ក្រសួងមហាផ្ទៃបារ៉ែន បានប្រកាសថាកន្លែងស្តុកទុកប្រេងដ៏ធំមួយនៅក្នុងខេត្ត Muharraq នៅភាគខាងជើងនៃប្រទេស ត្រូវបានវាយប្រហារដោយមីស៊ីលជាបន្តបន្ទាប់ដែលបាញ់ចេញពីប្រទេសអ៊ីរ៉ង់។ រដ្ឋាភិបាលបារ៉ែន បានចេញមុខចោទប្រកាន់ទីក្រុងតេអេរ៉ង់ចំៗថា ជាការឈ្លានពានដោយចំហ។

ទន្ទឹមនឹងនេះ លោក Farhan Al-Fartousi ប្រធានសាជីវកម្មកំពង់ផែអ៊ីរ៉ាក់ បាននិយាយនៅថ្ងៃដដែលនោះថា កំពង់ផែប្រេងរបស់ប្រទេសខ្លួន បានបញ្ឈប់ប្រតិបត្តិការទាំងស្រុងភ្លាមៗ បន្ទាប់ពីមានការវាយប្រហារលើនាវាដឹកប្រេងឥន្ធនៈ។ ទោះជាយ៉ាងណាក៏ដោយ កំពង់ផែពាណិជ្ជកម្មរបស់ប្រទេសនៅតែបន្តដំណើរការធម្មតា។

ជម្រាបជូនផងដែរថា ជម្លោះនៅមជ្ឈិមបូព៌ាកាន់តែរីករាលដាលធំឡើង ចាប់តាំងពីសហរដ្ឋអាមេរិក និងអ៊ីស្រាអែល បានបើកការវាយប្រហារតាមអាកាសប្រឆាំងនឹងអ៊ីរ៉ង់នៅថ្ងៃទី២៨ ខែកុម្ភៈ។ អ៊ីរ៉ង់ បានបើកការសងសឹកទៅវិញដោយការបាញ់មីស៊ីល និងយន្តហោះគ្មានមនុស្សបើកទៅលើមូលដ្ឋានអ៊ីស្រាអែល និងសហរដ្ឋអាមេរិកនៅក្នុងប្រទេសជាច្រើនក្នុងតំបន់ជម្លោះ៕​

The post ធុងស្តុកទុកប្រេងជាច្រើនរបស់បារ៉ែន រងការវាយប្រហារដោយមីស៊ីលរបស់អ៊ីរ៉ង់ appeared first on .