យោងតាមលិខិតលេខ ១៩១៣ សជណ.កបច ចុះថ្ងៃទី១០ ខែវិច្ឆិកា ឆ្នាំ២០២៥ ចេញដោយទីស្តីការគណៈរដ្ឋមន្រ្តី បានឱ្យដឹងថា ដោយយោងតាមកម្មវត្ថុ៖ ករណីគោរពស្នើសុំការអនុញ្ញាតជាគោលការណ៍ដ៏ខ្ពង់ខ្ពស់ពី សម្តេចធិបតីនាយករដ្ឋមន្ត្រី ដើម្បីលើកពេលព្រឹត្តិការណ៍បុណ្យសមុទ្រលើកទី១២ ឆ្នាំ២០២៥ និងគោរពស្នើសុំរៀបចំព្រឹត្តិការណ៍ទេសចរណ៍ ក្រោមប្រធានបទ “ភ្នំសន្តិភាព និងការអភិវឌ្ឍប្រកបដោយចីរភាព» ចាប់ពីថ្ងៃទី១៩ ដល់ថ្ងៃទី២១ ខែធ្នូ ឆ្នាំ២០២៥ នៅខេត្តមណ្ឌលគិរី។

ទីស្តីការគណៈរដ្ឋមន្ត្រីបានបញ្ជាក់ថា រាជរដ្ឋាភិបាលបានឃើញនិងសម្រេច៖

១- ឯកភាពអនុញ្ញាតលើកពេលនៃការរៀបចំព្រឹត្តិការណ៍បុណ្យសមុទ្រលើកទី១២ ចាប់ពីថ្ងៃទី១៩ ដល់ថ្ងៃទី២១ ខែធ្នូ ឆ្នាំ២០២៥ នៅខេត្តកោះកុង ទៅរៀបចំនៅឆ្នាំ២០២៦វិញ ដោយរក្សាខេត្តកោះកុងជាទីតាំង រៀបចំព្រឹត្តិការណ៍នេះដដែល។

២- គួរលើកពេលសិនទៅចំពោះសំណើអនុញ្ញាតដល់ក្រសួងទេសចរណ៍សហការជាមួយរដ្ឋបាល ខេត្តមណ្ឌលគិរី និងក្រសួង ស្ថាប័នពាក់ព័ន្ធ រៀបចំព្រឹត្តិការណ៍ទេសចរណ៍ ក្រោមប្រធានបទ «ភ្នំសន្តិភាព និង ការអភិវឌ្ឍប្រកបដោយចីរភាព” ចាប់ពីថ្ងៃទី១៩ ដល់ថ្ងៃទី២១ ខែធ្នូ ឆ្នាំ២០២៥ នៅខេត្តមណ្ឌលគិរី។

គួរបញ្ជាក់ថា ការសម្រេចលើកពេលនៃព្រឹត្តិការ៍នេះ គឺដោយសារប្រទេសស្ថិតក្នុងស្ថានភាពសភាពការណ៍ព្រំដែនមិនទាន់ច្បាស់លាស់ ដែលហេតុគួរលើកពេលសិន៕

The post រាជរដ្ឋាភិបាល សម្រេចលើកពេលរៀបចំព្រឹត្តិការណ៍បុណ្យសមុទ្រលើកទី១២ នៅខេត្តកោះកុង ទៅឆ្នាំ២០២៦វិញ appeared first on .

លោក ហួត ហាក់ រដ្ឋមន្ត្រីក្រសួងទេសចរណ៍ រួមជាមួយ និងជាប្រធានគណៈកម្មការអន្តរក្រសួង និងភរិយា រួមជាមួយ លោក ម៉ៅ ធនិន អភិបាលខេត្តកំពត និងភរិយា កាលពីថ្ងៃទី១២ ខែធ្នូ ឆ្នាំ២០២៤ បានអញ្ជើញជាអធិបតីក្នុងពិធីក្រុងពាលីសុំសេចក្តីសុខ ក្នុងឱកាសអបអរសាទរព្រឹត្តិការណ៍បុណ្យសមុទ្រលើកទី១១នេះផងដែរ។

សូមជម្រាបថា ព្រឹត្តិការណ៍បុណ្យសមុទ្រលើកទី១១ ជុំទី៣ នៅខេត្តកំពត នឹងប្រព្រឹត្តទៅចាប់ពីថ្ងៃទី១៣-១៥ ខែធ្នូ ឆ្នាំ២០២៤ ក្រោមវត្តមានអញ្ជើញដ៏ខ្ពង់ខ្ពស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។

ព្រឹត្តិការណ៍បុណ្យសមុទ្រនៅឆ្នាំ២០២៤នេះ ស្របទៅនឹងខេត្តកំពតជាគោលដៅទេសចរណ៍បេតិកភណ្ឌវប្បធម៌ និងកសិទេសចរណ៍តំបន់ឆ្នេរ តួយ៉ាងការជ្រើសរើសខេត្តកំពតដើម្បីរៀបចំពិធីបុណ្យសមុទ្រនាឆ្នាំនេះ ក្នុងគោលបំណងផ្សព្វផ្សាយអំពីសក្តានុពលទេសចរណ៍តំបន់ឆ្នេរសមុទ្រកម្ពុជា និងជំរុញការយកចិត្តទុកដាក់ពីគ្រប់ភាគីពាក់ព័ន្ធក្នុងការអភិរក្សនិងអភិវឌ្ឍតំបន់ឆ្នេរប្រកបដោយចីរភាព ជាពិសេសការពង្រឹងនិងលើកកម្ពស់គុណភាពសេវាកម្មនានាក្នុងឧស្សាហកម្មទេសចរណ៍។នេះបើតាមការបញ្ជាក់របស់រដ្ឋមន្រ្តីក្រសួងទេសចរណ៍ កាលពីពេលថ្មីៗនេះ។

សូមបញ្ជាក់ជូនផងដែរថា កម្ពុជាបានរៀបចំពិធីបុណ្យសមុទ្រវិលជុំចាប់តាំងពីឆ្នាំ ២០១១ នៅតាមបណ្តាខេត្តជាប់មាត់សមុទ្រចំនួន ៤ គឺ ព្រះសីហនុ កែប កោះកុង និងកំពត ដើម្បីលើកកម្ពស់សក្ដានុពលទេសចរណ៍នៅតំបន់ឆ្នេរ ក៏ដូចជាលើកទឹកចិត្តឱ្យមានការចូលរួមពីវិស័យឯកជន សាធារណជន ក៏ដូចជាអ្នកពាក់ព័ន្ធដទៃទៀត ក្នុងការការពារ និងអភិរក្សធនធានសមុទ្រ និងបរិស្ថានឆ្នេរ។

ក្នុងនោះខេត្តកំពតបានទទួលរៀបចំចំនួន៣ដង គឺនៅឆ្នាំ២០១៥ ឆ្នាំ២០១៩ និងឆ្នាំ២០២៤ ខណៈពិធីបុណ្យសមុទ្រ កាលពីលើកទី១០ ឆ្នាំ២០២៣ ធ្វើឡើងនៅខេត្តកែប  ក្រោមប្រធានបទ «ទាំងអស់គ្នាដើម្បីទេសចរណ៍» ដោយខេត្តកែបទទួលបានភ្ញៀវទេសចរទាំងជាតិ និងអន្តរជាតិសរុបជិត ២៧ម៉ឺននាក់៕

The post ចាប់ផ្តើមហើយ! ព្រឹត្តិការណ៍បុណ្យសមុទ្រលើកទី១១ នៅខេត្តកំពត ក្រោមប្រធានបទ «អបអរបេតិកភណ្ឌ និងចីរភាពនៃតំបន់ឆ្នេរ» ​រយៈពេល៣ថ្ងៃ appeared first on .

ឯកឧត្តមរដ្ឋមន្ត្រី បានបន្តថា ប្រជាជនមានការសប្បាយរីករាយ នៅក្នុងពិធីបុណ្យសមុទ្រទាំងពេលយប់ និងពេលថ្ងៃខណៈដែលបញ្ហាសន្តិសុខ សណ្ដាប់ធ្នាប់ គឺមិនមានអ្វីកើតឡើងគួរឱ្យកត់សម្គាល់នោះឡើយ។

បើតាមលោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឱ្យដឹងដែរថា មូលហេតុដែលភ្ញៀវសម្រុកមកលេងច្រើនបែបនេះ ព្រោះមានការតាំងពិព័រណ៍ពាណិជ្ជកម្ម និងមហោស្រពម្ហូបអាហារនិងភេសជ្ជៈនៅទីលានតេជោ សរុបទាំងអស់មានចំនួន៣០០ស្ដង់ ហើយកាន់តែពិសេស ក៏មានការសម្ដែងសិល្បៈ របាំ ចម្រៀងនៅលើឆាកធំនៃទីលានតេជោ ដែលភ្ញៀវទេសចរ ក៏ដូចជាប្រជាពលរដ្ឋគឺអាចចូលទស្សនាកម្សាន្តដោយសេរី។

អាជ្ញាធរខេត្តព្រះសីហនុ នឹងនៅបន្តការរៀបចំពិធីបុណ្យសមុទ្របន្ត ប្រសិនបើប្រជាពលរដ្ឋ និងភ្ញៀវទេសចរនៅតែចូលរួមកម្សាន្តច្រើន គឺខេត្តនឹងបន្តនៅថ្ងៃទី១៣ ដើម្បីបង្កការសប្បាយ ជូនភ្ញៀវទេសចរណ៍គ្រប់រូប និងដើម្បីអបអរមហាសន្និបាតក្លិបឆ្នេរសមុទ្រដែលស្អាតបំផុត លើសាកលលោក ដែលបាននិងកំពុងរៀបចំនៅខេត្តព្រះសីហនុ ចាប់ពីថ្ងៃទី៩-១៤ ខែធ្នូ ឆ្នាំ២០២២។

សូមជម្រាបថា ពិធីបុណ្យសមុទ្រត្រូវបានរៀបចំជាលើកដំបូងនៅក្នុងឆ្នាំ២០១១ ក្នុងខេត្តព្រះសីហនុ ដើម្បីអបអរសាទរឆ្នេរសមុទ្រកម្ពុជា បានចូលជាសមាជិកក្លឹបឆ្នេរសមុទ្រ ដែលស្អាតបំផុតលើ សកលលោក។
ពិធីបុណ្យសមុទ្រ ត្រូវបានរៀបចំឡើងដោយឈរលើគោលការណ៍ នៃការឆ្លាស់វេនគ្នានៅខេត្តតំបន់ រទាំង៤ (ព្រះសីហនុ កោះកុង កំពត កែប) ក្នុងគោលបំណងផ្សព្វផ្សាយអំពីសក្តានុពលទេសចរណ៍នៃតំបន់ឆ្នេរសមុទ្រកម្ពុជា ព្រមទាំងជំរុញការយកចិត្តទុកដាក់កាន់តែខ្ពស់ពីគ្រប់ភាគីពាក់ព័ន្ធ ផ្នែកឯកជន និងប្រជាពលរដ្ឋមូលដ្ឋានក្នុងការអភិរក្ស និងថែរក្សាធនធានធម្មជាតិ និងវប្បធម៌នៅតំបន់ឆ្នេរសមុទ្រកម្ពុជា៕

The post រយៈពេលបីថ្ងៃ ភ្ញៀវទេសចរណ៍ជាង៧០ម៉ឺននាក់ ទៅលេងបុណ្យសមុទ្រនៅព្រះសីហនុ appeared first on .

រដ្ឋបាលខេត្តព្រះសីហនុ បានឱ្យដឹងបន្តថា ភ្ញៀវទេសចរក្នុងពិធីបុណ្យសមុទ្ទឆ្នាំនេះ សរុបចំនួន ៧១២៦១៤នាក់ ដែលតួលេខនេះបានកើន២៩ភាគរយ បើធៀបរយៈពេល៣ថ្ងៃ នៃពិធីបុណ្យសមុទ្ទ កាលពីឆ្នាំ២០១៧។ 

ពិធីបុណ្យសមុទ្ទឆ្នាំ២០២២នេះ ត្រូវបានរៀបចំឡើងដោយក្រសួងទេសចរណ៍សហការជាមួយរដ្ឋបាលខេត្តព្រះសីហនុ និងក្រសួងស្ថាប័ន​ពាក់ព័ន្ធ អមជាមួយមហាសន្និបាតក្លឹបឆ្នេរសមុទ្ទ ​ដែលស្អាតបំផុត​លើសាកលលោកផងដែរ ខណៈកម្ពុជា គឺជាប្រទេសដំបូងគេ ដែលរៀបចំមហាសន្និបាតលើកទី១៦ របស់ក្លឹបឆ្នេរសមុទ្ទដែលស្អាតបំផុតលើសាកលលោកឡើងវិញ ក្រោយការរាតត្បាតនៃជំងឺកូវីដ-១៩។នេះបើតាមការបញ្ជាក់បន្ថែមពីរដ្ឋបាលខេត្តព្រះសីហនុ។

គួរបញ្ជាក់ដែរថា ក្នុងរយៈពេល១១ខែ ឆ្នាំ២០២២ កម្ពុជាទទួលបានទេសចរផ្ទៃក្នុងជាង១០លាននាក់ ដែលបានដើរកម្សាន្តនៅទូទាំងប្រទេស។ តាមការប៉ាន់ស្មាន អាចមានទេសចរផ្ទៃក្នុងជិត១១លាននាក់ នៅក្នុងឆ្នាំ២០២២នេះ៕ អត្ថបទ៖ រង្សី

The post ខេត្តព្រះសីហនុ ទទួលបានភ្ញៀវទេចរជាង៧០ម៉ឺននាក់ ក្នុងព្រឹត្តិការណ៍បុណ្យសមុទ្រឆ្នាំនេះ appeared first on .

ទំព័រហ្វេសប៊ុកផ្លូវការសម្តេចនាយករដ្ឋមន្រ្តី បានបញ្ជាក់ថា ពិធីបុណ្យសមុទ្រនៅឆ្នាំនេះរៀបចំឡើងក្រោមប្រធានបទ «ឆ្នេរនៃសន្តិភាព ឆ្នេរនៃក្តីសង្ឃឹម»។ ការដាក់ចេញនូវប្រធានបទនេះ គឺសមស្របជាមួយបរិបទកម្ពុជា ដែលសន្តិភាពបានដើរតួនាទីយ៉ាងសំខាន់ដល់ការអភិវឌ្ឍប្រទេសជាតិ បង្កើតជាក្តីសង្ឃឹមយ៉ាងមុតមាំសម្រាប់ប្រជាជនទាំងមូល។ ក្នុងន័យនេះ សន្តិភាព គឺពិតជាមិនអាចខ្វះបានសម្រាប់ការទ្រទ្រង់ការអភិវឌ្ឍប្រទេសជាតិ ខណៈដែលក្តីសង្ឃឹមជាច្រើនសម្រាប់ពេលអនាគត បានកំពុងបង្កើតជាកាលានុវត្តភាពច្រើនផ្តើមចេញពីសន្តិភាពនេះ។

សូមជម្រាបថា ពិធីបុណ្យសមុទ្រត្រូវបានរៀបចំជាលើកដំបូងនៅក្នុងឆ្នាំ២០១១ ក្នុងខេត្តព្រះសីហនុ ដើម្បីអបអរសាទរឆ្នេរសមុទ្រកម្ពុជា បានចូលជាសមាជិកក្លឹបឆ្នេរសមុទ្រ ដែលស្អាតបំផុតលើសកលលោក។

ពិធីបុណ្យសមុទ្រ ត្រូវបានរៀបចំឡើងដោយឈរលើគោលការណ៍ នៃការឆ្លាស់វេនគ្នានៅខេត្តតំបន់ឆ្នេរទាំង៤ (ព្រះសីហនុ កោះកុង កំពត កែប) ក្នុងគោលបំណងផ្សព្វផ្សាយអំពីសក្តានុពលទេសចរណ៍នៃតំបន់ឆ្នេរសមុទ្រកម្ពុជា ព្រមទាំងជំរុញការយកចិត្តទុកដាក់កាន់តែខ្ពស់ពីគ្រប់ភាគីពាក់ព័ន្ធ ផ្នែកឯកជន និងប្រជាពលរដ្ឋមូលដ្ឋានក្នុងការអភិរក្ស និងថែរក្សាធនធានធម្មជាតិ និងវប្បធម៌នៅតំបន់ឆ្នេរសមុទ្រកម្ពុជា៕

The post បុណ្យសមុទ្រជុំទី៣ឆ្នាំនេះ កម្ពុជា ជ្រើសរើសប្រធានបទ «ឆ្នេរនៃសន្តិភាព ឆ្នេរនៃក្តីសង្ឃឹម» appeared first on .

លោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានបញ្ជាក់ថា សណ្ឋាគារសរុបប្រមាណ៨០ ក្នុងនោះមានបន្ទប់ស្នាក់នៅសរុបប្រមាណ៩០០០បន្ទប់ បានរង់ចាំបើកទ្វារស្វាគមន៍ភ្ញៀវជាតិ និងអន្តរជាតិមកកម្សាន្តក្នុងព្រឹត្តិការណ៍ដ៏ធំនេះ។

ប្រធាននាយកដ្ឋានគ្រប់គ្រងសេវាកម្មការស្នាក់នៅ និងម្ហូបអាហារក្រសួងទេសចរណ៍ ឯកឧត្ដម គឹម សេរីរដ្ឋ ក៏បានបញ្ជាក់ដែរថា ឥឡូវមានការកក់បន្ទប់ ស្នាក់នៅ អស់ច្រើនហើយ ប៉ុន្តែមិនជាបញ្ហាក្នុងការខ្វះបន្ទប់សម្រាប់ភ្ញៀវស្នាក់នៅនោះឡើយ ។ ក្រុងព្រះសីហនុមានកន្លែងស្នាក់នៅ គ្រប់គ្រាន់ ព្រមទាំងមានជម្រើសជាច្រើនដូចជា ការបោះតង់ និងកន្លែងស្នាក់នៅផ្សេងៗទៀត។

ដោយឡែក ប្រសិនគ្មានការប្រែប្រួលនោះទេ នៅព្រឹកថ្ងៃទី១០ ខែធ្នូ ស្អែកនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញជាអធិបតីបើកមហាសន្និបាតលើកទី១៦ ក្លឹបឆ្នេរសមុទ្រស្អាតបំផុតលើសកលលោក ។ ហើយរសៀលថ្ងៃដដែល សម្តេចតេជោនឹងអញ្ជើញជាអធិបតីបើកពិធីបុណ្យសមុទ្រលើកទី៩ ជុំទី៣ នៅខេត្តព្រះសីហនុផងដែរ។

គួរបញ្ជាក់ថា ការប្រារព្ធពិធីបុណ្យសមុទ្រជារៀងរាល់ឆ្នាំនេះ ធ្វើឡើងបន្ទាប់ពីកម្ពុជា បានទទួលវិញ្ញាបនបត្របញ្ជាក់ ពីឆ្នេរខ្សាច់ស្អាតលំដាប់ពិភពលោក កាលពីឆ្នាំ២០១១ នៅប្រទេសសេណេហ្គាល់ ក្នុងមហាសន្និបាតលើកទី៧ របស់ក្លឹបឆ្នេរខ្សាច់ ដែលមានសមាជិក២៦ប្រទេស។
សម្រាប់ឆ្នាំ២០២២នេះ ពិធីបុណ្យសមុទ្រលើកទី៩ ជុំទី៣ ធ្វើឡើងក្រោមប្រធានបទ «ឆ្នេរនៃសន្តិភាព ឆ្នេរនៃក្តីសង្ឃឹម» ចាប់ពីថ្ងៃសុក្រ ទី៩ធ្នូ ដល់ថ្ងៃអាទិត្យ ទី១១ ខែធ្នូ នៅខេត្តព្រះសីហនុ បន្ទាប់ពីខកខាន ២ឆ្នាំជាប់ៗគ្នា គឺនៅឆ្នាំ២០២០ និង២០២១ ដោយសារតែកូវីដ១៩៕

The post បន្ទប់សណ្ឋាគារជាង៩ពាន់បន្ទប់នៅព្រះសីហនុ រង់ចាំស្វាគមន៍ភ្ញៀវទេសចរដែលមកលេងកម្សាន្ត បុណ្យសមុទ្រ appeared first on .

ក្នុងឱកាសនេះផងដែរ ក្រុមហ៊ុន វិរៈ ប៊ុនថាំ ក៏​នឹង​ផ្ដល់ជូនសេវាកម្ម​ពិសេស គឺ​បើក​ដំណើរការ​សេវាកម្ម​ដឹកជញ្ជូន​ភ្ញៀវ​លើ​ផ្លូវល្បឿនលឿន​ពី​ភ្នំពេញ​ ទៅកាន់​ខេត្តព្រះសីហនុ​តែម្ដង ដោយ​ចំណាយ​ពេល​តែ ៣ ម៉ោង​កន្លះ​ប៉ុណ្ណោះ។

លោកអ្នក​ក៏​មាន​ជម្រើសម៉ោង​ច្រើន​សម្រាប់​ចេញ​ដំណើរ​ផងដែរ ហើយ​កាន់តែ​ងាយស្រួល​គឺ មិនចាំបាច់​ទៅដល់​កន្លែង​ទិញ​សំបុត្រ​ឡើយ ពោល​គឺ​អាច​ធ្វើ​ការ​បញ្ជា​ទិញ​តាម​រយៈកម្មវិធី VET Express របស់​ក្រុមហ៊ុនផ្ទាល់ ដែល​មាន​ដាក់​ឲ្យ​ទាញ​យក​ទាំង​នៅ​លើ App Store និង PlayStore ផ្ទាល់។

រួសរាន់ឡើង​ប្រយ័ត្នគេកក់​សំបុត្រអស់ណា! ទំនាក់ទំនង​សាកសួរ​ព័ត៌មាន​បន្ថែម​តាម​រយៈលេខ​ទូរស័ព្ទ 098 / 077 40 50 50៕

The post តោះទៅលេងបុណ្យសមុទ្រ ចំណាយពេលមួយភ្លែតលើផ្លូវល្បឿនលឿនជាមួយក្រុមហ៊ុន វិរៈ ប៊ុនថាំ appeared first on .

ឯកឧត្តមរដ្ឋមន្ត្រី ថោង ខុន ណែនាំឱ្យក្រុមការងារចាប់ផ្ដើមបង្កើតក្រុមការងារអន្តរក្រសួង ដើម្បីធ្វើកិច្ចការងារតាមមុខព្រួញនីមួយៗ សំដៅរៀបចំពិធីបុណ្យទាំងមូលឱ្យបានរលូនជោគជ័យ។ ក្នុងនោះដែរមានកម្មវិធីសម្ដែងសិល្បៈ ព្រឹត្តិការណ៍កីឡា ការការពារសុខសន្តិភាព ការរៀបចំតុបតែងសោភ័ណភាពនៅតាមទីសាធារណៈ តាមឆ្នេរសមុទ្រ និងទីតាំងសំខាន់មួយចំនួនទៀត។ ចំពោះការរៀបចំឱ្យមានវិថីម្ហូបអាហារ ក៏ត្រូវបានឯកឧត្តមរដ្ឋមន្ត្រី ថោង ខុន គាំទ្ររៀបចំឱ្យបានល្អប្រសើរ។

លោកបានជំរុញឱ្យមានការនាំយកផលិតផលកសិកម្ម សិប្បកម្ម ផលិតផលពាណិជ្ជកម្មក្នុងស្រុកមកតាំងបង្ហាញក្នុងពិធីបុណ្យឱ្យបានច្រើនបំផុត។ ក្រៅពីនេះត្រូវផ្សព្វផ្សាយផលិតផលទេសចរណ៍ សក្ដានុពលទេសចរណ៍ដែលមាននៅតាមរមណីយដ្ឋាន សហគមន៍ទេសចរណ៍ តំបន់ទេសចរណ៍ធម្មជាតិ សក្ដានុពលនៅតាមតំបន់ឆ្នេរសមុទ្រ នៅតាមកោះ និងនៅសមុទ្រឱ្យបានទូលំទំលាយនៅក្នុងពិធីបុណ្យនេះ។

អភិបាលខេត្ត គួច ចំរើន បានប្ដេជ្ញាអំពីការចូលរួមអនុវត្តកិច្ចការជាមួយក្រសួងទេសចរណ៍ និងក្រសួង ស្ថាប័នពាក់ព័ន្ធ ដោយមានការចាត់ឱ្យមន្ត្រីជំនាញនៅរដ្ឋបាលខេត្ត មន្ទីរ អង្គភាពពាក់ព័ន្ធ ដើម្បីអនុវត្តការងារតាមមុខការរៀងខ្លួន ទាំងការងាររៀបចំទីតាំងពិធីបុណ្យ ការត្រៀមការការពារបញ្ហាសន្តិសុខ សុវត្ថិភាពថ្នាក់ដឹកនាំ អ្នករៀបចំកម្មវិធី ប្រជាពលរដ្ឋ និងភ្ញៀវទេសចរ ការរៀបចំតុបតែងកែលម្អសោភ័ណភាពក្នុងទីក្រុង តាមផ្លូវសាធារណៈជាដើម។

លោក គួច ចំរើន បានលើកឡើងឱ្យមានការតាក់តែងនិពន្ធរឿង ឬសិល្បៈសម្ដែងនៅព្រឹត្តិការណ៍ទេសចរណ៍នេះ ដែលរៀបរាប់ពីប្រវត្តិខេត្តព្រះសីហនុ ឬហៅតាមឈ្មោះចាស់ថា កំពង់សោម ដើម្បីទុកជាសម្បត្តិវប្បធម៌របស់ខេត្ត ក៏ដូចជាសម្រាប់ប្រទេសជាតិផងដែរ៕

The post ទោះវិបត្តិកូវីដ១៩ រាជរដ្ឋាភិបាលសម្រេចរៀបចំបុណ្យសមុទ្រលើកទី៩ នៅខេត្តព្រះសីហនុ appeared first on .