បុណ្យវិសាខបូជា

ខេត្តបាត់ដំបង បានរៀបចំតាំងបង្ហាញព្រះពុទ្ធរូបនៅតាមដងផ្លូវ ដើម្បីត្រៀមរៀបចំពិធីបុណ្យវិសាខបូជា

Kem sinath — Mon, 27 Apr 2026 07:02:49 +0000

រដ្ឋបាលខេត្តបាត់ដំបង បានរៀបចំតាំងបង្ហាញព្រះពុទ្ធរូបនៅតាមដងផ្លូវសំខាន់ៗក្នុងក្រុងបាត់ដំបង ដើម្បីត្រៀមរៀបចំពិធីបុណ្យវិសាខបូជា ដែលជាពិធីបុណ្យដ៏ធំមួយក្នុងព្រះពុទ្ធសាសនាដែលជាសាសនារបស់រដ្ឋ។

នេះបើតាមរយៈតាមបណ្តាញសង្គមរបស់រដ្ឋបាលខេត្តបាត់ដំបង បានបង្ហាញរូបភាពព្រះពុទ្ធរូបនៅតាមដងផ្លូវសំខាន់ៗក្នុងក្រុងបាត់ដំបង នាថ្ងៃទី២៧ ខែមេសា ឆ្នាំ២០២៦នេះ។

សូមបញ្ជាក់ថា បុណ្យវិសាខបូជា ឆ្នាំ២០២៦នេះ នឹងប្រារព្ធនៅថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦ ពេញបូណ៌មី។

វិសាខបូជា គឺជាបុណ្យដ៏ធំមួយ ក្នុងព្រះពុទ្ធសាសនា ដែលប្រទេសកម្ពុជា បានចាត់ទុកជាបុណ្យជាតិ។ ជាងនេះទៀត ប្រទេសជិត២០០ ដែលជាសមាជិកនៃអង្គការសហប្រជាជាតិ បានអនុម័ត និងទទួលស្គាល់ វិសាខបូជា ជាបុណ្យអន្តរជាតិ កាលពីថ្ងៃទី ១៥ ខែ ធ្នូ ឆ្នាំ ១៩៩៩។ ការប្រារព្ធពិធីបុណ្យវិសាខបូជា គឺដើម្បីរម្លឹកដល់ព្រឹត្តិការណ៍ដ៏ពិសេសចំនួន៣ដែលទាក់ទងនឹងព្រះសមា្មសម្ពុទ្ធ គឺការប្រសូត, ការត្រាស់ដឹង, និងការចូលនិព្វាន។

The post ខេត្តបាត់ដំបង បានរៀបចំតាំងបង្ហាញព្រះពុទ្ធរូបនៅតាមដងផ្លូវ ដើម្បីត្រៀមរៀបចំពិធីបុណ្យវិសាខបូជា appeared first on .

មូលហេតុចម្បង ៣ ញ៉ាំងឱ្យអង្គការសហប្រជាជាតិទទួលស្គាល់វិសាខបូជាជាបុណ្យអន្តរជាតិ

ឧកញ៉ាកោះក្របី — Sun, 15 May 2022 03:52:37 +0000

វិសាខបូជា គឺជាបុណ្យដ៏ធំមួយក្នុងព្រះពុទ្ធសាសនា ដែលនិយាយមួយបែបទៀតថាជាពុទ្ធានុស្សរណកិច្ចដ៏សំខាន់សម្រាយរឭកដល់ព្រះពុទ្ធសមណគោត្ដម បរមគ្រូជាម្ចាស់ នាថ្ងៃពេញបូណ៌មី គឺថ្ងៃ ១៥ កើត ខែពិសាខ។ បុណ្យវិសាខបូជា ប្រារព្ធឡើងរម្លឹកដល់ព្រឹត្តិការណ៍ ៣ យ៉ាង គឺព្រះអង្គទ្រង់ប្រសូត ការត្រាស់ដឹង និងចូលកាន់ព្រះនិព្វាន។

បុណ្យវិសាខបូជាត្រូវបានរាជរដ្ឋាភិបាល ចាត់ទុកជាថ្ងៃបុណ្យជាតិរបស់ប្រទេសកម្ពុជា។ ជាងនេះទៀត ក្នុងឆ្នាំ ១៩៩៩ សមាជិកនៃអង្គការសហប្រជាជាតិ ជិត២០០ ប្រទេសបានអនុម័តជាឯកច្ឆន្ទទទួលស្គាល់ និងចាត់ទុកបុណ្យវិសាខបូជារបស់ព្រះពុទ្ធសាសនាជាបុណ្យអន្តរជាតិ។

ចំពោះហេតុផលចម្បងមួយ ដែលញ៉ាំងឱ្យមានការទទួលស្គាល់នេះ គឺអាស្រ័យដោយគោលការណ៍សន្តិភាព និងអហិង្សារបស់ព្រះពុទ្ធសាសនា ដែលស្របនឹងគោលការណ៍គ្រឹះនៃអង្គការសហប្រជាជាតិ៖ «អាស្រ័យដោយមូលហេតុចម្បងៗ គឺទី១ អង្គការសហប្រជាជាតិទទួលស្គាល់ថា កំណើតរបស់ព្រះសម្មាសម្ពុទ្ធ នាំមកនូវសុខសន្តិភាពដល់ពិភពលោក។ ទី២ អង្គការសហប្រជាជាតិទទួលស្គាល់ថា ការត្រាស់ដឹងរបស់ព្រះសម្មាសម្ពុទ្ធ បានផ្សព្វផ្សាយនូវបញ្ញាញាណ និងចំណេះវិជ្ជាដ៏ធំទូលាយដល់ពិភពលោកទាំងមូល។ ទី៣ អង្គការសហប្រជាជាតិទទួលស្គាល់ថា វប្បធម៌សន្តិភាព និងអហិង្សារបស់ព្រះពុទ្ធ បានជួយដោះស្រាយជម្លោះ និងសង្គ្រាម»។

ប៉ុន្មានឆ្នាំចុងក្រោយចាប់តាំងពីអង្គការសហប្រជាជាតិបានទទួលស្គាល់វិសាខបូជា ជាទិវាបុណ្យអន្តរជាតិមក ប្រទេសដែលគោរពព្រះពុទ្ធសាសនាជាច្រើននៅលើសកលលោក បាននាំគ្នាប្រារព្ធធ្វើពិធីបុណ្យវិសាខបូជាជាសកល ដោយដាក់ឈ្មោះថា UN-វិសាខ ឬវិសាខបូជានៃអង្គការសហប្រជាជាតិ៕

The post មូលហេតុចម្បង ៣ ញ៉ាំងឱ្យអង្គការសហប្រជាជាតិទទួលស្គាល់វិសាខបូជាជាបុណ្យអន្តរជាតិ appeared first on .

តើពិធីបុណ្យវិសាខបូជាមានអត្ថប្រយោជន៍យ៉ាងណាសម្រាប់មនុស្សជាតិទូទៅ

ឧកញ៉ាកោះក្របី — Mon, 26 Apr 2021 02:26:12 +0000

បុណ្យវិសាខបូជា ជាបុណ្យមួយយ៉ាងធំក្នុងព្រះពុទ្ធសាសនា។ បុណ្យនេះធ្វើឡើង រំលឹកដល់ព្រះពុទ្ធសមណគោត្តមបរមគ្រូ នាថ្ងៃពេញបូណ៌មី គឺថ្ងៃ១៥កើត ខែ ពិសាខ ដែលពុទ្ធសាសនិកទាំងព្រះសង្ឃ ទាំងគ្រហស្ថ តែងធ្វើសក្ការបូជាប្រកបដោយជំនឿថាជា មហាកុសល ដ៏ប្រសើរ។

រូបភាព អិនធើណេត

ថ្ងៃ១៥កើត ខែពិសាខ គឺជាថ្ងៃមួយដែលពុទ្ធសាសនិកជននៅទូទាំងសកលលោកបាននាំគ្នាប្រារព្ធពិធីបុណ្យដ៏សំខាន់មួយ គឺវិសាខបូជា។ ប្រការដែលគួរឲ្យកត់សម្គាល់មួយទៀត គឺអង្គការសហប្រជាជាតិក៏បានប្រកាសនៅថ្ងៃទី១៥ ខែធ្នូ ឆ្នាំ១៩៩៩ ទទួលស្គាល់វិសាខបូជាជាពិធីបុណ្យអន្តរជាតិមួយ ដែលគេអាចប្រារព្ធធ្វើនៅតាមការិយាល័យទាំងឡាយរបស់អង្គការសហប្រជាជាតិនៅលើពិភពលោក។

ហេតុផលចម្បងមួយដែលនាំឲ្យអង្អការសហប្រជាជាតិទទួលស្គាល់ជាទិវារបស់ខ្លួន គឺគោលការណ៍សន្តិភាព និងអហិង្សារបស់ព្រះពុទ្ធសាសនាដែលស្របនឹងគោលការណ៍គ្រឹះនៃអង្គការសហប្រជាជាតិ៖ «ព្រះពុទ្ធសាសនាគឺបានឱ្យតម្លៃទៅលើនិន្នាការខាងសន្តិភាពនិយម។ ពាក្យដែលថា ធម្មភាវៈ ឬនីតិភាវៈនេះ គឺសំដៅដល់ច្បាប់ធម្មជាតិ ឬធម្មនុញ្ញរបស់ពិភពលោក គឺកម្រងនីតិក្រម ឬប្រព័ន្ធច្បាប់ប្រកបដោយសុក្រឹតភាពល្អផុតលេខ មានសុចរិតភាព ឬយុត្តិធម៌ ល្អផុតលេខ ព្រមទាំងមានតម្លាភាព អព្យាក្រឹតភាពល្អផុតលេខ។ ក្នុងនោះព្រះពុទ្ធសាសនាបានប្រកាសថា ធម្មោ ហវេ រក្ខតិ ធម្មចារី ច្បាប់តែងតែគាំពារថែរក្សាអ្នកគោរពច្បាប់តែម្យ៉ាង ហ្នឹងបើយើងនិយាយឱ្យន័យទូលាយទៅ ប៉ុន្តែបើតាមពាក្យដែលយើងធ្លាប់ប្រើ គឺធម៌រមែងថែរក្សាអ្នកប្រព្រឹត្តធម៌…»។

វិសាខបូជា ឬពិសាខបូជា គឺជាពិធីបុណ្យដែលពុទ្ធសាសនិកចាត់ទុកថា មានសារសំខាន់បំផុតមួយក្នុងចំណោមបុណ្យដទៃទៀតនៃព្រះពុទ្ធសាសនា ពីព្រោះជាការគោរព រំឭកនឹកដល់ព្រឹត្តិការណ៍ធំៗបីនាសម័យកាលរបស់ព្រះសម្មាសម្ពុទ្ធសមណគោតម គឺថ្ងៃដែលព្រះអង្គទ្រង់ប្រសូត បានត្រាស់ដឹង និងបរិនិព្វាន។ ព្រឹត្តិការណ៍ទាំងបីនេះ គឺកើតឡើងនៅចំថ្ងៃ ១៥កើត ពេញបូណ៌មី ដែលមានព្រះចន្ទពេញវង់ ក្នុងខែពិសាខ ដូចគ្នា ខុសតែឆ្នាំប៉ុណ្ណោះ។

រូបភាព អ៊ិនធើណេត

រាល់ឆ្នាំពុទ្ធសាសនិកជនខ្មែរ តែងតែប្រារព្ធពិធីបុណ្យរំលឹកមួយនេះដ៏ឪរារិកគគ្រឹកគគ្រេង ដង្ហែរក្បួនសូត្រព្រះធម៌ តាមដងមហាវិថី និងផ្លូវស្ទើពេញផ្ទៃប្រទេសកម្ពុជា។ នាពេលល្ងាចមានការប្រារព្ធពិធីបុណ្យវិសាខបូជា សូត្រធម៌ ចម្រើនព្រះបរិត្តសូត្រ និងសម្តែងព្រះធម៌ទេសនា ដើម្បីរម្លឹកដល់ព្រឹត្តិការណ៍ដ៏ពិសេសចំនួន៣ ដែលទាក់ទងនឹងព្រះសមា្មសម្ពុទ្ធ។

ឆ្នាំ២០២១នេះ រោគរាតត្បាតវីរុសកូរ៉ូណាកូវីដ១៩ បានវ៉ៃលុកក្នុងសហគមន៍ដោយមានការឆ្លងកើនឡើងជាបន្តបន្ទាប់ រាជរដ្ឋាភិបាលកម្ពុជា សម្រេចបិទទ្ទប់ភូមិសាស្រ្តរាជធានីភ្នំពេញ និងទីក្រុងតាខ្មៅនៃខេត្តកណ្តាល ខណៈដែលគណសង្ឃនាយកនៅព្រះរាជាណាចក្រកម្ពុជា ប្រកាសមិនឲ្យពុទ្ធបរិស័ទជួបជុំពិធីនានាក្នុងវត្តអារាមទូទាំងប្រទេសដើម្បីកាត់ផ្តាច់ការរីករាលដាលជំងឺឆ្លងកូវីដ១៩៕

The post តើពិធីបុណ្យវិសាខបូជាមានអត្ថប្រយោជន៍យ៉ាងណាសម្រាប់មនុស្សជាតិទូទៅ appeared first on .

បុណ្យវិសាខបូជា

ខេត្តបាត់ដំបង បានរៀបចំតាំងបង្ហាញព្រះពុទ្ធរូបនៅតាមដងផ្លូវ ដើម្បីត្រៀមរៀបចំពិធីបុណ្យវិសាខបូជា

មូលហេតុ​ចម្បង ៣ ​ញ៉ាំង​ឱ្យ​អង្គការសហប្រជាជាតិទទួលស្គាល់វិសាខបូជាជាបុណ្យអន្តរជាតិ

តើ​ពិធីបុណ្យ​វិសាខបូជា​មាន​អត្ថប្រយោជន៍​យ៉ាង​ណា​សម្រាប់​មនុស្សជាតិ​ទូទៅ

មូលហេតុចម្បង ៣ ញ៉ាំងឱ្យអង្គការសហប្រជាជាតិទទួលស្គាល់វិសាខបូជាជាបុណ្យអន្តរជាតិ

តើពិធីបុណ្យវិសាខបូជាមានអត្ថប្រយោជន៍យ៉ាងណាសម្រាប់មនុស្សជាតិទូទៅ