យោងតាមសារាចររបស់រាជរដ្ឋាភិបាល ចុះថ្ងៃទី២៧ ខែសីហា ឆ្នាំ២០២៥ ដែលចុះហត្ថលេខាដោយ សម្ដេចធិបតី ហ៊ុន ម៉ាណែត នាយករដ្ឋមន្ត្រី បានឱ្យដឹងថា រាជរដ្ឋាភិបាល បានសម្រេចផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅតាមដង ទន្លេសាប មុខព្រះបរមរាជវាំង រាជធានីភ្នំពេញ ដែលគ្រោងនឹងប្រព្រឹត្តទៅនៅថ្ងៃ១៤កើត ១៥កើត និង១រោច ខែកត្តិក ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី៤ ទី៥ និងទី៦ ខែវិច្ឆិកា ឆ្នាំ២០២៥។

សារាចរខាងលើ បានបញ្ជាក់ថា មូលហេតុនៃការផ្អាកការប្រារព្ធព្រះរាជពិធីបុណ្យអុំទូក នៅរាជធានីភ្នំពេញ គឺដោយសាររាជរដ្ឋាភិបាលបាននិងកំពុងយកចិត្តទុកដាក់ខ្ពស់លើស្ថានការណ៍ចំពោះមុខនៅតាមព្រំដែនកម្ពុជា-ថៃ ជាពិសេសការដោះស្រាយបញ្ហាជូនប្រជាពលរដ្ឋភៀសសឹក និងពលករខ្មែរធ្វើការនៅប្រទេសថៃ ដែលវិលត្រឡប់ចូលមកក្នុងប្រទេសកម្ពុជាវិញ។

សូមអានខ្លឹមសារសារាចរលម្អិតខាងក្រោម៖

The post រាជរដ្ឋាភិបាល សម្រេចផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៥ នៅរាជធានីភ្នំពេញ appeared first on .

នេះបើយោងតាមសេចក្តីណែនាំរបស់រដ្ឋបាលរាជធានីភ្នំពេញ ស្តីពី ការរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ ដែលផ្សាយចេញនៅព្រឹកថ្ងៃទី២៥ ខែកញ្ញា ឆ្នាំ២០២៤។

ប្រភពដដែល បានណែនាំដល់រដ្ឋបាលខណ្ឌទាំង១៤ រដ្ឋបាលសង្កាត់ទាំង១០៥ មន្ទីរអង្គភាពជំនាញជុំវិញរដ្ឋបាលរាជធានីភ្នំពេញ គ្រឹះស្ថានសិក្សា ក្រុមហ៊ុន រោងចក្រ-សហគ្រាស ផ្សារទំនើប រមណីយដ្ឋាន មជ្ឈមណ្ឌលកម្សាន្ត ម្ចាស់ទីតាំងអាជីវកម្មគ្រប់ប្រភេទ ព្រមទាំងប្រជាពលរដ្ឋ ចូលរួមលើកទង់ជាតិ ទង់សាសនា ចងបដាពាក្យស្លោក អមដោយការតុបតែងលម្អរចនាបំភ្លឺភ្លើងពណ៌ចម្រុះនៅតាម បណ្តាអង្គភាព និងទីតាំងរបស់ខ្លួន ដើម្បីចូលរួមអបអរសាទរពិធីបុណ្យឱ្យបានអធិកអធម។

ជាមួយគ្នានេះ សម្រាប់ផ្សារទំនើប ផ្សារម៉ាត អគារពាណិជ្ជកម្ម ក្រុមហ៊ុន រោងចក្រសហគ្រាស រមណីយដ្ឋាន មជ្ឈមណ្ឌល កម្សាន្ត សំណង់បុរី និងទីតាំងអាជីវកម្មគ្រប់ប្រភេទ រដ្ឋបាលរាជធានីភ្នំពេញ ក៏បានណែនាំឱ្យរៀបចំបំពាក់ខ្សែភ្លើងពណ៌បំភ្លឺ និងដាក់គោមភ្លើង បំភ្លឺនៅតាមរបងមុខអគារ ឬ តាមជញ្ជាំងអគារ ឬ ដើមឈើ និងទីតាំងអាជីវកម្មរបស់ខ្លួន ដោយអាចរៀបចំ រចនាខ្សែភ្លើងពណ៌ចម្រុះ ឱ្យចេញជាអក្សរផុសឡើង ដើម្បីបង្កើនសោភណភាព ឱ្យកាន់តែស្រស់ស្អាត។

បន្ថែមពីនេះ រដ្ឋបាលរាជធានីភ្នំពេញ ក៏បានណែនាំដល់ស្នងការដ្ឋាននគរបាលរាជធានីភ្នំពេញ បញ្ជាការដ្ឋានកងរាជអាវុធហត្ថរាជធានីភ្នំពេញ និងបញ្ជាការដ្ឋាន យោធភូមិភាគពិសេស ត្រូវរៀបចំ និងអនុវត្តផែនការការពារសន្តិសុខ សុវត្ថិភាព សណ្តាប់ធ្នាប់សាធារណៈ និងរបៀបរៀបរយសង្គម ឱ្យបានល្អប្រសើរ ទាំងមុនពេល អំឡុងពេល និងក្រោយពេលពិធីបុណ្យ ដើម្បីធានាសុវត្ថិភាពដល់ប្រជាពលរដ្ឋ។

ជាមួយគ្នានេះ អង្គភាពខាងលើ ក៏ត្រូវជួយសម្រួលចរាចរណ៍នៅតំបន់គោលដៅ ដែលមានការកកស្ទះខ្លាំង ទប់ស្កាត់បង្ការបទល្មើសច្បាប់គ្រប់ប្រភេទ និងត្រៀមរថយន្តពន្លត់អគ្គិភ័យឱ្យបានគ្រប់គ្រាន់ ដើម្បីប្រចាំការជួយសង្គ្រោះបន្ទាន់នៅពេលមានបញ្ហាគ្រោះអគ្គិភ័យកើតឡើងជាយថាហេតុ៕ អត្ថបទ៖ រង្សី  

The post រដ្ឋបាលរាជធានីភ្នំពេញ ណែនាំដល់គ្រប់ភាគីពាក់ព័ន្ធរួមគ្នារៀបចំពិធីបុណ្យអុំទូកឱ្យបានមហោឡារិក appeared first on .

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានគូសបញ្ជាក់ថា រយៈពេល ២ថ្ងៃ នៃព្រះរាជពិធីបុណ្យអុំទូក​​ បណ្តែតប្រទីប​ និងសំពះព្រះខែ អកអំបុក កន្លងមក បានប្រព្រឹត្តទៅដោយរលូន​ ជាមួយសុខសុវត្ថិភាព​ និងភាពសប្បាយរីករាយដល់មហាគ្រួសារខ្មែរ​ ក៏ដូចជាភ្ញៀវបរទេស ជាពិសេស ចំណុះទូកងរបស់ជនជាតិអាឡឺម៉ង់ មកពីខេត្តកណ្តាល​ ក៏បានផ្តល់ភាពទាក់ទាញ និងចំណាប់អារម្មណ៍ពីសំណាក់មហាជន ផងដែរ។

ក្នុងបណ្តាញសង្គមតេឡេក្រាមផ្លូវការសម្តេចធិបតី ហ៊ុន ម៉ាណែត បានលើកឡើងថា កម្ពុជា​ បានក្លាយជាគោលដៅទេសចរណ៍ដ៏ទាក់ទាញ​ ជាមួយស្នាមញញឹមរបស់ប្រជាជនខ្មែរ​ សុខសុវត្ថិភាព និងសណ្តាប់ធ្នាប់សាធារៈ ​ ផ្តល់ជាសេចក្តីសុខផ្នែកផ្លូវចិត្តដល់អ្នកទេសចរណ៍ ក្នុងការធ្វេីដំណេីរ​ និងទស្សនាកំសាន្តដោយភាពជឿជាក់បំផុត។

នាថ្ងៃទីបី​ នៃព្រះរាជពិធីបុណ្យជាតិដ៏ធំនេះ ក៏សង្កេតឃើញមានកំណើតភ្ញៀវទេសចរណ៍ជាតិ-អន្តរជាតិយ៉ាងច្រើនកុះកុរមកទស្សនាការប្រណាំងទូកតាមដងទន្លេនៅមុខព្រះបរមរាជវាំង។ ជាមួយគ្នានេះ ក៏មានការតាំងពិព័រណ៍ស្តង់ទំនិញជាច្រើនតាតាមទីតាំងនីមួយៗក្នុងរាជធានីភ្នំពេញ ព្រមទាំងការប្រគំតន្ត្រីតាមទម្រង់សិល្បៈបុរាណ និងសម័យដែលមានប្រគំជូននៅតាមទីតាំងសប្បាយភាពនានា ដែលថ្ងៃនេះជាថ្ងៃបញ្ចប់នៃព្រះរាជពិធីបុណ្យអុំទូកឆ្នាំ២០២៣នេះ៕

The post សម្តេចធិបតី ហ៊ុន ម៉ាណែត៖ កម្ពុជា​ បានក្លាយជាគោលដៅទេសចរណ៍ដ៏ទាក់ទាញ​ជាមួយស្នាមញញឹមរបស់ប្រជាជនខ្មែរ appeared first on .

ទូកង ឈ្មោះ ក្តាមប្រៃ គឺជាទូកមួយដែលល្បីល្បាញនៅក្នុងខេត្តកំពង់ឆ្នាំង ស្ថិតនៅស្រុកកំពង់ត្រឡាច ជារៀងរាល់ឆ្នាំក្នុងពិធីបុណ្យអុំទូកនៅរាជធានី​ភ្នំពេញ តែងតែមានការលំបាកក្នុងការចំណាយថវិកា ប៉ុន្តែ​ចាប់ពី​ឆ្នាំ២០១៩ «ទូកងក្តាមប្រៃ» លែងកំសត់ទៀតហើយ ព្រោះ​មាន​លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង ជា​អ្នក​ជួយ​ឧបត្ថម្ភ​ការ​ចំណាយ​ស្ទើរ​ទាំង​ស្រុង។

ក្រៅពី​លោក​ស្នងការ​​ខេត្ត​កំពង់ឆ្នាំង ទូក​ង​ក្តាមប្រៃ ​​ក៏​ទទួល​បាន​ការ​គាំទ្រ​​ពី​ថ្នាក់ដឹកនាំ​ខេត្ត​ និង​តំណាងរាស្ត្រ​មណ្ឌល​ខេត្ត​កំពង់ឆ្នាំង​ផង​ដែរ។ ជាក់ស្តែង កាលពី​ថ្ងៃទី​០៥ ខែ​តុលា ឆ្នាំ២០២២ ​​លោក ស៊ុន សុ​វ​ណ្ណា​រិ​ទ្ឋិ អភិបាលខេត្ត​កំពង់ឆ្នាំង អមដំណើរ​ដោយ​លោក​ឧត្តមសេនីយ៍ទោ ខូ​វ លី​ស្នងការ​នគរបាល​ខេត្ត និង​លោក​ជំទាវ កែ ច័ន្ទ​មុនី តំណាងរាស្ត្រ​មណ្ឌល​កំពង់ឆ្នាំង ​​បាន​ចុះ​សួរសុខទុក្ខ​ និង​នាំ​យក​អំណោយ​ជា​ច្រើន​ ជូន​ក្រុម​កីឡាករ​នៃ​ទូក​ក្តាមប្រៃ ខណៈ​ដែល​ពួកគេ​កំពុង​ហ្វឹកហាត់​ត្រៀម​ទៅ​ប្រកួត​មិត្តភាព​នៅ​ខេត្ត​កំពង់ចាម។

បើ​តាម​អនុសាសន៍​របស់​លោក​អភិបាលខេត្ត​កំពង់ឆ្នាំង ថ្វីបើ​ប្រមុខ​រាជរដ្ឋាភិបាល បាន​ផ្អាក​ពី​ធី​អុំទូក​ថ្នាក់​ជាតិ​ឆ្នាំ​នេះ ក៏​ពិតមែន ប៉ុន្តែ​បាន​អនុញ្ញាត្តិ​ឱ្យ​តាម​បណ្តា​ខេត្ត ត្រូវ​រៀបចំ​ពិធី​អុំទូក អកអំបុក សំពះ​ព្រះ​ខែ តាម​ទំនៀមទម្លាប់​ពី​ដូនតា ផង​ដែរ ដើម្បី​ឱ្យ​ប្រជាពលរដ្ឋ​បាន​កំសាន្ត​សប្បាយ​ផង និង​បន្ត​ថែរក្សា​មរតក ពិធី​អុំទូក​នេះ​ផង ហើយ​សម្រាប់​ខេត្តកំពង់ឆ្នាំង នឹង​រៀបចំ​ពិធី​នេះ នៅ​ខែវិច្ឆិកា ខាង​មុខ​នេះ ក្នុង​នោះ​ ទូកង «ក្តាមប្រៃ» ​​ក៏​នឹង​បង្ហាញ​វត្តមាន​​​ក្នុង​ការ​ប្រណាំង​ប្រជែង ដើម្បី​ជូន​បងប្អូន​ទស្សនា​កម្សាន្ត​ផងដែរ។

សូម​រំលឹក​ថា ទូកងឈ្មោះ «ក្តាមប្រៃ» ជា​ទូក​ដែល​គ្រប់គ្រង​មើលថែ​ទាំ ដោយ​លោក​ឧត្តមសេនីយ៍ទោ ខូ​វ លី ស្នងការ​នគរបាល​ខេត្តកំពង់ឆ្នាំង។ ទូក​នេះ​ជា​ប្រភេទទូកអុំ មាន​ប្រវែង​២៨,៣ ម៉ែត្រ មាន​ចំណុះ​កីឡាករ ចំនួន​៦៩​នាក់។ ទូក​នេះ​ធ្លាប់​ទទួល​ជ័យ​ជំនះ​ថ្នាក់​ជាតិ​ជា​រៀង​រាល់​ឆ្នាំ និង​បាន​ដាក់​​តម្កល់​នៅ​​សាលា​បុណ្យ​ ភូមិ​កំពង់​ក្តា ឃុំ​កំពង់ត្រឡាច​ក្រោម ស្រុក​កំពង់ត្រឡាច ខេត្ត​កំពង់ឆ្នាំង៕

The post ដឹងអត់ថា ឥស្សរៈជនរូបណា ជាអ្នកឧបត្ថម្ភធំដល់ទូកឈ្មោះ «ក្តាមប្រៃ» ជើងខ្លាំងលេខ១រាល់ឆ្នាំ appeared first on .