ក្នុងព្រះរាជសារផ្ញើជូនជនរួមជាតិ បានបញ្ជាក់ថា ការបោះឆ្នោតថ្ងៃទី២៣ ខែកក្កដា គឺជាការបោះឆ្នោតជាទូទៅជាសកល ដោយសេរីត្រឹមត្រូវ យុត្តិធម៌ ស្មើភាព និងដោយសម្ងាត់ ស្របតាមគោលការណ៍លទ្ធិប្រជាធិបតេយ្យ សេរី ពហុបក្ស។

ជាមួយគ្នានោះ ក្នុងព្រះរាជសារផ្ញើជូនជនរួមជាតិ ព្រះករុណាជាអម្ចាស់ជីវិតតម្កល់លើត្បូង មានរាជបន្ទូលអំពាវនាវសូមកុំមានការព្រួយបារម្ភពីការគាបសង្កត់ ការគំរាមកំហែង ឬសម្លុតពីជនណាម្នាក់ ឬគណបក្សណាមួយឱ្យសោះ។ សូមជនរួមជាតិទាំងអស់ មេត្តាប្រើសិទ្ធិសេរីភាពបោះឆ្នោតទៅតាមសតិសម្បជញ្ញៈ របស់ខ្លួនម្នាក់ៗ ដែលមានទំនុកចិត្តទៅលើបេក្ខជនណាម្នាក់ គណបក្សនយោបាយណាមួយដោយសេរី។

គណៈកម្មាធិការ​ជាតិ​រៀបចំ​ការបោះឆ្នោត (គ.ជ.ប) កំណត់​យក​ថ្ងៃអាទិត្យ ទី​២៣ ខែ​កក្កដា ឆ្នាំ​២០២៣ ខាងមុខ សំរាប់​ការ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី​៧។ សេចក្តី​ប្រកាស​ព័ត៌មាន​របស់​ គ.ជ.ប កាលពេលកន្លងទៅបានឲ្យ​ដឹង​ថា ការកំណត់​យក​ថ្ងៃអាទិត្យ ទី២៣ ខែកក្កដានេះ គឺ​អនុលោម​តាមច្បាប់​ស្ដីពី​ការបោះឆ្នោត​ជ្រើសតាំង​តំណាងរាស្ត្រ និង​សេចក្ដី​សម្រេច​លេខ ៤៦ ចុះ​ថ្ងៃទី​២៩ ខែមិថុនា របស់​រដ្ឋាភិបាល​កម្ពុជា៕

The post ព្រះមហាក្សត្រ អំពាវនាវឲ្យពលរដ្ឋប្រើសិទ្ធិសេរីភាពបោះឆ្នោតជ្រើសរើសតំណាងរាស្រ្តអាណត្តិទី៧ ទៅតាមសតិសម្បជញ្ញៈរបស់ខ្លួន appeared first on .

The post រាជរដ្ឋាភិបាលកំណត់យកថ្ងៃ២៣ កក្កដា ឆ្នាំ២០២៣ ​ជាថ្ងៃ​​បោះ​​ឆ្នោតជ្រើសតាំងតំណាងរាស្ត្រ នីតិកាលទី៧ appeared first on .