របាយការណ៍លទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៣ របស់ធនាគារជាតិនៃកម្ពុជា ផ្សព្វផ្សាយនៅថ្ងៃទី៣១ ខែកក្កដានេះ បានឲ្យដឹងថា ក្នុងឆមាសទី១ ឆ្នាំ២០២៣នេះ សម្រាប់វិស័យធនាគារ ឥណទានត្រូវបានផ្ដល់ទៅកាន់វិស័យសំខាន់ៗក្នុងសេដ្ឋកិច្ច ដោយមានកំណើន ១១,៩% ថមថយធៀបនឹងគ្រាដូចគ្នាឆ្នាំមុន (២៥%)។ វិស័យដែលមានកំណើនខ្ពស់ជាងគេ រួមមាន៖ វិស័យកម្មន្តសាល (២២,២%), ការទិញផ្ទះជាកម្មសិទ្ធិផ្ទាល់ខ្លួន (១៧,៥%), ការជួញដូរអចលនទ្រព្យ (១៣,៦%), កសិកម្ម (១៣,៤%)។ល។

ដោយឡែក វិស័យមីក្រូហិរញ្ញវត្ថុបន្តផ្តល់ហិរញ្ញប្បទានដល់សហគ្រាសធុនមីក្រូ តូច និងមធ្យម ព្រមទាំងប្រជាពលរដ្ឋនៅតាមទីជនបទ ដោយឥណទានបានកើនឡើង ១៤,៨% ថមថយបន្តិចធៀបនឹងគ្រោះដូចគ្នាឆ្នាំមុន (១៦,២%)។ វិស័យដែលមានកំណើនខ្ពស់ជាងគ រួមមាន៖ កម្មន្តសាល (៣០,៨%), អង្គភាពគ្រួសារ (១៨,៤%), ពាណិជ្ជកម្មនិងជំនួញ (១៥%), សំណង់ (១៤%), កសិកម្ម (១៣,២%)។ល។

បើតាមធនាគារជាតិនៃកម្ពុជា បច្ចុប្បន្ន គ្រឹះស្ថានហិរញ្ញវត្ថុទទួលប្រាក់បញ្ញើមាន៖ ធនាគារពាណិជ្ជចំនួន ៥៩ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើចំនួន ៥។ ចំណែក គ្រឹះស្ថានហិរញ្ញវត្ថុមិនទទួលប្រាក់បញ្ញើ មាន៖ ធនាគារឯកទេសចំនួន ៩ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៨២ គ្រឹះសា្ថនភតិសន្យាហិរញ្ញវត្ថុចំនួន ១៧ (កើន១គ្រឹះស្ថាន) គ្រឹះស្ថានផ្តល់សេវាទូទាត់សងប្រាក់ចំនួន ៣៥ (កើន១គ្រឹះស្ថាន) គ្រឹះស្ថានឥណទានជនបទចំនួន ១១៨ (ថយចុះ ១០៥ គ្រឹះស្ថាន) អ្នកដំណើរការតតិយភាគីចំនួន ៦ អាជីវកម្មប្តូរប្រាក់ចំនួន ២៨៩០ (កើន២៤ អាជីវកម្ម) និង ការិយាល័យតំណាងធនាគារបរទេសចំនួន ៦៕

The post ពលរដ្ឋខ្ចីលុយធនាគារយកទៅប្រើក្នុងវិស័យកម្មន្តសាល និងទិញផ្ទះផ្ទាល់ខ្លួន មានការកើនឡើង appeared first on .

បុរីនេះ វិនិយោគដោយលោកស្រី សែម សម្ភស្ស ត្រូវបានគេចាត់ទុកថា ជាសហគ្រិនស្រ្តីដ៏មានសក្ដានុពលមួយរូបក្នុងវិស័យអចលនទ្រព្យ និងសំណង់។ លោកស្រីជាអគ្គនាយិកាក្រុមហ៊ុន បុរី សម្បត្តិមានហេង ៣ និងជាសមាជិកានៃសមាគមអ្នកអភិវឌ្ឍន៍លំនៅដ្ឋានកម្ពុជា ដែលមានអ្នកឧកញ៉ា លី ហួរ ជាប្រធាន។

ក្រៅពីគ្រប់គ្រងក្រុមហ៊ុនបុរីហើយនោះ លោកស្រី សែម សម្ភស្ស ក៏ជាម្ចាស់ក្រុមហ៊ុន BIG KOREAN GROUP CO.,LT ។

ស្វាមីរបស់លោកស្រី គឺអតីតឧកញ៉ា លោក ឈន សារ៉ាណេ អគ្គនាយករងនៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ នៃ​ក្រសួងមហាផ្ទៃ។ លោកត្រូវបានព្រះមហាក្សត្រកម្ពុជា តាមសំណើសម្តេចតេជោ ហ៊ុន សែន នាយករដ្ឋមន្ត្រី បានចេញព្រះរាជក្រឹត្យ​បញ្ចប់​ងារ​ឧកញ៉ា លើ​មេ​ប៉ូលិស​ចំនួន ៣៦​នាក់ ធ្វើ​ឡើង​កាល​ពី​ថ្ងៃ​ទី​២៣ វិច្ឆិកា ឆ្នាំ២០១៩។ លោកធ្លាប់អតីតមន្ត្រីយោធាក្រសួងការពារជាតិផងដែរ។

ការ​បញ្ចប់​គោរមងារ​ឧកញ៉ា ក្នុង​ជួរ​កងកម្លាំង​ប៉ូលិស​នេះ ធ្វើឡើង​តាម​គោលការណ៍​ស្ម័គ្រចិត្ត ដូច​ករណី​បញ្ចប់​ងារ​ឧកញ៉ា នៅ​ជួរ​កង​កម្លាំងយោធា​ដែរ​ ដោយប្រមុខរាជរដ្ឋាភិបាល ចេញបទបញ្ជាឱ្យជ្រើស​យក​តួនាទី​បានតែ​១ គឺ​ធ្វើជា​ឧកញ៉ា ឬ​ធ្វើជា​កងកម្លាំង។ កាលពី​ខែ​កញ្ញា ឆ្នាំ២០១៩ ប្រធាន​ព្រឹទ្ធសភា ក្នុង​នាម​ជា​ប្រមុខ​រដ្ឋ​ស្ដីទី សម្តេចវិបុលសេនាភក្តី សាយ ឈុំ បាន​ចេញ​ព្រះរាជក្រឹត្យ បញ្ចប់​គោរមងារ​ឧកញ៉ា លើ​មេ​យោធា ចំនួន ៧៥​នាក់៕

The post មកស្គាល់ភរិយាអតីតឧកញ៉ាម្នាក់ កំពុងបោះទុនវិនិយោគលើវិស័យអចលនទ្រព្យ និងសំណង់ appeared first on .

ក្រសួងប្រៃសណីយ៍ បានប្រកាសថា នឹងចាត់ការបែបនេះ ក្រោយ​ពីមានក្រុម​ការងារលើក​កម្ពស់គុណ​ភាព​សេវាអ៊ីនធឺណិតនៅតាមបុរីក្នុងរាជធានីភ្នំពេញ ចំនួន៨ ជួបការ​លំបាកក្នុងការ​តភ្ជាប់បណ្តាញ​សេវាអ៊ីន​ធឺ​ណិតក្នុងបុរី និងអគារសហកម្មសិទ្ធិមួយចំនួន។

ក្រសួងប្រៃសណីយ៍បានអំពាវនាវដល់ម្ចាស់បុរី និងអគារ បញ្ឈប់ការ​ទារលុយ​ជាថ្នូរ​នឹង​ការ​អនុញ្ញាត​ឱ្យត​ភ្ជាប់បណ្តាញសេវាអ៊ីនធឺណិតចូលក្នុងលំនៅដ្ឋានរបស់អ្នកប្រើប្រាស់នៅក្នុងបុរីនិងអគារសហកម្មសិទ្ធិ ដែល​ផ្ទុយនឹងច្បាប់ស្តីពីទូរគមនាគមន៍។

ជាមួយគ្នានេះ ម្ចាស់បុរី និងអគារ ត្រូវបញ្ឈប់ប្រតិបត្តិការផ្តល់សេវាអ៊ីនធឺណិតដោយខ្លួនឯង និង​គ្មានអាជ្ញា​បណ្ណពីនិយ័តករទូរគមនាគមន៍កម្ពុជានៅក្នុងបុរីនិងអគារសហកម្មសិទ្ធិ។

ក្នុងករណីម្ចាស់បុរីនិងអគារសហកម្មសិទ្ធិមួយចំនួនតូចនៅតែបន្តធ្វើសកម្មភាពខាងលើ ក្រសួង​ប្រៃសណីយ៍​នឹងចាត់វិធានការយ៉ាងម៉ឺងម៉ាត់ ស្រប​តាមច្បាប់​ស្តីពី​ទូរគមនាគមន៍​និងលិខិតបទ​ដ្ឋានគតិ​យុត្ត​ជាធរមាន។

ក្រសួងបានអំពាវនាវដល់ប្រតិបត្តិករទូរគមនាគមន៍ និងពលរដ្ឋ ប្រសិន​ជួបប្រទះ​នូវបញ្ហានេះ​សូមផ្ដល់​ព័ត៌មានមកនិយ័តករទូរគមនាគមន៍កម្ពុជា តាមរយៈលេខទូរសព្ទ Hotline ៦៧៨៩ និង​ផ្ញើសារ​មកកាន់​អីមែល gos@trc.gov.kh៕

The post ក្រសួងប្រៃសណីយ៍ នឹងចាត់ការម្ចាស់បុរី និងអគារណា ដែលទារលុយជាថ្នូរមុននឹងឱ្យតភ្ជាប់អ៊ីនធឺណិត appeared first on .

បើតាមរបាយការណ៍បានព្យាករថា ចំនួនគម្រោងបុរីនៅកម្ពុជា នឹងបន្ដកើនឡើងដល់ទៅជាង ៣០០ គម្រោង ត្រឹមចុងឆ្នាំ២០២២នេះ ហើយនឹងកើនដល់ជិត ៤០០ គម្រោង នៅចុងឆ្នាំ ២០២៣ផងដែរ។

យ៉ាងណាមិញជុំវិញតម្លៃគឺមានការធ្លាក់ចុះបន្ដិចបន្ដួចសម្រាប់ផ្ទះប្រភេទល្វែង និងវីឡាភ្លោះ ប៉ុន្តែតម្លៃលក់ផ្ទះអាជីវកម្មមានការកើនឡើង ៤% ក្នុងអំឡុងពេល ៦ ខែនេះ។

របាយការណ៍បញ្ជាក់ថា មូលហេតុដែលធ្វើឱ្យទីផ្សារនេះពេញនិយម និងនៅមានភាពរឹងមាំគឺ ដោយសារតែកត្ដាហានិភ័យទាបក្នុងការអភិវឌ្ឍ ពីព្រោះអ្នកអភិវឌ្ឍអាចសាងសង់តាមដំណាក់កាល។ ខុសពីខុនដូ ដែលម្ចាស់គម្រោងត្រូវសាងសង់គម្រោងឱ្យរួចរាល់ម្ដងទាំងអស់ ទើបអាចលក់ចេញបាន៕

The post ៦ ខែចុងក្រោយនេះ មានគម្រោងបុរីប្រកាសលក់ថ្មីដល់ទៅ ៣៩ គម្រោង appeared first on .

ក្រសួងបញ្ជាក់ថា ម្ចាស់គម្រោងអភិវឌ្ឍដី គម្រោងសាងសង់ ឬម្ចាស់សំណង់ទាំងអស់ ត្រូវរៀបចំសួនច្បារជ្រាបទឹក និងដាំដើមឈើប្រណីត ដូចជា ធ្នង់ នាងនួន គ្រញូង និងរៀបចំសួនបៃតងមានដាំស្មៅ និងផ្កាដែលមានក្លិនក្រអូបនៅក្នុងគម្រោងនីមួយៗឱ្យបានស្អាតដើម្បីលើកសោភណភាពទីក្រុង។

ទន្ទឹមនឹងនោះ ក្រសួងក៏បានណែនាំឲ្យរៀបចំប្រព័ន្ធប្រព្រឹត្តកម្មទឹកកខ្វក់ ឬអាងប្រព្រឹត្តកម្មសំណល់រាវ ដើម្បីសម្អាតទឹកកខ្វក់ ឬសំណល់រាវ មុននឹងបង្ហូរចូលទៅក្នុងប្រព័ន្ធលូសាធារណៈ ឬតំបន់ទឹកសាធារណៈ ដោយត្រូវអនុវត្តឱ្យបានត្រឹមត្រូវតាមស្តង់ដាបញ្ចេញទឹកកខ្វក់ ឬកម្រិតកំណត់ស្តង់ដានៃការបញ្ចេញ សំណល់រាវនៅគ្រប់គម្រោងទាំងអស់។

បន្ថែមលើសពីនេះ ក៏ត្រូវរៀបចំឱ្យមានធុងសំរាមរួម សម្រាប់រក្សាទុកនូវកញ្ចប់សំរាម សំណល់រឹងដែលបានវេចខ្ចប់ដោយថង់ក្នុងទីតាំង ឬបរិវេណគ្រប់គ្រងរបស់ខ្លួន និងធុងរក្សាទុកសំរាមសំណល់រឹងនៅតាមចំណែកដី ឯកជននីមួយៗ និងច្រកយកសំរាមចេញ ព្រមទាំងគ្រប់គ្រងអនាម័យសមស្របតាមបទដ្ឋានបច្ចេកទេសនៅគ្រប់គម្រោងអភិវឌ្ឍដី គម្រោងសាងសង់ ឬសំណង់ទាំងអស់ផងដែរ៕

The post ក្រសួងរៀបចំដែនដី ណែនាំឲ្យម្ចាស់គម្រោងអភិវឌ្ឍដី សំណង់ និងលំនៅដ្ឋានទាំងអស់ត្រូវរៀបចំសួនច្បារជ្រាបទឹក និងដាំដើមឈើប្រណីត appeared first on .

ពេលនិយាយ​ដល់​បុរី​តាម​ផ្លូវ​ជាតិ​លេខ ១ គេ​នឹង​លើក​ពី​បុរី​ប៉េងហួត​បឹងស្នោមុន​គេ។ បុរីប៉េងហួត​បឹង​ស្នោ ជា​គម្រោង​បុរីធំជាង​គេ​នៅលើផ្លូវជាតិលេខ ១។ ​មានលំនៅដ្ឋាន​តូចធំ​រាប់ម៉ឺនល្វែងបាន​សាងសង់ និង​កំពុង​សាងសង់ពង្រីក​ឥតឈប់ឈរ លើ​ផ្ទៃដីរាប់រយហិកតា។

បុរីហាយធិចលុច្សសារី ក៏ជា​គម្រោង​បុរី​ដ៏​ធំមួយ​ដែរ​នៅលើផ្លូវជាតិលេខ១។ បុរី​ហាយធិក​លុច្សសារី​ផ្តោត​សំខាន់​លើការការ​អភិវឌ្ឍ​លំនៅដ្ឋាន​បែប​ប្រណិត​ៗសម្រាប់​អ្នកមាន​ជីវភាព​​លំដាប់។ ​បុរី​នេះ​មាន​ចម្ងាយ​ត្រឹម​តែ​ជាង ៨០០ ម៉ែត្រ​ខាង​កើត​ស្ពាន​ព្រះ​មុនីវង្ស​។

នៅលើផ្លូវជាតិ​លេខ ១ បុរីមង្គលភ្នំពេញបាន​ បានដាក់ចេញគម្រោងអភិវឌ្ឍបុរី​ពីរកន្លែង មួយ​នៅ​ជិត​ផ្សារ​ព្រែងឯង​ក្បែរ​ផ្លូវ​បត់ទៅរោងចក្រ​ Tiger និងមួយ​កន្លែង​ទៀតកំំពុង​តែ​អភិវឌ្ឍ​ចម្ងាយ​ប្រហែល​ជាង ៥ គីឡូម៉ែត្រ​ពី​គម្រោង​ទីមួយ​ក្បែរ​គម្រោង​កៀនស្វាយ​ផ្សាហ្សា។

ជា​គម្រោង​ក្រោម​ការ​វិនិយោគ​ដោយ​សហគ្រាស​កាណាឌីយ៉ា។ កៀនស្វាយ​ផ្លាហ្សា ក្រៅ​ពី​អភិវឌ្ឍ​ជា​លំនៅដ្ឋាន ក៏​មានការ​កសាង​ផ្សារ​លក់ដូរ​ដ៏ធំ​នៅ​លើ​ផ្លូវ​ជាតិ​លេខ ១ តែ​ម្តង។

ទីក្រុងរណបកោះនរា នឹង​​ក្លាយជា​ទីក្រុង​ថ្មី​មួយ​ទៀតទល់មុខ​ទីក្រុង​កោះពេជ្រ​ ផ្នែក​ជ្រោយ​ម្ចាងនៃ​ដង​ទន្លេលើ​ផ្លូវជាតិ​លេខ ១។ ទីក្រុង​រណប​ថ្មី​នេះ គ្រោង​ចាយ​ទុន​ជាង ២៥០០ លាន​ដុល្លារ គ្រោង​អភិវឌ្ឍ​មាន​​អគារពាណិជ្ជកម្ម អគារស្នាក់ ខុនដូ ផ្សារទំនើប សណ្ឋាគារលើ​ផ្ទៃដីជាង ១២៥ ហិកតា។

គម្រោងលំនៅដ្ឋាន The Palms ជា​គម្រោង​បែបរីសត ដ៏ប្រណីតដំបូងបង្អស់ក្នុង​ប្រទេស​កម្ពុជា។ គម្រោងThe Palm ជាប្រភេទលំនៅដ្ឋានបែបផ្ទះវីឡា​តាម​ជួរ​មាត់ទន្លេ ប្រៀប​បាន​រីសតផ្កាយ5។

The Palms ត្រូវបានអភិវឌ្ឍដោយក្រុមហ៊ុន Oxley-Worldbridge​ ដែលទទួលបាន​ជោគជ័យ​លើ​ការអភិវឌ្ឍ​គម្រោង​ធំៗ​ដូចជា The Bridge និង The Peak ជាដើម។ គម្រោងទាំងមូលមានសាងសង់វីឡា និងវីឡាប្រណីតជាង ២០០ ខ្នង ជាមួយការរៀបចំដ៏ល្អឥតខ្ចោះសម្រាប់ការរស់នៅ។

The post ជិះតាម​ផ្លូវជាតិ​លេខ ១ ចង់​វង្វេង ​ចម្ងាយ​មិនដល់​ ២០ គីឡូម៉ែត្រផង​ សុទ្ទ​តែ​បុរី​ធំៗ​សង់ប្រដេញគ្នា​ស្អេកស្កះ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បច្ចុប្បន្ន បុរី​ សម្បតិ្ត មានហេង ៣ កំពុងដំណើរការសាងសង់គម្រោងពីរក្នុងទីតាំងផ្សេងគ្នា គម្រោងទី១ មានសំណង់ផ្ទះចំនួន២៤៨ផ្ទះ និង​គម្រោងទី២ “ភូមិប្រណិតព្រែកឯង” ដែលលាតសន្ធឹងលើផ្ទៃដីជិត ៥​ហិចតា ជាមួយសំណង់ផ្ទះចំនួនប្រហែល២០០ខ្នងផ្ទះ។

បុរីមួយនេះទើបតែហក់មកប្រឡូកក្នុងវិស័យសាងសង់ និងលំនៅដ្ឋានត្រឹមរយៈពេលខ្លីក៏ពិតមែន ប៉ុន្តែឃើញទទួលបាននូវភាពជោកជ័យដ៏អស្ចារ្យក្នុងចំណោមក្រុមហ៊ុនអភិវឌ្ឍន៍លំនៅដ្ឋាននៅកម្ពុជា។ បើនិយាយពីម្ចាស់បុរីហាក់មិនសូវមានអ្នកស្គាល់ ជាអ្នកជំនួញប្រកបដោយចំណេះដឹងបទពិសោធន៍មួយក្នុងការអភិវឌ្ឍន៍វិស័យសាងសង់ និងជាថ្នាក់ដឹកនាំដែលមានចក្ខុវិស័យច្បាស់លាស់ គឺលោកជំទាវ សែម សម្ផស្ស អគ្គនាយិកាក្រុមហ៊ុន បុរី សម្បត្តិមានហេង ៣ និងជាសមាជិកានៃសមាគមអ្នកអភិវឌ្ឍន៍លំនៅដ្ឋានកម្ពុជា។

លោកជំទាវគឺជាអ្នកជំនួញស្រ្តីមួយរូបក្នុងពិភពជំនួញនៅកម្ពុជា និងជាសហគ្រិនស្រ្តីជោគជ័យក្នុងវិស័យអចលនទ្រព្យ និងជា​​ថ្នាក់ដឹកនាំ​ម្នាក់​ដែល​មាន​​ជំនាញ​គ្រប់គ្រង​មនុស្ស​ ធ្វើ​ឲ្យ​បុគ្គលិក​គោរព​ស្រលាញ់​​ជា​ខ្លាំង ។ ជាមួយគ្នានោះ​ដែរ លោកជំទាវក៏​ធ្លាប់​បាន​ជួយ​ដល់​សង្គម​ទាំងថវិកា និងគ្រឿងឧបភោគបរិភោគជា​ច្រើន​កន្លង​មក​ក្នុងគ្រាលដែលកម្ពុជាជួបគ្រោះមហន្តរាយផ្សេងៗ​។

លោកជំទាវ សែម សម្ផស្ស មានស្វាមីជាមន្ត្រីជាន់ខ្ពស់រាជរដ្ឋាភិបាល គឺឯកឧត្តម នាយឧត្តមសេនីយ៍ ឈន សារ៉ាណេ អគ្គនាយករងនៃអគ្គនាយកដ្ឋានភស្តុភារនិងហិរញវត្ថុក្រសួងមហាផ្ទៃ។

ខាងក្រោមជាគម្រោងទាំងពីររបស់បុរី​ សម្បតិ្ត មានហេង ៣ កំពុងដំណើរការសាងសង់៖

ម្រោងទី១ មានចំងាយប្រហែល១,000ម ពីវិទ្យាល័យច្បារអំពៅ ស្ថិតនៅ ភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញ ដែលមានសំណង់ផ្ទះចំនួន២៤៨ផ្ទះ ជាប្រភេទលំនៅដ្ឋានដែលសាកសមសម្រាប់មនុស្សបែបសម័យថ្មី។​

គម្រោងទី២ “ភូមិប្រណិតព្រែកឯង” ទីតាំងស្ថិតនៅភូមិមិត្តភាព-ទួលតាចាន់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ​ ដែលលាតសន្ធឹងលើផ្ទៃដីជិត ៥​ហិចតា ជាមួយសំណង់ផ្ទះចំនួនប្រហែល២០០ ផ្ទះ រួមមានប្រភេទផ្ទះ វីឡាភ្លោះ វីឡាកូនកាត់ ដែលមាន៥បន្ទប់គេង ៦បន្ទប់ទឹក កំពស់៣ជាន់ និងផ្ទះល្វែងមានចំនួន៤ បន្ទប់គេង ៥បន្ទប់ទឹកកម្ពស់២ជាន់។

បុរី សម្បតិ្ត មានហេង ៣ ផ្តល់ជូនលោកអ្នកទីកន្លែងដ៏ស្អាតប្រណិតសម្រាប់ចាប់ផ្តើមគ្រួសារដ៏កក់ក្តៅរបស់អ្នក រួមជាមួយសន្តិសុខ សុវត្ថិភាពល្អ ការតុបតែងបែបទំនើបទាន់សម័យ​ និង​ខ្យល់បរិសុទ្ធ។ លោកអ្នកអាចទិញផ្ទះបានជាមួយជម្រើសបង់ប្រាក់សំបូរបែបដូចជា៖ បងរំលស់ដោយឥតការប្រាក់ ការបង់ផ្តាច់ នឹងបង់រំលស់តាមរយៈធនាគារ ព្រមទាំងមានការបញ្ចុះតម្លៃពិសេសរហូតដល់១០%ផងដែរ៕

The post មកស្គាល់អ្នកជំនួញស្រ្តីជោគជ័យម្ចាស់បុរី សម្បត្តិ មានហេង៣ ដែលវិនិយោគលើសំណង់រាប់រយខ្នងផ្ទះ appeared first on .