន និងបានប្រមូលសាច់ប្រាក់ពីទីផ្សារ ចំនួន ១៣៤,៨១ លានដុល្លារ និងក្រុមហ៊ុនចំនួន ១៥ បានបោះផ្សាយលក់សញ្ញាបណ្ណ និងចុះបញ្ជីនៅផ្សារមូលបត្រកម្ពុជា ដោយរួមបញ្ចូលទាំងសញ្ញាបណ្ណបៃតង និងសញ្ញាបណ្ណចីរភាព និងបានប្រមូលសាច់ប្រាក់ពីទីផ្សារ ចំនួន ៥៦៥,៧៥ លានដុល្លារ។ ន.ម.ក. បានផ្តល់ការអនុញ្ញាតដល់ក្រុមហ៊ុន ៥ ធ្វើការបោះផ្សាយលក់មូលបត្របំណុលជាឯកជន និងបានប្រមូលសាច់ប្រាក់៥៦២ លានដុល្លារ។ ដូច្នេះក្រុមហ៊ុនទាំង ៣២ នេះ បានប្រមូលសាច់ប្រាក់តាមរយៈទីផ្សារមូលបត្រ ចំនួន ១.២៦២,៥៦ លានដុល្លារអាម៉េរិក។

The post គិតត្រឹម ឆមាសទី១ ឆ្នាំ២០២៦ ទំហំមូលធនូបនីយកម្មទីផ្សារសរុបមានតម្លៃប្រហែល៣,១១ ពាន់លានដុល្លារ appeared first on .

យោងតាមរបាយការណ៍ផ្លូវការ របស់និយ័តករមូលបត្រកម្ពុជា ក្នុងចំណោមក្រុមហ៊ុនទាំង៣២នោះ មានក្រុមហ៊ុនចំនួន ២៧ បានបោះផ្សាយលក់មូលបត្រជាសាធារណៈ និងចុះបញ្ជីលក់មូលបត្រនៅផ្សារមូលបត្រកម្ពុជា (ផមក)។ នៅក្នុងនោះ រួមមាន៖ មូលបត្រកម្មសិទ្ធិ (ភាគហ៊ុន) មានក្រុមហ៊ុនចំនួន ១២ បានបោះផ្សាយលក់មូលបត្រកម្មសិទ្ធិជាសាធារណៈ ដោយក្នុងនោះ ក្រុមហ៊ុនចំនួន ៩ បានចុះបញ្ជីលក់នៅ «ទីផ្សារគោល» និងក្រុមហ៊ុនចំនួន ៣ ទៀត បានចុះបញ្ជីនៅ «ទីផ្សារកំណើន»។ការបោះផ្សាយលក់ភាគហ៊ុននេះ អាចប្រមូលសាច់ប្រាក់ពីទីផ្សារបានចំនួន ១៣៤,៨១ លានដុល្លារអាម៉េរិក។

មូលបត្របំណុល មានក្រុមហ៊ុនចំនួន ១៥ បានបោះផ្សាយលក់សញ្ញាបណ្ណ និងចុះបញ្ជីនៅ ផមក ដោយរួមបញ្ចូលទាំងសញ្ញាបណ្ណបៃតង និងសញ្ញាបណ្ណចីរភាព ផងដែរ។ ក្រុមហ៊ុនទាំងនេះប្រមូលសាច់ប្រាក់បានចំនួន ៥៦៥,៧៥ លានដុល្លារអាម៉េរិក។

បន្ថែមពីលើការបោះផ្សាយជាសាធារណៈ និយតករមូលបត្រកម្ពុជា (ន.ម.ក.) ក៏បានផ្តល់ការអនុញ្ញាតដល់ក្រុមហ៊ុនចំនួន ៥ ផ្សេងទៀត ក្នុងការបោះផ្សាយលក់មូលបត្របំណុលជាឯកជន ដែលអាចប្រមូលសាច់ប្រាក់បានចំនួន ៥៦២ លានដុល្លារអាម៉េរិក។

The post ក្រុមហ៊ុន ៣២ ប្រមូលទុនបានជាង ១,២ ពាន់លានដុល្លារ ពីទីផ្សារមូលបត្រកម្ពុជា appeared first on .

ការអំពាវនាវនេះ ត្រូវ បានធ្វើឡើងក្នុងសិក្ខាសាលាផ្សព្វផ្សាយ ស្តីពី «ដំណើរនៃការអភិវឌ្ឍវិស័យមូលបត្រនៅកម្ពុជា៖ កិច្ចគាំពារវិនិយោគិន, បរិយាបន្ន, នវានុវត្តន៍ និងចីរភាព» សម្រាប់អង្គទូត នៃស្ថានទូតប្រចាំប្រទេសកម្ពុជា កាលពីថ្ងៃទី១៣ ខែសីហា ឆ្នាំ២០២៦។

ក្នុងឱកាសនោះលោក ស៊ូ សុជាតិ បានបញ្ជាក់ថា អាទិភាពយុទ្ធសាស្ត្រទីមួយ គឺការកសាងសមត្ថភាព និងការផ្ទេរចំណេះដឹង ដើម្បីគាំទ្រការលើកកម្ពស់សមត្ថភាពនិយ័តករ ប្រតិបត្តិករ និងអន្តរការីហិរញ្ញវត្ថុ ឱ្យឆ្លើយតបបានទាន់ពេលវេលាចំពោះការវិវត្តឥតឈប់ឈរនៃទីផ្សារ។

ចំណែកអាទិភាពទីពីរ គឺការរួមគ្នាកសាងស្តង់ដារក្នុងតំបន់ តាមរយៈការអភិវឌ្ឍការវិនិយោគឆ្លងដែន និងការធ្វើសុខដុមនីយកម្មក្របខ័ណ្ឌបទប្បញ្ញត្តិនៅក្នុងតំបន់អាស៊ាន។ ជាមួយគ្នានេះ អាទិភាពទីបី គឺការលើកកម្ពស់ការវិនិយោគ និងការកៀរគរទុនប្រកបដោយចីរភាព ដោយលើកទឹកចិត្តសហគមន៍ធុរកិច្ចឱ្យសិក្សាអំពីឱកាសវិនិយោគ និងសម្រួលរំហូរទុនអន្តរជាតិសម្រាប់សញ្ញាបណ្ណបៃតងសាជីវកម្ម និងឧបករណ៍ហិរញ្ញវត្ថុដែលផ្សារភ្ជាប់នឹងបរិស្ថាន សង្គម និងអភិបាលកិច្ច។

ដោយឡែកអាទិភាពទីបួន គឺការលើកកម្ពស់បច្ចេកវិទ្យាហិរញ្ញវត្ថុ និងការធ្វើទំនើបកម្មទីផ្សារ ដោយទាញយកប្រយោជន៍ពីបច្ចេកវិទ្យាហិរញ្ញវត្ថុថ្មីៗ ព្រមទាំងបច្ចេកវិទ្យាបទប្បញ្ញត្តិ និងបច្ចេកវិទ្យាត្រួតពិនិត្យ ដើម្បីកសាងប្រព័ន្ធអេកូឡូស៊ីមូលបត្រមួយដែលមានប្រសិទ្ធភាព បរិយាបន្ន និងឌីជីថល។

លោក ស៊ូ សុជាតិ សង្កត់ធ្ងន់ថា តាមរយៈនវានវុត្តន៍ ការការពារវិនិយោគិនដ៏រឹងមាំ និងបរិយាបន្នហិរញ្ញវត្ថុ វិស័យមូលបត្រកម្ពុជា បាន និងកំពុងកសាងនូវភាពធន់នៃប្រព័ន្ធអេកូឡូស៊ីហិរញ្ញវត្ថុ ដែលប្រកាន់ខ្ជាប់នូវភាពជាដៃគូសាកល និងការធ្វើសមាហរណកម្មទីផ្សារមូលបត្រកម្ពុជាទៅក្នុងសេដ្ឋកិច្ចពិភពលោក៕

The post ន.ម.ក. អំពាវនាវអង្គទូតនានាចូលរួមជាដៃគូសហការលើអាទិភាពយុទ្ធសាស្ត្រសំខាន់ៗ ជំរុញវិស័យមូលបត្រកម្ពុជា appeared first on .

សិក្ខាសាលានេះ ធ្វើឡើងក្រោមអធិបតីភាពរបស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយ ឯកឧត្តម កែប សំភី ប្រធាននាយកដ្ឋានត្រួតពិនិត្យទីផ្សារមូលបត្រនៃ ន.ម.ក., បណ្ឌិត ព្រំ វិសុទ្ធ អគ្គនាយក នៃក្រុមហ៊ុនមូលបត្រ អេស៊ីលីដា ម.ក និងលោក អុន សំអុល នាយកជាន់ខ្ពស់សាខា “ក” នៃសាខាក្រុមហ៊ុនក្នុងស្រុកធនាគារ អេស៊ីលីដា ភីអិលស៊ី  (ខណ្ឌបឹងកេងកង-សង្កាត់បឹងកេងកងទី១)។

និយ័តករមូលបត្រកម្ពុជា បានបញ្ជាក់ថា សិក្ខាសាលានេះត្រូវបានរៀបចំឡើងក្នុងគោលបំណងលើកកម្ពស់ការយល់ដឹងបន្ថែមពីមូលដ្ឋានគ្រឹះនៃការវិនិយោគ និងឱកាសវិនិយោគក្នុងទីផ្សារមូលបត្រកម្ពុជា។

ឯកឧត្តម ស៊ូ សុជាតិ បានលើកឡើងថា “ការជម្រុញ និងផ្សព្វផ្សាយអំពីក្រុមហ៊ុនក្នុងវិស័យមូលបត្រដែលបានចុះបញ្ជីស្របច្បាប់ជូនដល់សាធារណជនឱ្យបានកាន់តែទូលំទូលាយ គឺជាកត្តាគន្លឹះក្នុងការកាត់បន្ថយហានិភ័យពីការវិនិយោគជាមួយក្រុមហ៊ុនខុសច្បាប់។ ទន្ទឹមនឹងនេះ ការវិនិយោគលើចំណេះដឹងនឹងជួយបង្កើតជំនាញ និងមូលដ្ឋានគ្រឹះដ៏រឹងមាំ ដើម្បីទាញយកផលប្រយោជន៍ជាអតិបរមាពីទីផ្សារមូលបត្រ ព្រមទាំងអាចកាត់បន្ថយហានិភ័យបានយ៉ាងច្រើន៕

The post ឯកឧត្តម ស៊ូ សុជាតិ អញ្ជើញបើកសិក្ខាសាលា ស្តីពី “ឱកាសមាសនៃការវិនិយោគមូលបត្រ” appeared first on .

របាយការណ៍និយ័តករមូលបត្រកម្ពុជា បានបង្ហាញថា ក្នុងឆ្នាំ២០២៤ ទីផ្សារមូលបត្រកម្ពុជា មានមូលធនូបនីយកម្មទីផ្សារ) ប្រមាណ ២,៧៧ ពាន់លានដុល្លារ, សន្ទស្សន៍ទីផ្សារស្ថិតក្នុង ៤១២,៧៥ ពិន្ទុ, ក្រុមហ៊ុនចុះបញ្ជីចំនួន ២ ដែលក្នុងនោះ រួមមាន សញ្ញាបណ្ណបៃតងចំនួន ១, តម្លៃជួញដូរសរុបប្រមាណ ៣២,៩៥ លានដុល្លារ និងទំហំជួញដូរជាមធ្យម ប្រចាំថ្ងៃប្រមាណ ១៣៣.៩៦៣ ដុល្លារ។ ទន្ទឹមនឹងនេះ ក្នុងឆ្នាំ២០២៤ និយ័តករមូលបត្រកម្ពុជា ក៏បានផ្តល់លេខអត្តសញ្ញាណ វិនិយោគិន ចំនួន ១០.៧០៩ផងដែរ។

បើតាមនិយ័តករមូលបត្រកម្ពុជា ក្នុងឆ្នាំ២០២៤ បើទោះបីជា ទិន្នន័យនេះមានចំនួនទាប បើធៀបនឹងឆ្នាំ២០២៣ ប៉ុន្តែដោយសារការត្រៀមខ្លួនរួចរាល់របស់ក្រុមហ៊ុនចុះបញ្ជី ចំនួននេះនឹងកើនឡើងខ្ពស់ក្នុងឆ្នាំ២០២៥។

គិតត្រឹមឆ្នាំ២០២៤ និយ័តករមូលបត្រកម្ពុជា ក៏បានផ្តល់អាជ្ញាបណ្ណ ការអនុញ្ញាត និង/ឬការទទួលស្គាល់ដល់ក្រុមហ៊ុន/ភ្នាក់ងារ ផ្តល់សេវាក្នុងវិស័យមូលបត្រចំនួន ១២៧ ក្រុមហ៊ុន/ភ្នាក់ងារ និងដល់អ្នកជំនាញក្នុងទីផ្សារមូលបត្រសរុបចំនួន ៣១៥ រូបផងដែរ។

សូមបញ្ជាក់ថា ទីផ្សារមូលបត្រមានកំណើនគួរឱ្យកំណត់សម្គាល់ក្នុងឆ្នាំ២០២៤។ បើទោះបីជា កំណើននេះនៅមាន កម្រិតទាបបើធៀបនឹងទីផ្សារក្នុងតំបន់ ប៉ុន្តែទីផ្សាមូលបត្រកម្ពុជាមាននិន្នាការនៃការវិវត្តគឺស្របតាមការអភិវឌ្ឍរបស់ ទីផ្សារក្នុងស្រុក និងតំបន់ ក៏ដូចជាទីផ្សារសកល ដូចជាហិរញ្ញវត្ថុនិរន្តរភាព និងការធ្វើឌីជីថលូបនីយកម្មក្នុងវិស័យមូលបត្រ។

បន្ថែមពីនេះ ជាកិច្ចឆ្លើយតបនឹងការវិវត្តយ៉ាងឆាប់រហ័សនៃបច្ចេកវិទ្យាសកល និងក្នុងគោលបំណងជំរុញការជួញដូរមូលបត្រ ព្រមទាំងលើកកម្ពស់ការប្រើប្រាស់បច្ចេកវិទ្យាព័ត៌មានក្នុងវិស័យមូលបត្រ និងដាក់ចេញនូវផលិតផល និងអាជីវកម្ម ឌីជីថលពាក់ព័ន្ធនឹងមូលបត្រ និយ័តករមូលបត្រក៏បានដាក់ចេញនូវយន្តការ និងរៀបចំនូវសេចក្តីព្រាងបទប្បញ្ញត្តិពាក់ព័ន្ធ ជាពិសេសសេចក្តីព្រាងប្រកាសស្តីពី ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល៕

The post គិតត្រឹមឆ្នាំ២០២៤៖ ក្រុមហ៊ុន២៣បានចុះបញ្ជីលក់មូលបត្រសិទ្ធិ និងមូលបត្របំណុល ប្រមូលសាច់ប្រាក់បានជាង៣៨៧លានដុល្លារ appeared first on .

លោក ស៊ូ សុជាតិ បានមានប្រសាសន៍ឱ្យដឹងថា ក្នុងចំណោមក្រុមហ៊ុន២៣នេះ មានក្រុមហ៊ុនចំនួន១១បានបោះផ្សាយលក់មូលបត្រកម្មសិទ្ធិ និងចំនួន១២ បានបោះផ្សាយលក់សញ្ញាបណ្ណដែលជាមូលបត្របំណុល​ ដោយក្នុងនោះរួមមានទាំងសញ្ញាបណ្ណបៃតង និងសញ្ញាបណ្ណចីរភាពផងដែរ។

អគ្គនាយកនិយ័តករមូលបត្រកម្ពុជាបានលើកឡើងថា នេះជាមោទនភាពមួយសម្រាប់ប្រទេសកម្ពុជា ថ្វីដ្បិតតែចាប់ផ្តើមទីផ្សារក្រោយគេ ជាទីផ្សារមួយតូច ក្មេងខ្ចី ប៉ុន្តែដំណើរការនៃការអភិវឌ្ឍវិស័យនេះគឺដើរទន្ទឹមនឹងនិន្នាការថ្នាក់តំបន់និងនិន្នាការសាកលលោក។

លោកបានកត់សម្គាល់ថា គិតមកដល់ថ្ងៃនេះនិយ័តករកម្ពុជាបានផ្តល់អាជ្ញាបណ្ណនៃការអនុញ្ញាត ការទទួលស្គាល់ដល់ក្រុមហ៊ុនធ្វើអាជីវកម្ម និងសេវាក្នុងវិស័យមូលបត្រសរុប១៣០ក្រុមហ៊ុន។ គិតត្រឹមត្រីមាសទីពីរឆ្នាំ២០២៤ ទំហំមូលធននីយកម្មទីផ្សារសរុបមានតម្លៃប្រហែល១១,២២ប៊ីលានរៀល ប្រមាណ២.៧៣ ពាន់លានដុល្លារស្មើនឹង៨.៧៥ភាគរយ ធៀបនឹងផលិតផលក្នុងស្រុកសរុប(GDP)។ ទំហំជួញដូរសរុបមានរហូតដល់ជាង១០លានភាគហ៊ុននិងតម្លៃនៃការជួញដូរមូលបត្រ សរុបមាន១២.៩០ លានដុល្លារ »។

លោក ស៊ូ សុជាតិ គូសបញ្ជាក់ថា ទំហំជួញដូរប្រចាំថ្ងៃជាមធ្យមមានចំនួន១៧៩ពាន់ភាគហ៊ុនក្នុង១ថ្ងៃ តម្លៃជួញដូរហ៊ុនប្រចាំថ្ងៃជាមធ្យមមានប្រហែលជាង២១ម៉ឺនដុល្លារ ប៉ុន្តែកន្លងមកមានថ្ងៃខ្លះហក់ឡើងដល់ជាងកន្លះលានដុល្លារផងដែរ៕ អត្ថបទ៖ សុភក្ត្រា

The post បច្ចុប្បន្នុក្រុមហ៊ុន២៣ បានបោះផ្សាយលក់មូលបត្ររបស់ខ្លួន ប្រមូលបានសាច់ប្រាក់ ៣៨៩លានដុល្លារ appeared first on .