សម្តេចតេជោ ហ៊ុន សែន ប្រកាសត្រៀមនឹងបង្កើតប៉ូលសេដ្ឋកិច្ចទី៥ ផ្តោតលើកសិ-ឧស្សាហកម្ម

ឧកញ៉ាកោះក្របី — Fri, 24 Mar 2023 10:00:33 +0000

នៅក្នុងពិធីបិទសន្និបាតបូកសរុបការងារកសិកម្ម រុក្ខាប្រមាញ់ និងនេសាទ ឆ្នាំ២០២២ និងលើកទិសដៅឆ្នាំ២០២៣ នារសៀលថ្ងៃទី២៤ ខែមីនានេះ ប្រមុខរាជរដ្ឋាភិបាល សម្តេចតេជោ ហ៊ុន សែន បានប្រកាសថា កម្ពុជានឹងអាចបង្កើតប៉ូលសេដ្ឋកិច្ចទី៥ នៅខេត្តភូមិភាគឦសាន លើផ្នែកកសិ-ឧស្សាហកម្មជាស្នូល រួមមាន ខេត្តក្រចេះ ស្ទឹងត្រែង មណ្ឌលគិរី រតនគិរី ដែលជាខេត្តមានសក្ដានុពល។

សម្ដេចតេជោនាយករដ្ឋមន្រ្តីបានថ្លែងថា៖ យើងត្រូវវិធីធ្វើយ៉ាងណារុញច្រកសេដ្ឋកិច្ចឲ្យខាងតែបាន ព្រោះថាកម្ពុជាមាន«ភូមិមួយផលិតមួយ»។

ការប្រកាសអំពីការបង្កើតប៉ូលសេដ្ឋកិច្ចទី៥ ធ្វើឡើងក្រោយពេលដែលសម្ដេចតេជោ ហ៊ុន សែន កាលថ្មីៗនេះបានប្រកាសដាក់ខេត្តចំនួន៤ រួមមាន ខេត្តពោធិ៍សាត់ បាត់ដំបង បន្ទាយមានជ័យ និងប៉ៃលិន ជាប៉ូលសេដ្ឋកិច្ចទី៤។

សូមជម្រាបជូនថា បច្ចុប្បន្នកម្ពុជាមានប៉ូលសេដ្ឋកិច្ចសំខាន់ៗចំនួន៣រួចមកហើយ គឺនៅទីក្រុងភ្នំពេញ ក្រុងព្រះសីហនុ និងខេត្តសៀមរាប ខណ:តំបន់ប៉ូលសេដ្ឋកិច្ចទាំង៣នេះ កំពុងតែមានការអភិវឌ្ឍយ៉ាងពុះកញ្ជ្រោល ជាពិសេស ការវិនិយោគនៅក្នុងវិស័យសំណង់និងអចលនទ្រព្យ៕

The post សម្តេចតេជោ ហ៊ុន សែន ប្រកាសត្រៀមនឹងបង្កើតប៉ូលសេដ្ឋកិច្ចទី៥ ផ្តោតលើកសិ-ឧស្សាហកម្ម appeared first on .

ចិនស្នើសុំបង្កើតចំណងមេត្រីភាពរវាងខេត្តប៉ូលសេដ្ឋកិច្ចរបស់ខ្លួនជាមួយនឹងខេត្តកំពុងមានសក្តានុពលខ្លាំងចំនួន ៣ របស់កម្ពុជា

ឧកញ៉ាកោះក្របី — Mon, 05 Jul 2021 07:10:38 +0000

ខេត្តហ៊ូប៉េ របស់ប្រទេសចិន ស្នើសុំបង្កើតចំណងមេត្រីភាព Sister City ជាមួយខេត្តសេដ្ឋកិច្ចសំខាន់ៗចំនួន ៣របស់កម្ពុជា គឹខេត្តសៀមរាប ខេត្តកំពត និងក្រុងព្រះសីហុន។ នេះបើយោងតាមលិខិតរបស់ក្រសួងការបរទេស និងសហប្រតិបត្តិការអន្តរជាតិ ផ្ញើជូនសម្តេចក្រឡាហោម ស ខេង ឧបនាយករដ្ឋមន្រ្តី និងរដ្ឋមន្រ្តីក្រសួងមហាផ្ទៃ កាលពីថ្ងៃទី២ ខែកក្កដានេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លិខិតខាងលើបានបញ្ជាក់ថា គោលបំណងនៃចំណងមេត្រីភាពនេះ គឺដើម្បីបង្កើតភាពស្និតស្នាល និងបង្កើនកិច្ចសហប្រតិបត្តិការក្នុងការអភិវឌ្ឍលើគ្រប់វិស័យ ជាប្រយោជន៍ដល់ប្រជាជននៃប្រទេសទាំងពីរ។

សូមជម្រាបជូនថា ខេត្តហ៊ូប៉េ ជាមជ្ឈមណ្ឌលភូមិសាស្រ្តសេដ្ឋកិច្ច និងដឹកជញ្ជូនរបស់ចិន និងជាខេត្តដែលស្ថិតក្នុងផែនការអភិវឌ្ឍន៍ខ្សែក្រវ៉ាត់និងផ្លូវផងដែរ លើសពីនេះទៅទៀត ក្រុមហ៊ុនធំៗនៅខេត្តនេះបានមកធ្វើការវិនិយោគនៅកម្ពុជាលើវិស័យហេដ្ឋារចនាសម្ព័ន្ធ និងធនធានថាមពលជាដើម៕

The post ចិនស្នើសុំបង្កើតចំណងមេត្រីភាពរវាងខេត្តប៉ូលសេដ្ឋកិច្ចរបស់ខ្លួនជាមួយនឹងខេត្តកំពុងមានសក្តានុពលខ្លាំងចំនួន ៣ របស់កម្ពុជា appeared first on .