ព្រះអង្គម្ចាស់ Harald ទី៥ ដែលជាព្រះមហាក្សត្រគ្រងរាជ្រចំណាស់ជាងគេទ្វីបអឺរ៉ុប ត្រូវបានបញ្ជូនទៅកាន់មន្ទីរពេទ្យ នៅថ្ងៃទី១៧ ខែសីហា ដោយសារតែជម្ងឺឈាមកក ដែលជាស្ថានភាពមួយធ្វើឲ្យកោសិកាគ្រាប់ឈាមក្រហមត្រូវបានបំផ្លាញក្នុងអត្រាលឿនខុសប្រក្រតី និងបណ្តាលឱ្យអស់កម្លាំង រួមទាំងមានដង្ហើមខ្លី ផងដែរ។

គួរឲ្យដឹងថា ស្តេច Harald V បានឡើងគ្រងរាជ្យចាប់តាំងពីនៅឆ្នាំ១៩៩១ មក ហើយបានជួបប្រទះបញ្ហាសុខភាពជាច្រើនក្នុងរយៈពេលប៉ុន្មានឆ្នាំចុងក្រោយនេះ ដែលបង្ខំឱ្យទ្រង់ដាក់ឧបករណ៍បង្កើនល្បឿនចង្វាក់បេះដូង និងកាត់បន្ថយកាលវិភាគផ្លូវការរបស់ទ្រង់។

តែទោះជាយ៉ាងណាក៏ដោយ ទ្រង់តែងតែបដិសេធលទ្ធភាពនៃការដាក់រាជ្យ ដោយអះអាងថា ទ្រង់បានស្បថនៅចំពោះមុខសភាន័រវែសដើម្បីបម្រើការអស់មួយជីវិត។

គួរជម្រាបជូនផងដែរថា ព្រះអង្គម្ចាស់ Haakon ដែលជាបុត្រច្បងរបស់ស្តេច​ Harald V នឹងឡើងគ្រងរាជ្យសម្បត្តិបន្តពីព្រះបិតារបស់ទ្រង់។

The post ស្តេចនៃប្រទេសន័រវែស យាងចូលទិវង្គត ក្រោយសម្រាកព្យាបាលនៅមន្ទីរពេទ្យអស់ ១០ថ្ងៃ appeared first on .

Hoiby ត្រូវប្រឈមមុខនឹងបទចោទប្រកាន់ចំនួន ៤០ រាប់ចាប់ពីការរំលោភសេពសន្ថវៈ រហូតដល់ការរំលោភបំពានច្បាប់ចរាចរណ៍ ដោយមានស្ថានទម្ងន់ទោសជាប់ពន្ធនាគារអតិបរមា ១៦ឆ្នាំ នៅក្នុងសវនាការទីក្រុងអូស្លូ។

ប៉ុន្តែទោះជាយ៉ាងណាក៏ដោយ មេធាវីរបស់ Hoiby បានបដិសេធការចោទប្រកាន់ធ្ងន់ធ្ងរបំផុត រួមទាំងការរំលោភសេពសន្ថវៈ ហើយកំពុងស្នើសុំឱ្យមានការកាត់ទោសឱ្យជាប់ពន្ធនាគាររយៈពេលត្រឹម ១៨ខែចំពោះការចោទប្រកាន់ដែលកូនក្តីរបស់ខ្លួនបានសារភាពថាមានទោស។

ក្រោយមក ចៅក្រមបានកាត់ទោស Hoiby ឲ្យជាប់ពន្ធនាគាររយៈពេលបួនឆ្នាំ ពីបទរំលោភសេពសន្ថវៈចំនួនពីរករណី និងបទចោទប្រកាន់ចំនួន ៣២ ផ្សេងទៀត។ Hoiby មិនបានបង្ហាញខ្លួននៅក្នុងតុលាការដោយផ្ទាល់នោះទេ ប៉ុន្តែបានតាមដានការកាត់ទោសតាមរយៈ Video Link ជំនួសវិញ។

ជម្រាបជូនផងដែរថា Hoiby គឺជាបុត្ររបស់ម្ចាស់ក្សត្រីន័រវែស Mette-Marit ជាមួយគូស្នេហ៍ពីមុនរបស់ទ្រង់ មុនពេលរៀបអាភិសេកជាមួយព្រះអង្គម្ចាស់ Haakon ក្នុងឆ្នាំ២០០១។ ត្បិតតែជាសមាជិកនៃគ្រួសាររាជវង្សក៏ដោយ ប៉ុន្តែ Hoiby មិនទទួលបានគោរមងារជា ព្រះអង្គម្ចាស់ ដូចទៅនឹងសមាជិករាជរង្សដទៃទៀតនោះឡើយ៕​

The post បុត្រារបស់ម្ចាស់ក្សត្រីប្រទេសន័រវែស ត្រូវតុលាការកាត់ទោសឲ្យជាប់ពន្ធនាគារ ៤ឆ្នាំពីបទរំលោភសេពសន្ថវៈ appeared first on .