ក្នុងឱកាសអញ្ជើញជាអធិបតីថ្លែងសុន្ទរកថាសម្តេចធិបតី ហ៊ុន ម៉ាណែត នាយករដ្ឋមន្ត្រី បានលើកឡើងថា វេទិកាធុរកិច្ចបារាំង-កម្ពុជានេះនឹងឆ្លុះបញ្ចាំងនូវសារៈសំខាន់នៃការពង្រឹងទំនាក់ទំនងទ្វេភាគីរវាងកម្ពុជា និងបារាំងដោយឈរលើគោលការណ៍ គោរពគ្នាទៅវិញទៅមក, ការផ្ដល់ផលប្រយោជន៍ឱ្យគ្នា និងគុណតម្លៃរួមគ្នា។

សម្តេចធិបតីថ្លែងថា វេទិកាដ៏សំខាន់នេះ ក៏នឹងលើកកម្ពស់កាលានុវត្តភាពធុរកិច្ច, វិនិយោគ និងពាណិជ្ជកម្ម, ព្រមទាំងពង្រឹងទំនាក់ទំនងសេដ្ឋកិច្ច រវាងភាគីទាំងពីរផងដែរ។

សម្តេចធិបតីនាយករដ្ឋមន្ត្រី បានបន្ថែមថា បារាំងគឺជាដៃគូអភិវឌ្ឍន៍ដ៏ចម្បង ដែលបាននិងកំពុងរួមចំណែកយ៉ាងសំខាន់ ក្នុងការសម្រេចបានភាពជោគជ័យផ្នែកសេដ្ឋកិច្ចរបស់កម្ពុជា ជាមួយទំហំពាណិជ្ជកម្មទ្វេភាគីកើនឡើងដល់ ៥១៥,២១លានដុល្លារអាម៉េរិក ក្នុងឆ្នាំ២០២៣ ហើយបារាំងក៏នៅតែជាដៃគូវិនិយោគ និងពាណិជ្ជកម្មដ៏ធំបំផុតមួយរបស់អឺរ៉ុបនៅកម្ពុជា ក្នុងទំហំពាណិជ្ជកម្មសរុបចំនួន ៤,៦ ពាន់លានដុល្លារអាម៉េរិកក្នុងឆ្នាំ២០២៣។ ទន្ទឹមនឹងនេះ បារាំងនៅតែបន្តផ្ដល់អាហារូបករណ៍ថ្នាក់ឧត្តមសិក្សាដល់និស្សិតកម្ពុជា លើមុខជំនាញផ្សេងៗ ដូចជាច្បាប់, វេជ្ជសាស្ត្រ, និងវិស្វកម្មជាដើម ។

សូមជម្រាបជូនថា វេទិកាធុរកិច្ចបារាំង-កម្ពុជា ត្រូវបានសហការរៀបចំដោយ សភាពាណិជ្ជកម្មកម្ពុជា សហព័ន្ធនិយោជកបារាំង (MEDEF) សភាពាណិជ្ជកម្មនិងឧស្សាហកម្មបារាំងនៅកម្ពុជា និង ទីប្រឹក្សាពាណិជ្ជកម្មក្រៅប្រទេសបារាំង ក្នុងគោលបំណងសំខាន់នៃវេទិកានេះ គឺដើម្បីជំរុញវិនិយោគនិងពាណិជ្ជកម្មរវាងប្រទេសទាំងពីរ ជាពិសេស តភ្ជាប់ទំនាក់ទំនងរវាងធុរកិច្ចនិងធុរកិច្ច៕

The post ជិត ១១០ក្រុមហ៊ុនរបស់ក្រុមសេដ្ឋីបារាំង-កម្ពុជា ជួបជុំគ្នាបង្កេីតឱកាសវិនិយោគនៅកម្ពុជា appeared first on .

នៅក្នុងឱកាសបំពេញទស្សនកិច្ចនៅទីក្រុងប៉ារីស ប្រទេសបារាំង នៅថ្ងៃទី១៥ ខែមករា សម្តេចធិបតីបានអនុញ្ញាតដល់ក្រុមហ៊ុនធំៗរបស់បារាំងជាច្រើន ចូលជួបសម្តែងការគួរសម និងពិភាក្សាការងារ។ដែលក្រុមហ៊ុនទាំងនោះរួមមាន៖ក្រុមហ៊ុន VINCI Airports , ក្រុមហ៊ុន ACCOR Group, ក្រុមហ៊ុន Alstom, ក្រុមហ៊ុន EDF, ក្រុមហ៊ុន PuyDuFou, ក្រុមហ៊ុន Orange Group, ក្រុមហ៊ុន Total Energies, ក្រុមហ៊ុន Blue  Circleជាដើម។

ក្នុងឱកាសនៃជំនួបខាងលើ ក្រុមហ៊ុនទាំងនោះ បានបង្ហាញការចាប់អារម្មណ៍លើគម្រោងវិនិយោគ និងក៏ដូចជាបង្ហាញពីគម្រោងវិនិយោគបន្ថែមទៀតនៅកម្ពុជាផងដែរទៅលើវិស័យផ្សេងៗដូចជាសណ្ឋាគារ, ទេសចរណ៍, ការដឹកជញ្ជូនតាមផ្លូវដែក, ថាមពល អគ្គិសនី, បច្ចេកវិទ្យាជាដើម។

ក្រៅពីជួបថ្នាក់ដឹកនាំក្រុមហ៊ុនរបស់បារាំងហើយនោះ សម្តេចធិបតី ក៏បានជួបជាមួយថ្នាក់ដឹកនាំអង្គការអន្តរជាតិហ្វ្រង់ហ្វូនី, និងបានអញ្ជើញជាអធិបតីក្នុងវេទិកាធុរកិច្ចបារាំង-កម្ពុជា ដែលមានបណ្តាក្រុមហ៊ុនជិត ១១០ ក្រុមហ៊ុន បានមកជួបជុំគ្នា ក្នុងនោះក្រុមហ៊ុនបារាំងចំនួន ៨០ និងក្រុមហ៊ុនរបស់អ្នកឧកញ៉ា ឧកញ៉ាចំនួន ៣០ មកពីប្រទេសកម្ពុជា ដើម្បីនឹងធ្វើការផ្លាស់ប្តូរទំនាក់ទំនង បង្កើតឱកាសវិនិយោគនៅកម្ពុជា។លើសពីនោះ សម្តេចធិបតីបានអញ្ជើញចូលរួមក្នុងពិធីចុះអនុស្សារណៈយោគយល់រវាងក្រុមហ៊ុនធំៗនៅកម្ពុជាចំនួន៦ជាមួយក្រុមហ៊ុនបារាំងផងដែរ។

មានប្រសាសន៍ក្នុងវេទិកាធុរកិច្ចបារាំង-កម្ពុជា សម្តេចធិបតីនាយករដ្ឋមន្រ្តី បានគូសបញ្ជាក់ថា បារាំងគឺជាដៃគូអភិវឌ្ឍន៍ដ៏ចម្បង ដែលបាននិងកំពុងរួមចំណែកយ៉ាងសំខាន់ ក្នុងការសម្រេចបានភាពជោគជ័យផ្នែកសេដ្ឋកិច្ចរបស់កម្ពុជា ជាមួយទំហំពាណិជ្ជកម្មទ្វេភាគីកើនឡើងដល់ ៥១៥,២១ លានដុល្លារអាម៉េរិក ក្នុងឆ្នាំ២០២៣ ហើយបារាំងក៏នៅតែជាដៃគូវិនិយោគ និងពាណិជ្ជកម្មដ៏ធំបំផុតមួយរបស់អឺរ៉ុបនៅកម្ពុជា ក្នុងទំហំពាណិជ្ជកម្មសរុបចំនួន ៤,៦ ពាន់លានដុល្លារក្នុងឆ្នាំ ២០២៣។ទន្ទឹមនឹងនេះ បារាំងនៅតែបន្តផ្ដល់អាហារូបករណ៍ថ្នាក់ឧត្តមសិក្សាដល់និស្សិតកម្ពុជា លើមុខជំនាញផ្សេងៗ ដូចជាច្បាប់, វេជ្ជសាស្ត្រ, និងវិស្វកម្មជាដើម។

សូមជម្រាបថា បន្ទាប់ពីបញ្ចប់ទស្សនកិច្ចនៅបារាំង សម្តេចធិបតីបានដឹកនាំគណៈប្រតិភូរាជរដ្ឋាភិបាលកម្ពុជា ចាកចេញពីទីក្រុងប៉ារីស នៅថ្ងៃទី១៥ ខែមករា បន្តឆ្ពោះទៅចូលរួមកិច្ចប្រជុំប្រចាំឆ្នាំលើកទី៥៤ នៃវេទិកាសេដ្ឋកិច្ចពិភពលោក នៅទីក្រុងដាវ៉ូស-ក្លូស្ទ័រ សហព័ន្ធស្វីសបន្តទៀតរហូតដល់ថ្ងៃទី១៩៕

The post តើក្រុមហ៊ុនធំៗរបស់បារាំងណាខ្លះជួបជាមួយសម្តេចធិបតីនៅទីក្រុងប៉ារីស? appeared first on .

ជាទូទៅ នៅតាម​កម្មវិធី​ធំៗនានា គេតែងនិយម​ដាក់ស្រា​ដើម្បី​ទទួល​ភ្ញៀវ ជាការ​បង្ហាញ​ពី​ភាព​ថ្លៃថ្នូរ ដែលសក្ដិសម​បំផុត​ ហើយក្នុងនោះប្រទេសដែល​ល្បីល្បាញ​ខាងផលិតស្រា​គឺ​មានដូចជា អ៊ីតាលី អេស្ប៉ាញ និងបារាំង។

ក្នុងចំណោម​ស្រាដែល​កំពុង​ចែកចាយ​លើ​ពិភពលោក​សព្វថ្ងៃ មាន​ច្រើនជាងពាក់កណ្ដាល​ជា​ផលិតផល​របស់​ប្រទេស​អ៊ីតាលី អេស្ប៉ាញ បារាំង និងសហរដ្ឋអាមេរិក ដោយសារ​ស្រា​នៃ​ប្រទេស​ទាំងនេះ ត្រូវបាន​ទទួល​ស្គាល់​ទាំងរសជាតិ និង​ការ​ផលិត​ដែល​យក​ចិត្តទុកដាក់​បំផុត។

ខាងក្រោម​នេះ​គឺជា​បញ្ជីឈ្មោះ​ប្រទេស​ទាំង ១០ ដែល​ផលិត​ស្រាច្រើន​បំផុត​លើ​លោក​ ផ្អែកតាម​របាយការណ៍​ចុះផ្សាយ​ដោយ Worldpopulation៖

1/ប្រទេសអ៊ីតាលី ផលិតស្រាប្រហែល ៤,៤៥ ពាន់លានលីត្រ/ឆ្នាំ

2/ប្រទេសអេស្ប៉ាញ ផលិតស្រាប្រហែល ៣,៥ ពាន់លានលីត្រ/ឆ្នាំ

3/ប្រទេសបារាំង ផលិតស្រាប្រហែល ៣,៤២ ពាន់លានលីត្រ/ឆ្នាំ

4/សហរដ្ឋអាមេរិក ផលិតស្រាប្រហែល ២,៤១ ពាន់លានលីត្រ/ឆ្នាំ

5/ប្រទេសអូស្ត្រាលី ផលិតស្រាប្រហែល ១,៤២ ពាន់លានលីត្រ/ឆ្នាំ

6/ប្រទេសឈីលី ផលិតស្រាប្រហែល ១,៣៤ ពាន់លានលីត្រ/ឆ្នាំ

7/ប្រទេសអាហ្សង់ទីន ផលិតស្រាប្រហែល ១,២៥ ពាន់លានលីត្រ/ឆ្នាំ

8/ប្រទេសអាហ្វ្រិកខាងត្បូង ផលិតស្រាប្រហែល ១,០៦ ពាន់លានលីត្រ/ឆ្នាំ

9/ប្រទសអាល្លឺម៉ង់ ផលិតស្រាប្រហែល ០,៨៨ ពាន់លានលីត្រ/ឆ្នាំ

10/ប្រទេសព័រទុយហ្គាល់ ផលិតស្រាប្រហែល ០,៦៥ ពាន់លានលីត្រ/ឆ្នាំ៕

The post អ៊ីតាលី និង ៣ ប្រទេសទៀត ផលិតស្រាច្រើនជាងពាក់កណ្ដាលនៃចំនួនស្រាសរុបទូទាំងសកលលោក appeared first on .

ពិធីបញ្ចុះបឋមសិលាបើកការដ្ឋានសាងសង់វិមាននេះឡើងវិញ បានប្រារព្ធឡើងក្រោម លោក ជា សុផារ៉ា ឧបនាយក​រដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងលោក អូលីវ្យេ ប៊ិច (Olivier Becht) រដ្ឋមន្ត្រី​​ប្រតិភូ​អមរដ្ឋមន្រ្តី អឺរ៉ុបនិងកិច្ចការ​​បរទេសទទួល​​បន្ទុក​ពាណិ​ជ្ជ​​​កម្មក្រៅ​​​ប្រទេសទេស ភាពទាក់ទាញ និងជនជាតិបារាំង​ក្រៅប្រទេស នៃសាធារណរដ្ឋបារាំង នៅថ្ងៃទី​២៥ ខែមករានេះ។

លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បាន​​បញ្ជាក់​​ថា ការសាងសង់​វិមាន​នេះឡើងវិញ គឺដើម្បីរំលឹកដល់ជ័យជម្នះរបស់បារាំង និងពលិកម្មរបស់​កម្ពុជា​ក្នុងការបញ្ជូនទ័ពទៅជួយច្បាំង​ក្នុង​សង្គ្រាម​លោក​លើកទី១ និងដើម្បីពង្រឹងចំណងមិត្តភាពឱ្យកាន់​តែ​ស្និទ្ធស្នាល សាមគ្គីភាព និងកិច្ចសហប្រតិបត្តិការ​ជាប្រវត្តិ​សាស្ត្រ បារាំង-ខ្មែរ។

ជាមួយគ្នានេះ លោក អូលីវ្យេ ប៊ិច រដ្ឋមន្ត្រីប្រតិភូអមរដ្ឋមន្រ្តី អឺរ៉ុបនិងកិច្ចការបរទេសទទួលបន្ទុក​​ពាណិ​ជ្ជកម្មក្រៅ​ប្រទេ​ស ភាពទាក់ទាញ និងជនជាតិបារាំងក្រៅប្រទេស នៃសាធារណរដ្ឋបារាំង ក៏បាន​​បង្ហាញក្តីរំភើបចំពោះការសម្រេច​ចិត្តដ៏មាន អត្ថន័យក្នុងការសាងសង់វិមាននេះឡើងវិញ ដោយ​សារ​​ទីនេះជាកន្លែងមួយដែលរំលឹកនូវប្រវត្តិសាស្ត្ររួមក៏ដូចជា​គូស​​បញ្ជាក់សារ​ជាថ្មីនូវ​​គុណ​តម្លៃដែល​កម្ពុជា បារាំងមានរួមគ្នា។ ហើយកាយវិការនេះ បានឆ្លុះបញ្ចាំងឱ្យឃើញនូវជម្រៅ​នៃ​ទំនាក់ទំនង​​ដែលផ្សារ ភ្ជាប់ប្រទេសទាំងពីរ ក៏ដូចជាប្រវត្តិសាស្ត្រដែលប្រទេសកម្ពុជា និងបារាំង មានរួមគ្នា ដែលគិត  មក ដល់ពេលនេះគឺមានរយៈពេល១៦០ឆ្នាំហើយ។

គួរបញ្ជាក់ថា វិមានរំលឹកដល់អ្នកដែលទទួលអនិច្ចកម្មក្នុងសង្គ្រាមលោកលើកទី១ ពីឆ្នាំ១៩១៤ដល់ឆ្នាំ​១៩១៨“ ជាស្តូប​​អនុ​​ស្សាវរីយ៍រវាងទាហានខ្មែរនិងបារាំង ដែលបានពលីជីវិតក្នុងសង្គ្រាមលោកលើកទី១ ដោយអាជ្ញាធរបារាំង និងឥស្សរជន​ខ្មែរបានព្រមព្រៀងគ្នាសាងសង់ស្តូបនេះឡើងនៅក្នុងទីធ្លាមួយ​ទល់មុខស្ថានទូតបារាំង ខាងត្បូងរង្វង់មូលគល់ស្ពានជ្រោយ​​ចង្វារ កាលពីឆ្នាំ១៩២៥។ ប៉ុន្តែក្រោយ​មកត្រូវបានកងទ័ពខ្មែរក្រហម ដាក់គ្រាប់បែកបំផ្ទុះបំផ្លាញចោល កាលពីឆ្នាំ១៩៧៧។

ចំពោះគម្រោងសាងសង់ឡើងវិញ គឺប្រើប្រាស់រយៈពេល៨ខែ ដោយ​ក្រុមការងារបច្ចេកទេស​បានជ្រើស​រើសទីតាំងថ្មី ស្ថិត​នៅក្បែរ​ទីតាំងចាស់ នៅសួនច្បារពីមុខស្ថានទូតបារាំងប្រចាំកម្ពុជា ហើយគម្រោង​ប្លង់​ស្ថាបត្យ​​កម្ម និងគ្រឿង បង្គុំឡើងវិញ គឺផ្អែក​តាមបំណែកផ្ទាំងចម្លាក់ ដែលរក្សាទុកនៅសារមនី្ទរជាតិ​ភ្នំពេញ និងឯកសារជាច្រើនទៀតជាមូលដ្ឋាន​​សាងសង់​ឡើងវិញ៕ អត្ថបទ៖ ពុទ្ធិកា

The post សាងសង់ឡើងវិញ វិមានរំលឹកដល់អ្នកដែល​ទទួល​អនិ​​ច្ចកម្ម​ក្នុង​​ស​ង្រ្គាម​លោក​លើក​ទី១ appeared first on .